ᱦᱳ ᱯᱟᱹᱨᱥᱤ
| ᱦᱳ ᱯᱟᱹᱨᱥᱤ | |
|---|---|
| 𑢹𑣉𑣉 𑣎𑣋𑣜, हो जगर, Ho jagar | |
 ᱣᱟᱨᱟᱝ ᱪᱤᱛᱤ | |
| ᱨᱟᱹᱲ | /hoː ʤɐgɐr/ |
| ᱡᱟᱱᱟᱢ ᱴᱷᱟᱶ | ᱥᱤᱧᱚᱛ |
| ᱡᱟᱹᱛ | ᱦᱳ ᱡᱟᱹᱛᱤ |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ | ᱑,᱔᱒᱑,᱔᱑᱘[᱑] |
ᱚᱥᱴᱨᱳᱼᱮᱥᱤᱭᱟᱴᱤᱠ
| |
ᱚᱞ ᱛᱚᱦᱚᱨ | ᱣᱟᱨᱟᱝ ᱪᱤᱛᱤ, ᱚᱰᱤᱭᱟ, ᱫᱮᱵᱽᱱᱟᱜᱟᱨᱤ, ᱵᱟᱝᱞᱟ, ᱛᱮᱞᱮᱜᱩ ᱞᱤᱯᱤ[᱒] |
| ᱥᱚᱨᱠᱟᱨᱤ ᱢᱟᱱᱚᱛ | |
ᱟᱹᱢᱟᱹᱞᱮᱛ ᱯᱟᱹᱨᱥᱤ ᱴᱚᱴᱷᱟ |  ᱥᱤᱧᱚᱛ ᱡᱷᱟᱨᱠᱷᱚᱸᱰ |
| ᱯᱟᱹᱨᱥᱤ ᱠᱳᱰ | |
| ISO 639-3 | hoc |
| ᱜᱞᱳᱴᱳᱞᱳᱜᱽ | hooo1248[᱓] |
ᱦᱳ ᱯᱟᱹᱨᱥᱤ ᱫᱚ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱩᱱᱰᱟᱹ ᱦᱩᱰᱤᱧ ᱯᱟᱹᱨᱥᱤ ᱪᱟᱸᱜᱟ ᱨᱮᱭᱟᱜ ᱢᱤᱫᱴᱟᱹᱝ ᱯᱟᱹᱨᱥᱤ ᱠᱟᱱᱟ ᱾ ᱱᱤᱭᱟᱹ ᱯᱟᱹᱨᱥᱤ ᱫᱚ ᱞᱟ.ᱭ ᱜᱟᱱᱚᱜ-ᱟ ᱑ᱹ᱐᱔ ᱢᱚᱲᱚᱭ (ᱢᱤᱞᱤᱭᱚᱱ) ᱦᱚᱲ ᱠᱚ ᱨᱚᱲ ᱮᱫᱟ ᱾ ᱦᱳ ᱫᱚ ᱢᱤᱫᱴᱟᱹᱝ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱟᱱᱟ ᱾ ᱱᱤᱭᱟᱹ ᱯᱟᱹᱨᱥᱤ ᱫᱚ ᱦᱳ, ᱢᱩᱱᱰᱟᱹ, ᱠᱚᱞᱦᱟ, ᱟᱨ ᱠᱚᱞ ᱡᱟᱹᱛᱤ ᱨᱤᱱ ᱦᱚᱲ ᱦᱚᱸ ᱠᱚ ᱞᱟᱲᱪᱟᱲᱮᱫ ᱜᱮᱭᱟ ᱾ ᱤᱱᱟᱹ ᱵᱮᱜᱚᱨ ᱦᱚ ᱟᱥᱟᱢ, ᱯᱚᱪᱷᱤᱢ ᱵᱟᱸᱜᱽᱞᱟ, ᱡᱷᱟᱨᱠᱷᱚᱸᱰ, ᱳᱰᱤᱥᱟ, ᱪᱷᱚᱛᱛᱤᱥᱜᱚᱲ ᱮᱢᱟᱱ ᱠᱚᱨᱮᱱ ᱦᱚᱲ ᱦᱚ ᱠᱚ ᱞᱟᱲᱪᱟᱲᱮᱫ ᱠᱟᱱ ᱜᱮᱭᱟ ᱾ ᱱᱤᱭᱟᱹ ᱯᱟᱹᱨᱥᱤ ᱫᱚ ᱣᱟᱨᱟᱝ ᱪᱤᱛᱤ ᱧᱩᱛᱩᱢᱟᱱ ᱪᱤᱠᱤ ᱛᱮ ᱠᱚ ᱚᱞ ᱮᱫᱟ, ᱚᱠᱟ ᱫᱚ ᱚᱛ ᱜᱩᱨᱩ ᱞᱟᱠᱚ ᱵᱚᱫᱽᱨᱟᱭ ᱛᱮᱭᱟᱨ ᱞᱮᱫ ᱾ ᱱᱤᱭᱟᱹ ᱵᱮᱜᱚᱨ ᱫᱮᱵᱽᱱᱟᱜᱟᱨᱤ, ᱞᱮᱴᱤᱱ, ᱚᱰᱤᱭᱟ, ᱛᱮᱞᱮᱜᱩ ᱟᱨ ᱵᱟᱝᱞᱟ ᱪᱤᱠᱤ ᱛᱮ ᱦᱚᱸ ᱠᱚ ᱚᱞ ᱜᱮᱭᱟ ᱾
ᱚᱛᱱᱚᱜ ᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱝᱜᱮ ᱩᱛᱟᱹᱨ ᱦᱳ ᱯᱟᱹᱨᱥᱤ ᱫᱚ ᱮᱛᱚᱢ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱥᱤᱝᱵᱷᱩᱢ, ᱡᱟᱢᱥᱮᱫᱽᱯᱩᱨ, ᱥᱟᱢᱟᱝ ᱥᱤᱝᱵᱷᱩᱢ ᱟᱨ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ, ᱠᱮᱱᱫᱚᱡᱷᱚᱲ, ᱵᱟᱞᱮᱥᱚᱨ, ᱡᱚᱡᱽᱯᱩᱨ, ᱥᱩᱱᱫᱚᱨᱜᱚᱲ, ᱰᱷᱮᱝᱠᱮᱱᱟᱞ,ᱥᱚᱢᱵᱚᱞᱯᱩᱨ, ᱠᱚᱴᱚᱠ, ᱟᱝᱜᱩᱞ, ᱫᱮᱵᱚᱜᱚᱲᱚ, ᱡᱷᱟᱨᱥᱩᱜᱚᱲᱟ ᱮᱢᱟᱱ ᱴᱚᱴᱷᱟ ᱠᱚᱨᱮ ᱠᱚ ᱞᱟᱲᱪᱟᱲ ᱮᱫᱟ ᱾ ᱦᱳ ᱯᱟᱹᱨᱥᱤ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱭᱟᱜ ᱪᱟᱝᱜᱷᱟ ᱢᱩᱱᱰᱟᱹᱨᱤ ᱯᱟᱹᱨᱥᱤ ᱥᱟᱶ ᱟᱹᱰᱤ ᱢᱤᱞᱟᱹᱣ ᱜᱮᱭᱟ ᱾ ᱦᱳ ᱟᱨ ᱢᱩᱱᱰᱟᱹᱨᱤ ᱯᱟᱹᱨᱥᱤ ᱫᱚ ᱡᱟᱹᱛᱤ ᱞᱮᱠᱟ ᱛᱮ ᱟᱨ ᱯᱟᱹᱨᱥᱤ ᱞᱮᱠᱟ ᱛᱮ ᱟᱹᱰᱤ ᱢᱤᱫ ᱜᱮᱭᱟ ᱢᱮᱱᱠᱷᱟᱱ ᱩᱱᱩᱯᱨᱩᱢ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱜᱮ ᱛᱟᱠᱚᱣᱟ ᱾ ᱦᱳ ᱟᱨ ᱢᱩᱱᱰᱟᱹᱨᱤ ᱯᱟᱹᱨᱥᱤ ᱫᱚ ᱵᱟᱨᱭᱟ ᱡᱟᱣᱟ ᱠᱩᱲᱤ ᱯᱟᱹᱨᱥᱤ ᱠᱟᱱᱟ ᱾[᱔]
ᱯᱨᱚᱥᱛᱟᱵ ᱨᱮᱱᱟᱜ ᱛᱷᱚᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱜᱟᱵᱟᱱ ᱫᱚ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱚᱣᱟᱜ ᱦᱳ ᱥᱟᱶᱦᱮᱫ ᱟᱨ ᱯᱟᱹᱴᱷᱩᱣᱟᱹ ᱟᱨ ᱡᱤᱵᱽ ᱡᱟᱱᱣᱟᱨ ᱥᱟᱶ ᱡᱤᱣᱤ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾[᱕][᱖]
ᱨᱳᱢᱟᱱ, ᱫᱮᱵᱽᱱᱟᱜᱽᱨᱤ ᱟᱨ ᱣᱟᱨᱟᱝ ᱪᱤᱛᱤ ᱪᱤᱠᱤ ᱫᱚ ᱥᱮᱪᱮᱫ ᱨᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱑᱙᱕᱓ ᱥᱮᱨᱢᱟ ᱨᱮ, ᱵᱤᱦᱟᱨ ᱥᱚᱨᱠᱟᱨ ᱨᱮᱭᱟᱜ ᱥᱮᱪᱮᱫ ᱰᱤᱯᱟᱨᱴᱢᱮᱱᱴ ᱫᱚ ᱟᱥᱲᱟ ᱨᱮᱭᱟᱜ ᱥᱟᱱᱟᱢ ᱰᱤᱵᱷᱤᱡᱚᱱᱟᱞ ᱤᱱᱥᱯᱮᱠᱴᱚᱨ ᱠᱚ ᱞᱟᱹᱜᱤᱫ ᱤᱱᱥᱴᱨᱠᱥᱚᱱ ᱮ ᱮᱢ ᱞᱮᱫᱟ।[᱗] ᱥᱚᱨᱠᱟᱨᱟᱜ ᱢᱮᱱ ᱫᱚ ᱛᱟᱦᱮᱸ ᱠᱟᱱᱟ ᱡᱮ, 'ᱡᱟᱦᱟᱸᱭ ᱠᱚᱣᱟᱜ ᱟᱭᱚ ᱟᱲᱟᱝ ᱫᱚ ᱦᱤᱱᱫᱤ ᱠᱷᱚᱱ ᱮᱴᱟᱜ, ᱩᱱᱠᱩ ᱟᱭᱚ ᱟᱲᱟᱝ ᱨᱮ ᱨᱤᱠᱚᱨᱰ ᱫᱚᱦᱚ ᱨᱮᱭᱟᱜ ᱚᱯᱥᱚᱱ ᱮᱢ ᱦᱩᱭᱩᱜ ᱢᱟ ᱾ ᱡᱚᱛᱚ ᱡᱩᱱᱤᱭᱚᱨ ᱴᱨᱮᱱᱤᱝ ᱟᱥᱲᱟ ᱨᱮ ᱦᱤᱱᱫᱤ ᱵᱮᱜᱚᱨ ᱟᱨᱦᱚᱸ ᱑᱐ ᱚᱜᱚᱥᱴ ᱑᱙᱕᱓ ᱥᱟᱞ ᱨᱮᱭᱟᱜ ᱥᱚᱨᱠᱟᱨᱤ ᱟᱹᱱᱟᱹᱨᱤ ᱖᱔᱕ ᱨᱮ ᱚᱞ ᱟᱠᱟᱱ ᱢᱤᱫᱴᱮᱱ ᱫᱚᱥᱟᱨ ᱢᱟᱲᱟᱝ ᱯᱟᱹᱨᱥᱤ ᱦᱚᱸ ᱯᱟᱲᱦᱟᱣ ᱦᱩᱭᱩᱜ ᱢᱟ ᱾ ᱯᱨᱟᱭᱢᱟᱨᱤ ᱛᱷᱚᱠ ᱨᱮ ᱟᱠᱚᱣᱟᱜ ᱟᱭᱳ ᱯᱟᱹᱨᱥᱤ ᱛᱮ ᱥᱮᱪᱮᱫ ᱮᱢ ᱨᱮᱭᱟᱜ ᱯᱨᱚᱡᱮᱠᱴ ᱛᱟᱦᱮᱸ ᱠᱟᱱᱟ ᱾
᱑᱙᱗᱖ ᱥᱮᱨᱢᱟ ᱠᱷᱚᱱ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱵᱤᱨᱫᱟᱹᱜᱟᱲ ᱠᱚᱨᱮ ᱦᱳ ᱯᱟᱹᱨᱥᱤ ᱤᱱᱴᱟᱨᱢᱤᱰᱤᱭᱟᱴ ᱟᱨ ᱜᱨᱮᱡᱩᱮᱴ ᱠᱳᱨᱥ ᱨᱮ ᱥᱮᱪᱮᱫᱚᱜ ᱠᱟᱱᱟ ᱾ ᱑᱙᱘᱑ ᱥᱮᱨᱢᱟ ᱨᱮ ᱱᱚᱶᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱹᱫᱤᱵᱟᱹᱥᱤ ᱟᱨ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱨᱮᱱᱟᱜ ᱢᱤᱫᱴᱟᱹᱝ ᱵᱤᱨᱫᱟᱹᱜᱟᱲ ᱮᱦᱚᱵ ᱞᱮᱱᱟ᱾[᱘]
ᱵᱤᱦᱟᱨ ᱨᱮ ᱤᱱᱯᱷᱚᱨᱢᱮᱥᱚᱱ ᱟᱨ ᱢᱟᱥ ᱠᱚᱢᱭᱩᱱᱤᱠᱮᱥᱚᱱ ᱰᱤᱯᱟᱨᱴᱢᱮᱱᱴ ᱫᱚ ᱫᱮᱵᱽᱱᱟᱜᱽᱨᱤ ᱪᱤᱠᱤ ᱛᱮ ᱦᱳ ᱚᱱᱚᱞ, ᱦᱚᱲ ᱠᱟᱛᱷᱟ, ᱥᱮᱨᱮᱧ ᱮᱢᱟᱱ ᱠᱚ ᱟ.ᱫᱤᱵᱟ.ᱥᱤ ᱥᱟᱯᱛᱷᱟᱭᱠ ᱧᱩᱛᱩᱢ ᱛᱮ ᱵᱤᱦᱟᱨ ᱨᱮ ᱯᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾ ᱟᱹᱫᱤᱵᱟᱹᱥᱤ ᱥᱟᱬᱮᱥ ᱤᱱᱥᱴᱤᱴᱭᱩᱴ ᱦᱳ ᱯᱟᱹᱨᱥᱤ ᱨᱮᱱᱟᱜ ᱢᱤᱫ ᱥᱟᱬᱮᱥ ᱮ ᱪᱟᱞ ᱟᱠᱟᱜᱼᱟ ᱾
ᱦᱳ ᱯᱟᱹᱨᱥᱤ ᱨᱮ ᱠᱟᱹᱢᱤ ᱨᱮᱱᱟᱜ ᱥᱩᱵᱤᱫᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱠᱚᱞᱦᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱪᱟᱭᱵᱟᱥᱟ ᱦᱚᱛᱮᱛᱮ ᱮᱢ ᱟᱠᱟᱱ ᱦᱳ ᱯᱟᱹᱨᱥᱤ ᱛᱮ ᱥᱮᱞᱮᱫᱚᱜ ᱠᱟᱱ ᱛᱤᱨᱞᱟᱹ ᱠᱚᱫᱚ ᱨᱟᱺᱪᱤ ᱨᱮᱱᱟᱜ ᱟᱨᱠᱤᱭᱚᱞᱚᱡᱤᱠᱟᱞ ᱥᱮᱱᱴᱟᱨ ᱨᱮ ᱠᱟᱹᱢᱤ ᱟᱨ ᱛᱚᱨᱡᱚᱢᱟ ᱞᱮᱠᱟᱛᱮ ᱠᱟᱹᱢᱤ ᱠᱚ ᱧᱟᱢ ᱮᱫᱟ ᱾[᱙] ᱠᱞᱟᱥ ᱑᱒ ᱯᱟᱥ ᱠᱮᱫ ᱛᱟᱭᱚᱢ, ᱥᱮᱪᱮᱫᱤᱭᱟᱹ ᱠᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱦᱳ ᱯᱟᱹᱨᱥᱤ ᱨᱮ ᱭᱩᱡᱤ ᱠᱳᱨᱥ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱝᱠᱟ ᱜᱮ, ᱳᱰᱤᱥᱟ ᱥᱚᱨᱠᱟᱨ ᱦᱳ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱟᱥᱲᱟ ᱠᱚ ᱦᱳ ᱯᱟᱹᱨᱥᱤ ᱛᱮ ᱥᱮᱪᱮᱫ ᱮ ᱮᱢ ᱟᱠᱟᱫᱟ, ᱡᱟᱦᱟᱸ ᱫᱚ ᱢᱟᱞᱴᱤᱼᱞᱤᱝᱜᱩᱣᱟᱞ ᱮᱡᱩᱠᱮᱥᱚᱱ ᱥᱤᱥᱴᱮᱢ (Multi-lingual education system) ᱠᱚ ᱢᱮᱛᱟᱜ ᱠᱟᱱᱟ ᱾ ᱟᱨ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱛᱤᱨᱞᱟᱹ ᱠᱚ ᱦᱳ ᱯᱟᱹᱨᱥᱤ ᱛᱮ ᱢᱟᱪᱮᱛ ᱞᱮᱠᱟᱛᱮ ᱠᱟᱹᱢᱤ ᱧᱟᱢ ᱮᱫᱟ ᱟᱨ ᱳᱰᱤᱥᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱥᱮᱪᱮᱫ ᱞᱟᱹᱜᱤᱫ ᱛᱮ ᱱᱟᱯᱟᱭ ᱥᱚᱞᱮᱡᱽ ᱠᱚ ᱧᱟᱢ ᱮᱫᱟ ᱾[᱑᱐]
ᱦᱳ ᱯᱟᱹᱨᱥᱤ ᱞᱟᱹᱜᱤᱫ ᱤᱱᱥᱴᱤᱴᱭᱩᱴ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱨᱟᱱᱪᱤ, ᱡᱷᱟᱨᱠᱷᱚᱸᱰ[᱑᱑]
ᱠᱚᱞᱦᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱪᱟᱭᱵᱟᱥᱟ, ᱡᱷᱟᱨᱠᱷᱚᱸᱰ
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Statement 1: Abstract of speakers' strength of languages and mother tongues – 2011". www.censusindia.gov.in. Office of the Registrar General & Census Commissioner, India. Retrieved 7 July 2018.
- ↑ http://scriptsource.org/cms/scripts/page.php?item_id=language_detail&key=hoc Scripts of Ho
- ↑ Hammarström, Harald; Forkel, Robert; Haspelmath, Martin, eds. (2017). "ᱦᱳ". Glottolog 3.0. Jena, Germany: Max Planck Institute for the Science of Human History.
{{cite book}}: Unknown parameter|chapterurl=ignored (help) - ↑ {{cite book|last1=Anderson|first1=edited by Gregory S.|title=The Munda languages|date=2008|publisher=Routledge|location=London|isbn=978-0-415-32890-6|edition
- ↑ Purty, Dhanursingh, "Ho-Dishum Ho Honko" seven volumes.(1982) Xavier Ho Publications
- ↑ https://langhotspots.swarthmore.edu/Ho/
- ↑ Department of Education, Government of Bihar,1953
- ↑ University Department Of Tribal And Regional Language, Ranchi University, Jharkhand
- ↑ https://timesofindia.indiatimes.com/education/news/courses-in-tribal-and-regional-language-most-sought-at-ranchi-university/articleshow/69961457.cms
- ↑ https://www.orissapost.com/pradhan-for-inclusion-of-ho-in-8th-schedule/
- ↑ https://www.indiatoday.in/india/north/story/ranchi-universitys-trl-to-have-nine-departments-for-tribal-languages-213497-2013-10-06