ᱯᱷᱤᱯᱷᱟ ᱚᱣᱟᱝ ᱠᱳᱯ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱯᱷᱤᱯᱷᱟ ᱚᱣᱟᱝ ᱠᱳᱯ 1978

ᱯᱷᱤᱯᱷᱟ ᱚᱣᱟᱝ ᱠᱳᱯ (ᱤᱝᱞᱤᱥᱺ FIFA World Cup) ᱫᱚ ᱦᱩᱭᱩᱜ ᱠᱟᱱᱟ ᱡᱮᱡᱟᱹᱛᱤᱭᱟᱹᱨᱤ ᱪᱤᱸᱰᱩ ᱜᱟᱶᱛᱟ ᱫᱟᱨᱟᱭ ᱛᱮ ᱥᱟᱯᱲᱟᱣᱜ ᱠᱟᱱ ᱢᱤᱫ ᱪᱤᱸᱰᱩ ᱮᱱᱮᱡ ᱦᱮᱯᱨᱟᱣ ᱾ ᱦᱚᱲ ᱠᱚ ᱱᱚᱶᱟ ᱫᱚ ᱪᱤᱸᱰᱩ ᱚᱣᱟᱝ ᱠᱳᱯ ᱵᱟᱝᱢᱟ ᱯᱷᱩᱴᱵᱚᱞ ᱚᱣᱟᱝ ᱠᱳᱯ ᱦᱚᱸ ᱠᱚ ᱢᱮᱛᱟᱜᱟᱜᱼᱟ ᱾ ᱱᱚᱶᱟ ᱦᱮᱯᱨᱟᱶ ᱨᱮ ᱫᱚ ᱚᱣᱟᱝ ᱨᱮᱱᱟᱜ ᱪᱤᱸᱰᱩ ᱮᱱᱮᱡ ᱪᱟᱪᱞᱟᱣ ᱜᱟᱶᱛᱟ ᱯᱷᱤᱯᱷᱟ (Fédération Internationale de Football Association - FIFA) ᱨᱮ ᱥᱮᱞᱮᱫ ᱟᱠᱟᱱ ᱫᱤᱥᱚᱢ ᱜᱮ ᱠᱚ ᱮᱱᱮᱡ ᱫᱟᱲᱮᱭᱟᱜᱼᱟ ᱾ ᱑᱙᱓᱐ ᱥᱟᱞᱮ ᱨᱮ ᱱᱚᱶᱟ ᱯᱩᱭᱞᱩ ᱫᱷᱟᱶ ᱮᱦᱚᱵ ᱞᱮᱱᱟ ᱟᱨ ᱱᱚᱶᱟ ᱫᱚ ᱯᱩᱱ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱜᱮ ᱦᱩᱭᱩᱜᱼᱟ ᱾ ᱑᱙᱔᱒ ᱟᱨ ᱑᱙᱔᱖ ᱥᱟᱞᱮᱨᱮ ᱫᱚᱥᱟᱨ ᱡᱮᱜᱮᱴ ᱞᱟᱹᱲᱦᱟᱹᱭ ᱛᱚᱝᱜᱮ ᱞᱮᱱ ᱠᱷᱟᱹᱛᱤᱨ ᱪᱤᱸᱰᱩ ᱚᱶᱟᱝ ᱠᱳᱯ ᱫᱚ ᱵᱟᱭ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱦᱟᱹᱞᱤ ᱜᱮ ᱪᱟᱵᱟ ᱦᱟᱠᱟᱱ ᱒᱐᱑᱘ ᱥᱟᱞᱮᱨᱮ ᱨᱩᱥᱤᱭᱟ ᱨᱮ ᱦᱩᱭᱞᱮᱱ ᱚᱣᱟᱝᱠᱳᱯ ᱦᱮᱯᱨᱟᱣ ᱨᱮ ᱯᱷᱨᱟᱱᱥ ᱫᱚᱭ ᱡᱤᱛᱠᱟᱹᱨ ᱞᱮᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱟᱦᱟᱛᱮ ᱠᱚ ᱮᱱᱮᱡ ᱟᱠᱟᱫ ᱡᱮᱡᱟᱹᱛᱤᱭᱟᱹᱨᱤ ᱦᱮᱯᱨᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱗᱒ ᱥᱟᱞᱮ ᱨᱮ ᱡᱮᱜᱮᱛ ᱨᱮᱱᱟᱜ ᱯᱩᱭᱞᱩ ᱡᱮᱡᱟᱹᱛᱤᱭᱟᱹᱨᱤ ᱪᱤᱸᱰᱩ ᱮᱱᱮᱡ ᱦᱮᱯᱨᱟᱣ ᱦᱩᱭ ᱞᱮᱱ ᱛᱟᱦᱮᱸᱫ ᱤᱝᱞᱚᱸᱰ ᱟᱨ ᱥᱠᱚᱴᱞᱟᱸᱰ ᱢᱩᱸᱫᱽ ᱜᱞᱟᱥᱜᱚ ᱧᱩᱛᱩᱢᱟᱱ ᱴᱷᱟᱶ ᱨᱮ ᱾[᱑] ᱱᱚᱶᱟ ᱢᱮᱪ ᱨᱮ ᱚᱠᱚᱭ ᱫᱚᱞ ᱦᱚᱸ ᱜᱚᱞ ᱫᱚ ᱵᱟᱠᱚ ᱮᱯᱮᱢ ᱞᱮᱱ ᱛᱟᱦᱮᱸᱫ ᱟᱨ ᱢᱮᱪ ᱫᱚ ᱛᱷᱩᱠᱩᱢ (ᱰᱨᱚ) ᱞᱮᱱ ᱛᱟᱦᱮᱸᱫ ᱾ ᱚᱣᱟᱝ ᱨᱮᱱᱟᱜ ᱮᱴᱚᱦᱚᱵ ᱥᱟᱝᱜᱮᱫᱚᱞ ᱡᱮᱡᱟᱹᱛᱤᱭᱟᱹᱨᱤ ᱦᱮᱯᱨᱟᱣ ᱫᱚ ᱑᱘᱘᱔ ᱥᱟᱞᱮᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱱᱚᱶᱟ ᱨᱮᱱᱟᱜ ᱧᱩᱢ ᱫᱚ "ᱵᱨᱤᱴᱤᱥ ᱜᱷᱟᱨᱚᱡᱽ ᱦᱮᱯᱨᱟᱣ" ᱛᱟᱦᱮᱸ ᱠᱟᱱᱟ (British Home Championship) ᱾[᱒] ᱜᱮᱵᱟᱨ ᱥᱟᱭᱟᱝ ᱥᱮᱨᱢᱟ ᱛᱮ ᱫᱚ ᱜᱚᱴᱟ ᱚᱣᱟᱝ ᱨᱮ ᱪᱤᱸᱰᱩ ᱮᱱᱮᱡ ᱨᱮᱱᱟᱜ ᱜᱚᱨᱚᱡᱽ ᱜᱚᱴᱟ ᱯᱟᱥᱱᱟᱣ ᱪᱟᱵᱟ ᱞᱮᱱ ᱛᱟᱦᱮᱸᱫ ᱾ ᱚᱱᱟᱛᱮ ᱑᱙᱐᱐, ᱑᱙᱐᱔ ᱟᱨ ᱑᱙᱐᱖ ᱥᱟᱞᱮᱨᱮᱱᱟᱜ ᱥᱤᱛᱩᱝ ᱠᱷᱮᱯ ᱚᱞᱤᱢᱯᱤᱠ ᱮᱱᱮᱡ ᱨᱮ ᱥᱚᱱᱚᱫᱚᱨ ᱪᱤᱸᱰᱩ ᱮᱱᱮᱡ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱥᱤᱨᱯᱷᱟᱹ ᱞᱮᱠᱟᱛᱮ ᱫᱚ ᱡᱟᱦᱟᱸᱱ ᱢᱮᱰᱟᱞ ᱫᱚ ᱵᱟᱠᱚ ᱮᱢᱟᱠᱚ ᱠᱟᱱ ᱛᱟᱦᱮᱸᱫ ᱾ ᱛᱚᱵᱮ ᱡᱮᱡᱟᱹᱛᱤᱭᱟᱹᱨᱤ ᱚᱞᱤᱢᱯᱤᱠ ᱥᱚᱢᱤᱛᱤ (IOC) ᱛᱟᱭᱚᱢ ᱛᱮ ᱡᱮᱡᱟᱹᱛᱤᱭᱟᱹᱨᱤ ᱦᱮᱯᱨᱟᱣᱟᱱᱟᱜ ᱠᱷᱮᱞ ᱨᱮᱱᱟᱜ ᱢᱟᱱᱚᱛᱼᱮ ᱮᱢ ᱞᱮᱫ ᱛᱟᱦᱮᱸᱫ ᱾[᱓]

ᱚᱣᱟᱝ ᱠᱳᱯ ᱴᱨᱚᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱐ ᱠᱷᱚᱱ ᱑᱙᱗᱐ ᱦᱟᱹᱵᱤᱡ ᱫᱚ ᱡᱤᱛᱠᱟᱹᱨ ᱟᱠᱟᱱ ᱫᱚᱱ ᱡᱩᱞᱥ ᱨᱤᱢᱮᱴ ᱴᱨᱚᱯᱷᱤ ᱠᱚ ᱮᱢᱟᱠᱚ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱴᱨᱚᱯᱷᱤ ᱫᱚ ᱚᱣᱟᱝ ᱠᱳᱯ (World Cup) ᱵᱟᱝᱢᱟ ᱠᱩᱯᱮ ᱰᱩ ᱢᱳᱱᱰᱮ (Coupe du Monde) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱡᱩᱞᱥ ᱨᱤᱢᱟᱴ ᱯᱩᱭᱞᱩ ᱚᱣᱟᱝ ᱠᱳᱯ ᱮ ᱮᱦᱚᱵ ᱚᱪᱚ ᱞᱮᱫ ᱠᱷᱟᱹᱛᱤᱨ, ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱠᱚ ᱧᱩᱢ ᱞᱮᱫ ᱛᱟᱦᱮᱸᱫ ᱾ ᱑᱙᱗᱐ ᱥᱟᱞᱮᱨᱮ ᱛᱮᱥᱟᱨ ᱫᱷᱟᱣ ᱯᱷᱤᱯᱷᱟ ᱚᱣᱟᱝᱠᱳᱯ ᱡᱤᱛᱠᱟᱹᱨᱮᱱ ᱛᱟᱭᱚᱢ ᱵᱨᱟᱡᱤᱞ ᱫᱚᱞ ᱫᱚ ᱱᱚᱶᱟ ᱚᱣᱟᱝᱠᱳᱯ ᱡᱚᱛᱚᱫᱤᱱ ᱞᱟᱹᱜᱤᱫ ᱫᱚᱦᱚ ᱵᱟᱠᱷᱨᱟ ᱫᱟᱣ ᱠᱚ ᱮᱢᱟᱫ ᱠᱚ ᱛᱟᱦᱮᱸᱫ ᱾[᱔]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web |url=http://www.englandfootballonline.com/Seas1872-00/1872-73/M0001Sco1872.html |title=England National Football Team Match No. 1 |publisher=England Football Online |accessdate=19 November 2007
  2. cite web |url=https://int.soccerway.com/news/2007/November/22/british-pm-backs-return-of-home-nations-championship |title=British PM backs return of Home Nations championship |publisher=Agence France-Presse |accessdate=16 December 2007
  3. cite web |first1=Søren |last1=Elbech |first2=Karel |last2=Stokkermans |url=http://www.rsssf.com/tableso/ol1906f.html |title=Intermediate Games of the IV. Olympiad |publisher=rec.sport.soccer Statistics Foundation |date=26 June 2008
  4. cite web |url=https://www.fifa.com/classicfootball/history/fifa-world-cup/jules-rimet-cup.html |title=Jules Rimet Cup |work=FIFA.com |publisher=Fédération Internationale de Football Association |accessdate=12 July 2014