ᱰᱤᱢᱟ ᱦᱟᱥᱟᱣ ᱦᱚᱱᱚᱛ
ᱰᱤᱢᱟ ᱦᱟᱥᱟᱣ ᱦᱚᱱᱚᱛ (ᱤᱝᱨᱟᱹᱡᱤᱻ Dima Hasao district (DHD); ᱢᱟᱨᱮ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟᱻ ᱠᱚᱭᱮ ᱠᱟᱥᱟᱨ ᱵᱩᱨᱩ ᱦᱚᱱᱚᱛ) ᱠᱚᱭᱮᱼ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱴᱟᱝ ᱦᱚᱱᱚᱛ ᱠᱟᱱᱟ ᱾ ᱱᱟᱜᱟᱢ ᱞᱮᱠᱟ ᱛᱮ ᱰᱤᱢᱟᱥᱟᱼ ᱠᱟᱥᱟᱨᱤ ᱠᱚᱣᱟᱜ ᱟᱣᱛᱟᱱ ᱜᱟᱲ ᱠᱟᱱᱟ ᱾ ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱮᱛᱟᱝ ᱜᱤᱨᱟᱹᱵᱟᱥᱤ ᱦᱚᱱᱚᱛ ᱠᱟᱱᱟ ᱾ ᱟᱥᱚᱠᱟᱭ ᱛᱮ ᱱᱟᱜᱟ ᱟᱨ ᱰᱤᱢᱟᱥᱟ ᱥᱟᱝᱜᱮ ᱵᱤᱨᱟᱹᱵᱟᱥ ᱟᱠᱟᱱ ᱦᱚᱱᱚᱛ ᱠᱟᱱᱟ ᱾ ᱥᱚᱨᱮᱥ ᱥᱤᱨᱡᱚᱱ ᱛᱮ ᱥᱟᱡᱟᱣ ᱟᱠᱟᱱ ᱟᱥᱟᱢ ᱨᱮᱭᱟᱜ ᱢᱤᱫ ᱮᱥᱠᱟᱨ ᱵᱩᱨᱩ ᱱᱟᱝᱜᱽᱨᱟᱦᱟ ᱦᱟᱯᱷᱞᱚᱝ ᱚᱱᱟ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜᱼᱟ ᱾ ᱦᱟᱯᱷᱞᱚᱝ ᱜᱮ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱠᱟᱱᱟ ᱾ ᱦᱟᱦᱟᱲᱟ ᱜᱮ ᱪᱮᱬᱮ ᱭᱟᱜ ᱜᱩᱡᱩᱜ ᱞᱟᱹᱜᱤᱫ ᱪᱚᱨᱪᱟ ᱨᱮ ᱢᱮᱱᱟᱜ ᱴᱷᱟᱹᱭ ᱡᱟᱛᱤᱝᱜᱟ ᱫᱚ ᱱᱚᱣᱟ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜᱼᱟ ᱾ "ᱰᱤᱢᱟ ᱦᱟᱥᱟᱣ" ᱰᱤᱢᱟᱥᱟ ᱯᱟᱹᱨᱥᱤ ᱟᱹᱲᱟᱹ ᱱᱤᱭᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱰᱤᱢᱟᱥᱟ ᱵᱩᱨᱩ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱜᱟᱢ ᱞᱮᱠᱟ ᱛᱮ ᱰᱤᱢᱟᱥᱟ ᱠᱟᱥᱟᱨᱤ ᱠᱚᱣᱟᱜ ᱟᱣᱛᱟᱱ ᱜᱟᱲ ᱱᱚᱣᱟ ᱴᱚᱴᱷᱟ ᱫᱚ ᱵᱨᱤᱴᱤᱥ ᱥᱟᱥᱟᱴᱚᱱ ᱚᱠᱛᱮ ᱠᱷᱚᱱ ᱜᱮ ᱟᱥᱟᱢ ᱯᱚᱱᱚᱛ ᱨᱮ ᱢᱮᱱᱟᱜ ᱱᱚᱜᱟᱶ ᱦᱚᱱᱚᱛ ᱨᱮᱭᱟᱜ ᱢᱤᱫ ᱴᱮᱱ ᱢᱚᱦᱩᱠᱢᱟ ᱢᱮᱱ ᱛᱮ ᱵᱟᱱᱫᱷᱟᱣ ᱞᱮᱱᱟ. ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱦᱟᱢᱮᱴ ᱛᱟᱭᱚᱢ ᱢᱤᱠᱤᱨ ᱵᱩᱨᱩ ᱟᱨ ᱠᱚᱭᱮ ᱠᱟᱥᱟᱨ ᱥᱮᱞᱮᱫ ᱠᱟᱛᱮ ᱢᱤᱫ ᱴᱮᱱ ᱦᱚᱱᱚᱛ ᱵᱟᱱᱫᱷᱟᱣ ᱦᱩᱭ ᱞᱮᱱᱟ ᱾ ᱑᱙᱕᱒ ᱥᱮᱨᱢᱟ ᱠᱷᱚᱱ ᱦᱚᱱᱚᱛ ᱠᱚ ᱥᱤᱧᱚᱛᱤᱭᱟᱹ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱟᱜ ᱫᱷᱟᱯ ᱨᱮ ᱥᱮᱞᱮᱫᱚᱜ ᱮᱦᱚᱵ ᱮᱱᱟ, ᱟᱨ ᱦᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱵᱷᱟᱨ ᱦᱚᱱᱚᱛ ᱵᱟᱹᱭᱥᱤ ᱟᱜ ᱛᱤ ᱪᱟᱞ ᱦᱩᱭ ᱞᱮᱱᱟ ᱾ ᱑᱙᱗᱐ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱯᱩᱨᱟᱹ ᱦᱚᱱᱚᱛ ᱨᱮᱭᱟᱜ ᱢᱟᱹᱱ ᱠᱚ ᱮᱢᱟᱣᱫᱟᱜᱼᱟ ᱾ ᱱᱟᱦᱟᱜ ᱦᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱤᱨᱟᱹᱠ ᱟᱜ ᱫᱷᱟᱯ ᱛᱟᱵᱮ ᱨᱮ ᱟᱨ ᱦᱚᱱᱚᱛ ᱨᱮᱭᱟᱜ ᱟᱹᱯᱟᱹᱱᱟᱹᱛ ᱵᱟᱹᱭᱥᱤ ᱜᱮ ᱡᱚᱛᱚ ᱰᱤᱯᱟᱹᱴ ᱨᱮᱭᱟᱜ ᱠᱟᱹᱢᱤ ᱠᱟᱹᱥᱱᱤ ᱥᱟᱢᱵᱽᱲᱟᱣᱮᱫ ᱠᱟᱱᱟ ᱾
ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱮᱛᱚᱢ ᱦᱤᱥ ᱨᱮ ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱫᱚ ᱛᱷᱟᱢ ᱜᱟᱹᱰᱤ ᱟᱠᱟᱱᱟ ᱾ ᱚᱠᱷᱦᱤᱥ ᱒᱕° ᱓’’ ᱠᱚᱭᱮ ᱠᱷᱚᱱ ᱒᱕° ᱔᱗’’’’ ᱠᱚᱭᱮ ᱦᱟᱹᱵᱤᱡ; ᱟᱨ ᱫᱨᱟᱜᱷᱤᱢᱦᱤᱥ ᱙᱒° ᱓᱗ ᱥᱟᱢᱟᱝ ᱠᱷᱚᱱ ᱙᱓° ᱑᱗’’‘’ ᱥᱟᱢᱟᱝ ᱦᱟᱹᱵᱤᱡ ᱯᱟᱥᱱᱟᱣ ᱟᱠᱟᱱᱟ ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱔᱘᱙᱐ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱩᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱥᱟᱢᱟᱝ ᱦᱤᱥ ᱨᱮᱭᱟᱜ ᱩᱥᱩᱞ ᱖᱐᱐ - ᱙᱐᱐ ᱢᱤᱴᱟᱨ ᱟᱨ ᱠᱚᱭᱮ ᱦᱤᱥ ᱨᱮᱭᱟᱜ ᱩᱥᱩᱞ ᱑᱐᱐᱐ ᱢᱤᱴᱟᱨ ᱾[᱑]
ᱦᱚᱭ ᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱨᱮᱭᱟᱜ ᱦᱚᱭ ᱦᱤᱥᱤᱫ ᱫᱚ ᱱᱟᱥᱮ ᱞᱚᱞᱚ - ᱱᱟᱥᱮᱼᱩᱨᱜᱩᱢ ᱢᱟᱪᱷᱟ ᱜᱮᱭᱟ ᱾ ᱮᱱ ᱨᱮ ᱦᱚᱸ ᱦᱚᱱᱚᱛ ᱵᱷᱤᱛᱨᱤ ᱨᱮ ᱦᱚᱭ ᱦᱤᱥᱤᱫ ᱨᱮᱭᱟᱜ ᱵᱷᱮᱱᱮᱜᱟᱨ ᱫᱚ ᱢᱮᱱᱟᱜ ᱜᱮᱭᱟ ᱾ ᱢᱮ ᱪᱟᱱᱫᱚ ᱠᱷᱚᱱ ᱥᱮᱯᱴᱮᱢᱵᱯᱨ ᱪᱟᱱᱫᱚ ᱦᱟᱹᱵᱤᱡ ᱫᱟᱜᱼᱮ ᱡᱟᱹᱲᱤᱭᱟ ᱾ ᱵᱚᱨᱟᱞᱚᱭ ᱨᱮ ᱵᱟᱹᱲᱛᱤ ᱫᱟᱜ ᱧᱩᱨᱩᱜᱼᱟ ᱾ ᱵᱚᱨᱟᱞᱚᱭ ᱦᱩᱥ ᱨᱮ ᱜᱚᱲ ᱥᱮᱨᱢᱟ ᱨᱮ ᱫᱟᱜ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱒᱒᱐᱐ ᱢᱤ.ᱢᱤ. ᱠᱷᱚᱱ ᱒᱗᱐᱐ ᱢᱤ.ᱢᱤ., ᱱᱷᱟᱛᱮ ᱞᱟᱞᱢᱟᱴᱤᱝ - ᱢᱥᱱᱫᱟᱨᱫᱤᱥᱟᱼ ᱰᱤᱭᱟᱝ ᱢᱩᱠᱷ ᱴᱚᱴᱷᱟ ᱨᱮ ᱥᱮᱨᱢᱟ ᱜᱚᱲ ᱑᱒᱐᱐ ᱢᱤ.ᱢᱩ. ᱠᱷᱚᱱ ᱑᱘᱐᱐ ᱢᱤ.ᱢᱤ. ᱦᱟᱹᱵᱤᱡ ᱫᱟᱜ ᱧᱩᱨᱩᱜᱼᱟ ᱾ ᱵᱟᱹᱲᱛᱤ ᱞᱚᱞᱚ ᱒᱔° ᱠᱷᱚᱱ ᱓᱐° ᱥᱮᱞᱥᱤᱭᱟᱥ, ᱟᱨ ᱠᱚᱢᱟᱣ ᱞᱚᱞ ᱫᱚ ᱑᱐° ᱠᱷᱚᱱ ᱑᱔° ᱥᱮᱞᱥᱤᱭᱟᱥ ᱾
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "ডিমা হাছাও জিলাৰ চৰকাৰী ৱেবছাইট, আহৰণ কৰা তাৰিখ ১৭-০৬-২০১২". Archived from the original on 2011-08-29. Retrieved 2012-04-04.