ᱡᱟᱺᱵᱤᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱞᱮᱢᱵᱚ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

ᱡᱟᱺᱵᱤᱨ (ᱤᱝᱨᱟᱹᱡᱤ : Orange) ᱥᱟᱸᱬᱮᱥᱤᱭᱟᱹ ᱧᱩᱛᱩᱢ - Citrus sinensis ᱫᱚ ᱢᱤᱫ ᱡᱚᱻ ᱠᱟᱱᱟ, ᱚᱠᱟ ᱫᱚ ᱦᱚᱲ ᱠᱚ ᱡᱚᱢᱼᱟ ᱾ ᱡᱟᱺᱵᱤᱨ ᱵᱷᱤᱛᱨᱤ ᱨᱮ 'ᱠᱷᱟᱥᱤ ᱢᱟᱱᱫᱟᱨᱤᱱ' (Khasi mandarin) ᱧᱩᱛᱩᱢᱟᱱᱟᱜ ᱡᱟᱹᱛ ᱫᱚ ᱟᱥᱟᱢ ᱨᱮ ᱟᱹᱰᱤ ᱥᱚᱨᱮᱥ ᱟᱨ ᱟᱥᱟᱢ ᱨᱮ ᱢᱤᱢᱤᱫ ᱴᱚᱴᱷᱟ ᱵᱤᱥᱮᱥ ᱛᱮ ᱱᱚᱶᱟ ᱡᱟᱹᱛ ᱡᱟᱺᱵᱤᱨ ᱟᱹᱰᱤ ᱵᱟᱹᱲᱛᱤ ᱪᱟᱥ ᱦᱩᱭᱩᱜ ᱠᱟᱱᱟ ᱾ ᱠᱚᱧᱮ-ᱥᱟᱢᱟᱝ ᱯᱟᱦᱴᱟ ᱨᱮᱭᱟᱜ ᱦᱚᱭ ᱦᱤᱥᱤᱫ ᱟᱨ ᱦᱟᱥᱟ ᱡᱟᱺᱵᱤᱨ (ᱳᱰᱤᱭᱟᱹ ᱛᱮ ᱠᱚᱢᱞᱟ) ᱪᱟᱥ ᱞᱟᱹᱜᱤᱫ ᱟᱹᱰᱤ ᱵᱷᱟᱹᱜᱤᱭᱟ ᱾

ᱟᱥᱟᱢ ᱨᱮ ᱚᱠᱟᱴᱟᱜ ᱡᱚ ᱞᱮᱢᱵᱚ ᱟᱨ ᱥᱟᱱᱛᱟᱲ ᱛᱮ ᱫᱚ ᱡᱟ:ᱵᱤᱨ ᱥᱮ ᱠᱚᱢᱚᱞᱟ ᱠᱚ ᱢᱮᱛᱟᱜ ᱠᱟᱱᱟ, ᱚᱱᱟ ᱜᱮ ᱢᱟᱱᱫᱟᱨᱤᱱ ᱚᱨᱮᱧᱡᱽ ᱜᱟᱛᱟᱠ ᱨᱮᱱᱟᱜ ᱡᱚᱻ ᱠᱟᱱᱟ ᱾ ᱥᱤᱧᱚᱛ ᱨᱮ ᱮᱴᱟᱜ ᱮᱴᱟᱜ ᱴᱚᱴᱷᱟ ᱨᱮ ᱟᱭᱢᱟ ᱞᱮᱠᱟᱱ ᱡᱟᱹᱛ ᱢᱮᱱᱟᱜᱼᱟ ᱾ ᱠᱚᱧᱮ-ᱥᱟᱢᱟᱝ ᱴᱚᱴᱷᱟ ᱨᱮ ᱧᱟᱢᱚᱜ ᱟᱜ ᱫᱚ ᱤᱝᱨᱟᱹᱡᱤ ᱛᱮ ᱠᱷᱟᱥᱤ ᱢᱟᱱᱫᱟᱨᱤ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱱᱠᱟ ᱜᱮ ᱱᱟᱜᱯᱩᱨ ᱴᱚᱴᱷᱟ ᱨᱮ ᱧᱟᱢᱚᱜᱼᱟᱜ ᱡᱟᱹᱛ ᱫᱚ ᱤᱝᱨᱟᱹᱡᱤ ᱛᱮ ᱱᱟᱜᱯᱩᱨ ᱢᱥᱱᱫᱟᱨᱤᱱ ᱠᱚ ᱢᱮᱛᱟᱣᱟᱜᱼᱟ ᱾ ᱟᱥᱟᱢ ᱨᱮᱭᱟᱜ ᱚᱠᱟ ᱚᱠᱟ ᱴᱚᱴᱷᱟ ᱨᱮ ᱪᱚ ᱱᱚᱶᱟ ᱜᱩᱴ ᱨᱮᱭᱟᱜ ᱡᱚ ᱠᱟᱹᱴᱤᱡ ᱠᱟᱹᱴᱤᱡ ᱜᱮᱭᱟ, ᱪᱚᱠᱞᱟᱜ ᱮᱛᱟᱝ ᱟᱨ ᱢᱤᱦᱤ ᱜᱮ ᱧᱮᱞᱚᱜ ᱛᱮ ᱱᱚᱠᱟᱱᱟᱜ ᱫᱚ loose-skinned orange ᱨᱮᱭᱟᱜ ᱟᱨ ᱢᱤᱫᱴᱟᱹᱝ ᱱᱟᱣᱟ ᱥᱤᱨᱡᱚᱱ ᱵᱚᱨᱱᱚ (natural hybrid) ᱢᱮᱱᱛᱮ ᱟᱢᱫᱟᱡᱚᱜ ᱠᱟᱱᱟ ᱾ ᱥᱤᱧᱚᱛ ᱨᱮ ᱮᱴᱟᱜ ᱮᱴᱟᱜ ᱴᱚᱴᱷᱟ ᱨᱮ ᱢᱟᱱᱫᱟᱨᱤᱱ ᱜᱩᱴ ᱨᱮᱭᱟᱜ ᱟᱭᱢᱟ ᱞᱮᱠᱟᱱ ᱡᱟᱹᱛ ᱱᱤᱛ ᱦᱟᱹᱵᱤᱡ ᱛᱮ ᱧᱮᱞ ᱧᱟᱢ ᱟᱠᱟᱱᱟ ᱾ ᱚᱱᱟ ᱛᱮ ᱱᱚᱵᱟ ᱠᱚ ᱤᱫᱤ ᱠᱟᱛᱮ ᱰᱚᱱᱰᱦᱟᱹᱣ ᱨᱮᱭᱟᱜ ᱡᱟᱹᱨᱩᱲ ᱢᱮᱱᱟᱜᱼᱟ ᱾

ᱜᱩᱱ ᱦᱟᱹᱴᱤᱧ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱺᱵᱤᱨ ᱨᱮᱭᱟᱜ ᱪᱚᱠᱞᱟᱜ ᱫᱚ ᱟᱞᱜᱟ ᱛᱮᱜᱮ ᱥᱟᱞᱟᱜᱼᱟ, ᱚᱱᱟ ᱛᱮ ᱱᱚᱶᱟ ᱫᱚ loose-skinned orange ᱠᱚ ᱢᱮᱛᱟᱣᱟᱜ ᱠᱟᱱᱟ ᱾ ᱮᱴᱟᱜ ᱥᱟᱭᱴᱨᱟᱥ ᱡᱚ ᱨᱮ ᱱᱚᱠᱟ ᱛᱤ ᱛᱮ ᱪᱚᱠᱞᱟᱜ ᱵᱟᱝ ᱚᱪᱚᱜᱚᱜᱼᱟ ᱾ ᱚᱱᱟ ᱛᱮ ᱜᱮ ᱡᱟᱹᱱᱤᱡ ᱡᱟᱺᱵᱤᱨ ᱱᱮ-ᱦᱚᱲ ᱠᱚ ᱟᱹᱰᱤ ᱵᱟᱜᱠᱚ ᱠᱩᱥᱤᱭᱟᱜᱼᱟ ᱾ ᱡᱟᱺᱵᱤᱨ ᱨᱮᱭᱟᱜ ᱫᱟᱨᱮ ᱛᱮᱫ ᱫᱚ ᱡᱟᱣ ᱦᱟᱹᱨᱤᱭᱟᱹᱲ ᱜᱮᱭᱟ ᱟᱨ ᱱᱟᱥᱮ ᱩᱥᱩᱞ ᱧᱚᱜ ᱜᱮᱭᱟ ᱾ ᱫᱟᱨᱮ ᱨᱮ ᱱᱟᱥᱮ ᱱᱟᱥᱮ ᱡᱟᱹᱱᱩᱢ ᱦᱚᱸ ᱛᱟᱦᱮᱱ ᱜᱮᱭᱟ ᱾ ᱱᱚᱶᱟ ᱫᱚ ᱨᱤᱛᱩ ᱚᱠᱛᱮ ᱨᱮᱭᱟᱜ ᱡᱚᱻ ᱠᱟᱱᱟ ᱾ ᱨᱮᱭᱟᱲ ᱚᱠᱛᱮ ᱨᱮ ᱠᱟᱡᱟᱠ ᱛᱮ ᱡᱚᱜᱼᱟ ᱾

ᱦᱩᱭᱩᱜ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱟᱢ ᱨᱮᱭᱟᱜ ᱠᱟᱢᱨᱩᱯ ᱡᱤᱞᱟᱹ ᱨᱮᱭᱟᱜ ᱥᱚᱱᱯᱩᱨ ᱟᱨ ᱵᱚᱠᱚ, ᱡᱚᱨᱦᱟᱴ ᱨᱮᱭᱟᱜ ᱢᱚᱨᱤᱭᱚᱱᱤ, ᱟᱨ ᱛᱤᱱᱤᱥᱩᱠᱤᱭᱟ ᱩᱯᱚᱠᱚᱱᱴᱷᱚ ᱴᱚᱴᱷᱟ, ᱠᱟᱨᱵᱤ ᱟᱝᱞᱚᱝ, ᱩᱛᱛᱚᱨ ᱠᱟᱥᱟᱨ ᱵᱩᱨᱩ ᱡᱤᱞᱟ ᱠᱚᱨᱮ ᱟᱹᱰᱤ ᱵᱟᱹᱲᱛᱤ ᱦᱩᱭᱩᱜᱼᱟ ᱾ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱟᱞᱚᱝ, ᱯᱟᱥᱤᱜᱷᱟᱴ ᱮᱢᱟᱱ ᱴᱚᱴᱷᱟ ᱠᱚ ᱨᱮ ᱦᱚ ᱡᱟᱺᱵᱤᱨ ᱢᱚᱡᱽ ᱜᱮ ᱦᱩᱭᱩᱜᱼᱟ ᱾

ᱠᱟᱹᱣᱰᱤ ᱟᱹᱨᱤ ᱜᱚᱱᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱺᱵᱤᱨ ᱨᱮᱭᱟᱜ ᱢᱤᱫ ᱑᱐᱐ ᱢᱤᱞᱤᱢᱤᱴᱟᱨ ᱨᱚᱥ ᱨᱮ ᱒᱕-᱘᱕ ᱢᱤᱞᱤᱜᱨᱟᱢ ᱦᱟᱹᱵᱤᱡ ᱵᱷᱤᱴᱟᱢᱤᱱ 'ᱥᱤ' ᱧᱟᱢᱚᱜᱼᱟ ᱾ ᱚᱱᱟᱛᱮ ᱟᱹᱰᱤ ᱱᱟᱯᱟᱭ ᱦᱚᱲᱢᱚ ᱥᱟᱶᱟᱨ ᱡᱚᱢ ᱡᱚᱻ ᱠᱟᱱᱟ ᱾ ᱡᱟᱺᱵᱤᱨ ᱫᱚ ᱰᱚᱡᱚᱱ ᱦᱤᱥᱟᱹᱵᱽ ᱛᱮ ᱟᱨ ᱵᱟᱝ ᱠᱤᱞᱳ ᱦᱤᱥᱟᱹᱵᱽ ᱛᱮ ᱦᱚᱸ ᱠᱚ ᱟᱹᱠᱷᱽᱨᱤᱧᱼᱟ ᱾ ᱢᱟᱨᱟᱝ ᱵᱟᱡᱟᱨ ᱠᱚ ᱨᱮ ᱫᱚ ᱱᱚᱶᱟ ᱡᱟᱺᱵᱤᱨ ᱨᱤᱛᱩ ᱡᱟᱹᱱᱤ ᱰᱚᱡᱚᱱ ᱑᱐᱐ ᱴᱟᱠᱟ ᱟᱨᱵᱟᱝ ᱠᱤᱞᱳ ᱔᱐ ᱴᱟᱠᱟ ᱛᱮ ᱟᱹᱠᱷᱽᱨᱤᱧᱼᱟ ᱾ ᱪᱟᱹᱥᱤ ᱠᱚ ᱞᱟᱹᱜᱤᱫ ᱡᱟᱺᱵᱤᱨ ᱫᱚ ᱟᱹᱰᱤ ᱠᱟᱹᱣᱰᱤ ᱟᱨᱡᱟᱣ ᱟᱱ ᱪᱟᱥ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]