ᱱᱟᱹᱠᱤᱡ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱱᱟᱦᱟ ᱡᱩᱜᱽ ᱨᱮᱱᱟᱜ ᱯᱞᱟᱥᱴᱤᱠ ᱱᱟᱹᱠᱤᱡ

ᱱᱟᱹᱠᱤᱡ ᱫᱚ ᱦᱩᱭᱩᱜ ᱠᱟᱱᱟ ᱵᱚᱦᱚᱜ ᱩᱯ ᱱᱟᱹᱠᱤᱡᱚᱜ ᱨᱮᱱᱟᱜ ᱢᱤᱫᱴᱮᱱ ᱦᱟᱹᱛᱭᱟᱹᱨ᱾ ᱱᱚᱣᱟ ᱫᱚ ᱠᱮᱴᱮᱡ ᱡᱟᱸᱦᱟᱸᱱᱟᱜ ᱡᱤᱱᱤᱥ ᱛᱮᱠᱚ ᱵᱮᱱᱟᱣᱟ ᱟᱨ ᱱᱟᱹᱠᱤᱡ ᱨᱮᱫᱚ ᱰᱟᱴᱟ ᱛᱟᱸᱦᱮᱱ ᱫᱚ ᱡᱟᱹᱨᱩᱲᱟᱱ ᱜᱮᱭᱟ᱾ ᱱᱟᱹᱠᱤᱡ ᱛᱮᱫᱚ ᱢᱟᱹᱱᱢᱤ ᱠᱚ ᱟᱠᱚᱣᱟᱜ ᱩᱯ ᱥᱮ ᱩᱯ ᱞᱮᱠᱟᱱ ᱡᱤᱱᱤᱥ ᱠᱚ ᱠᱚ ᱱᱟᱹᱠᱤᱡ ᱥᱚᱡᱦᱮᱭᱟ᱾

ᱪᱮᱫᱛᱮ ᱱᱟᱹᱠᱤᱡ ᱵᱮᱱᱟᱜ-ᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱨᱮᱫᱚ ᱱᱟᱱᱟᱦᱩᱱᱟᱹᱨ ᱡᱤᱱᱤᱥᱛᱮ ᱱᱟᱹᱠᱤᱡ ᱠᱚ ᱵᱮᱱᱟᱣᱮᱛ ᱛᱟᱸᱦᱮᱸᱱᱟ᱾ ᱚᱱᱟᱠᱩ ᱵᱷᱤᱛᱨᱤᱨᱮ ᱫᱷᱤᱨᱤ ᱜᱮ ᱡᱟᱹᱥᱛᱤ ᱵᱮᱵᱷᱟᱨᱚᱜ ᱠᱟᱱ ᱛᱟᱸᱦᱮᱸᱱᱟ᱾ ᱚᱱᱟ ᱥᱟᱶᱛᱮ ᱡᱤᱵᱽ ᱡᱟᱱᱳᱣᱟᱨ ᱠᱳᱣᱟᱜ ᱡᱟᱝ ᱛᱮ ᱦᱚᱸ ᱱᱟᱹᱠᱤᱡ ᱠᱩ ᱵᱮᱱᱟᱣᱮᱛ ᱛᱟᱸᱦᱮᱸᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱨᱚᱥᱛᱚᱨ ᱡᱩᱜᱽᱨᱮ ᱢᱟᱹᱱᱢᱤ ᱠᱚ ᱫᱚ ᱱᱟᱹᱠᱤᱡ ᱨᱮᱱᱟᱜ ᱵᱮᱵᱷᱟᱨ ᱠᱚ ᱮᱛᱦᱚᱵ ᱞᱮᱫᱟ᱾ ᱩᱱ ᱚᱠᱛᱚ ᱨᱮ ᱠᱮᱴᱮᱡ ᱡᱟᱸᱦᱟᱸ ᱡᱤᱱᱤᱥᱛᱮ ᱢᱟᱹᱱᱢᱤᱭᱟ ᱵᱮᱵᱷᱟᱨᱚᱜ ᱞᱟᱹᱜᱤᱛ ᱡᱟᱦᱟᱸ ᱡᱤᱱᱤᱥᱠᱚ ᱠᱩ ᱛᱮᱭᱟᱨᱮᱛ ᱛᱟᱸᱦᱮᱱᱟ ᱚᱱᱟ ᱵᱷᱤᱛᱨᱤᱨᱮ ᱱᱟᱹᱠᱤᱡ ᱦᱚᱸ ᱛᱟᱸᱦᱮᱸᱠᱟᱱᱟ᱾ ᱡᱤᱥᱩᱣᱟᱜ ᱡᱟᱱᱟᱢ ᱕᱕᱐᱐ ᱥᱟᱭ ᱥᱮᱨᱢᱟ ᱞᱟᱦᱟᱨᱮ ᱢᱤᱥᱚᱨ ᱫᱤᱥᱟᱹᱢ ᱨᱮᱱ ᱢᱟᱹᱱᱢᱤᱠᱚ ᱱᱟᱹᱠᱤᱡ ᱠᱚ ᱵᱮᱵᱷᱟᱨᱮᱛ ᱛᱟᱸᱦᱮᱸᱱᱟ᱾ ᱥᱮᱫᱟᱭ ᱪᱤᱱ ᱨᱮ ᱡᱟᱸᱦᱟᱸᱭ ᱴᱷᱮᱱ ᱱᱟᱹᱠᱤᱡ ᱛᱟᱸᱦᱮᱸᱱ ᱫᱚ ᱠᱤᱥᱟᱺᱲ ᱢᱮᱱᱛᱮᱠᱚ ᱞᱮᱠᱷᱟᱜ ᱠᱟᱱ ᱛᱟᱸᱦᱮᱸᱱᱟ᱾

ᱱᱟᱠᱤᱡ ᱨᱮᱱᱟᱜ ᱱᱟᱜᱟᱢ ᱨᱮᱫᱚ ᱥᱩᱭᱰᱮᱱ ᱫᱤᱥᱟᱹᱢ ᱨᱮᱱᱟᱜ ᱧᱩᱛᱩᱢ ᱡᱚᱝᱲᱟᱣ ᱢᱮᱱᱟᱜᱼᱟ᱾ ᱪᱮᱫᱟᱜ ᱡᱮ ᱫᱷᱟᱹᱨᱛᱤ ᱨᱮᱱᱟᱜ ᱢᱟᱨᱮ ᱱᱟᱹᱠᱤᱡ ᱠᱚ ᱫᱚ ᱱᱚᱸᱰᱮᱜᱮ ᱛᱮᱭᱟᱨᱞᱮᱱᱟ ᱢᱮᱱᱛᱮ ᱱᱟᱜᱟᱢᱤᱭᱟᱹ ᱠᱚ ᱢᱮᱱ ᱟᱠᱟᱫᱟ᱾ ᱫᱷᱤᱨᱤ, ᱡᱟᱝ ᱥᱮ ᱴᱤᱱ, ᱨᱩᱯᱟ, ᱛᱟᱢᱟ ᱠᱚ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱨᱚᱠᱚᱢ ᱫᱷᱟᱛᱩᱛᱮ ᱥᱩᱭᱰᱮᱱ ᱨᱮ ᱱᱟᱹᱠᱤᱡ ᱠᱚ ᱵᱮᱱᱟᱣᱮᱛ ᱛᱟᱸᱦᱮᱸᱱᱟ᱾

ᱛᱟᱞᱟ ᱡᱩᱜᱽ ᱥᱮᱡ ᱱᱟᱹᱠᱤᱡ ᱵᱮᱱᱟᱣᱛᱮ ᱞᱟᱹᱴᱩ ᱵᱚᱫᱚᱞ ᱦᱮᱡᱮᱱᱟ᱾ ᱱᱚᱣᱟ ᱚᱠᱛᱚᱨᱮ ᱱᱟᱹᱠᱤᱡ ᱵᱮᱱᱟᱣᱛᱮ ᱦᱚᱨᱤᱱ ᱟᱨ ᱮᱴᱟᱜ ᱡᱤᱵᱽ ᱡᱟᱱᱳᱣᱟᱨ ᱠᱳᱣᱟᱜ ᱫᱤᱨᱤᱧᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱨᱚᱠᱚᱢ ᱡᱤᱱᱤᱥ ᱠᱚ ᱵᱮᱱᱟᱣᱮᱛ ᱛᱟᱸᱦᱮᱸᱱᱟ᱾ ᱦᱚᱨᱚᱣᱟᱜ ᱡᱟᱝ ᱛᱮᱦᱚᱸ ᱚᱱᱟ ᱡᱤᱱᱤᱥ ᱛᱮᱭᱟᱨᱚᱜ ᱠᱟᱱ ᱛᱟᱸᱦᱮᱸᱱᱟ᱾ ᱚᱱᱟ ᱛᱮᱜᱮ ᱱᱟᱱᱟᱦᱩᱱᱟᱹᱨ ᱱᱟᱹᱠᱤᱡ ᱵᱮᱱᱟᱜ ᱠᱟᱱ ᱛᱟᱸᱦᱮᱸᱱᱟ᱾

ᱜᱮᱞ ᱟᱨᱮ ᱥᱟᱭ ᱥᱮᱨᱢᱟ ᱥᱮᱡ ᱤᱥᱟᱹᱭᱭᱟᱜ ᱟᱨ ᱡᱚᱱ ᱦᱟᱭᱟᱛ ᱧᱩᱛᱩᱢᱟᱱ ᱵᱟᱨ ᱵᱚᱭᱦᱟ ᱥᱮᱞᱩᱞᱚᱭᱮᱰ ᱛᱮ ᱱᱟᱹᱠᱤᱡ ᱵᱮᱱᱟᱣ ᱠᱟᱛᱮ ᱱᱟᱹᱠᱤᱡ ᱵᱮᱵᱷᱟᱨ ᱠᱤᱱ ᱮᱛᱦᱚᱵ ᱠᱮᱫᱟ᱾ ᱩᱱ ᱠᱷᱚᱡ ᱡᱚᱛᱚ ᱢᱟᱹᱱᱢᱤ ᱛᱟᱞᱟᱨᱮ ᱥᱚᱥᱛᱟᱛᱮ ᱱᱟᱹᱠᱤᱡ ᱯᱟᱨᱪᱟᱣ ᱮᱱᱟ᱾

ᱪᱤᱛᱟᱹᱨᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • Asby, S. (2011). "An Atlas of Medieval Combs from Northern Europe". Internet Archaeology (30). doi:10.11141/ia.30.3.
  • Ireland, Kay. "Cómo usar un peine navaje (How to Use Razor Combs)". eHow en Espanol (in Spanish).{{cite web}}: CS1 maint: unrecognized language (link)
  • "The Origin of Combs". TheOriginOf.com.

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]