ᱛᱨᱤᱵᱮᱱᱤ ᱫᱮᱵᱤ ᱵᱷᱟᱞᱳᱴᱤᱭᱟ ᱠᱚᱞᱮᱡᱽ
| ᱛᱨᱩᱵᱣᱱᱤ ᱫᱮᱵᱤ ᱵᱷᱟᱞᱳᱴᱤᱭᱟ ᱠᱚᱞᱮᱡᱽ | |
|---|---|
| ᱛᱷᱟᱯᱚᱱ | 1957 |
| ᱞᱮᱠᱟᱱ | Undergraduate and Postgraduate college Public college |
| ᱯᱨᱤᱱᱥᱤᱯᱟᱞ | Dr. A. K. Dey |
| ᱥᱮᱪᱮᱫ ᱥᱚᱦᱮᱫ | More than 145 |
| ᱟᱪᱮᱫᱤᱭᱟᱹ ᱮᱞᱮᱞ | More than 5000 |
| ᱴᱷᱟᱶ | Raniganj, Asansol, West Bengal, India |
| ᱠᱮᱢᱯᱚᱥ | Urban |
| ᱣᱮᱵᱽᱥᱟᱭᱤᱴ | Triveni Devi Bhalotia College |
   | |
ᱛᱨᱤᱵᱮᱱᱤ ᱫᱮᱵᱤ ᱵᱷᱟᱞᱳᱴᱤᱭᱟ ᱠᱚᱞᱮᱡᱽ, ᱡᱟᱦᱟᱸ ᱫᱚ ᱨᱟᱱᱤᱜᱚᱡᱽ ᱴᱤᱰᱤᱵᱤ ᱠᱚᱞᱮᱡᱽ ᱧᱩᱛᱩᱢ ᱛᱮ ᱩᱯᱨᱩᱢᱚᱜᱼᱟ , ᱱᱚᱶᱟ ᱛᱷᱟᱯᱚᱱ ᱫᱚ ᱢᱤᱫ ᱥᱟᱶᱛᱮ ᱥᱮᱪᱮᱫ ᱟᱱᱟᱜ ᱟᱨ ᱑᱙᱕᱗ ᱥᱮᱨᱢᱟ ᱨᱮ ᱱᱚᱶᱟ ᱨᱮᱭᱟᱜ ᱢᱟᱦᱟ ᱟᱨ ᱢᱟᱦᱟ ᱨᱮᱭᱟᱜ ᱛᱷᱚᱱᱚᱛ ᱛᱷᱟᱯᱚᱱ ᱞᱮᱱᱟ ᱾ ᱱᱚᱶᱟ ᱫᱚ ᱵᱷᱟᱨᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱟᱥᱟᱱᱥᱳᱞ ᱯᱚᱪᱷᱤᱢ ᱵᱚᱨᱫᱷᱟᱢᱚᱱ ᱦᱚᱱᱚᱛ(ᱡᱮᱞᱟ) ᱨᱮᱭᱟᱜ ᱨᱟᱱᱤᱜᱚᱡᱽ ᱨᱮ ᱢᱮᱱᱟᱜ ᱢᱤᱫᱴᱟᱝ ᱞᱚᱞᱮᱡᱽ ᱠᱟᱱᱟ ᱾ [᱑]ᱱᱚᱶᱟ ᱫᱚ NH-2 ᱟᱨ ᱯᱩᱨᱵᱚ ᱨᱮᱞᱳᱭᱮ ᱛᱟᱞᱟ ᱨᱮ ᱨᱟᱱᱤᱜᱚᱡᱽ ᱨᱮᱭᱟᱜ ᱢᱤᱫᱴᱟᱝ ᱛᱟᱞᱢᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱠᱳᱢᱟᱨᱥ ᱟᱨ ᱥᱟᱬᱮᱥ ᱟᱨ ᱛᱟᱭᱚᱢᱼᱵᱮᱵᱟᱪᱚᱠ ᱥᱮᱪᱮᱫ ᱨᱮ ᱚᱱᱛᱟᱨᱮ ᱥᱮᱪᱮᱫ ᱦᱚᱨᱟ ᱠᱚ ᱮᱢᱼᱟ ᱾ [᱒]᱒᱗ ᱜᱚᱴᱟᱝ ᱟᱱᱟᱨᱥ ᱥᱟᱛᱟᱢ ᱟᱨ 7 ᱜᱚᱴᱟᱝ ᱯᱮᱥᱴᱟᱜᱨᱟᱡᱤᱭᱩᱴ ᱥᱟᱛᱟᱢ ᱥᱟᱶ ᱪᱮᱛᱟᱱ ᱥᱮᱪᱮᱫ ᱨᱮᱭᱟᱜ ᱠᱟᱛᱷᱟ ᱞᱮᱠᱟᱛᱮ ᱱᱚᱶᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱫᱚᱥᱟᱨ ᱢᱟᱨᱟᱝ ᱠᱚᱞᱮᱡᱽ ᱾ [᱒]ᱱᱟᱦᱟᱜ ᱒᱐᱐᱗ ᱥᱟᱞ ᱨᱮ ᱠᱚᱞᱮᱡᱽ ᱫᱚ ᱟᱡᱟᱜ ᱜᱳᱞᱰᱮᱱ ᱡᱩᱵᱤᱞᱤ ᱠᱚ ᱢᱟᱱᱟᱣ ᱟᱠᱟᱫᱟ ᱾
ᱛᱨᱤᱵᱮᱱᱤ ᱫᱮᱵᱤ ᱵᱷᱟᱞᱳᱴᱤᱭᱟ ᱠᱚᱞᱮᱡᱽ (ᱴᱤᱰᱤᱵᱤ ᱠᱚᱞᱮᱡᱽ) ᱑᱙᱕᱗ ᱥᱟᱞ ᱠᱷᱚᱱ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱫᱽᱫᱟᱹᱜᱟᱲ ᱨᱮᱭᱟᱜ ᱢᱤᱫᱴᱟᱝ ᱥᱮᱞᱮᱫᱟᱱ ᱢᱟᱦᱟ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱟᱡᱟᱜ ᱥᱟᱸᱜᱷᱟᱨ ᱮᱛᱚᱦᱚᱵ ᱞᱮᱫᱟ ᱾ ᱑᱙᱖᱐ ᱥᱟᱞ ᱠᱷᱚᱱ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱫᱽᱫᱟᱹᱜᱟᱲ ᱨᱮ ᱥᱮᱞᱮᱫ ᱟᱨ ᱒᱐᱑᱕ ᱥᱟᱞ ᱨᱮᱭᱟᱜ ᱒᱔ ᱡᱩᱱ ᱠᱷᱚᱱ ᱠᱟᱡᱤ ᱱᱟᱡᱽᱨᱩᱞ ᱡᱮᱜᱮᱛ ᱵᱤᱫᱽᱫᱟᱹᱜᱟᱲ ᱨᱮ ᱟᱥᱟᱱᱥᱳᱞ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ [᱓]ᱟᱨ ᱡᱮᱜᱮᱛ ᱵᱤᱫᱽᱫᱟᱹᱜᱟᱲ ᱨᱮᱭᱟᱜ ᱠᱟᱹᱣᱰᱤ ᱠᱚᱢᱤᱥᱚᱱ (ᱤᱭᱩᱡᱤ ᱥᱤ) ᱫᱟᱨᱟᱭ ᱛᱮ ᱢᱟᱹᱱ ᱧᱟᱢ ᱟᱠᱟᱱᱟ ᱾[᱑]
ᱠᱚᱞᱮᱡᱽ ᱠᱮᱢᱯᱟᱥ ᱨᱮ ᱠᱚᱞᱮᱡᱽ ᱨᱮᱭᱟᱜ ᱚᱲᱟᱜ , ᱛᱟᱞᱢᱟ ᱯᱚᱛᱚᱵ ᱢᱩᱨᱟᱹᱭ ᱚᱲᱟᱜ , ᱠᱟᱹᱢᱤᱭᱟᱹ ᱠᱚᱣᱟᱜ ᱚᱲᱟᱜ , ᱜᱤᱫᱽᱨᱟᱹ ᱠᱚᱣᱟᱜ ᱦᱳᱥᱴᱮᱞ ᱟᱨ ᱯᱮᱭᱟ ᱠᱷᱮᱞᱳᱰ ᱨᱮᱭᱟᱜ ᱴᱟᱺᱰᱤ ᱢᱮᱱᱟᱜᱼᱟ ᱾ ᱡᱟᱦᱟᱸ ᱑᱕ ᱮᱠᱚᱨ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱡᱟᱦᱟ ᱢᱩᱫᱨᱮ (ᱢᱟᱹᱫᱽ ᱨᱮ) ᱥᱤᱱᱰᱤᱠᱮᱴ ᱵᱮᱱᱠ ᱨᱮᱭᱟᱜ ᱪᱟᱸᱜᱟ ᱥᱟᱶᱛᱮ ᱢᱩᱲᱩᱫ ᱠᱚᱞᱮᱡᱽ ᱠᱮᱢᱯᱟᱥ ᱔᱐ ᱥᱟᱭᱦᱤᱸᱥ ᱟᱨ ᱒᱐ ᱥᱟᱭᱦᱤᱸᱥᱮ ᱚᱛᱦᱟᱥᱟ ᱟᱨ ᱵᱟᱜᱟᱱ ᱫᱟᱨᱮ ᱱᱟᱬᱤ ᱞᱟᱹᱜᱤᱫ ᱵᱮᱣᱦᱟᱨᱚᱜᱼᱟ ᱾[᱒]
ᱟᱱᱰᱟᱨ ᱜᱨᱮᱡᱩᱭᱮᱥᱚᱱ ᱥᱟᱬᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱡᱤᱣᱤ ᱠᱮᱢᱤᱥᱴᱨᱤ
- ᱵᱳᱴᱟᱱᱤ
- ᱠᱮᱢᱤᱥᱴᱨᱤ
- ᱠᱚᱢᱯᱤᱭᱩᱴᱟᱨ ᱮᱯᱞᱤᱠᱮᱥᱚᱱ
- ᱠᱚᱢᱯᱤᱭᱩᱴᱟᱨ ᱥᱟᱬᱮᱥ
- ᱠᱟᱹᱣᱰᱤ ᱟᱹᱨᱤ
- ᱤᱞᱮᱠᱴᱨᱚᱱᱤᱠᱥ
- ᱞᱟᱭᱚᱝ ᱥᱟᱬᱮᱥ
- ᱚᱛᱱᱚᱜ
- ᱡᱤᱭᱳᱞᱚᱡᱤ
- ᱮᱞᱠᱷᱟ
- ᱱᱩᱴᱨᱤᱥᱚᱱ
- ᱫᱩᱨᱤᱵᱟᱱ ᱵᱤᱨᱫᱟᱹ
- ᱯᱷᱤᱥᱤᱭᱳᱞᱡᱤ
- ᱢᱟᱹᱱᱢᱤ ᱥᱟᱬᱮᱥ
- ᱞᱮᱠᱷᱟ
- ᱡᱩᱞᱳᱡᱤ
- ᱵᱟᱝᱞᱟ
- ᱥᱮᱪᱮᱫ
- ᱤᱝᱨᱟᱹᱡᱤ
- ᱦᱤᱱᱫᱤ
- ᱦᱤᱱᱫᱩᱥᱛᱷᱟᱱᱤ ᱥᱮᱨᱮᱧ
- ᱱᱟᱜᱟᱢ
- ᱢᱟᱞᱴᱤᱢᱮᱰᱤᱭᱟ ᱟᱨ ᱢᱟᱥ ᱠᱚᱢᱤᱭᱩᱱᱤᱠᱮᱥᱚᱱ
- ᱥᱟᱹᱨᱭᱟᱹᱲ
- ᱦᱚᱲᱢᱚ ᱥᱮᱪᱮᱫ
- ᱨᱟᱡᱟᱹᱨᱤ ᱥᱟᱬᱮᱥ
- ᱥᱟᱱᱥᱠᱨᱤᱛ
- ᱥᱟᱱᱛᱟᱲᱤ
- ᱥᱟᱶᱛᱟ ᱟᱹᱨᱤ
- ᱩᱨᱫᱩ
- ᱮᱠᱟᱣᱩᱱᱴᱱᱤᱴᱤ
- ᱵᱮᱯᱟᱨ ᱥᱟᱥᱚᱱᱤᱭᱟᱹ
- ᱠᱟᱹᱣᱰᱤ ᱟᱹᱨᱤ
- ᱠᱚᱨ ᱮᱢᱚᱜ
- ᱠᱮᱢᱤᱥᱴᱨᱤ
- ᱡᱩᱞᱳᱡᱤ
- ᱚᱛᱱᱚᱜ
ᱯᱳᱥᱴ ᱜᱨᱮᱡᱩᱭᱮᱥᱚᱱ ᱟᱨᱴᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱵᱟᱝᱞᱟ
- ᱤᱝᱨᱟᱹᱡᱤ
- ᱦᱤᱱᱫᱤ
- ᱩᱨᱫᱩ
ᱠᱚᱞᱮᱡᱽ ᱱᱟᱦᱟᱜ ᱟᱨ ᱟᱜᱟᱢ ᱨᱮ ᱥᱮᱪᱮᱫ ᱟᱨ ᱛᱚᱞᱟᱥ ᱨᱮᱭᱟᱜ ᱥᱟᱛᱟᱢ ᱠᱚ ᱧᱮᱞ ᱞᱟᱹᱜᱤᱫ ᱠᱚᱞᱮᱡᱽ ᱫᱚ ᱢᱤᱫᱴᱟᱝ ᱵᱷᱮᱜᱟᱨ ᱛᱟᱞᱢᱟ ᱨᱮᱭᱟᱜ ᱯᱚᱛᱚᱵ ᱢᱩᱨᱟᱹᱭᱹ ᱚᱲᱟᱜ ᱵᱮᱱᱟᱣ ᱞᱟᱹᱜᱤᱫ ᱛᱮ ᱨᱤᱠᱟᱹ ᱟᱱᱟ ᱾ ᱯᱚᱛᱚᱵ ᱚᱲᱟᱜ ᱨᱮᱭᱟᱜ ᱮᱛᱚᱦᱚᱵ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱥᱮᱪᱮᱫ ᱨᱮᱭᱟᱜ ᱩᱯᱟᱹᱭ ᱨᱮᱭᱟᱜ ᱯᱮᱨᱮᱡᱟᱱ ᱦᱚᱲᱢᱚ ᱟᱨ ᱰᱤᱡᱤᱴᱮᱞ ᱥᱟᱧᱪᱟᱣ ᱠᱚ ᱧᱟᱢ ᱨᱮᱭᱟᱜ ᱩᱯᱟᱹᱭ ᱮᱢᱚᱜ ᱛᱟᱞᱟᱛᱮ ᱠᱚᱞᱮᱡᱽ ᱨᱮᱭᱟᱜ ᱥᱮᱪᱮᱫ ᱠᱟᱹᱢᱤ ᱦᱚᱨᱟ ᱠᱚ ᱜᱚᱲᱚ ᱮᱢᱚᱜ ᱾ ᱱᱚᱶᱟ ᱨᱮ ᱚᱱᱢᱟᱱ 85000 ᱜᱚᱴᱟᱝ ᱯᱚᱛᱚᱵ ᱨᱮᱭᱟᱜ ᱟᱹᱰᱤ ᱱᱟᱯᱟᱭ ᱟᱨ ᱮᱴᱟᱜ ᱞᱮᱠᱟᱱ ᱥᱟᱧᱪᱟᱣ ᱢᱮᱱᱟᱜᱼᱟ , ᱡᱟᱦᱟᱸ ᱢᱩᱫᱨᱮ(ᱢᱟᱹᱫᱽ ᱨᱮ) ᱢᱮᱱᱟᱜᱼᱟ ᱢᱟᱨᱮᱱ ᱚᱞᱼᱫᱩᱠᱛᱚ , ᱚᱠᱛᱚᱼᱵᱩᱴᱟᱹ , ᱢᱮᱜᱟᱡᱤᱱ ᱟᱨ ᱡᱳᱜᱟᱡᱳᱜ ᱡᱟᱦᱟᱸᱠᱚ ᱠᱷᱚᱱ ᱞᱟᱹᱭ ᱥᱚᱫᱚᱨ ᱥᱮ ᱨᱤᱱ ᱦᱟᱛᱟᱣ ᱠᱟᱛᱮ ᱯᱟᱲᱦᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱯᱚᱛᱚᱵ ᱚᱲᱟᱜ ᱨᱮ ᱯᱟᱲᱦᱟᱣ ᱟᱨ ᱨᱤᱱ ᱮᱢᱚᱜ ᱨᱮᱭᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱛᱷᱚᱱᱚᱛ(ᱵᱤᱵᱷᱟᱜᱽ)ᱨᱮ ᱵᱷᱮᱜᱟᱨ ᱞᱮᱠᱟᱛᱮ ᱚᱞᱼᱵᱮᱞ ᱢᱮᱱᱟᱜᱼᱟ ᱾ ᱡᱟᱦᱟᱫᱚ ᱛᱷᱚᱱᱚᱛ(ᱵᱤᱵᱷᱟᱜᱽ) ᱨᱮᱱ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱩᱭᱦᱟᱹᱨ ᱞᱮᱠᱟᱛᱮ ᱥᱮᱪᱮᱫᱤᱭᱟᱹ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾ ᱟᱭᱹᱱ ᱮᱯᱷᱞᱤᱵᱱᱮᱴ ᱨᱮᱭᱟᱜ ᱥᱩᱵᱤᱫᱷᱟ ᱛᱮ ᱯᱟᱹᱴᱷᱣᱟᱹ ᱠᱚ ᱵᱨᱟᱣᱡᱤᱝ ᱟᱨ ᱨᱮᱯᱷᱟᱨᱮᱱᱥ ᱠᱟᱹᱢᱤ ᱞᱟᱹᱜᱤᱫ ᱟᱞᱜᱟᱛᱮ ᱥᱮᱴᱮᱨ ᱨᱮᱭᱟᱜ ᱫᱟᱲᱮᱭ ᱮᱢᱼᱟ ᱾ ᱯᱚᱛᱚᱵ ᱚᱲᱟᱜ ᱨᱮ ᱢᱤᱫᱴᱟᱝ ᱛᱷᱤᱨ ᱟᱨ ᱥᱟᱱᱛᱤᱟᱱᱟᱜ ᱯᱟᱲᱦᱟᱣ ᱚᱲᱟᱜ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱮᱪᱮᱫ ᱟᱨ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱱᱟᱯᱟᱭ ᱾ ᱢᱟᱨᱮᱱ ᱟᱨ ᱵᱤᱨᱟᱹᱫᱟᱹᱞᱤ ᱯᱚᱛᱚᱵ ᱨᱮᱭᱟᱜ ᱟᱹᱰᱤ ᱰᱷᱮᱨ ᱥᱟᱧᱪᱟᱣ ᱥᱟᱶ ᱥᱟᱶᱛᱮ ᱰᱷᱮᱨᱚᱜ ᱠᱟᱱ ᱧᱮᱞ ᱫᱚᱦᱚ ᱨᱮᱭᱟᱜ ᱞᱟᱹᱠᱛᱤ ᱥᱟᱶ ᱛᱮ ᱟᱨᱦᱚᱸ ᱵᱤᱪᱷᱱᱟᱣᱟᱱᱟᱜ ᱩᱛᱱᱟᱹᱣ ᱟᱨ ᱯᱟᱥᱱᱟᱣ ᱞᱟᱹᱜᱤᱫ ᱯᱟᱱᱛᱷᱟ ᱠᱚ ᱪᱟᱞᱟᱜ ᱠᱟᱱᱟ ᱾
ᱢᱤᱫᱴᱟᱝ ᱱᱟᱯᱟᱭ ᱛᱷᱟᱭᱤ ᱨᱮᱭᱟᱜ ᱪᱤᱱᱦᱟᱹ (ᱪᱤᱠᱷᱱᱟᱹ)ᱫᱚ ᱦᱩᱭᱩᱜ ᱠᱟᱱᱟ ᱚᱱᱟ ᱨᱮᱭᱟᱜ ᱢᱟᱹᱱ ᱟᱱᱟᱜ ᱥᱮᱪᱮᱫ ᱥᱟᱶ ᱥᱟᱶᱛᱮ ᱟᱹᱰᱤ ᱥᱚᱨᱮᱥ ᱥᱟᱧᱪᱟᱣ ᱮᱢᱚᱜ ᱨᱮᱭᱟᱜ ᱫᱟᱲᱮ ᱾ ᱤᱧᱟᱹᱜ ᱠᱚᱞᱮᱡᱽ ᱨᱮ ᱫᱚ ᱠᱚᱲᱟ ᱜᱤᱫᱽᱨᱟᱹ ᱠᱚ ᱥᱩᱢᱩᱝ ᱞᱟᱹᱜᱤᱫ ᱜᱮ ᱦᱳᱥᱴᱮᱞ ᱨᱮᱭᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱠᱚᱲᱟ ᱠᱚ ᱞᱟᱹᱜᱤᱫ ᱦᱳᱥᱴᱮᱞ ᱚᱲᱟᱜ ᱫᱚ ᱡᱟᱦᱟ ᱨᱮ 100 ᱜᱚᱴᱟᱝ ᱜᱤᱫᱽᱨᱟᱹ ᱠᱚ ᱛᱟᱦᱮᱸᱱ ᱞᱟᱹᱜᱤᱫ ᱠᱚᱞᱮᱡᱽ ᱠᱮᱢᱯᱟᱥ ᱨᱮᱭᱟᱜ ᱩᱛᱛᱚᱨᱼᱯᱩᱨᱵᱚ ᱦᱤᱸᱥᱨᱮ ᱵᱮᱱᱟᱣ ᱟᱠᱟᱱᱟ ᱾ ᱥᱟᱱᱟᱢ ᱥᱟᱧᱪᱟᱣ ᱫᱚ ᱱᱟᱯᱟᱭ ᱡᱤᱭᱚᱱ ᱦᱚᱲ ᱢᱚ ᱨᱮᱭᱟᱜ ᱦᱟᱞᱚᱛ ᱞᱟᱹᱜᱤᱫ ᱱᱟᱯᱟᱭ ᱞᱮᱠᱟᱛᱮ ᱮᱢ ᱦᱳᱭᱳᱜᱼᱟ ᱡᱟᱦᱟᱸ ᱫᱚ ᱥᱮᱪᱮᱫ ᱨᱮᱭᱟᱜ ᱵᱟᱛᱟᱣᱟᱜ ᱨᱮ ᱵᱳᱭᱥᱚᱛ ᱮ ᱮᱢᱼᱟ ᱾
ᱚᱯᱮᱱᱼᱮᱭᱟᱨ ᱛᱷᱤᱭᱮᱟᱨ " ᱵᱤᱱᱚᱭ ᱪᱳᱣᱫᱷᱩᱨᱤ ᱢᱚᱱᱪᱚ " ᱼ ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱞᱟᱠᱪᱟᱨ ᱟᱠᱷᱲᱟ ᱦᱚᱨᱟᱼᱥᱮᱨᱢᱟ ᱯᱩᱨᱟᱹᱣ ᱟᱠᱷᱲᱟᱼ ᱛᱷᱚᱱᱚᱛ (ᱵᱤᱵᱷᱟᱜᱽ)ᱠᱚ ᱢᱤᱫ ᱠᱚᱨᱟᱣ ᱟᱨ ᱮᱴᱟᱜ-ᱮᱴᱟᱜ ᱞᱟᱠᱪᱟᱨ ᱟᱠᱷᱲᱟ ᱠᱚ ᱥᱟᱯᱲᱟᱣ , ᱡᱟᱦᱟ ᱨᱮ ᱜᱟᱫᱮᱞ ᱨᱮᱭᱟᱜ ᱥᱮᱞᱮᱫ ᱞᱟᱹᱠᱛᱤ ᱦᱩᱭ ᱫᱟᱲᱮᱭᱟᱜᱼᱟ ᱾ ᱚᱯᱮᱱᱼᱮᱭᱟᱨ ᱛᱷᱤᱭᱮᱴᱟᱨ ᱢᱤᱫ ᱚᱠᱛᱮ ᱨᱮ ᱯᱨᱟᱭ 2000 ᱦᱚᱲ ᱧᱮᱞᱟᱱ ᱠᱚ ᱥᱟᱵ ᱫᱚᱦᱚ ᱨᱮᱭᱟᱜ ᱫᱟᱲᱮ ᱢᱮᱱᱟᱜᱼᱟ ᱾
ᱴᱤᱰᱤᱵᱤ ᱞᱚᱠᱮᱡᱽ ᱨᱮ ᱠᱟᱹᱢᱤ ᱡᱤᱭᱚᱱ ᱨᱮᱭᱟᱜ ᱜᱩᱭᱰᱮᱱᱥ ᱥᱮᱞ ᱠᱚᱞᱮᱡᱽ ᱨᱮᱱ ᱯᱨᱤᱱᱥᱤᱯᱟᱞ ᱟᱜ ᱥᱚᱨᱟ-ᱥᱚᱨᱤ ᱥᱟᱢᱲᱟᱣ ᱟᱨ ᱪᱟᱪᱟᱞᱟᱣᱼᱟ ᱾ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱢᱤᱫᱴᱟᱝ ᱜᱟᱫᱮᱞ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱟᱭᱢᱟ ᱩᱯᱟᱹᱭ ᱤᱫᱤ ᱠᱟᱛᱮ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱰᱟᱦᱟᱨ ᱩᱫᱩᱜ ᱞᱟᱹᱜᱤᱫ ᱢᱤᱫ ᱥᱟᱶᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱥᱮᱞ ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱱᱚᱶᱟ ᱠᱚᱞᱮᱡᱽ ᱨᱮᱱ ᱥᱮᱪᱮᱫᱤᱭᱟᱹ ᱠᱚ ᱢᱩᱫᱽᱨᱮ ᱧᱟᱢᱚᱜ ᱠᱟᱱ ᱫᱟᱲᱮ ᱠᱚ ᱪᱤᱱᱦᱟᱹ ᱠᱟᱛᱮ ᱟᱨ ᱢᱤᱫᱴᱟᱝ ᱱᱟᱯᱟᱭ ᱟᱨ ᱥᱟᱼᱵᱟᱹᱲᱤᱡ ᱠᱟᱹᱢᱤ ᱡᱤᱭᱚᱱ ᱵᱟᱪᱷᱱᱟᱣ ᱞᱟᱹᱜᱤᱫ ᱰᱟᱦᱟᱨ ᱩᱫᱩᱜ ᱥᱚᱫᱚᱨ ᱠᱟᱛᱮ ᱩᱱᱠᱩᱭᱟᱜ ᱯᱚᱨᱟᱢᱚᱥ ᱟᱨ ᱵᱮᱣᱦᱟᱨ ᱾ᱠᱳᱥ ᱨᱮᱭᱟᱜ ᱠᱟᱹᱢᱤ ᱦᱚᱨᱟ ᱠᱚ ᱢᱩᱫᱽᱨᱮ ᱢᱮᱱᱟᱜᱼᱟ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱰᱟᱨᱮᱵᱮᱥ ᱠᱚ ᱢᱤᱫ ᱞᱮᱫᱟ ᱟᱨ ᱞᱟᱹᱠᱛᱤ ᱚᱠᱛᱚ ᱵᱮᱣᱦᱟᱨ ᱞᱟᱹᱜᱤᱫ ᱚᱱᱟ ᱠᱚ ᱢᱤᱫ ᱞᱮᱫᱟ ᱾ ᱠᱳᱥ ᱫᱚ ᱯᱟᱹᱴᱷᱩᱣᱟᱹ ᱠᱚ ᱰᱟᱦᱟᱨ ᱩᱫᱩᱜ ᱟᱨ ᱟᱭᱢᱟ ᱞᱮᱠᱟᱱ ᱦᱮᱯᱨᱟᱣ ᱟᱱᱟᱜ ᱵᱤᱰᱟᱹᱣ ᱟᱨ ᱤᱱᱴᱟᱨᱵᱷᱤᱭᱩ ᱨᱮ ᱥᱟᱢᱟᱝ ᱥᱚᱫᱚᱨ ᱞᱟᱹᱜᱤᱫ ᱩᱱᱠᱩᱣᱟᱜ ᱠᱟᱹᱨᱤ ᱩᱛᱱᱟᱹᱣ ᱟᱠᱟᱫᱟᱭ ᱾ ᱠᱮᱨᱤᱭᱟᱨ ᱜᱩᱭᱰᱮᱱᱥ ᱥᱮᱞ ᱫᱚ ᱥᱮᱪᱮᱫᱤᱭᱟᱹ ᱠᱚ ᱩᱱᱠᱩᱭᱟᱜ ᱟᱜᱟᱢ ᱩᱭᱦᱟᱹᱨ ᱞᱟᱹᱜᱤᱫ ᱮ ᱩᱫᱜᱟᱹᱣ ᱞᱟᱹᱜᱤᱫ ᱥᱟᱭᱱᱟᱢᱚᱨ ᱟᱨ ᱠᱚ ᱥᱟᱯᱲᱟᱣᱼᱟ ᱾ ᱥᱮᱞ ᱫᱚ ᱧᱩᱛᱩᱢᱟᱱ ᱠᱳᱢᱯᱟᱱᱤ ᱠᱚ ᱠᱮᱢᱯᱟᱥ ᱤᱱᱴᱟᱨᱵᱷᱤᱭᱩ ᱠᱚᱨᱟᱣ ᱞᱟᱹᱜᱤᱫ ᱟᱨ ᱥᱮᱪᱮᱫᱤᱭᱟᱹ ᱠᱚ ᱢᱩᱫᱨᱮ(ᱢᱟᱹᱫᱽ ᱨᱮ) ᱧᱟᱢ ᱫᱟᱲᱮ ᱞᱟᱹᱜᱤᱫ ᱵᱷᱟᱜᱮ ᱠᱟᱹᱢᱤ ᱛᱚᱞᱟᱥ ᱞᱟᱹᱜᱤᱫ ᱠᱮᱢᱯᱟᱥ ᱨᱮ ᱱᱩᱛᱚᱱᱟ ᱠᱚ ᱮᱢ ᱞᱮᱫᱟ ᱾ ᱠᱮᱢᱯᱟᱥ ᱤᱱᱴᱟᱨᱵᱷᱤᱭᱩ ᱥᱟᱯᱲᱟᱣ ᱢᱮ ᱟᱨ ᱛᱟᱭᱚᱢ ᱫᱟᱨᱟᱢ ᱞᱟᱹᱜᱤᱫ ᱛᱮ ᱱᱟᱯᱟᱭ ᱧᱟᱢ ᱢᱮ ᱾ ᱱᱚᱶᱟ ᱥᱮᱞ ᱯᱳᱭᱞᱳ ᱟᱨ ᱫᱚᱥᱟᱨ ᱥᱮᱨᱢᱟ ᱨᱮᱭᱟᱜ ᱚᱱᱛᱟᱨᱮ ᱥᱮᱪᱮᱫ ᱨᱮᱭᱟᱜ ᱥᱮᱪᱮᱫᱤᱭᱟᱹ ᱠᱚᱣᱟᱜ ᱠᱟᱹᱣᱰᱤ ᱟᱹᱨᱤ ᱞᱮᱠᱟᱛᱮ ᱵᱟᱹᱲᱤᱡ ᱦᱤᱸᱥ ᱠᱚ ᱥᱮᱪᱮᱫ ᱨᱮᱭᱟᱜ ᱠᱟᱹᱢᱤ ᱨᱮ ᱚᱨᱥᱚᱝ ᱵᱟᱝ ᱠᱟᱛᱮ ᱜᱷᱟᱨᱚᱸᱡᱽ ᱨᱮᱭᱟᱜ ᱟᱭ ᱨᱮᱭᱟᱜ ᱯᱚᱨᱟᱢᱚᱥ ᱞᱟᱹᱜᱤᱫ ᱛᱮ ᱱᱟᱯᱟᱭ ᱚᱠᱛᱚ ᱨᱮᱭᱟᱜ ᱠᱟᱹᱢᱤ ᱯᱟᱸᱡᱟ ᱧᱟᱢ ᱨᱮᱭᱟᱜ ᱮ ᱜᱚᱲᱚ ᱮᱫᱟ ᱾
ᱡᱟᱹᱛᱤᱭᱟᱹᱨᱤ ᱠᱮᱰᱮᱴ ᱠᱚᱨᱯᱥ (ᱮᱱ ᱥᱤ ᱥᱤ) ᱡᱟᱹᱛᱤᱭᱟᱹᱨᱤ ᱯᱚᱨᱤᱥᱮᱵᱟ (ᱮᱱ ᱮᱥ ᱮᱥ) ᱥᱚᱨᱠᱟᱨ ᱾ ᱮᱥ ᱥᱤᱼ ᱮᱥ ᱴᱤ ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱤᱥᱠᱳᱞᱟᱨᱥᱤᱯ ᱮᱰ ᱯᱷᱟᱱᱰ ᱵᱤᱞᱟᱹᱛ ᱤᱥᱴᱩᱰᱮᱱᱴᱥᱤᱯ ᱟᱪᱮᱫ ᱠᱚ ᱤᱭᱩᱱᱤᱭᱚᱱ ᱥᱮᱨᱢᱟᱠᱤᱭᱟᱹ ᱥᱯᱳᱨᱴᱥ ᱮᱱ ᱴᱤ ᱮᱼᱤᱭᱩᱡᱤ ᱥᱤ ᱮᱱᱹ ᱴᱤ / ᱮᱥ ᱮ ᱴᱤ ᱠᱳᱪᱤᱱ ᱛᱟᱞᱢᱟ ᱥᱟᱭᱠᱳᱞᱡᱤᱠᱮᱞ ᱠᱟᱣᱥᱞᱤᱝ ᱥᱮᱞ ᱤᱼᱞᱟᱨᱱᱤᱝ ᱯᱳᱨᱴᱮᱞ ᱜᱨᱤᱵᱷᱟᱱᱥ ᱮᱱᱰ ᱨᱮᱰᱨᱮᱥᱮᱞ ᱥᱮᱞ (ᱠᱳᱣᱟᱰᱤᱼ19 ᱞᱟᱹᱜᱤᱫ)
ᱠᱚᱞᱮᱡᱽ ᱨᱮ ᱴᱤᱰᱤᱵᱤ ᱠᱚᱞᱮᱡᱽ ᱮᱞᱩᱢᱤᱱᱤ ᱮᱥᱳᱥᱤᱭᱮᱥᱚᱱ (ᱴᱤᱰᱤ ᱵᱤ ᱥᱤ ᱮ ᱮ) ᱧᱩᱛᱩᱢ ᱛᱮ ᱢᱤᱫᱴᱟᱝ ᱮᱞᱩᱢᱤᱱᱤ ᱥᱮᱢᱞᱮᱫ ᱢᱮᱱᱟᱜᱼᱟ ᱾ ᱴᱰᱤ ᱵᱤ ᱥᱤ ᱮᱹ ᱮ ᱗ ᱡᱩᱞᱟᱭ ᱒᱐᱐᱗ ᱥᱟᱞ ᱨᱮ ᱛᱷᱟᱯᱚᱱ ᱞᱮᱱᱟ , ᱡᱟᱦᱟᱸ ᱨᱮᱭᱟᱜ ᱡᱚᱥ ᱛᱟᱦᱮᱸ ᱠᱟᱱᱟ ᱢᱟᱨᱮᱱ ᱜᱤᱫᱽᱨᱟᱹ ᱠᱚ ᱥᱟᱶ ᱡᱳᱜᱟᱡᱳᱜ ᱵᱮᱱᱟᱣ ᱟᱨ ᱚᱱᱟ ᱠᱚ ᱫᱚᱦᱚ ᱨᱮᱭᱟᱜ ᱫᱟᱣ ᱵᱮᱱᱟᱣ ᱾ ᱴᱤᱰᱤ ᱵᱤ ᱥᱤ ᱮᱹ ᱮ ᱨᱮᱭᱟᱜ ᱮᱴᱟᱜ ᱠᱟᱹᱢᱤ ᱦᱚᱨᱟ ᱢᱩᱫᱽᱨᱮ ᱱᱚᱶᱟ ᱫᱚ ᱞᱟᱹᱠᱛᱤ ᱟᱱ ᱯᱟᱹᱴᱷᱩᱣᱟᱹ ᱠᱚ ᱮᱥᱠᱳᱞᱟᱨᱥᱤᱯ ᱮ ᱮᱢᱚᱜ ᱠᱟᱱᱟ ᱟᱨ ᱵᱚᱨᱫᱷᱚᱢᱟᱱ ᱡᱮᱜᱮᱛ ᱵᱤᱫᱽᱫᱟᱹᱜᱟᱲ ᱨᱮ ᱠᱚᱞᱮᱡᱽ ᱨᱮ ᱥᱚᱨᱮᱥ ᱯᱮᱭᱟ ᱴᱷᱟᱶ ᱨᱮ ᱥᱟᱨᱴᱤᱯᱷᱤᱠᱮᱴ ᱚᱯᱷ ᱢᱮᱨᱤᱴ ᱮ ᱮᱢᱚᱜ ᱠᱟᱱᱟ ᱾[᱒]
᱒᱐᱑᱖ ᱥᱟᱞ ᱨᱮᱭᱟᱜ ᱯᱷᱮᱵᱽᱵᱨᱩᱭᱟᱹᱨᱤ ᱨᱮ ᱠᱟᱡᱤ ᱱᱟᱡᱽᱨᱩᱞ ᱡᱮᱜᱮᱫᱛ ᱵᱤᱫᱽᱫᱟᱹᱜᱟᱲ ᱫᱟᱨᱟᱭ ᱛᱮ ᱥᱟᱯᱲᱟᱣ ᱟᱠᱟᱱ ᱯᱳᱭᱞᱳ ᱛᱤᱨᱞᱟᱹ ᱮᱴᱮᱞᱮᱴᱤᱠ ᱢᱤᱴ (ᱤᱭᱩᱡᱤ ᱟᱨ ᱯᱮᱡᱤ ᱵᱟᱱᱟᱨ ᱞᱟᱹᱜᱤᱫ ᱜᱮ) ᱥᱟᱯᱲᱟᱣ ᱨᱮᱭᱟᱜ ᱢᱟᱹᱱ ᱠᱚᱞᱮᱡᱽ ᱨᱮ ᱢᱮᱱᱟᱜᱼᱟ ᱾ ᱛᱤᱨᱞᱟᱹ ᱠᱚᱣᱟᱜ ᱵᱮᱰᱢᱤᱱᱴᱚᱱ ᱦᱚᱱᱚᱛ (ᱡᱮᱞᱟ) ᱢᱤᱴᱼ2017 ᱨᱮ ᱪᱟᱢᱯᱤᱭᱚᱱ ᱦᱩᱭ ᱞᱟᱹᱜᱤᱫ ᱩᱱᱤ ᱫᱚ ᱥᱤᱨᱯᱷᱟᱹ ᱧᱟᱢ ᱞᱮᱫᱟ ᱾ ᱒᱐᱑᱘ ᱥᱟᱞ ᱨᱮ ᱱᱚᱶᱟ ᱠᱚᱞᱮᱡᱽ ᱫᱚ ᱠᱮ ᱮᱱ ᱩ ᱟᱥᱟᱱᱥᱳᱞ ᱨᱮᱭᱟᱜ ᱠᱷᱮᱞᱚᱸᱰ ᱟᱨ ᱠᱷᱮᱞᱚᱸᱰ ᱪᱮᱢᱯᱤᱭᱚᱱᱥᱤᱯ ᱨᱮᱭᱟᱜ ᱮ ᱥᱟᱯᱲᱟᱣ ᱞᱮᱫᱟ ᱾ ᱒᱐᱑᱘ ᱥᱟᱞ ᱨᱮ , ᱱᱚᱶᱟ ᱠᱚᱞᱮᱡᱽ ᱫᱚ ᱰᱤ ᱯᱤ ᱟᱭ (ᱪᱮᱛᱟᱱ ᱥᱮᱪᱮᱫ ᱥᱚᱨᱠᱟᱨ) ᱫᱟᱨᱟᱭ ᱛᱮ ᱮᱥᱯᱳᱨᱮᱱᱥᱟᱨ ᱦᱚᱱᱚᱛᱼᱥᱴᱟᱞᱮᱵᱷᱟᱨ ᱤᱱᱴᱟᱨᱼᱠᱚᱞᱮᱡᱽ ᱜᱮᱢᱮᱥ ᱟᱨ ᱥᱯᱳᱨᱴᱥ ᱢᱤᱴ ᱨᱮᱭᱟᱜ ᱮ ᱥᱟᱯᱲᱟᱣ ᱞᱮᱫᱟ ᱾ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱴᱤ ᱰᱤ ᱵᱤ ᱠᱚᱞᱮᱡᱽ ᱫᱚ (ᱥᱚᱨᱠᱟᱨ,ᱯ.ᱵ) ᱨᱮᱭᱟᱜ ᱦᱚᱱᱚᱛ (ᱡᱮᱞᱟ) ᱢᱮᱡᱤᱥᱴᱨᱮᱴ ᱟᱨ ᱠᱚᱞᱮᱠᱴᱳᱨᱮᱴ ᱟᱜ ᱫᱟᱨᱟᱭ ᱛᱮ ᱮᱥᱯᱳᱨᱥ ᱠᱚᱨᱟᱣ ᱠᱟᱛᱮ ' ᱯᱚᱪᱷᱤᱢ ᱵᱚᱨᱫᱷᱚᱢᱟᱱ ' ᱼ ᱨᱮᱱᱟᱜ ᱯᱳᱭᱞᱳ ' ᱦᱚᱱᱚᱛ ᱞᱟᱭᱚᱝ ᱢᱮᱞᱟ (ᱩᱫᱮᱞᱟ) ᱒᱐᱑᱙' ᱥᱟᱯᱲᱟᱣ ᱨᱮᱭᱟᱜ ᱢᱟᱹᱱ ᱦᱟᱢᱮᱴ ᱞᱮᱫᱟ ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ Colleges in West Bengal, University Grants Commission
- ↑ ᱒.᱐ ᱒.᱑ ᱒.᱒ ᱒.᱓ "From Teacher in Charge Desk". Archived from the original on 5 November 2012. Retrieved 1 January 2013.
- ↑ "Affiliated Colleges". Kazi Nazrul University. Archived from the original on 8 February 2020.
