ᱟᱯᱚᱫᱽ ᱱᱟᱝ (The Emergency,ᱥᱤᱧᱚᱛ)

ᱥᱤᱧᱚᱛ ᱫᱤᱥᱚᱢ ᱨᱮ "ᱟᱯᱟᱫᱽ ᱱᱟᱝ"/"ᱜᱟ.ᱨ ᱱᱟᱝ"(The Emergency) ᱫᱚ ᱑᱙᱗᱕ ᱠᱷᱟᱱ ᱑᱙᱗᱗ ᱛᱟᱞᱟᱨᱮ ᱵᱟᱨ ᱜᱮᱞ ᱢᱤᱫ ᱪᱟᱸᱫᱚ ᱠᱚ ᱞᱟ.ᱜᱩ ᱞᱮᱫ-ᱟ ᱾ ᱩᱱ ᱚᱠᱛᱚ ᱥᱤᱧᱟᱛ ᱨᱤᱱᱤᱡ ᱢᱩᱲᱩᱛ ᱢᱚᱱᱛᱨᱤ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱟᱨ ᱯᱟᱨᱥᱮᱛ ᱫᱚ ᱯᱷᱚᱠᱨᱩᱫᱽᱫᱤᱱ ᱚᱞᱤ ᱚᱦᱢᱚᱫᱽ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱱᱩᱠᱤᱱ ᱜᱮ ᱫᱤᱥᱚᱢ ᱜᱚᱴᱟ ᱞᱟ.ᱜᱤᱱ ᱟᱯᱚᱫᱽ ᱥᱮ ᱜᱟ.ᱨ ᱱᱟᱝ ᱠᱤᱱ ᱞᱟ.ᱭ ᱯᱟᱥᱱᱟᱣ ᱞᱮᱫ-ᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱦᱚᱠᱤᱛ-ᱟᱜ ᱓᱕᱒ ᱫᱷᱟᱨᱟ ᱞᱮᱠᱟᱛᱮ ᱯᱟᱨᱥᱮᱛ ᱯᱷᱚᱠᱨᱩᱫᱽᱫᱤᱱ ᱚᱞᱤ ᱚᱦᱢᱚᱫᱽ ᱜᱮ ᱥᱩᱦᱤ ᱞᱮᱫ-ᱟ ᱾ ᱥᱤᱧᱟᱛ ᱨᱮᱭᱟᱜ "ᱵᱷᱤᱨᱛᱤ ᱰᱟᱢᱟᱰᱳᱞ"(internal disturbance) ᱠᱷᱟ.ᱛᱤᱨ ᱒᱕ ᱡᱩᱱ ᱑᱙᱗᱕ ᱠᱷᱟᱱ ᱒᱑ ᱢᱟᱨᱪ ᱑᱙᱗᱗ ᱦᱟ.ᱵᱤᱡ ᱱᱚᱶᱟ ᱠᱚ ᱪᱟ.ᱞᱩ ᱞᱮᱫ-ᱟ ᱾ ᱱᱚᱶᱟ ᱵᱟᱝ ᱫᱚ ᱥᱤᱧᱚᱛ ᱢᱩᱲᱩᱛ ᱢᱚᱱᱛᱨᱤ ᱪᱮᱛᱟᱱ ᱨᱮ ᱡᱮᱛᱮ ᱞᱮᱠᱟᱱ ᱯᱷᱮᱭᱥᱟᱞᱟ ᱦᱟᱛᱟᱣ ᱞᱟᱹᱜᱤᱫ ᱫᱟᱲᱮ ᱠᱚ ᱮᱢᱟ ᱫᱮᱭᱟ ᱾ ᱚᱠᱚᱭ ᱵᱟᱝ ᱠᱚ ᱟᱸᱡᱚᱢᱼᱟ, ᱩᱱᱠᱩ ᱡᱤᱦᱚᱞ ᱵᱷᱮᱡᱟ ᱨᱮᱱᱟᱜ ᱫᱟᱲᱮ ᱠᱚ ᱮᱢᱟᱫᱮᱭᱟ ᱾ ᱮᱞᱮᱠᱥᱚᱱ ᱠᱚ ᱵᱟᱹᱛᱤᱞ ᱠᱮᱜᱼᱟ, ᱠᱷᱚᱵᱚᱨ ᱠᱚ ᱧᱮᱱᱮᱞᱚᱢ ᱨᱮ ᱯᱟᱥᱱᱟᱣ ᱠᱚ ᱢᱟᱱᱟ ᱠᱮᱜᱼᱟ, ᱪᱮᱠᱟᱛᱮ ᱩᱱ ᱚᱠᱛᱚ ᱫᱷᱚᱨᱚᱢ ᱤᱫᱤ ᱠᱟᱛᱮ ᱟᱹᱰᱤ ᱜᱮ ᱞᱟᱹᱲᱦᱟᱹᱭ ᱦᱩᱭᱩᱜ ᱠᱟᱱ ᱛᱟᱦᱮᱱᱟ ᱾ ᱡᱩᱨ ᱛᱮᱠᱚ ᱱᱚᱥᱵᱚᱸᱫᱤ ᱠᱮᱫ ᱠᱚᱣᱟ, ᱪᱮᱠᱟᱛᱮ ᱩᱱ ᱥᱚᱢᱚᱭ ᱡᱚᱢᱤᱱᱫᱟᱨ ᱠᱚ, ᱯᱮ-ᱯᱩᱱ ᱦᱚᱸ ᱠᱚ ᱫᱚᱦᱚ ᱡᱚᱝ ᱠᱟᱱ ᱛᱟᱦᱮᱱᱟ ᱾ᱤᱱᱫᱤᱨᱟ ᱜᱟᱸᱫᱷᱤ ᱢᱟᱨᱟᱝ ᱦᱚᱯᱚᱱ ᱥᱚᱸᱡᱚᱭ ᱜᱟᱸᱫᱷᱤ ᱟᱜ ᱫᱤᱥᱟᱹ ᱞᱮᱠᱟᱛᱮ ᱥᱤᱧᱚᱛ ᱫᱤᱥᱚᱢ ᱨᱮ ᱢᱟᱺᱱᱢᱤ ᱵᱟᱹᱰᱚᱜ ᱦᱟᱨ ᱡᱚᱢ ᱞᱟᱹᱜᱤᱫ ᱛᱮ ᱡᱩᱨ ᱛᱮ ᱠᱚ ᱱᱚᱥᱵᱚᱸᱫᱤ ᱞᱮᱫ ᱠᱚᱣᱟ ᱾ ᱚᱠᱚᱭ ᱵᱟᱝ ᱠᱚ ᱟᱸᱡᱚᱢᱼᱟ, ᱩᱱᱠᱩ ᱡᱤᱦᱚᱞ ᱨᱮ ᱵᱷᱮᱡᱟ ᱞᱟᱹᱜᱤᱫ ᱟᱫᱮᱥ ᱠᱚ ᱮᱢ ᱠᱮᱜᱼᱟ ᱾ ᱱᱚᱸᱠᱟᱱ ᱠᱟᱱᱩᱱ ᱨᱮ ᱟᱨᱭᱟᱱ ᱥᱚᱢᱟᱡᱽ ᱵᱟᱹᱲᱛᱤ ᱠᱟᱭ ᱛᱮ ᱠᱚ ᱵᱤᱨᱩᱫᱷ ᱞᱮᱜᱼᱟ, ᱛᱟᱭᱚᱢ ᱡᱤᱦᱚᱞ ᱠᱚ ᱥᱮᱱ ᱮᱱᱟ ᱾ ᱚᱱᱟᱛᱮ ᱱᱮᱛᱟᱨ ᱦᱚᱸ ᱟᱨᱭᱟᱱ ᱥᱟᱶᱛᱟ ᱫᱚ ᱤᱸᱫᱤᱨᱟ ᱜᱟᱸᱫᱷᱤ ᱠᱚ ᱮᱜᱮᱨ-ᱨᱩᱦᱤᱫ ᱮᱭᱟ ᱾ ᱩᱱ ᱚᱠᱛᱚ ᱥᱤᱧᱚᱛ ᱫᱤᱥᱚᱢ ᱨᱮ ᱡᱟᱰᱟᱢ ᱡᱟᱰᱟᱢ ᱫᱟᱜ ᱡᱟᱹᱯᱩᱫ ᱛᱮ ᱪᱟᱥ ᱡᱚᱛᱚ ᱵᱚᱨᱵᱟᱫᱽ ᱞᱮᱱᱟ ᱾ ᱫᱤᱥᱚᱢ ᱨᱮᱱ ᱦᱚᱲ ᱨᱮᱸᱜᱮᱡ ᱡᱟᱞᱟ ᱛᱮ ᱟᱹᱰᱤ ᱜᱮ ᱠᱚ ᱜᱚᱡ ᱞᱮᱱᱟ ᱾ ᱚᱱᱟ ᱥᱟᱶᱛᱮ ᱵᱷᱟᱨᱚᱛ-ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱠᱷᱟᱹᱛᱤᱨ ᱫᱤᱥᱚᱢ ᱨᱮ ᱠᱟᱹᱣᱰᱤ ᱨᱮᱱᱟᱜ ᱟᱱᱟᱴ ᱦᱩᱭ ᱮᱱᱟ ᱾ ᱚᱱᱠᱟ ᱮᱴᱠᱮᱴᱚᱬᱮ ᱨᱮ ᱡᱚᱢᱤᱱᱫᱟᱨ ᱟᱨ ᱢᱟᱦᱟᱡᱚᱱ ᱠᱚ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱜᱼᱟ ᱾ ᱫᱷᱚᱨᱚᱢ ᱤᱫᱤ ᱠᱟᱛᱮ ᱵᱟᱫᱽ-ᱵᱤᱵᱟᱹᱫᱽ ᱦᱚᱸ ᱟᱹᱰᱤ ᱜᱮ ᱦᱩᱭ ᱞᱮᱱᱟ ᱾ ᱛᱤᱱᱟᱹᱜ ᱜᱟᱱ ᱥᱟᱶᱛᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱫᱷᱚᱨᱚᱢ ᱱᱤᱨᱚᱯᱮᱠᱥᱷᱚ ᱟᱹᱱᱟᱹᱨᱤ ᱵᱟᱝ ᱠᱚ ᱠᱩᱥᱤ ᱟᱫ ᱠᱟᱱ ᱛᱟᱦᱮᱱ ᱾ ᱥᱚᱸᱥᱚᱫᱽ ᱵᱟᱪᱷᱚᱱ ᱟᱨ ᱯᱚᱱᱚᱛ ᱵᱟᱪᱷᱚᱱ ᱠᱚ ᱦᱩᱭ ᱞᱮᱱ ᱠᱷᱟᱱ ᱟᱹᱱᱟᱹᱨᱤ ᱟᱹᱨᱩ ᱨᱮᱱᱟᱜ ᱪᱟᱨᱪᱟ ᱦᱚᱸ ᱪᱟᱹᱞᱩ ᱞᱮᱱ ᱛᱟᱦᱮᱱ ᱾ ᱱᱚᱛᱮ ᱡᱚᱢ ᱧᱩᱸ ᱞᱟᱹᱜᱤᱫ ᱠᱷᱚᱨᱚᱪ ᱵᱟᱹᱱᱩᱜ, ᱟᱨ ᱵᱟᱪᱷᱚᱱ ᱞᱟᱹᱜᱤᱫ ᱠᱷᱚᱨᱚᱪ ᱦᱚᱸ ᱵᱟᱹᱱᱩᱜ ᱾ ᱚᱱᱟ ᱥᱟᱶᱛᱮ ᱥᱤᱧᱚᱛ ᱟᱹᱱᱟᱹᱨᱤ ᱵᱤᱨᱩᱫᱷ ᱨᱮ ᱟᱲᱟᱝ ᱨᱟᱠᱟᱵ ᱮᱱᱟ ᱾ ᱱᱚᱸᱠᱟᱱ ᱮᱴᱠᱮᱴᱚᱬᱮ ᱠᱷᱚᱱ ᱫᱤᱥᱚᱢ ᱦᱚᱲ ᱵᱟᱸᱪᱟᱣ ᱠᱚ ᱞᱟᱹᱜᱤᱫ, ᱫᱷᱚᱨᱚᱢ ᱱᱤᱨᱚᱯᱮᱠᱥᱷᱚ ᱟᱹᱱᱟᱹᱨᱤ ᱵᱟᱸᱪᱟᱣ ᱞᱟᱹᱜᱤᱫ, ᱥᱤᱧᱚᱛ ᱢᱩᱲᱩᱛ ᱢᱚᱱᱛᱨᱤ ᱨᱮᱱᱟᱜ ᱫᱟᱭᱤᱠ ᱞᱮᱠᱟᱛᱮ ᱟᱯᱷᱚᱫᱽ ᱱᱟᱝ ᱮ ᱡᱟᱹᱨᱤ ᱠᱮᱜᱼᱟ ᱤᱸᱫᱤᱨᱟ ᱜᱟᱸᱫᱷᱤ ᱾ ᱟᱯᱷᱚᱫᱽ ᱱᱟᱝ ᱠᱷᱟᱹᱛᱤᱨ ᱵᱤᱥᱛᱤ ᱠᱚ ᱟᱹᱲᱤᱥ ᱮᱱᱟ ᱩᱱᱠᱩ ᱚᱠᱚᱭ ᱫᱚ ᱥᱤᱧᱚᱛ ᱟᱹᱱᱟᱹᱨᱤ ᱵᱟᱝ ᱠᱚ ᱠᱩᱥᱤ ᱟᱜᱼᱟ ᱟᱨ ᱚᱱᱟ ᱛᱮ ᱩᱱᱠᱩ ᱦᱚᱲ ᱜᱮ ᱱᱚᱶᱟ ᱟᱯᱷᱚᱫᱽ ᱱᱟᱝ ᱫᱚ ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮᱱᱟᱜ ᱱᱟᱜᱟᱢ ᱨᱮ ᱵᱟᱹᱲᱤᱡ ᱫᱤᱱ ᱠᱚ ᱢᱮᱱᱼᱟ ᱾ ᱨᱮᱸᱜᱮᱡ ᱱᱟᱪᱟᱨ ᱦᱚᱲ ᱵᱟᱸᱪᱟᱣ ᱠᱚ ᱞᱟᱹᱜᱤᱫ ᱟᱨ ᱥᱤᱧᱚᱛ ᱟᱹᱱᱟᱹᱨᱤ ᱵᱟᱸᱪᱟᱣ ᱞᱟᱹᱜᱤᱫ, ᱤᱸᱫᱤᱨᱟ ᱜᱟᱸᱫᱷᱤ ᱟᱯᱷᱚᱫᱽ ᱱᱟᱝ ᱤᱫᱤ ᱠᱟᱛᱮ ᱥᱤᱧᱚᱛ ᱜᱚᱝᱜᱮ ᱴᱷᱮᱱ ᱮ ᱟᱨᱫᱟᱥ ᱞᱮᱱᱟ ᱾ ᱥᱤᱧᱚᱛ ᱜᱚᱝᱜᱮ ᱟᱜ ᱟᱸᱫᱮ ᱛᱮ ᱯᱟᱨᱞᱟᱢᱮᱱᱴ ᱨᱮ ᱡᱩᱞᱟᱭ ᱠᱷᱚᱱ ᱟᱜᱚᱥᱴ ᱑᱙᱗᱕ ᱦᱟᱹᱵᱤᱡ ᱟᱯᱷᱚᱫᱽ ᱱᱟᱝ ᱦᱮᱸ ᱥᱟᱹᱨᱤ ᱮᱱᱟ ᱾ ᱟᱯᱷᱚᱫᱽ ᱱᱟᱝ ᱡᱟᱹᱨᱤ ᱨᱮᱱᱟᱜ ᱢᱩᱲ ᱠᱟᱨᱚᱱ ᱫᱚ ᱦᱩᱭ ᱞᱮᱱᱟ ᱡᱮ ᱫᱤᱥᱚᱢ ᱵᱷᱤᱛᱨᱤ ᱨᱮ ᱥᱤᱧᱚᱛ ᱫᱤᱥᱚᱢ ᱟᱹᱱᱟᱹᱨᱤ ᱵᱤᱨᱩᱫᱷ ᱨᱮ ᱛᱤᱱᱟᱹᱜ ᱜᱟᱱ ᱥᱟᱶᱛᱟ ᱨᱤᱱ ᱦᱚᱲ ᱠᱚ ᱥᱟᱯᱲᱟᱣᱜ ᱠᱟᱱᱟ , ᱟᱨ ᱡᱚᱢ ᱟᱱᱟᱴ ᱠᱷᱚᱱ, ᱡᱚᱢᱤᱱᱫᱟᱨ ᱟᱨ ᱫᱷᱚᱨᱚᱢ ᱤᱫᱤ ᱠᱟᱛᱮ ᱟᱭᱳ ᱦᱚᱲ ᱠᱚ ᱪᱮᱛᱟᱱ ᱨᱮ ᱦᱩᱭᱩᱜ ᱠᱟᱱ ᱱᱟᱦᱟᱪᱟᱨ ᱠᱷᱚᱱ ᱥᱤᱧᱚᱛ ᱦᱚᱲ ᱵᱟᱸᱪᱟᱣ ᱠᱚ ᱞᱟᱹᱜᱤᱫ ᱾^[᱑]^[᱒] ᱾ ᱱᱚᱶᱟ ᱟᱯᱷᱚᱫᱽ ᱱᱟᱝ ᱫᱚ ᱱᱮᱛᱟᱨ ᱦᱚᱸ ᱟᱨᱭᱟᱱ ᱥᱚᱢᱟᱡᱽ ᱫᱚ ᱵᱟᱝ ᱠᱚ ᱠᱩᱥᱤ ᱟᱜᱼᱟ ᱾

ᱪᱮᱫᱟᱜ ᱟᱯᱷᱚᱫᱽ ᱱᱟᱝ

ᱠᱚᱸᱜᱨᱮᱥ ᱥᱚᱨᱠᱟᱨ ᱮ ᱞᱟᱹᱭ ᱵᱩᱴᱟᱹ ᱠᱮᱜᱼᱟ ᱡᱮ ᱑᱙᱗᱒ ᱨᱮᱱᱟᱜ ᱵᱷᱟᱨᱚᱛ-ᱯᱟᱠᱤᱥᱛᱟᱱ ᱞᱟᱹᱲᱦᱟᱹᱭ ᱦᱩᱭ ᱞᱮᱱ ᱨᱮ ᱴᱟᱠᱟ ᱠᱟᱹᱣᱰᱤ ᱟᱹᱰᱤᱜᱟᱱ ᱠᱷᱚᱨᱚᱪ ᱟᱠᱟᱱᱟ ᱾ ᱚᱱᱟᱛᱮ ᱫᱤᱥᱚᱢ ᱨᱮ ᱠᱟᱹᱣᱰᱤ ᱟᱹᱨᱤ ᱟᱹᱰᱤ ᱜᱮ ᱰᱟᱢᱟᱰᱩᱞ ᱟᱠᱟᱱᱟ ᱾ ᱥᱟᱶᱛᱮ ᱡᱟᱰᱟᱢ ᱡᱟᱰᱟᱢ ᱫᱟᱜ ᱡᱟᱹᱯᱩᱫ ᱛᱮ ᱪᱟᱥ ᱡᱚᱛᱚ ᱵᱚᱨᱵᱟᱫᱽ ᱟᱠᱟᱱᱟ ᱾ ᱥᱤᱧᱚᱛᱤᱭᱟᱹ ᱟᱹᱰᱤ ᱨᱮᱸᱜᱮᱡ ᱨᱮ ᱢᱮᱱᱟᱜ ᱠᱚᱣᱟ ᱾ ᱡᱟᱢᱤᱱᱫᱟᱨ ᱟᱨ ᱢᱟᱦᱟᱡᱚᱱ ᱠᱚ ᱱᱟᱦᱟᱪᱟᱨ ᱠᱚ ᱮᱦᱚᱵ ᱞᱮᱜᱼᱟ ᱾ ᱛᱤᱱᱟᱹᱜ ᱜᱟᱱ ᱥᱟᱶᱛᱟ ᱨᱤᱱ ᱦᱚᱲ ᱵᱷᱟᱨᱚᱛ ᱥᱚᱸᱵᱤᱫᱷᱟᱱ ᱚᱞ ᱟᱹᱨᱩ ᱞᱟᱹᱜᱤᱫ ᱵᱤᱫᱨᱳᱦᱚ ᱠᱚ ᱮᱛᱚᱦᱚᱵ ᱟᱠᱟᱜᱼᱟ ᱾ ᱥᱮᱫ ᱵᱷᱤᱛᱨᱤ ᱨᱮ ᱫᱮᱥ ᱵᱤᱨᱩᱫᱷ ᱨᱮ ᱠᱟᱹᱢᱤ ᱦᱚᱲ ᱠᱚ ᱟᱹᱱᱟᱹᱨᱤ ᱢᱟᱱᱟᱣ ᱵᱟᱛᱟᱣ ᱚᱪᱚ ᱠᱚ ᱞᱟᱹᱜᱤᱫ ᱱᱚᱶᱟ ᱟᱯᱷᱚᱫᱽ ᱱᱟᱝ ᱫᱚ ᱦᱩᱭᱩᱜ ᱢᱟ ᱢᱮᱱᱛᱮ ᱤᱸᱫᱤᱨᱟ ᱜᱟᱸᱫᱷᱤ ᱡᱩᱨ ᱛᱮ ᱢᱮᱱ ᱞᱮᱜᱼᱟᱭ ᱾ ᱥᱟᱶᱛᱮ ᱑᱙᱗᱓ ᱥᱟᱞ ᱨᱮ ᱥᱩᱱᱩᱢ ᱨᱮᱱᱟᱜ ᱟᱱᱟᱴ ᱦᱚᱸ ᱦᱩᱭ ᱮᱱᱟ ᱾ ᱢᱮᱱᱛᱮ ᱜᱟᱱᱚᱜᱼᱟ, ᱨᱮᱸᱜᱮᱡ ᱱᱟᱪᱟᱨ ᱦᱚᱲ ᱟᱨ ᱠᱩᱲᱤ ᱦᱚᱯᱚᱱ ᱪᱮᱛᱟᱱ ᱨᱮ ᱯᱩᱸᱡᱤᱵᱟᱫᱤ ᱟᱜ ᱱᱟᱦᱟᱪᱟᱨ ᱠᱷᱚᱱ ᱵᱟᱧᱪᱟᱣ ᱠᱚ ᱞᱟᱹᱜᱤᱫ, ᱵᱷᱟᱨᱚᱛ ᱫᱤᱥᱚᱢ ᱵᱤᱨᱩᱫᱷᱤ ᱠᱚ ᱫᱟᱵᱟᱣ ᱠᱚ ᱞᱟᱹᱜᱤᱫ, ᱤᱸᱫᱤᱨᱟ ᱜᱟᱸᱫᱷᱤ ᱱᱟᱶᱟ ᱟᱯᱷᱚᱫᱽ ᱱᱟᱝ ᱫᱚ ᱟᱹᱰᱤ ᱥᱟᱦᱟᱥ ᱠᱟᱛᱮ ᱡᱟᱹᱨᱤ ᱞᱮᱫ ᱛᱟᱦᱮᱱ ᱾ ᱢᱮᱱᱠᱷᱟᱱ ᱟᱨᱭᱟᱱ ᱥᱟᱶᱛᱟ ᱱᱚᱶᱟ ᱟᱯᱷᱚᱫᱽ ᱱᱟᱝ ᱫᱚ ᱵᱟᱝ ᱠᱚ ᱠᱩᱥᱤ ᱟᱫ ᱛᱟᱦᱮᱱ ᱾ ᱤᱸᱫᱤᱨᱟ ᱜᱟᱸᱫᱷᱤ ᱤᱡ ᱦᱩᱰᱤᱧ ᱦᱚᱯᱟᱱ ᱥᱚᱸᱡᱚᱭ ᱜᱟᱸᱫᱷᱤ ᱠᱮᱵᱤᱱᱮᱴ ᱢᱚᱱᱛᱨᱤ ᱵᱟᱝ ᱦᱩᱭ ᱠᱟᱛᱮ ᱦᱚᱸ ᱟᱡ ᱥᱟᱨᱠᱟᱨᱤ ᱪᱟᱞᱟᱣ ᱞᱟᱹᱜᱤᱫ ᱛᱮ ᱟᱡ ᱟᱭᱳᱭ ᱜᱚᱲᱚ ᱟᱭ ᱛᱟᱦᱮᱱᱚᱜ ᱾ ᱩᱱ ᱚᱠᱛᱚ ᱣᱮᱥᱴ ᱵᱮᱸᱜᱚᱞ ᱥᱤᱨᱟᱹ ᱢᱚᱱᱛᱨᱤ ᱥᱤᱫᱷᱟᱨᱛᱷ ᱥᱚᱱᱠᱚᱨ ᱨᱟᱭ, ᱛᱤᱱᱟᱹᱜ ᱜᱟᱱ ᱥᱟᱶᱛᱟ ᱨᱤᱱ ᱦᱚᱲ ᱠᱚᱣᱟᱜ ᱵᱮᱵᱟᱹᱲᱤᱡ ᱠᱟᱹᱢᱤ ᱧᱮᱞᱛᱮ ᱟᱯᱷᱚᱫᱽ ᱱᱟᱝ ᱞᱟᱹᱜᱤᱫ ᱤᱸᱫᱤᱨᱟ ᱜᱟᱸᱫᱷᱤ ᱜᱚᱲᱚ ᱟᱫᱮᱭᱟ ᱾ ᱩᱱᱤ ᱢᱤᱫ ᱟᱨᱫᱟᱥ ᱥᱟᱠᱟᱢ ᱮ ᱚᱞ ᱠᱮᱜᱼᱟ, ᱡᱟᱦᱟᱸ ᱫᱚ ᱤᱸᱫᱤᱨᱟ ᱜᱟᱸᱫᱷᱤ ᱥᱩᱦᱤ ᱠᱟᱛᱮ ᱥᱤᱧᱚᱛ ᱫᱤᱥᱚᱢ ᱜᱚᱝᱜᱮ ᱴᱷᱮᱱ ᱢᱚᱸᱡᱩᱨ ᱞᱟᱹᱜᱤᱫ ᱮ ᱠᱩᱞ ᱠᱮᱜᱼᱟ ᱾ ᱚᱱᱟ ᱟᱨᱫᱟᱥ ᱥᱟᱠᱟᱢ ᱨᱮ ᱫᱚ ᱟᱹᱱᱟᱹᱨᱤ ᱵᱷᱤᱛᱨᱤ ᱨᱮ ᱛᱟᱦᱮᱸ ᱠᱟᱛᱮ ᱪᱮᱫ ᱞᱮᱠᱟ ᱟᱯᱷᱚᱫᱽ ᱱᱟᱝ ᱡᱟᱹᱨᱤ ᱦᱩᱭᱩᱜᱼᱟ ᱚᱱᱟ ᱠᱚ ᱴᱷᱟᱹᱠᱟ ᱥᱟᱺᱦᱤᱡ ᱚᱞ ᱞᱮᱱᱟ ᱾ ^[᱓]^[᱔] ᱫᱤᱥᱚᱢ ᱞᱟᱹᱜᱤᱫ ᱟᱹᱰᱤ ᱵᱤᱯᱚᱫᱽ ᱢᱮᱱᱟᱜᱼᱟ ᱢᱮᱱᱛᱮ ᱵᱟᱰᱟᱭ ᱠᱟᱛᱮ ᱫᱤᱥᱚᱢ ᱜᱚᱝᱜᱮ ᱥᱨᱤᱢᱟᱱ ᱯᱷᱚᱠᱤᱨᱩᱫᱫᱤᱱ ᱚᱞᱤ ᱚᱦᱢᱚᱫ ᱫᱚ ᱒᱕ ᱠᱤᱱ ᱑᱙᱗᱕ ᱦᱤᱞᱚᱜ ᱟᱯᱷᱚᱫᱽ ᱱᱟᱝ ᱠᱟᱹᱱᱩᱱ ᱨᱮ ᱥᱩᱦᱤ ᱠᱮᱫ ᱟᱭ ᱾

ᱟᱯᱷᱚᱫᱽ ᱱᱟᱝ ᱡᱟᱹᱨᱤ ᱮᱱ ᱛᱟᱭᱚᱢ ᱦᱚᱸ ᱢᱩᱲᱩᱛ ᱢᱚᱱᱛᱨᱤ ᱟᱜ ᱩᱯᱫᱮᱥ ᱞᱟᱜᱟᱛᱚᱜ ᱠᱷᱟᱹᱛᱤᱨ ᱫᱤᱥᱚᱢ ᱜᱚᱝᱜᱮ ᱫᱚ ᱛᱩᱨᱩᱭ ᱪᱟᱸᱫᱚ ᱦᱟᱹᱵᱤᱡ ᱱᱚᱶᱟ ᱟᱯᱷᱚᱫᱽ ᱱᱟᱝ ᱫᱚ ᱪᱟᱹᱞᱩ ᱠᱚᱜ ᱜᱮᱭᱟ ᱢᱮᱱᱛᱮ ᱞᱟᱹᱭ ᱫᱟᱲᱮ ᱞᱮᱜᱼᱟᱭ ᱾ ᱛᱟᱭᱚᱢ ᱑᱙᱗᱗ ᱨᱮ ᱥᱚᱸᱥᱚᱫᱽ ᱵᱟᱪᱷᱚᱱ ᱦᱩᱭᱩᱜᱼᱟ ᱢᱮᱱᱛᱮ ᱢᱩᱲᱩᱛ ᱢᱚᱱᱛᱨᱤ ᱤᱸᱫᱤᱨᱟ ᱜᱟᱸᱫᱷᱤ ᱞᱟᱹᱭ ᱠᱮᱫ ᱠᱷᱟᱱ ᱛᱩᱨᱩᱭ ᱪᱟᱸᱫᱚ ᱯᱩᱨᱟᱹᱣ ᱮᱱ ᱨᱮ ᱟᱯᱷᱚᱫᱽ ᱱᱟᱝ ᱫᱚ ᱪᱟᱵᱟ ᱮᱱᱟ ᱾

References

↑ "Interview with Indira Gandhi". Interview relecast through India times. TV Eye. Archived from the original on 11 ᱚᱜᱚᱥᱴ 2019. Retrieved 14 ᱡᱩᱱ 2018.
↑ "recallign the emergency". Indian Express. 29 ᱡᱩᱱ 2015. Retrieved 14 ᱡᱩᱱ 2018.
↑ NAYAR, KULDIP (25 June 2000). Yes, Prime Minister Archived ᱑᱑ ᱯᱷᱮᱵᱽᱨᱩᱣᱟᱨᱤ ᱒᱐᱑᱐ at the Wayback Machine.. The Indian Express.
↑ "[Explained] Why Did Indira Gandhi Impose Emergency In 1975?". thehansindia.

External links

Telegram 8557 from the United States Embassy in India to the Department of State, 27 June 1975
A. Z. Huq Democratic Norms, Human Rights and the States of Emergency: Lessons from the Experience of Four Countries Archived ᱑᱐ ᱡᱩᱞᱟᱭ ᱒᱐᱒᱐ at the Wayback Machine.
"Memories of a Father," a book by Eachara Varier, father of a student killed in police custody during the emergency Archived ᱒᱗ ᱢᱮ ᱒᱐᱐᱕ at the Wayback Machine.

ᱪᱷᱟᱸᱪ:The Emergency (India)

[1] "Interview with Indira Gandhi". Interview relecast through India times. TV Eye. Archived from the original on 11 ᱚᱜᱚᱥᱴ 2019. Retrieved 14 ᱡᱩᱱ 2018.

[2] "recallign the emergency". Indian Express. 29 ᱡᱩᱱ 2015. Retrieved 14 ᱡᱩᱱ 2018.

[3] NAYAR, KULDIP (25 June 2000). Yes, Prime Minister Archived ᱑᱑ ᱯᱷᱮᱵᱽᱨᱩᱣᱟᱨᱤ ᱒᱐᱑᱐ at the Wayback Machine.. The Indian Express.

[4] "[Explained] Why Did Indira Gandhi Impose Emergency In 1975?". thehansindia.

[᱑]

[᱒]

[᱓]

[᱔]