ᱠᱷᱟᱱᱥᱟᱢᱟ ᱩᱯᱚᱡᱮᱞᱟ

ᱠᱷᱟᱱᱥᱟᱢᱟ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ ᱫᱤᱱᱟᱸᱡᱽᱯᱩᱨ ᱦᱚᱱᱚᱛ ᱨᱮᱱᱟᱜ ᱩᱯᱚᱡᱮᱞᱟ ᱠᱟᱱᱟ᱾

ᱱᱟᱜᱟᱢ

ᱱᱤᱭᱟᱹ ᱩᱯᱚᱡᱮᱞᱟ ᱨᱮᱱᱟᱜ ᱩᱛᱟᱹᱨ ᱫᱚ ᱯᱚᱧᱪᱚᱜᱚᱲ ᱦᱚᱱᱚᱛ ᱨᱮᱱᱟᱜ ᱫᱮᱵᱤᱜᱚᱸᱡᱽ ᱩᱯᱚᱡᱮᱞᱟ, ᱫᱟᱹᱠᱷᱤᱱ ᱫᱚ ᱫᱤᱱᱟᱸᱡᱽᱯᱩᱨ ᱥᱚᱫᱚᱨ ᱩᱯᱚᱡᱮᱞᱟ, ᱯᱩᱪᱷᱤᱢ ᱫᱚ ᱱᱤᱞᱯᱷᱟᱢᱟᱨᱤ ᱥᱚᱫᱚᱨ ᱩᱯᱚᱡᱮᱞᱟ, ᱯᱩᱪᱷᱤᱢ ᱫᱚ ᱫᱤᱱᱟᱸᱡᱽᱯᱩᱨ ᱦᱚᱱᱚᱛ ᱨᱮᱱᱟᱜ ᱵᱤᱨᱜᱚᱸᱡᱽ ᱩᱯᱚᱡᱮᱞᱟ ᱟᱨ ᱠᱟᱦᱟᱨᱳᱞ ᱩᱯᱚᱡᱮᱞᱟ ᱢᱮᱱᱟᱜ-ᱟ᱾ ᱠᱷᱟᱱᱥᱟᱢᱟ ᱩᱯᱚᱡᱮᱞᱟ ᱫᱚ ᱠᱚᱨᱚᱛᱚᱭᱟ ᱜᱟᱰᱟ ᱨᱟᱠᱟᱵᱽ ᱨᱮ ᱢᱮᱱᱟᱜ-ᱟ᱾ ᱟᱨ ᱜᱟᱰᱟ ᱨᱮᱭᱟᱜ ᱦᱟᱱᱟ ᱱᱟᱠᱷᱟ ᱫᱚ ᱵᱤᱨᱜᱚᱸᱡᱽ ᱩᱯᱚᱡᱮᱞᱟ ᱢᱮᱱᱟᱜ-ᱟ᱾

ᱯᱚᱨᱥᱟᱥᱚᱱᱤᱠ ᱮᱞᱟᱠᱟᱠᱚ

ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱖ ᱜᱚᱴᱟᱝ ᱤᱭᱩᱱᱤᱭᱚᱱ ᱠᱚᱛᱮ ᱦᱩᱭᱟᱠᱟᱱᱟ, ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱺ

1. ᱑ ᱱᱚᱝ ᱟᱞᱚᱠᱡᱷᱟᱲᱤ ᱤᱭᱩᱱᱤᱭᱚᱱ
2. ᱒ ᱱᱚᱝ ᱵᱷᱮᱲᱵᱷᱮᱲᱤ ᱤᱭᱩᱱᱤᱭᱚᱱ
3. ᱓ ᱱᱚᱝ ᱟᱝᱜᱟᱨᱯᱟᱲᱟ ᱤᱭᱩᱱᱤᱭᱚᱱ
4. ᱔ ᱱᱚᱝ ᱠᱷᱟᱢᱟᱨᱯᱟᱲᱟ ᱤᱭᱩᱱᱤᱭᱚᱱ
5. ᱕ ᱱᱚᱝ ᱵᱷᱟᱵᱽᱠᱤ ᱤᱭᱩᱱᱤᱭᱚᱱ
6. ᱖ ᱱᱚᱝ ᱜᱚᱣᱭᱟᱞᱰᱤᱦᱤ ᱤᱭᱩᱱᱤᱭᱚᱱ

ᱦᱚᱲ ᱠᱚ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱧᱟᱢ ᱟᱠᱟᱱ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱑,᱗᱘,᱓᱑᱔ ᱜᱚᱴᱟᱝ ᱦᱚᱲᱠᱩ ᱢᱮᱱᱟᱜ ᱠᱚᱣᱟ᱾ ᱚᱱᱟ ᱛᱟᱞᱟᱨᱮ ᱠᱚᱲᱟ-᱙᱐,᱐᱓᱘ ᱜᱚᱴᱟᱝ, ᱠᱩᱲᱤ-᱘᱘,᱒᱗᱖ ᱜᱚᱴᱟᱝ᱾ ᱦᱚᱲ ᱠᱚᱣᱟᱜ ᱥᱟᱸᱜᱮ ᱫᱚ ᱯᱚᱨᱛᱤ ᱵᱚᱨᱜᱚ ᱠᱤᱞᱚᱢᱤᱴᱟᱹᱨ ᱨᱮ ᱙᱕᱖ ᱜᱟᱱ᱾

ᱫᱩᱨᱤᱵᱽᱠᱚ

ᱠᱷᱟᱱᱥᱟᱢᱟ ᱩᱯᱚᱡᱮᱞᱟ ᱫᱚ ᱠᱚᱨᱚᱛᱚᱭᱟ ᱜᱟᱰᱟ ᱨᱟᱠᱟᱵᱽ ᱠᱟᱱ ᱠᱷᱟᱹᱛᱤᱨ ᱛᱮ ᱱᱤᱭᱟᱹ ᱩᱯᱚᱡᱮᱞᱟ ᱨᱮ ᱫᱚ ᱟᱹᱰᱤ ᱜᱮ ᱟᱵᱟᱫᱽ ᱠᱚ ᱦᱩᱭᱩᱜ-ᱟ᱾ ᱚᱱᱚ ᱛᱟᱞᱮᱨᱮ ᱡᱟᱥᱛᱤ ᱫᱚ ᱦᱩᱲᱩ, ᱟᱞᱩ, ᱡᱚᱸᱰᱨᱟ, ᱜᱚᱦᱩᱢ, ᱯᱮᱸᱭᱟᱸᱡᱽ ᱟᱨ ᱠᱟᱭᱨᱟ ᱥᱟᱶ ᱟᱨᱦᱚᱸ ᱟᱭᱢᱟ ᱞᱮᱠᱟᱱ ᱟᱵᱟᱫ᱾ ᱚᱱᱟ ᱵᱮᱜᱚᱨᱦᱚᱸ ᱟᱹᱰᱤ ᱜᱮ ᱯᱟᱴ ᱟᱵᱟᱫᱽ ᱦᱩᱭᱩᱜ-ᱟ᱾ ᱡᱟᱹᱯᱤᱛ ᱚᱠᱛᱚ ᱨᱮ ᱟᱨᱦᱚᱸ ᱟᱸᱰᱤ ᱜᱮ ᱦᱟᱠᱩ ᱦᱚᱸᱠᱚ ᱧᱟᱢᱚᱜ ᱜᱮᱭᱟ᱾

ᱜᱟᱰᱟ ᱠᱚ

ᱠᱷᱟᱱᱥᱟᱢᱟ ᱩᱯᱚᱡᱮᱞᱟ ᱨᱮ ᱓ ᱜᱚᱴᱟᱝ ᱜᱟᱰᱟ ᱢᱮᱱᱟᱜ-ᱟ᱾ ᱚᱱᱟᱫᱚ ᱦᱩᱭᱩᱜ ᱠᱟᱱᱟ, ᱠᱚᱨᱚᱛᱚᱭᱟ ᱜᱟᱰᱟ, ᱠᱟᱹᱴᱤᱡᱽ ᱡᱚᱢᱩᱱᱟ ᱜᱟᱰᱟ]], ᱟᱛᱨᱟᱭ ᱜᱟᱰᱟ ᱾

ᱧᱩᱛᱩᱢᱟᱱ ᱦᱚᱲᱠᱚ

• ᱢᱚᱦᱟᱢᱢᱚᱫᱽ ᱥᱚᱞᱤᱢᱚᱫᱫᱤᱱ ᱟᱷᱚᱢᱢᱮᱫᱽ
• ᱦᱟᱥᱟᱱ ᱟᱞᱤ
• ᱠᱚᱨᱱᱮᱞ ᱢᱚᱦᱟᱢᱢᱚᱫᱽ ᱟᱵᱽᱫᱩᱥ ᱥᱚᱵᱩᱨ
• ᱟᱵᱩᱞ ᱦᱟᱥᱟᱱ ᱢᱟᱦᱚᱢᱢᱚᱫᱽ ᱟᱞᱤ

ᱟᱨᱦᱚᱸ ᱧᱮᱞ

• ᱵᱟᱝᱞᱟᱫᱮᱥ ᱨᱮᱱᱟᱜ ᱩᱯᱚᱡᱮᱞᱟᱠᱚ
• ᱵᱟᱝᱞᱟᱫᱮᱥ ᱨᱮᱱᱟᱜ ᱠᱷᱚᱸᱰᱠᱚ
• ᱵᱟᱝᱞᱟᱫᱮᱥ ᱨᱮᱱᱟᱜ ᱦᱚᱱᱚᱛᱠᱚ