ᱵᱮᱫᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱵᱮᱫᱚ ᱫᱚ ᱦᱩᱭᱩᱜ ᱠᱟᱱᱟ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱢᱤᱫ ᱫᱷᱚᱨᱚᱢ ᱯᱩᱛᱷᱤ ᱾ ᱨᱩᱥᱤ ᱠᱚᱫᱚ ᱱᱚᱶᱟ ᱠᱚ ᱟᱸᱡᱚᱢ ᱠᱟᱛᱮ ᱠᱚ ᱢᱚᱱᱮ ᱫᱚᱦᱚᱭ ᱛᱟᱦᱮᱸᱫ ᱚᱱᱟᱛᱮ ᱱᱚᱶᱟ ᱫᱚ ᱥᱨᱩᱛᱤ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱟᱨ ᱵᱮᱫᱚ ᱨᱮᱱᱟᱜ ᱰᱟᱦᱟᱨ ᱯᱟᱱᱡᱟᱭᱮᱫ ᱥᱚᱱᱟᱛᱚᱱ ᱦᱤᱱᱫᱩ ᱫᱷᱚᱨᱚᱢ ᱦᱚᱲ ᱫᱚ ᱥᱨᱚᱣᱛᱤ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱚᱛᱚ ᱵᱮᱫᱚ ᱨᱮᱱᱟᱜ ᱟᱯᱱᱟᱨ ᱥᱚᱝᱦᱤᱛᱟ, ᱵᱟᱵᱬᱮ, ᱟᱨᱚᱱᱭᱚᱠᱚ,ᱵᱮᱫᱟᱝᱜᱚ ᱟᱨ ᱦᱩᱰᱤᱧ ᱵᱮᱫᱚ ᱠᱚ ᱛᱟᱦᱮᱸᱱᱟ ᱾[᱑]

ᱟᱹᱲᱟᱹ ᱢᱮᱱᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

'ᱵᱤᱫᱽ' (ᱵᱤᱫᱽ ᱨᱮᱱᱟᱜ ᱢᱮᱱᱮᱛ ᱫᱚ ᱵᱨᱫᱟᱹ ᱟᱨᱡᱟᱣ) ᱡᱟᱹᱭ ᱠᱷᱚᱱ ᱵᱮᱫᱚ ᱟᱹᱲᱟᱹ ᱨᱮᱱᱟᱜ ᱫᱚ ᱥᱤᱨᱤᱡᱽ ᱦᱩᱭ ᱟᱠᱟᱱᱟ ᱾ ᱵᱮᱫᱚ ᱫᱚ ᱰᱥᱩᱢᱩᱝ ᱥᱤᱧᱚᱛ ᱞᱟᱹᱜᱤᱫ ᱫᱚ ᱵᱟᱝ, ᱫᱷᱟᱹᱨᱛᱤ ᱡᱟᱠᱟᱛ ᱢᱟᱹᱱᱢᱤ ᱠᱚ ᱞᱟᱹᱜᱤᱫ ᱢᱤᱫ ᱫᱟᱢᱟᱱ ᱵᱤᱨᱫᱟᱹ ᱵᱟᱺᱫᱤ ᱾ ᱦᱤᱱᱫᱩ ᱫᱦᱚᱨᱚᱢ ᱞᱮᱠᱟᱛᱮ ᱵᱮᱫᱚ ᱫᱚ ᱦᱩᱭᱩᱜ ᱠᱟᱱ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱟᱹᱨᱤ ᱨᱮᱱᱟᱜ ᱢᱩᱬ ᱟᱫᱷᱟᱨ ᱠᱟᱱᱟ ᱾ ᱵᱮᱫᱚ ᱫᱚ ᱯᱩᱱ ᱦᱟᱹᱴᱤᱝ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫᱼᱟ, ᱡᱮᱞᱮᱠᱟ ᱺ- ᱨᱳᱠ, ᱭᱚᱡᱩᱦ,ᱥᱟᱢ ᱟᱨ ᱚᱛᱷᱚᱨᱵᱚᱬᱚ ᱾ ᱵᱮᱫᱚ ᱫᱚ ᱟᱹᱛᱷᱟᱹᱣᱲᱤ ᱥᱮ ᱱᱮᱦᱚᱲ ᱛᱮ ᱫᱚ ᱵᱟᱝ ᱚᱞ ᱟᱠᱟᱱᱟ ᱾ ᱱᱚᱶᱟ ᱫᱚ ᱯᱚᱨᱚᱢᱮᱥᱣᱚᱨ ᱠᱷᱚᱱ ᱜᱮ ᱢᱟᱱᱛᱟᱨ ᱜᱮᱭᱟᱱᱟᱱ ᱦᱚᱲ ᱠᱚ ᱧᱟᱢ ᱟᱠᱟᱫᱼᱟ ᱾[᱒]

ᱯᱟᱫᱚᱵᱚᱫᱽᱫᱦᱚ (ᱚᱱᱚᱬᱦᱮ) ᱟᱨ ᱚᱨᱛᱷᱚᱡᱩᱠᱛᱚ ᱪᱷᱚᱸᱫᱚᱵᱚᱫᱽᱫᱷᱚ ᱵᱚᱣᱫᱤᱠᱚ ᱢᱟᱱᱛᱟᱨ ᱠᱚᱫᱚ ᱨᱳᱠ ᱵᱮᱫᱚ ᱠᱟᱱᱟ ᱾ ᱥᱮᱨᱮᱧ ᱞᱮᱠᱟᱛᱮ ᱜᱟᱵᱟᱱ ᱟᱠᱟᱱ ᱵᱚᱣᱫᱤᱠᱚ ᱢᱟᱱᱛᱟᱨ ᱠᱚᱫᱚ ᱥᱟᱢ ᱵᱮᱫᱚ ᱠᱟᱱᱟ ᱟᱨ ᱯᱚᱱᱚᱰ ᱞᱮᱠᱟᱱ ᱪᱷᱚᱸᱫᱚᱵᱚᱫᱽᱫᱦᱚ ᱢᱟᱱᱛᱟᱨ ᱠᱚᱫᱚ ᱭᱚᱡᱩᱦ ᱢᱮᱱᱮᱛᱮ ᱵᱟᱰᱟᱭᱚᱜᱼᱟ ᱾ ᱨᱳᱠ ᱟᱨ ᱭᱚᱡᱩᱦ ᱨᱮᱱᱟᱜ ᱢᱟᱱᱛᱟᱨ ᱠᱚ ᱨᱚᱦᱚᱲ ᱫᱷᱟᱹᱨᱛ᱾ ᱨᱮ ᱵᱮᱵᱷᱟᱨ ᱞᱟᱹᱜᱤᱫ ᱚᱛᱷᱚᱨᱵᱚᱬᱚ ᱢᱮᱱᱟᱜᱼᱟ ᱾

ᱡᱚᱜᱽᱭᱚᱸ ᱠᱟᱹᱢᱤ ᱨᱮ ᱫᱚ ᱨᱳᱠ, ᱭᱚᱞᱩᱦ ᱟᱨ ᱥᱟᱢ ᱱᱩᱠᱩ ᱯᱮᱭᱟ ᱢᱟᱱᱛᱟᱨ ᱜᱮ ᱠᱚ ᱯᱟᱲᱦᱟᱶᱟ ᱾ 'ᱵᱨᱚᱢᱦᱟ' ᱡᱚᱜᱽᱭᱚᱸ ᱨᱤᱱᱤᱡ ᱪᱟᱪᱞᱟᱣᱤᱭᱟᱹ ᱞᱮᱠᱟᱭ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱯᱩᱱ ᱵᱮᱫᱚ ᱨᱤᱱᱤᱡ ᱯᱟᱹᱨᱩᱠᱷᱤᱭᱟᱹ ᱟᱨ ᱯᱩᱨᱩᱫᱷᱩᱞ ᱠᱟᱱᱟᱭ ᱾ ᱨᱳᱠ ᱵᱮᱫᱚ ᱨᱤᱱᱤᱡ ᱯᱨᱚᱛᱤᱱᱤᱫᱷᱤ 'ᱦᱚᱛᱟ', ᱭᱚᱡᱩᱵᱮᱫᱚ ᱨᱤᱱᱤᱡ ᱯᱨᱚᱛᱤᱱᱤᱫᱷᱤ 'ᱚᱫᱷᱚᱨᱭᱩ' ᱟᱨ ᱥᱟᱢᱵᱮᱫᱚ ᱨᱤᱱᱤ ᱯᱨᱚᱛᱤᱱᱤᱫᱦᱤ 'ᱩᱫᱽᱜᱟᱛᱟ' ᱡᱚᱜᱽᱭᱚᱸ ᱠᱟᱹᱢᱤ ᱦᱚᱨᱟ ᱨᱮᱭ ᱥᱮᱞᱮᱫᱚᱜᱼᱟ ᱾ ᱚᱛᱷᱚᱨᱵᱚ ᱵᱮᱫᱚ ᱨᱤᱱᱤᱡ ᱯᱨᱚᱛᱤᱱᱤᱫᱷᱤ ᱫᱚ 'ᱵᱨᱚᱢᱦᱟ' ᱠᱟᱱᱟᱭ , ᱡᱚᱜᱽᱭᱚᱸ ᱠᱟᱹᱢᱤ ᱨᱤᱱᱤ ᱥᱟᱹᱠᱷᱤ ᱞᱮᱠᱟᱛᱮ ᱫᱩᱲᱩᱵ ᱟᱭ ᱾

ᱵᱮᱫᱚ ᱟᱨ ᱟᱨᱭᱚ ᱥᱟᱶᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱫᱚ ᱫᱚ ᱟᱨᱭᱚ ᱠᱚᱣᱟᱜ ᱢᱟᱨᱮ ᱫᱷᱚᱨᱚᱢ ᱯᱩᱛᱷᱤ ᱟᱨ ᱚᱛᱮᱛ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱯᱩᱛᱷᱤ ᱢᱮᱱ ᱞᱮᱠᱷᱱ ᱵᱟᱭ ᱵᱟᱹᱲᱤᱡᱚᱜᱼᱟ ᱾ ᱵᱮᱫᱚ ᱫᱚ ᱵᱦᱚᱜᱽᱵᱟᱱᱟᱜ ᱢᱚᱪᱟ ᱠᱷᱚᱱ ᱚᱰᱚᱠ ᱟᱠᱟᱱ ᱠᱟᱛᱷᱟ ᱢᱮᱱᱛᱮ ᱟᱨᱭᱚ ᱠᱚ ᱯᱟᱹᱛᱭᱟᱹᱣᱟᱜᱼᱟ ᱾ ᱟᱨᱭᱚ ᱠᱚᱫᱚ ᱜᱟᱬᱟ ᱠᱷᱚᱱ ᱜᱟᱬᱟ ᱟᱸᱡᱚᱢ ᱟᱸᱡᱚᱢ ᱠᱟᱛᱮ ᱢᱚᱱᱮ ᱨᱮᱠᱚ ᱨᱮᱵᱮᱫᱮᱫ ᱛᱟᱦᱮᱸᱫ ᱾ ᱵᱮᱫᱚ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱛ ᱟᱹᱰᱤ ᱟᱨᱟᱝ ᱜᱮᱭᱟᱱ ᱾ ᱱᱚᱶᱟ ᱫᱚ ᱟᱹᱰᱤ ᱟᱭᱢᱟ ᱚᱠᱛᱚ ᱨᱮ ᱟᱹᱰᱤ ᱜᱮᱭᱟᱱᱟᱱ ᱢᱩᱱᱤᱨᱩᱥᱤ ᱠᱚ ᱫᱟᱨᱟᱭ ᱛᱮ ᱵᱤᱥᱲᱤ ᱞᱮᱱᱛᱟᱦᱮᱸᱫ ᱾

ᱨᱳᱠ ᱵᱮᱫᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱭᱚᱡᱩᱨᱵᱮᱫᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱵᱮᱫᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱛᱷᱚᱨᱵᱚ ᱵᱮᱫᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cf.http://en.wikipedia.org/wiki/Shakha.
  2. cf.http://en.wikipedia.org/wiki/Poorva_Mimamsa.