ᱢᱟᱨᱠ ᱡᱩᱠᱚᱨᱵᱚᱨᱜᱽ
ᱢᱟᱨᱠ ᱡᱩᱠᱚᱨᱵᱚᱨᱜᱽ ᱢᱟᱨᱠ ᱤᱞᱤᱭᱚᱴ ᱡᱩᱠᱚᱨᱵᱚᱨᱜᱽ ᱫᱚ ᱢᱤᱫ ᱟᱢᱮᱨᱤᱠᱟᱱ ᱠᱚᱢᱯᱩᱴᱚᱨ ᱯᱨᱚ-ᱜᱨᱟᱢᱚᱨ ᱟᱨ ᱤᱱᱴᱚᱨᱱᱮᱴ ᱤᱱᱴᱟᱨᱯᱨᱤᱱᱚᱨ ᱩᱱᱤ ᱫᱚ ᱯᱷᱮᱥᱵᱩᱠᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ ᱯᱱᱤᱭᱟᱜ ᱱᱤᱛᱚᱜ ᱟᱨᱡᱟᱣ ᱫᱚ ᱭᱩ . ᱮᱥ $᱗᱔.᱒ ᱵᱤᱞᱤᱭᱚᱱ ᱱᱚᱵᱷᱮᱢᱵᱚᱨ ᱒᱐᱑᱗ ᱦᱟᱹᱵᱤᱡ ᱛᱮ ᱒᱐᱑᱖ ᱥᱟᱞᱟᱨᱮ ᱯᱷᱚᱨᱵᱮᱥ ᱫᱟᱨᱟᱭ ᱛᱮ ᱞᱤᱥᱴᱤ ᱞᱮᱱᱟᱭ ᱛᱩᱨᱩᱭᱟᱱᱤᱡ ᱠᱤᱥᱟ ᱦᱚᱲ ᱢᱮᱱ ᱛᱮ ᱡᱩᱠᱚᱨᱵᱚᱨᱜᱽ ᱯᱷᱮᱥᱵᱩᱠ ᱫᱚᱭ ᱛᱮᱭᱟᱨᱞᱮᱜᱟ ᱦᱟᱵᱷᱟᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱯᱷᱮᱵᱽᱨᱩᱣᱟᱨᱤ ᱒᱐᱐᱔ ᱥᱟᱞᱮ ᱨᱮ ᱱᱩᱭ ᱫᱚ ᱟᱡ ᱨᱤᱱ ᱵᱤᱨᱫᱟᱹᱜᱟᱲ ᱜᱟᱛᱮ ᱠᱚ ᱟᱨ ᱦᱟᱵᱷᱟᱨᱰ ᱵᱤᱨᱫᱟᱹᱜᱟᱲ ᱨᱤᱱ ᱥᱟᱶᱛᱮᱱ ᱠᱚ ᱥᱟᱶ ᱯᱷᱮᱥᱵᱩᱠᱞᱟᱦᱟ ᱠᱚ ᱮᱦᱚᱵ ᱞᱮᱫ ᱛᱟᱦᱮᱸ ᱚᱱᱟ ᱛᱟᱭᱚᱢ ᱱᱩᱠᱩ ᱫᱚᱞ ᱮᱴᱟᱜ ᱵᱤᱨᱫᱟᱹᱜᱟᱲ ᱨᱮᱦᱚᱸ ᱯᱷᱮᱥᱵᱩᱠ ᱠᱚ ᱮᱛᱚᱦᱚᱵ ᱠᱮᱫᱟ ᱯᱷᱮᱥᱵᱩᱠ ᱟᱹᱰᱤ ᱞᱟᱜᱮ ᱜᱮ ᱦᱟᱨᱟᱵᱩᱨᱩ ᱭᱮᱱᱟ ᱒᱐᱑᱒ ᱥᱟᱞᱮ ᱛᱮᱢᱤᱞᱤᱭᱚᱱ ᱦᱚᱲ ᱯᱷᱮᱥᱵᱩᱠ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫᱟᱠᱚ ᱨᱤᱱ ᱜᱟᱛᱮ ᱠᱚ ᱥᱟᱶ ᱛᱤᱢᱤᱱ ᱨᱟᱯᱟᱪᱟᱜ ᱡᱷᱮᱸᱜᱟ ᱠᱷᱟᱹᱛᱤᱨ ᱠᱚᱢᱯᱟᱱᱤ ᱨᱮᱱᱟᱜ ᱞᱟᱵᱽ ᱠᱷᱚᱱ ᱛᱤᱢᱤᱱ ᱜᱟᱱ ᱦᱟᱹᱴᱤᱝ ᱩᱱᱠᱩᱭ ᱮᱢᱟ ᱠᱚ ᱠᱟᱱᱟᱩᱱᱤ ᱫᱚ ᱯᱨᱤᱥᱤᱞᱟ ᱪᱟᱱᱥᱟᱶ ᱵᱟᱯᱞᱟ ᱦᱟᱠᱟᱱᱟᱭ ᱟᱨ ᱒᱐᱑᱒ ᱥᱟᱞᱮ ᱨᱮ ᱟᱡᱤᱡ ᱢᱤᱫ ᱠᱩᱲᱤ ᱜᱤᱫᱽᱨᱟᱹᱭ ᱦᱩᱭ ᱟᱠᱟᱱᱟ
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱩᱠᱚᱨᱵᱚᱨᱜᱽ ᱫᱚ ᱑᱙᱘᱔ ᱥᱟᱞᱮ ᱨᱮ ᱱᱤᱣᱭᱚᱨᱠ ᱨᱮᱱᱟᱜ ᱦᱩᱣᱟᱭᱤᱴ ᱯᱞᱮᱱᱥ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱨ ᱟᱡ ᱫᱟᱹᱭ ᱩᱱᱠᱩ ᱫᱚ ᱥᱟᱦᱟᱨ ᱠᱷᱚᱱᱟᱜ ᱒᱑ ᱢᱟᱭᱤᱞ ᱥᱟᱺᱜᱤᱧ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱮᱛᱚᱦᱚᱵ ᱫᱚ ᱤᱦᱩᱫᱤ ᱵᱚᱝᱥᱚ ᱨᱮ ᱡᱟᱱᱟᱢ ᱞᱮᱱᱟᱭ ᱢᱮᱱᱠᱷᱟᱱ ᱑᱓ ᱥᱟᱞᱮ ᱨᱮ ᱵᱟᱨ ᱢᱤᱪᱵᱟᱜ ᱛᱮ ᱵᱚᱫᱚᱞ ᱞᱮᱱ ᱛᱟᱦᱮᱸᱫ ᱮ ᱾ ᱮᱛᱚᱦᱚᱵ ᱫᱚ Ardsley High School ᱟᱨ ᱚᱱᱟ ᱛᱟᱭᱚᱢ ᱱᱤᱣ ᱦᱟᱢᱯᱥᱟᱭᱟᱨ ᱨᱮᱱᱟᱜ Phillips Exeter Academy ᱛᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸ ᱨᱮ ᱟᱡ ᱮᱞᱠᱷᱟ, ᱡᱟᱜ ᱥᱟᱬᱮᱥ, ᱡᱟᱜ ᱥᱮᱨᱢᱟ ᱥᱟᱬᱮᱥ ᱮᱢᱟᱱ ᱠᱚ ᱨᱮ ᱟᱭᱢᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱚᱞᱮᱡᱽ ᱚᱠᱛᱚ ᱠᱷᱚᱱ ᱜᱮ ᱯᱷᱨᱮᱸᱪ, ᱤᱦᱩᱫᱤ, ᱢᱟᱨᱮ ᱞᱟᱴᱤᱱ ᱟᱨ ᱢᱟᱨᱮ ᱜᱨᱤᱠ ᱯᱟᱹᱨᱥᱤ ᱛᱮ ᱚᱞ ᱯᱟᱲᱦᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱦᱟᱵᱷᱟᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱡᱚᱠᱷᱚᱡ ᱤᱞᱤᱭᱟᱰ ᱞᱮᱠᱟᱱ ᱛᱤᱢᱤᱱ ᱚᱱᱚᱬᱦᱮ ᱠᱚᱭ ᱚᱞ ᱞᱮᱫ ᱛᱟᱦᱮᱸᱫ ᱾
ᱡᱩᱠᱚᱨᱵᱚᱨᱜᱽ ᱟᱥᱲᱟ ᱚᱞᱚᱜ ᱠᱷᱚᱱ ᱯᱨᱚᱜᱨᱟᱢᱤᱝ ᱚᱞ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱑᱙᱙᱐ ᱥᱟᱞᱮ ᱨᱮ ᱟᱡ ᱟᱯᱟᱛ ᱴᱷᱮᱱ ᱠᱷᱚᱱ ᱜᱮ ᱵᱮᱥᱤᱠ ᱯᱨᱚᱜᱨᱟᱢᱤᱝ ᱫᱚᱭ ᱪᱮᱫ ᱞᱮᱱ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱩᱠᱩ ᱩᱠᱩ ᱛᱮ ᱥᱚᱯᱷᱴᱭᱟᱨ ᱩᱛᱱᱟᱹᱣᱤᱭᱟᱹ ᱰᱮᱵᱷᱤᱰ ᱱᱤᱣᱢᱮᱱ ᱴᱷᱮᱱ ᱠᱷᱚᱱ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱰᱮᱵᱷᱤᱰ ᱫᱚ ᱞᱮᱛᱟᱲ ᱜᱮ ᱢᱟᱬᱟᱝ ᱨᱮ ᱛᱟᱦᱮᱸᱱ ᱟᱨ ᱞᱟᱦᱟᱜ ᱞᱟᱹᱜᱤᱫ ᱮ ᱫᱤᱥᱟᱹᱣᱮᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱚᱢᱯᱩᱴᱚᱨ ᱯᱨᱚᱜᱨᱟᱢ ᱨᱮ ᱥᱟᱯᱟᱹᱜᱟᱹᱭ ᱡᱚᱱᱛᱚᱨ ᱟᱨ ᱜᱮᱢ ᱛᱟᱭᱟᱨ ᱟᱹᱰᱤ ᱨᱟᱹᱥᱠᱟᱹᱭ ᱵᱩᱡᱷᱟᱹᱣᱮᱫ ᱛᱦᱮᱸᱫ ᱾ ᱩᱱᱤ ᱡᱩᱠ ᱱᱮᱴ ᱧᱩᱛᱩᱢ ᱛᱮ ᱢᱤᱫ ᱥᱚᱯᱷᱴᱭᱟᱨ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱡᱟᱜ ᱚᱲᱟᱜ ᱟᱨ ᱟᱡ ᱟᱯᱟᱛᱟᱜ ᱚᱯᱷᱤᱥ ᱠᱚᱢᱯᱩᱴᱚᱨ ᱡᱚᱛᱚ ᱢᱤᱫ ᱥᱩᱛᱟᱹᱢ ᱨᱮᱭ ᱠᱷᱚᱸᱡᱟ ᱞᱮᱫ ᱛᱟᱦᱮᱫ, ᱡᱟᱦᱟᱸ ᱫᱚ ᱟᱢᱮᱨᱤᱠᱟ ᱚᱱᱞᱟᱭᱤᱱ ᱨᱮᱱᱟᱜ ᱢᱟᱨᱮ ᱵᱷᱟᱨᱥᱚᱱ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾
ᱡᱮᱜᱮᱛ ᱵᱤᱨᱫᱟᱹᱜᱟᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱟᱵᱷᱟᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱢᱟᱬᱟᱝ ᱨᱮ ᱜᱮ ᱯᱚᱠᱷᱚᱛ ᱯᱨᱚ-ᱜᱨᱟᱢᱚᱨ ᱢᱮᱱᱛᱮᱭ ᱵᱟᱰᱟᱭ ᱞᱮᱱ ᱛᱟᱦᱮᱸᱫ ᱾ ᱦᱟᱵᱷᱟᱨᱰ ᱨᱮ ᱫᱚᱥᱟᱨ ᱥᱮᱨᱢᱟ ᱨᱮ ᱠᱚᱨᱥᱢᱮᱪ ᱧᱩᱛᱩᱢ ᱛᱮ ᱢᱤᱫ ᱠᱚᱰ ᱮ ᱚᱞ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱟᱪᱮᱫᱤᱭᱟᱹ ᱠᱚᱣᱟᱜ ᱪᱟᱱᱚᱪ ᱟᱨ ᱢᱤᱫ ᱠᱟᱛᱮ ᱯᱟᱲᱦᱟᱣᱜ ᱨᱮ ᱜᱚᱲᱚᱭ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱨᱮᱱᱟᱜ ᱟᱨ ᱠᱤᱪᱷᱤ ᱫᱤᱱ ᱛᱟᱭᱚᱢ ᱟᱨᱢᱤᱫ ᱠᱚᱰ ᱮ ᱚᱞ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱫᱚ ᱯᱷᱮᱥᱢᱮᱪ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱯᱷᱮᱥᱢᱮᱪ ᱫᱟᱨᱟᱭ ᱛᱮ ᱵᱟᱨ ᱜᱚᱴᱟᱝ ᱪᱩᱛᱟᱹᱨ ᱢᱩᱸᱫᱽ ᱨᱮ ᱚᱠᱟ ᱪᱤᱛᱟᱹᱨ ᱫᱚ ᱥᱚᱨᱚᱥᱟ ᱚᱱᱟ ᱠᱚ ᱵᱟᱪᱷᱟᱣ ᱚᱰᱚᱠᱮᱫ ᱛᱟᱦᱮᱸᱫ ᱾ ᱢᱤᱫ ᱦᱟᱯᱛᱟ ᱦᱩᱭᱮᱱ ᱛᱟᱭᱚᱢ ᱱᱚᱶᱟ ᱪᱮᱛᱟᱱ ᱨᱮ ᱦᱚᱲ ᱠᱚᱣᱟᱜ ᱜᱚᱨᱚᱡᱽ ᱩᱱᱟᱹᱜ ᱵᱟᱹᱲᱛᱤᱭᱮᱱᱟ ᱪᱤ ᱦᱟᱵᱷᱟᱨᱰ ᱨᱮᱱᱟᱜ ᱢᱤᱫ ᱱᱮᱴᱣᱟᱨᱠ ᱥᱤᱥᱴᱚᱢ ᱛᱮᱭᱟᱨ ᱞᱮᱱ ᱛᱟᱦᱮᱸᱫ ᱾ ᱒᱐᱐᱔ ᱥᱟᱞᱮ ᱨᱮ ᱟᱨ ᱢᱤᱫ ᱠᱚᱰ ᱮ ᱚᱞ ᱞᱮᱫ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱔ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ ᱥᱟᱞᱮᱨᱮ ᱯᱷᱮᱥᱵᱩᱠ.ᱠᱚᱢ ᱧᱩᱛᱩᱢ ᱛᱮ ᱠᱚ ᱩᱪᱷᱟᱹᱱ ᱞᱮᱫ ᱛᱟᱦᱮᱸᱫ ᱾ ᱯᱷᱮᱥᱵᱩᱠ ᱠᱟᱹᱢᱤ ᱛᱚᱨᱟᱣ ᱞᱟᱹᱜᱤᱫ ᱩᱱᱤ ᱫᱚ ᱦᱟᱵᱷᱟᱨᱰ ᱮ ᱵᱟᱹᱜᱤ ᱞᱮᱫ ᱛᱟᱦᱮᱸᱫ ᱾