ᱟᱲᱟᱝ ᱥᱟᱬᱮᱥ

ᱟᱲᱟᱝ ᱥᱟᱬᱮᱥ ᱫᱚ ᱯᱟ.ᱨᱥᱤ ᱥᱟᱬᱮᱥ ᱨᱮᱭᱟᱜ ᱢᱤᱫ ᱦᱟ.ᱴᱤᱧ ᱵᱟᱝᱢᱟ ᱪᱟᱸᱜᱟ ᱠᱟᱱᱟ,ᱱᱚᱶᱟ ᱦᱟ.ᱴᱤᱧ ᱨᱮᱫᱚ ᱢᱟ.ᱱᱢᱤ ᱠᱚᱣᱟᱜ ᱢᱚᱪᱟ ᱠᱷᱚᱱ ᱚᱰᱚᱠᱚᱜ ᱠᱟᱱ ᱨᱟ.ᱲ,ᱟᱲᱟᱝ ᱟᱨ ᱨᱚᱲᱠᱚ ᱨᱮᱭᱟᱜ ᱜᱟ.ᱦᱤᱸᱨ ᱥᱟᱬᱮᱥᱤᱭᱟ. ᱦᱚᱨᱟᱛᱮ ᱨᱮᱭᱟᱜ ᱦᱟ.ᱴᱤᱧ ᱠᱟᱱᱟ ᱾ ᱟᱲᱟᱝ ᱜᱮ ᱯᱟ.ᱨᱥᱤ/ᱨᱚᱲᱠᱚ ᱨᱮᱭᱟᱜ ᱮᱛᱚᱦᱚᱵ ᱠᱟᱱᱟ,ᱟᱲᱟᱝ ᱵᱷᱮᱜᱮᱫ ᱡᱟᱦᱟᱸᱱ ᱨᱚᱲᱠᱚ ᱨᱮᱭᱟᱜ ᱠᱩᱠᱢᱩ ᱵᱟ.ᱱᱩᱜ-ᱟ ᱾ ᱨᱚᱲ/ᱯᱟ.ᱨᱥᱤ ᱫᱚ ᱢᱚᱪᱟ ᱠᱷᱚᱱ ᱚᱰᱚᱠᱚᱜ ᱠᱟᱱ ᱟᱲᱟᱝ ᱜᱮ ᱠᱟᱱᱟ ᱾ ᱮᱴᱟᱜ ᱡᱤᱵᱽ-ᱡᱤᱭᱟ.ᱞᱤ ᱠᱚᱣᱟᱜ ᱟᱲᱟᱝ ᱯᱟ.ᱨᱥᱤ ᱨᱮᱫᱚ ᱵᱟᱝ ᱞᱮᱠᱷᱟᱜ-ᱟ ᱾

ᱯᱟ.ᱨᱥᱤ ᱥᱟᱬᱮᱥ ᱨᱮᱭᱟᱜ ᱨᱩᱯ ᱢᱚᱦᱚᱨ

ᱯᱟ.ᱨᱥᱤ ᱨᱮᱭᱟᱜ ᱡᱚᱛᱚᱠᱷᱚᱱ ᱦᱩᱰᱤᱧ ᱨᱩᱯ ᱫᱚ ' ᱨᱟ.ᱲ ' ᱠᱟᱱᱟ,ᱡᱟᱦᱟᱸ ᱫᱚ ᱟᱲᱟᱝ ᱦᱚᱸᱠᱚ ᱢᱮᱛᱟᱜ ᱜᱮᱭᱟ ᱾ ᱨᱟ.ᱲ ᱵᱮᱜᱚᱨ ᱯᱟ.ᱨᱥᱤ ᱨᱮᱱᱟᱜ ᱠᱩᱠᱢᱩ ᱵᱟ.ᱱᱩᱜ-ᱟ ᱾ ᱯᱟ.ᱨᱥᱤ ᱥᱟᱬᱮᱥ ᱨᱮᱭᱟᱜ ᱨᱮᱭᱟᱜ ᱜᱟ.ᱦᱤᱨ ᱯᱚᱯᱚᱲᱦᱚᱱ ᱞᱟ.ᱜᱤᱫ ᱢᱤᱫ ᱜᱚᱱᱚᱝ ᱟᱱ ᱦᱟ.ᱴᱤᱧ ᱨᱮᱭᱟᱜ ᱴᱷᱟᱶ ᱟᱢᱮᱴ ᱟᱠᱟᱫᱟᱭ ᱾

ᱤᱝᱞᱤᱥ ᱛᱮ ᱱᱚᱶᱟ ᱦᱟ.ᱴᱤᱧ ᱫᱚ ᱯᱷᱳᱱᱮᱴᱤᱠᱥ (Phonetics) ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱯᱷᱳᱱᱮᱴᱤᱠᱥ ᱟ.ᱲᱟ. ᱫᱚ ᱜᱨᱤᱠ ᱟ.ᱲᱟ. ᱯᱷᱳᱱ (Phone) ᱠᱷᱚᱱ ᱦᱮᱡ ᱟᱠᱟᱱᱟ ᱾

ᱱᱚᱶᱟ ᱠᱚᱨᱟᱣ ᱨᱮ ᱯᱮᱭᱟ ᱦᱟ.ᱴᱤᱧ ᱢᱮᱱᱟᱜ-ᱟ ᱾ ᱚᱱᱟ ᱠᱚᱫᱚ ᱡᱮᱢᱚᱱ ᱵᱮᱱᱟᱣ(Production),ᱢᱟᱫᱷᱭᱚᱢ(Medium) ᱟᱨ ᱟᱯᱱᱟᱨ(Reception) ᱾ ᱱᱚᱝᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ,ᱯᱷᱳᱱᱮᱴᱤᱠᱥ ᱫᱚ ᱠᱟᱛᱷᱟ ᱟᱲᱟᱝᱠᱚ ᱨᱮᱭᱟᱜ ᱯᱚᱯᱚᱲᱦᱚᱱ ᱜᱮ ᱠᱟᱱᱟ ᱾

ᱢᱟ.ᱱᱢᱤ ᱢᱚᱪᱟ ᱠᱷᱚᱱ ᱞᱮᱠᱟᱱ ᱞᱮᱠᱟᱱ ᱨᱟ.ᱲ/ᱟᱲᱟᱝᱠᱚ ᱚᱰᱚᱠᱚᱜ ᱠᱟᱱᱟ,ᱚᱱᱟᱛᱮ ᱢᱚᱪᱟ ᱫᱚ ᱨᱟ.ᱲ ᱵᱮᱱᱟᱣ ᱡᱚᱱᱛᱨᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸᱭ ᱱᱚᱶᱟ ᱨᱟ.ᱲᱠᱚᱭ ᱟᱸᱡᱚᱢᱟ ᱵᱟᱝᱢᱟ ᱩᱱᱤᱭᱜ ᱞᱩᱛᱩᱨ ᱨᱮ ᱛᱟᱠᱮᱨ/ᱛᱟᱨᱥᱮ ᱟᱭᱟ,ᱚᱱᱟ ᱫᱚ ᱡᱚᱱᱛᱨᱚ ᱥᱮ ᱞᱩᱛᱩᱨ ᱫᱚ ᱟᱯᱱᱟᱨ(Reception) ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟᱠᱤᱱ ᱠᱚᱨᱟᱣ ᱨᱮ ᱡᱟᱦᱟᱸ ᱦᱚᱭ (Air) ᱨᱮᱭᱟᱜ ᱟ.ᱰᱤᱜᱮ ᱞᱟ.ᱠᱛᱤ ᱢᱮᱱᱟᱜ-ᱟ,ᱚᱱᱟᱛᱮ ᱦᱚᱭ ᱫᱚ ᱢᱟᱫᱷᱭᱚᱢ ᱠᱚ ᱢᱮᱛᱟᱜ ᱠᱟᱱᱟ ᱾ ᱯᱷᱳᱱᱮᱴᱤᱠᱥ ᱫᱚ ᱟᱲᱟᱝ ᱡᱚᱱᱛᱨᱚ ᱟᱨ ᱦᱚᱲᱢᱚ ᱜᱩᱱ ᱠᱚ ᱥᱟᱶ ᱟ.ᱰᱤᱜᱮ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱯᱮᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱚᱵᱚᱥᱛᱷᱟ ᱨᱮ ᱠᱚᱨᱟᱣᱚᱜ ᱠᱟᱱᱟ ᱾

ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱑/ᱟᱲᱟᱝ ᱚᱵᱚᱠᱚᱜ ᱯᱷᱳᱱᱮᱴᱤᱠᱥ (Articulatory Phonetics )- ᱡᱟᱸᱦᱟ ᱫᱚ ᱟᱲᱟᱝ ᱚᱵᱚᱠᱚᱜ ᱥᱮ ᱡᱟᱱᱟᱢᱚᱜ ᱠᱟᱱ ᱢᱚᱪᱟ ᱨᱚᱲ ᱡᱚᱱᱛᱨᱚ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱒/ ᱠᱟᱱᱴᱟ ᱦᱚᱭ ᱯᱷᱳᱱᱮᱴᱤᱠᱥ (Acuostic Phonetics)--ᱡᱟᱦᱟᱸ ᱫᱚ ᱠᱟᱱᱴᱟ ᱦᱚᱭ ᱛᱮ ᱠᱟᱛᱷᱟ ᱟᱲᱟᱝ ᱨᱮᱭᱟᱜ ᱵᱚᱱᱚᱫᱚᱞ ᱢᱟᱫᱷᱭᱚᱢ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱓/ ᱟᱸᱜᱡᱚᱢ ᱯᱷᱳᱱᱮᱴᱤᱠᱥ (Auditory Phonetics)-- ᱡᱟᱦᱟᱸ ᱫᱚ ᱠᱟᱛᱷᱟ ᱟᱲᱟᱝᱠᱚ ᱟᱯᱱᱟᱨ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱟᱨ ᱟᱸᱜᱡᱚᱢ ᱡᱚᱱᱛᱨᱚ ᱵᱟᱝᱢᱟ ᱞᱩᱛᱩᱨ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱨᱮᱫᱚ ᱟᱲᱟᱝ ᱞᱩᱛᱩᱨ ᱨᱮᱭ ᱟᱫᱮᱨ ᱯᱟᱥᱱᱟᱣᱟ,ᱵᱷᱤᱛᱨᱤᱭ ᱵᱷᱮᱡᱟᱭᱟ (Implfies) ᱟᱨ ᱵᱷᱤᱛᱨᱤ ᱞᱩᱛᱩᱨ ᱨᱮᱭ ᱛᱟᱠᱮᱨ ᱛᱟᱨᱥᱮᱭᱟ ᱾ ᱱᱚᱝᱠᱟᱛᱮ ᱞᱩᱛᱩᱨ ᱨᱤᱱ ᱥᱟᱱᱟᱢ ᱦᱤᱸᱥ ᱠᱚᱭ ᱡᱚᱴᱮᱫ ᱤᱫᱤ ᱠᱚᱣᱟ ᱾