ᱯᱞᱟᱴᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱯᱞᱟᱴᱚ

ᱯᱞᱟᱴᱚ (᱔᱒᱘/᱔᱒᱗ ᱵᱤᱥᱤ - ᱓᱔᱘/᱓᱕᱗ ᱵᱤᱥᱤ ), ᱟᱨᱵᱟᱝ ᱟᱯᱷᱞᱟᱛᱩᱱ, ᱭᱩᱱᱟᱱ ᱨᱤᱱᱤᱡ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱥᱟᱱᱟᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ Socrates ᱤᱡ ᱪᱮᱛᱮᱫᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱟᱨ ᱟᱨᱤᱥᱴᱚᱴᱚᱞ ᱤᱡ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾ ᱱᱩᱠᱩ ᱯᱮᱭᱟ ᱥᱟᱱᱟᱥᱤᱭᱟ. ᱠᱚᱣᱟᱜ ᱜᱟᱶᱛᱟ ᱜᱮ ᱯᱟᱪᱷᱮ ᱥᱟᱸᱥᱠᱨᱩᱛᱤ ᱭᱟᱜ ᱥᱟᱱᱟᱥᱤᱭᱟ. ᱛᱚᱦᱚᱨ ᱠᱚ ᱵᱮᱱᱟᱣ ᱠᱮᱜᱼᱟ ᱾ ᱭᱩᱨᱳᱯ ᱨᱮᱭᱟᱜ ᱥᱟᱰᱮ ᱦᱟ.ᱱᱟ.ᱴᱤᱧ ᱨᱮᱫᱚ ᱟᱡ ᱜᱮ ᱥᱟᱨᱦᱟᱱᱟ ᱫᱚᱭ ᱦᱟᱛᱟᱣ ᱟᱠᱟᱜᱼᱟ ᱾


ᱡᱟᱱᱟᱢ ᱺ- ᱔᱒᱘/᱔᱒᱗ ᱵᱤᱥᱤ ᱟᱨᱵᱟᱝ ᱔᱒᱔/᱔᱒᱓ ᱵᱤᱥᱤ .

ᱜᱩᱨ ᱺ- ᱓᱔᱘/᱓᱔᱗ ᱵᱤᱥᱤ (ᱵᱚᱭᱚᱥ ᱘᱐) ᱮᱛᱷᱮᱱᱥ

ᱡᱟ.ᱛᱤ ᱺ- ᱭᱩᱱᱟᱱᱤ

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱞᱟᱴᱚ ᱣᱟᱜ ᱡᱟᱱᱟᱢ ᱫᱚ ᱮᱛᱷᱮᱱᱥ ᱥᱩᱨ ᱨᱮᱭᱟᱜ ᱤᱡᱤᱱᱟ ᱧᱩᱛᱩᱢᱟᱱ ᱢᱤᱫ ᱰᱷᱤᱯ ᱨᱮ ᱦᱩᱭ ᱞᱮᱱᱟ ᱾ ᱟᱡ ᱨᱤᱱ ᱜᱷᱟᱨᱚᱸᱡᱤᱭᱟ. ᱫᱚ ᱢᱤᱫ ᱢᱟ.ᱱ ᱢᱟᱱᱚᱛ ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱤᱡ ᱡᱟᱱᱟᱢ ᱵᱟᱵᱟ ᱫᱚ ᱟᱨᱤᱥᱴᱳᱱ ᱟᱨ ᱟᱭᱳ ᱫᱚ ᱯᱮᱨᱤᱠᱴᱳᱱ ᱱᱟᱜᱟᱢ ᱨᱮ ᱛᱷᱟᱯᱚᱱ ᱟᱠᱟᱱ ᱱᱟᱜᱟᱨᱤᱭᱟ. ᱠᱚ ᱛᱟᱦᱮᱸ ᱠᱟᱱᱟ ᱾ ᱔᱐᱔ ᱵᱤᱥᱤ ᱨᱮ ᱯᱞᱟᱴᱚ ᱥᱚᱠᱨᱟᱴᱥ ᱤᱡ ᱪᱮᱛᱮᱫᱤᱭᱟ.ᱭ ᱵᱮᱱᱟᱣ ᱮᱱᱟ ᱟᱨ ᱥᱚᱠᱨᱟᱴᱥ ᱟᱜ ᱡᱤᱭᱚᱱ ᱨᱮᱭᱟᱜ ᱢᱩᱪᱟ.ᱫ ᱚᱠᱛᱚ ᱫᱷᱟ.ᱵᱤᱡ ᱩᱱᱤᱭᱤᱡ ᱪᱮᱛᱮᱫᱤᱭᱟ. ᱞᱮᱠᱟᱛᱮ ᱜᱮᱭ ᱛᱟᱦᱮᱸ ᱮᱱᱟ ᱾ ᱥᱚᱠᱨᱟᱴᱥ ᱟᱜ ᱜᱩᱨ ᱛᱟᱭᱚᱢ ᱯᱨᱚᱡᱟ-ᱟ.ᱨᱤ ᱪᱮᱛᱟᱱ ᱨᱮ ᱯᱞᱟᱴᱤ ᱦᱤᱨᱠᱟ. ᱦᱮᱡ ᱟᱫᱮᱭᱟ ᱾ ᱩᱱᱤ ᱢᱮᱦᱳᱨᱟ, ᱢᱤᱥᱨᱚ, ᱥᱟᱭᱨᱤᱱ, ᱤᱴᱟᱞᱤ, ᱥᱤᱥᱞᱤ ᱮᱢᱟᱱ ᱫᱤᱥᱚᱢ ᱮ ᱥᱟᱸᱜᱷᱟᱨ ᱠᱮᱜᱼᱟ ᱚᱱᱟ ᱥᱟᱶ-ᱥᱟᱶᱛᱮ ᱢᱩᱪᱟ.ᱫᱨᱮ ᱮᱛᱷᱮᱱᱥ ᱨᱩᱣᱟ.ᱲ ᱦᱮᱡ ᱠᱟᱛᱮ ᱮᱠᱟᱰᱮᱢᱤᱭ ᱛᱷᱟᱯᱚᱱ ᱠᱮᱜᱼᱟ ᱾ ᱯᱞᱟᱴᱚ ᱱᱚᱶᱟ ᱮᱠᱟᱰᱮᱢᱤ ᱨᱤᱱᱤᱡ ᱢᱩᱪᱟ.ᱫ ᱫᱷᱟ.ᱵᱤᱡ ᱢᱩᱲᱩᱛ ᱢᱟᱞᱟᱭ ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾

ᱯᱟᱪᱷᱮ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱞᱟ.ᱠᱛᱤ ᱞᱮᱠᱟ ᱫᱷᱚᱨᱚᱢ ᱛᱷᱟᱯᱚᱱ ᱨᱮᱫᱚ ᱯᱞᱟᱴᱚ ᱜᱮᱭ ᱛᱟᱦᱮᱸ ᱠᱟᱱᱟ ᱾

ᱯᱞᱟᱴᱚᱣᱟᱜ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱞᱟᱴᱚᱣᱟᱜ ᱚᱠᱛᱚ ᱨᱮ ᱚᱱᱚᱬᱦᱤᱭᱟ. ᱠᱚᱫᱚ ᱥᱟᱶᱛᱟ ᱨᱮ ᱜᱚᱨᱚᱡᱽ ᱨᱮᱭᱟᱜ ᱴᱷᱟᱶ ᱠᱚ ᱟᱢᱮᱴ ᱞᱮᱜᱼᱟ ᱾ ᱩᱱᱤᱭᱟᱜ ᱚᱠᱛᱚ ᱨᱮ ᱚᱱᱚᱬᱦᱤᱭᱟ. ᱫᱚ ᱱᱟᱯᱟᱭ ᱦᱩᱫᱤᱥ ᱪᱟᱪᱟᱞᱤᱭᱟ., ᱦᱚᱨ ᱩᱫᱩᱜᱤᱭᱟ., ᱟᱨ ᱨᱟᱭᱨᱤᱛ ᱨᱤᱱ ᱫᱩᱫᱩᱜᱤᱭᱟ. ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾ ᱯᱞᱟᱴᱚᱭᱤᱡ ᱪᱮᱛᱮᱤᱭᱟ. ᱦᱟᱜ ᱧᱩᱛᱩᱢ ᱫᱚ ᱟᱨᱤᱥᱴᱚᱴᱚᱞ ᱛᱟᱦᱮᱸ ᱠᱟᱱᱟ ᱾ ᱯᱞᱟᱴᱚᱣᱟᱜ ᱡᱤᱭᱚᱱ ᱚᱠᱛᱚ ᱫᱚ ᱔᱒᱘ ᱵᱤᱥᱤ ᱠᱷᱚᱱ ᱓᱔᱗ ᱵᱤᱥᱤ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱩᱱᱤᱭᱟᱜ ᱢᱚᱱᱚᱛ ᱫᱚ ᱛᱟᱦᱮᱸ ᱠᱟᱱᱟ, ᱚᱱᱚᱬᱦᱮ ᱫᱚ ᱡᱮᱜᱮᱛ ᱨᱮᱭᱟᱜ ᱱᱩᱠᱞᱤ ᱨᱩᱯ ᱠᱟᱱᱟ ᱾ ᱪᱮᱫᱟᱜ ᱥᱮ ᱡᱮᱜᱮᱛ ᱜᱮ ᱢᱤᱫ ᱱᱩᱠᱞᱤ ᱠᱟᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱚᱱᱚᱬᱦᱮ ᱫᱚ ᱥᱟ.ᱨᱤᱭᱟ.ᱛ ᱠᱷᱚᱱ ᱵᱟᱨ ᱜᱟᱵᱟᱬ ᱥᱟᱺᱜᱤᱧ ᱨᱮ ᱛᱟᱦᱮᱸᱱᱟ ᱾ ᱚᱱᱛᱮ ᱵᱷᱟᱵᱽᱱᱟ ᱴᱷᱮᱞᱟᱣ ᱛᱩᱫ ᱠᱟᱛᱮ ᱦᱚᱲ ᱵᱟ.ᱲᱤᱡ ᱦᱚᱨ ᱨᱮ ᱛᱟᱲᱟᱢ ᱠᱩᱜ ᱮ ᱵᱮᱱᱟᱣ ᱠᱚᱣᱟ ᱾ ᱚᱱᱟᱛᱮ ᱚᱱᱚᱬᱦᱮ ᱫᱚ ᱞᱟ.ᱠᱛᱤᱭᱟᱜ ᱵᱟᱝ ᱠᱟᱱᱟ ᱟᱨ ᱢᱤᱫ ᱚᱱᱚᱬᱦᱤᱭᱟ. ᱦᱟᱜ ᱡᱤᱭᱚᱱ ᱫᱚ ᱢᱩᱪᱤ ᱠᱷᱚᱱ ᱦᱚᱸ ᱠᱷᱟᱴᱚ ᱜᱮᱭᱟ ᱾

ᱯᱞᱟᱴᱚᱣᱟᱜ ᱥᱚᱸᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱞᱟᱴᱚ ᱫᱚ ᱓᱕ ᱥᱚᱸᱵᱟᱫᱽ ᱮ ᱚᱞ-ᱛᱚᱞ ᱟᱠᱟᱜᱼᱟ ᱾ ᱩᱱᱤᱭᱟᱜ ᱥᱚᱸᱵᱟᱫᱽ ᱫᱚ ᱯᱮ ᱵᱷᱟᱜᱽ ᱨᱮ ᱦᱟ.ᱴᱤᱧ ᱦᱩᱭ ᱫᱟᱲᱮᱭᱟᱜᱼᱟ ᱾

ᱥᱚᱠᱨᱮᱴ ᱚᱠᱛᱚ ᱨᱮ ᱥᱚᱸᱵᱟᱫᱽ :- ᱱᱚᱣᱟ ᱨᱮᱫᱚ ᱥᱚᱠᱨᱟᱴᱥ ᱟᱜ ᱜᱚᱡ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱢᱮᱜᱟᱨᱟ ᱥᱮᱴᱮᱨᱚᱫ ᱫᱷᱟ.ᱵᱤᱡᱟᱜ ᱜᱟᱞᱟᱝ ᱜᱟᱵᱟᱱ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱫᱚ ᱢᱩᱬ ᱞᱮᱠᱟᱛᱮ ᱢᱮᱱᱟᱜᱼᱟ Hippies Minor, Apology, Creato Protagoras, etc.

ᱥᱟᱸᱜᱷᱟᱨ ᱚᱠᱛᱚ ᱥᱚᱸᱵᱟᱫᱽ ᱺ- ᱱᱚᱣᱟ ᱥᱚᱸᱵᱟᱫᱽ ᱨᱮᱫᱚ ᱥᱚᱠᱨᱟᱴᱥ ᱥᱟᱶ ᱥᱟᱶᱛᱮ "Illian vote" ᱟᱜ ᱦᱚᱸ ᱛᱤᱱᱟ.ᱝ ᱜᱟᱱ ᱚᱨᱥᱚᱝ ᱢᱮᱱᱟᱜᱼᱟ ᱾ ᱱᱚᱣᱟ ᱚᱠᱛᱚ ᱨᱮᱭᱟᱜ ᱥᱚᱸᱵᱟᱫᱽ ᱠᱚᱫᱚ Clasis, Cretles, jogius ᱟᱨ ᱦᱚᱸ ᱮᱢᱟᱱ ᱾

ᱜᱟ.ᱠᱷᱩᱲ ᱚᱠᱛᱚ ᱥᱚᱸᱵᱟᱫᱽ :- ᱱᱚᱣᱟ ᱚᱠᱛᱚ ᱨᱮᱭᱟᱜ ᱥᱚᱸᱵᱟᱫᱽ ᱨᱮᱫᱚ ᱥᱟᱬᱮᱥᱟᱨᱤ ᱭᱟᱜ ᱛᱷᱟᱯᱚᱱ ᱢᱩᱲᱩᱛ ᱥᱟᱛᱟᱢ ᱫᱚ ᱾ ᱱᱚᱣᱟ ᱚᱠᱛᱚ ᱨᱮᱭᱟᱜ ᱥᱚᱸᱵᱟᱫᱽ ᱠᱚᱫᱚ ᱺ- Simpson, Philbus, Trimerace, Republic and Fido ᱟᱨ ᱦᱚᱸ ᱮᱢᱟᱱ ᱾

ᱯᱞᱟᱴᱚᱣᱟᱜ ᱚᱞ-ᱛᱚᱞ ᱨᱮᱫᱚ 'ᱫᱤ ᱨᱤᱯᱚᱵᱞᱤᱠ', 'ᱫᱤ ᱥᱴᱮᱴᱥ ᱢᱮᱱ', 'ᱫᱤ ᱞᱟᱜᱽ', 'ᱤᱭᱳᱱ', 'ᱥᱤᱢᱯᱚᱡᱤᱭᱳᱢ', ᱮᱢᱟᱱ ᱢᱩᱲᱩᱛ ᱛᱟᱦᱮᱸ ᱠᱟᱱᱟ ᱾

ᱯᱞᱟᱴᱚ ᱚᱱᱚᱬᱦᱮ ᱨᱮᱭᱟᱜ ᱢᱚᱦᱚᱛ ᱫᱚ ᱤᱱᱟ. ᱥᱤᱢᱟ. ᱫᱷᱟ.ᱵᱤᱡ ᱜᱮᱭ ᱟᱯᱱᱟᱨᱟ, ᱡᱟᱦᱟᱸ ᱫᱷᱟ.ᱵᱤᱡ ᱚᱱᱟ ᱟ.ᱯᱱᱟ.ᱛ ᱫᱤᱥᱚᱢ ᱨᱤᱱ ᱱᱟᱜᱟᱨᱤᱭᱟ. ᱠᱚ ᱥᱚᱱᱚᱛ, ᱱᱤᱨᱚᱲ ᱩᱭᱦᱟ.ᱨ ᱛᱷᱟᱯᱚᱱ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢᱟ ᱠᱚᱣᱟ ᱾

ᱚᱱᱚᱬᱦᱤᱭᱟ. ᱵᱤᱨᱳᱫᱷᱤ ᱦᱩᱭ ᱠᱟᱛᱮ ᱨᱮᱦᱚᱸ ᱯᱞᱟᱴᱚ ᱫᱚ ᱵᱤᱨ ᱵᱷᱟᱱᱴᱟ ᱠᱚᱲᱟ ᱦᱚᱯᱚᱣ ᱠᱚᱣᱟᱜ ᱪᱩᱨᱤᱛ ᱫᱚ ᱟ.ᱰᱤ ᱜᱟᱺᱦᱤᱨ ᱠᱷᱚᱱ ᱥᱚᱫᱚᱨ ᱟᱠᱟᱫᱤᱡ ᱚᱱᱟ ᱥᱟᱶᱛᱮ ᱵᱚᱸᱜᱟ ᱵᱳᱨᱳ ᱠᱚ ᱪᱮᱛᱟᱱ ᱨᱮ ᱜᱟᱞᱟᱝ ᱜᱟᱵᱟᱱ ᱟᱠᱟᱱ ᱚᱱᱚᱬᱦᱮ ᱫᱚ ᱡᱚᱛᱚ ᱠᱷᱚᱱ ᱥᱚᱝ ᱯᱩᱨᱩᱱ ᱟᱨ ᱞᱟ.ᱠᱛᱤ ᱭᱟᱱᱟᱜ ᱞᱮᱠᱟᱭ ᱢᱟᱱᱟᱣ ᱵᱟᱛᱟᱣ ᱟᱠᱟᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]