ᱠᱚᱨᱤᱥᱢᱟ ᱠᱚᱯᱩᱨ

ᱠᱚᱨᱤᱥᱢᱟ ᱠᱚᱯᱩᱨ
Kapoor at an event in 2013
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱒᱕ ᱡᱩᱱ ᱑᱙᱗᱔ (1974-06-25) Mumbai, Maharashtra, India
ᱠᱟᱹᱢᱤ	Actress
ᱠᱟᱹᱢᱤ ᱚᱠᱛᱚ	1991–present
ᱡᱤᱭᱚᱱ ᱥᱚᱦᱮᱫ	Sanjay Kapur (m. 2003; div. 2016)
ᱦᱚᱯᱚᱱ	2
ᱟᱯᱟᱛ ᱮᱸᱜᱟᱛ	Randhir Kapoor Babita Kapoor
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ	See Kapoor family

ᱠᱚᱨᱤᱥᱢᱟ ᱠᱚᱯᱩᱨ (ᱡᱟᱱᱟᱢᱼ ᱒᱕ ᱡᱩᱱ ᱑᱙᱗᱔ ᱥᱟᱹᱦᱤᱛ) ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱟᱠᱴᱨᱮᱥ ᱠᱟᱱᱟᱭ ᱾᱑᱙᱙᱐ ᱟᱨ ᱮᱛᱚᱦᱚᱵ ᱒᱐᱐᱐ ᱜᱮᱞᱟᱝᱼᱥᱮᱨᱢᱟ ᱦᱤᱱᱫᱤ ᱯᱷᱤᱞᱢ ᱡᱮᱜᱮᱛ ᱨᱤᱱ ᱵᱷᱟᱹᱜᱤ ᱧᱩᱛᱩᱢᱟᱱ ᱟᱠᱴᱨᱮᱥ ᱠᱟᱱᱟᱭ ᱾ ᱟᱡ ᱫᱚ ᱟᱭᱢᱟ ᱧᱩᱢᱟᱱ ᱢᱟᱹᱱ ᱥᱤᱨᱯᱷᱟᱹᱠᱚ ᱧᱟᱢ ᱟᱠᱟᱫᱟ, ᱡᱮᱢᱚᱱ ᱡᱟᱹᱛᱤᱭᱟᱹᱨᱤ ᱯᱷᱞᱢ ᱟᱣᱟᱨᱰ ᱟᱨ ᱯᱩᱱ ᱡᱮᱠᱷᱟ ᱯᱷᱤᱞᱢᱼᱯᱷᱮᱭᱟᱨ ᱟᱣᱟᱨᱰ ᱾ ᱟᱡ ᱫᱚ ᱢᱩᱢᱵᱟᱭ ᱨᱮ ᱡᱟᱱᱟᱱ ᱟᱨ ᱦᱟᱨᱟᱨᱟᱛᱟ ᱟᱠᱟᱱᱟᱭ ᱟᱨ ᱦᱤᱱᱫᱤ ᱯᱷᱤᱞᱢ ᱡᱮᱜᱮᱛ ᱧᱩᱢᱟᱱ ᱠᱚᱯᱩᱨ ᱜᱷᱟᱨᱚᱸᱡᱽ (en:Kapoor family) ᱨᱤᱱ ᱥᱚᱦᱮᱫ ᱠᱟᱱᱟᱭ ᱾ ᱟᱡ ᱨᱤᱱ ᱟᱭᱳᱼᱵᱟᱵᱟ ᱟᱨ ᱥᱟᱹᱜᱟᱹᱭᱟᱱ ᱦᱚᱲ ᱠᱚᱫᱚ ᱢᱟᱬᱟᱝ ᱠᱷᱚᱱᱜᱮ ᱯᱷᱤᱞᱢ ᱥᱟᱶ ᱡᱚᱯᱚᱲᱚᱣ ᱢᱮᱱᱟᱜ ᱠᱚᱣᱟ, ᱮᱱᱛᱮᱨᱮᱦᱚᱸ ᱟᱡ ᱵᱟᱵᱟ ᱯᱷᱤᱞᱢ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱵᱚᱞᱚᱱ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸ ᱠᱟᱱᱟ ᱾

ᱯᱩᱭᱞᱩ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ

ᱠᱚᱨᱤᱢᱟ ᱫᱚ ᱒᱕ ᱡᱩᱱ ᱑᱙᱗᱔ ᱥᱟᱞᱨᱮ, ᱟᱠᱴᱚᱨ (ᱵᱟᱵᱟ) ᱨᱚᱬᱫᱷᱤᱨ ᱠᱚᱯᱩᱨ (en:Randhir Kapoor) ᱟᱨ ᱟᱭᱳ ᱵᱚᱵᱤᱛᱟ (en:Babita) ᱛᱤᱠᱤᱱᱟᱜ ᱠᱚᱞᱮᱨᱮ, ᱢᱩᱢᱵᱟᱭ ᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱟᱡ ᱦᱩᱰᱤᱧ ᱵᱩᱦᱤᱱ ᱠᱚᱨᱤᱱᱟ ᱠᱚᱯᱩᱨ ([:en:[Kareena]]) ᱦᱚᱸ ᱢᱤᱫ ᱧᱩᱛᱩᱢᱟᱱ ᱯᱷᱤᱞᱢ ᱟᱠᱴᱨᱮᱥ ᱠᱟᱱᱟᱭ ᱾ ᱟᱡ ᱵᱟᱵᱟ ᱜᱚᱲᱚᱢᱼᱦᱟᱲᱟᱢ ᱨᱟᱡᱽ ᱠᱚᱯᱩᱨ (en:Raj Kapoor) ᱫᱚ ᱧᱩᱛᱩᱢᱟᱱ ᱟᱠᱴᱚᱨ ᱥᱟᱶᱛᱮ ᱯᱷᱤᱞᱢᱼᱵᱮᱱᱟᱣᱤᱭᱟᱹ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱚᱱᱠᱟᱜᱮ ᱟᱭᱳ ᱜᱚᱲᱚᱢᱼᱦᱟᱲᱟᱢ ᱦᱚᱨᱤ ᱥᱤᱵᱷᱫᱟᱥᱟᱱᱤ (en:Hari Shivdasani) ᱦᱚᱸ ᱢᱤᱫ ᱟᱠᱴᱚᱨ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱫᱟᱫᱟᱼᱦᱟᱲᱟᱢ ᱯᱨᱤᱛᱷᱵᱤᱨᱟᱡᱽ en:Prithviraj ᱦᱚᱸ ᱟᱠᱴᱚᱨ ᱯᱟᱯᱟᱴᱤᱭᱟᱹ ᱜᱮ ᱛᱟᱦᱮᱸ ᱠᱟᱱᱟᱭ ᱾

ᱠᱮᱨᱤᱭᱚᱨ

ᱠᱚᱨᱤᱥᱢᱟ ᱫᱚ ᱑᱙᱙᱑ ᱥᱟᱞ, ᱑᱗ ᱵᱚᱪᱷᱚᱨ ᱩᱢᱮᱨ ᱨᱮ ᱨᱳᱢᱟᱱᱴᱤᱱ ᱠᱷᱮᱞᱚᱸᱰ ᱯᱷᱤᱞᱢ ᱯᱨᱮᱢ ᱠᱚᱭᱫᱤ (en:Prem Qaidi) ᱯᱩᱭᱞᱩ ᱰᱮᱵᱩᱴ ᱯᱷᱤᱞᱢ ᱠᱚᱨᱟᱣ ᱟᱠᱟᱫᱟᱭ, ᱱᱚᱶᱟᱜᱮ ᱟᱠᱴᱚᱨ ᱦᱚᱨᱤᱥ ᱠᱩᱢᱟᱨ (en:Harish Kumar) ᱣᱟᱜ ᱦᱚᱸ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱱᱚᱝᱠᱟᱜᱮ ᱠᱚᱨᱤᱥᱢᱟ ᱟᱭᱢᱟ ᱦᱤᱴ ᱯᱷᱤᱞᱢ ᱠᱚᱨᱟᱣ ᱟᱠᱟᱫᱟᱭ, ᱑᱙᱙᱒ ᱥᱟᱞᱨᱮ ᱠᱷᱮᱞᱚᱸᱰ ᱯᱷᱤᱞᱢ ᱡᱤᱜᱚᱨ (Jigar), ᱑᱙᱙᱓ ᱨᱮ ᱠᱷᱮᱞᱚᱸᱰ ᱯᱷᱤᱞᱢ ᱟᱱᱟᱰᱤ (Anari), ᱑᱙᱙᱔ ᱨᱮ ᱠᱚᱢᱮᱰᱤ ᱯᱷᱤᱞᱢ ᱨᱟᱡᱟ ᱵᱟᱵᱩ (Raja Babu), ᱑᱙᱙᱕ ᱥᱟᱞᱨᱮ ᱠᱩᱞᱤ ᱱᱚᱢᱵᱚᱨᱼ᱑ (Coolie No. 1), ᱑᱙᱙᱖ ᱨᱮ ᱥᱟᱡᱚᱱ ᱪᱟᱞᱮ ᱥᱚᱥᱩᱨᱟᱞ (Saajan Chale Sasural), ᱑᱙᱙᱖ ᱨᱮ ᱡᱤᱛ (Jeet) ᱾ ᱮᱱᱦᱚᱸ ᱟᱡᱟᱜ ᱠᱷᱟᱴᱚ ᱯᱟᱯᱟᱴᱤᱭᱟᱹ ᱠᱷᱟᱹᱛᱤᱨ ᱛᱤᱱᱟᱹᱜ ᱜᱟᱱ ᱨᱚᱲᱼᱥᱤᱬᱤᱡ ᱠᱟᱛᱷᱟ ᱠᱚᱦᱚᱸᱭ ᱟᱡᱚᱸᱢ ᱟᱠᱟᱫ ᱜᱮᱭᱟ ᱾

ᱱᱤᱡᱚᱨ ᱡᱤᱭᱚᱱ

᱒᱙ ᱥᱮᱴᱮᱢᱵᱚᱨ ᱒᱐᱐᱓ ᱥᱟᱞᱨᱮ, ᱧᱩᱛᱩᱢᱟᱱ ᱠᱟᱹᱨᱠᱷᱟᱱᱟ ᱪᱟᱪᱞᱟᱣᱤᱭᱟᱹ ᱥᱚᱱᱡᱚᱭ ᱠᱚᱯᱩᱨ (Sunjay Kapur) ᱥᱟᱶ ᱥᱤᱠᱷ ᱟᱹᱨᱤᱪᱟᱹᱞᱤ (en:Sikh wedding) ᱦᱚᱛᱮᱛᱮ ᱟᱠᱚ ᱢᱩᱢᱵᱟᱭ ᱨᱮᱭᱟᱜ ᱯᱟᱹᱦᱤᱞᱼᱵᱩᱱᱭᱟᱫᱤᱭᱟᱹ ᱚᱲᱟᱜ ᱠᱨᱤᱥᱱᱟ ᱨᱟᱡᱽ ᱵᱚᱝᱜᱽᱞᱟ (Krishna Raj Bungalow) ᱨᱮ ᱵᱟᱯᱞᱟ ᱦᱩᱭ ᱟᱠᱟᱱ ᱛᱟᱹᱠᱤᱱᱟ ᱾ ᱒᱐᱐᱕ ᱥᱟᱞᱨᱮ,ᱟᱠᱤᱱᱤᱡ ᱫᱚ ᱢᱤᱫ ᱠᱩᱲᱤ ᱜᱤᱫᱟᱹᱨ ᱥᱚᱢᱚᱭᱨᱟ (Samaira) ᱟᱨ ᱒᱐᱑᱐ ᱥᱟᱞᱨᱮ ᱢᱤᱫ ᱠᱚᱲᱟ ᱜᱤᱫᱟᱹᱨ ᱠᱤᱭᱟᱱ (Kiaan) ᱡᱟᱱᱟᱢ ᱟᱠᱟᱱᱟᱠᱤᱱ ᱾

ᱵᱟᱦᱨᱮ ᱡᱚᱱᱚᱲ

https://en.wikipedia.org/wiki/Karisma_Kapoor