ᱢᱚᱝᱜᱚᱞᱟ ᱱᱟᱨᱞᱤᱠᱟᱨ
ᱢᱚᱝᱜᱚᱞᱟ ᱱᱟᱨᱞᱤᱠᱟᱨ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱚᱝᱜᱚᱞᱟ ᱨᱟᱡᱽᱣᱟᱲᱮ ᱵᱚᱢᱵᱮ, ᱥᱤᱧᱚᱛ |
ᱥᱮᱪᱮᱫ ᱟᱠᱷᱲᱟ | ᱵᱚᱢᱵᱮ ᱡᱮᱜᱮᱫ ᱵᱤᱨᱫᱟᱹ ᱜᱟᱲ |
ᱠᱟᱹᱢᱤ | ᱮᱞᱮᱠᱷᱟᱠᱤᱭᱟᱹ |
ᱡᱤᱭᱚᱱ ᱥᱚᱦᱮᱫ | ᱡᱚᱭᱚᱱᱛᱚ ᱱᱟᱨᱞᱤᱠᱟᱨ |
ᱦᱚᱯᱚᱱ | ᱓ |
ᱢᱚᱝᱜᱚᱞᱟ ᱱᱟᱨᱞᱤᱠᱟᱨ ᱫᱚᱭ ᱦᱚᱭᱚᱜ ᱠᱟᱱᱟ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱮᱱ ᱥᱮᱬᱟ ᱮᱞᱠᱷᱟ ᱥᱟᱬᱮᱥᱤᱭᱟᱹ| ᱩᱱᱤ ᱫᱚ ᱞᱟᱯᱷᱟᱝ ᱮᱞᱠᱷᱟ ᱟᱨ ᱟᱞᱜᱟ ᱮᱞᱠᱷᱟ, ᱵᱟᱱᱟᱨ ᱱᱟᱦᱴᱟ ᱨᱮ ᱜᱮ ᱮᱱᱮᱢ ᱢᱮᱱᱟᱜ ᱛᱟᱭᱟ| ᱮᱞᱠᱷᱟ ᱨᱮ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱛᱟᱭᱱᱚᱢ ᱩᱱᱤ ᱫᱚ ᱴᱟᱴᱟ ᱢᱳᱣᱞᱤᱠ ᱠᱷᱚᱱᱫᱽᱨᱚᱝ ᱛᱟᱞᱢᱟ ᱨᱮ ᱠᱟᱹᱢᱤ ᱮᱦᱚᱵ ᱮᱱᱟ| ᱛᱟᱭᱚᱢ ᱚᱠᱛᱮ ᱨᱮ ᱩᱱᱤ ᱫᱚ ᱯᱩᱱᱮ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱟᱨ ᱢᱩᱢᱵᱟᱭ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱠᱟᱹᱢᱤ ᱞᱮᱫᱟ| ᱮᱞᱠᱷᱟ ᱥᱟᱛᱷᱟᱢ ᱤᱫᱤ ᱠᱟᱛᱮ ᱩᱱᱤ ᱫᱚ ᱤᱝᱨᱟᱹᱡᱤ ᱟᱨ ᱢᱟᱨᱟᱴᱷᱤ ᱵᱟᱱᱟᱨ ᱯᱟᱹᱨᱥᱤ ᱛᱮ ᱜᱮ ᱟᱹᱰᱤ ᱟᱭᱢᱟ ᱯᱚᱛᱚᱵ ᱟᱨ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ| ᱜᱟᱨᱜᱤ ᱟᱨᱡᱩᱱ ᱡᱤᱣᱮᱫ ᱜᱮ ᱢᱮᱱᱟᱭᱟ (Gargi Ajun Jeevant Aahe) ᱧᱩᱛᱩᱢᱟᱱ ᱢᱟᱨᱟᱴᱷᱤ ᱯᱚᱛᱚᱵ ᱞᱟᱹᱜᱤᱫ ᱩᱱᱤ ᱰᱚ ᱒᱐᱐᱒ ᱥᱮᱨᱢᱟ ᱨᱮ ᱵᱤᱥᱣᱟ ᱱᱟᱛᱷ ᱜᱚᱠᱷᱞᱮ ᱥᱤᱨᱯᱟ,ᱭ ᱦᱟᱢᱮᱴ ᱞᱮᱫᱟ|
ᱦᱩᱰᱤᱧ ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱝᱜᱚᱞᱟ ᱱᱟᱨᱞᱤᱠᱟᱨ ᱫᱚ ᱑᱙᱖᱒ ᱥᱮᱨᱢᱟ ᱨᱮ ᱢᱩᱢᱵᱟᱭ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱮᱞᱠᱷᱟ ᱥᱟᱛᱷᱟᱢ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ| ᱑᱙᱖᱘ ᱥᱮᱨᱢᱟ ᱨᱮ ᱩᱱᱤ ᱫᱚ ᱤᱱᱟᱹ ᱢᱤᱫ ᱥᱟᱛᱷᱟ ᱨᱮ ᱜᱮ ᱯᱟᱹᱦᱤᱞ ᱛᱷᱚᱠ ᱯᱟᱹᱦᱤᱞ ᱮᱞ ᱨᱮ ᱮᱢᱹᱮᱹᱥᱤ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ ᱟᱨ ᱥᱟᱣᱛᱮ ᱟᱪᱟᱨᱡᱚᱣᱟᱜ ᱥᱚᱱᱟ ᱢᱮᱰᱮᱞ ᱦᱚᱸᱭ ᱦᱟᱢᱮᱴ ᱞᱮᱫᱟ| ᱑᱙᱖᱖ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱮᱨᱢᱟ ᱜᱟᱹᱠᱷᱩᱲᱤᱭᱟᱹ ᱟᱨ ᱯᱚᱫᱟᱨᱛᱷᱚ ᱥᱟᱬᱮᱥᱤᱭᱟᱹ ᱡᱚᱭᱚᱱᱛᱚ ᱵᱤᱥᱟᱩ ᱱᱟᱨᱞᱤᱠᱟᱨ ᱥᱟᱟᱶᱛᱮᱭᱮ ᱵᱟᱯᱞᱟ ᱞᱮᱱᱟ| ᱜᱤᱛᱟ, ᱜᱤᱨᱤᱡᱟ ᱟᱨ ᱞᱤᱞᱟᱵᱟᱛᱤ ᱧᱩᱛᱩᱢ ᱛᱮ ᱩᱱᱠᱤᱱ ᱨᱮ ᱯᱮᱭᱟ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ| ᱡᱚᱛᱚ ᱜᱮ ᱥᱟᱬᱮᱥ ᱯᱟᱦᱴᱟ ᱨᱮ ᱠᱮᱨᱤᱭᱟᱨ ᱠᱚ ᱵᱮᱱᱟᱣ ᱟᱠᱟᱫᱟ| ᱜᱤᱛᱟ ᱫᱚ ᱥᱟᱱ ᱯᱷᱟᱱᱥᱤᱥᱠᱚ ᱨᱮᱭᱟᱜ ᱠᱮᱞᱤᱯᱷᱚᱱᱤᱭᱟ ᱡᱮᱜᱮᱫ ᱵᱤᱨᱫᱟ ᱜᱟᱲ ᱨᱮᱱ ᱯᱨᱚᱯᱷᱮᱥᱟᱨ ᱟᱨ ᱦᱩᱰᱤᱧ ᱵᱟᱱᱟᱨ ᱜᱮ ᱠᱚᱢᱯᱤᱭᱩᱴᱟᱨ ᱥᱟᱶ ᱡᱚᱲᱟᱣ ᱢᱮᱱᱟᱜ ᱠᱤᱱᱟᱹ|
᱑᱙᱖᱔ ᱥᱮᱨᱢᱟ ᱠᱷᱚᱱ ᱑᱙᱖᱖ ᱱᱟᱨᱞᱤᱠᱟ ᱫᱚ ᱴᱟᱴᱟ ᱢᱳᱞ ᱠᱷᱚᱱᱫᱽᱨᱚᱝ ᱛᱟᱞᱢᱟ ᱨᱮᱭᱟᱜ ᱮᱞᱮᱠᱷᱟ ᱰᱤᱯᱹᱟᱴ ᱨᱮ ᱠᱷᱚᱱᱫᱽᱨᱚᱝ ᱯᱟᱹᱴᱷᱩᱣᱟᱹ ᱟᱨ ᱠᱷᱚᱱᱫᱽᱨᱚᱝ ᱯᱟᱹᱴᱷᱜᱩᱣᱟᱹ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ| ᱑᱙᱖᱗ ᱥᱮᱨᱢᱟ ᱠᱷᱚᱱ ᱑᱙᱖᱙ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱠᱮᱢᱵᱽᱨᱤᱡᱽ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱢᱟᱲᱟᱝ ᱥᱱᱟᱛᱚᱠ ᱵᱤᱵᱷᱟᱹᱜᱽ ᱨᱮ ᱢᱟᱪᱮᱛᱟᱱᱤ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ| ᱑᱙᱗᱔ ᱥᱮᱨᱢᱟ ᱠᱷᱚᱱ ᱑᱙᱘᱐ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱴᱟᱴᱟ ᱤᱥᱴᱤᱴᱤᱣᱩᱰ ᱨᱮ ᱟᱨᱦᱦᱚᱸ ᱮᱞᱮᱠᱷᱟ ᱰᱤᱯᱟᱹᱴ ᱨᱮ ᱠᱟᱹᱢᱤᱭᱮ ᱮᱦᱚᱵ ᱮᱱᱟ| ᱵᱟᱯᱞᱟ ᱠᱟᱛᱮ ᱑᱖ ᱥᱮᱨᱢᱟ ᱛᱟᱭᱱᱚᱢ, ᱑᱙᱘᱑ ᱨᱮ ᱩᱱᱤ ᱫᱚ ᱢᱩᱢᱵᱟᱭ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱮᱞ ᱛᱚᱛᱷᱚ ᱪᱮᱛᱟᱱ ᱨᱮ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ| ᱰᱚᱠᱴᱚᱨᱮᱴ ᱰᱤᱜᱽᱨᱤ ᱦᱟᱢᱮᱴ ᱛᱟᱭᱱᱚᱢ ᱩᱱᱤ ᱫᱚ ᱴᱟᱴᱟ ᱤᱱᱥᱴᱤᱴᱤᱣᱩᱰ ᱨᱮ ᱑᱙᱘᱒ - ᱑᱙᱘᱕ ᱥᱮᱨᱢᱟ ᱦᱟᱹᱵᱤᱡ ᱯᱚᱞ ᱚᱯᱷᱤᱥᱟᱨ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸ ᱠᱟᱱᱟ|
ᱥᱚᱱᱚᱫᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱨᱞᱤᱠᱟᱨ ᱟᱜ ᱟᱹᱰᱤ ᱟᱭᱢᱟ ᱥᱟᱬᱮᱥᱤᱭᱟᱹ ᱚᱱᱚᱞ ᱟᱨ ᱟᱭᱢᱟ ᱯᱚᱛᱚᱵ ᱠᱚᱭ ᱚᱞ ᱟᱠᱟᱫᱟ| ᱚᱱᱟ ᱠᱚ ᱵᱷᱤᱛᱨᱤ ᱨᱮ ᱦᱚᱭᱚᱜ ᱠᱟᱱᱟᱺ-
ᱚᱱᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Theory of Sieved Integers, ᱮᱠᱴᱟ ᱟᱨᱤᱛᱷ ᱢᱮᱴᱤᱠᱟ; ᱓᱘, ᱑᱕᱗;
- On a theorem of Erdos and Szemeredi, ᱦᱟᱨᱰᱤ ᱨᱟᱢᱟᱱᱩᱡᱚᱱ ᱯᱟᱛᱷᱟᱢ; ᱒, ᱔᱑; ᱑᱙᱘᱐ ᱥᱮᱨᱢᱟ|
- On the Mean Square Value theorem of Hurwitz Zeta function, ᱯᱨᱚᱥᱤᱰᱤᱝᱥ ᱚᱯᱷ ᱱᱮᱥᱟᱨᱮᱞ ᱮᱠᱟᱰᱮᱢᱤ ᱚᱯᱷ ᱥᱟᱭᱤᱱᱥ; ᱙᱐, ᱑᱙᱕, ᱑᱙᱘᱑|
- Hybrid mean Value Theorem of L-functions, ᱦᱟᱨᱰᱤ ᱨᱟᱢᱟᱱᱩᱡᱚᱱ ᱯᱟᱛᱷᱟᱢ; ᱙,᱑᱑-᱑᱖; ᱑᱙᱘᱖|
- On orders solely of Abelian Groups; ᱞᱚᱱᱰᱚᱱ ᱮᱞᱮᱠᱷᱟ ᱥᱟᱶᱛᱟ ᱯᱟᱛᱷᱟᱢ; ᱒᱐,᱒᱑᱑-᱒᱑᱖; ᱑᱙᱘᱘ ᱥᱮᱨᱢᱟ ᱨᱮ|
ᱯᱚᱛᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱜᱟᱱᱤᱛᱟᱪᱟᱨᱭᱟᱟ ᱪᱚᱯᱭᱟ ᱵᱷᱟᱴᱟ, ᱢᱟᱨᱟᱴᱷᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ-ᱮ ᱚᱞ ᱟᱠᱟᱫᱟ|
- ᱮᱛᱚᱦᱚᱵ ᱮᱞᱮᱠᱷᱟ ᱟᱞᱜᱟ ᱵᱚᱞᱚᱱ, ᱟᱥᱲᱟ ᱥᱮᱱᱚᱜ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ-ᱮ ᱚᱞ ᱟᱠᱟᱫᱟ|
- ᱢᱤᱫ ᱢᱟᱨᱟᱝ ᱥᱮᱨᱢᱟ ᱡᱟᱨᱯᱟ, ᱡᱚᱭᱚᱱᱛᱚ ᱱᱟᱨᱞᱤᱠᱟ ᱣᱟᱜ ᱢᱤᱰᱴᱮᱱ ᱛᱚᱨᱡᱚᱢᱟ ᱯᱚᱛᱚᱵ|