ᱠᱚᱨᱤᱢᱱᱟᱜᱟᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Karimnagar District Revenue divisions

ᱠᱚᱨᱤᱢᱱᱟᱜᱟᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱠᱚᱨᱤᱢᱱᱟᱜᱟᱨ ᱥᱚᱦᱚᱨ (city) ᱫᱚ ᱚᱸᱰᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾[᱑] ᱱᱚᱶᱟ ᱨᱮᱱᱟᱜ ᱵᱷᱤᱲᱟᱹᱣ ᱨᱮ ᱯᱟᱫᱟᱯᱟᱞᱤ ᱦᱚᱱᱚᱛ, ᱡᱟᱜᱤᱛᱟᱭᱟᱞ ᱦᱚᱱᱚᱛ, ᱨᱟᱡᱟᱱᱟ ᱥᱤᱨᱥᱤᱞᱟ ᱦᱚᱱᱚᱛ, ᱥᱤᱫᱽᱫᱤᱯᱮᱴ ᱦᱚᱱᱚᱛ, ᱡᱚᱱᱜᱟᱶ ᱦᱚᱱᱚᱛ, ᱣᱟᱨᱟᱝᱜᱟᱞ ᱳᱨᱵᱟᱱ ᱦᱚᱱᱚᱛ ᱟᱨ ᱡᱚᱭᱚᱥᱚᱝᱠᱚᱨ ᱵᱷᱩᱯᱚᱞᱚᱯᱚᱞᱤ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱨᱤᱢᱱᱟᱜᱟᱨ ᱫᱚ ᱞᱟᱦᱟᱛᱮ ᱤᱞᱟᱜᱟᱱᱰᱟ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾[᱒] ᱚᱱᱟ ᱛᱟᱭᱚᱢ ᱠᱚᱱᱱᱚᱰᱚ ᱨᱟᱡᱽᱵᱚᱝᱥᱚ ᱣᱮᱥᱴᱚᱨᱱ ᱪᱟᱞᱩᱠᱭᱚ ᱠᱚ ᱥᱟᱥᱚᱱ ᱠᱮᱫᱼᱟ ᱾ ᱱᱚᱶᱟ ᱫᱚ ᱢᱟᱨᱟᱝ ᱥᱟᱛᱵᱟᱦᱚᱱ ᱥᱟᱢᱨᱟᱡᱽ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ , ᱩᱱ ᱚᱠᱛᱚ ᱨᱮ ᱦᱟᱭᱫᱽᱨᱟᱵᱟᱫᱽ ᱨᱤᱱᱤᱡ ᱱᱤᱡᱟᱢ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱠᱚᱨᱤᱢᱱᱟᱜᱟᱨ ᱢᱮᱱᱛᱮ ᱪᱷᱟᱹᱴᱭᱟᱹᱨ ᱠᱮᱫᱼᱟ, ᱡᱟᱦᱟᱸ ᱫᱚ ᱥᱟᱦᱮᱱᱥᱟ ᱤ ᱠᱚᱨᱤᱢᱟᱱᱟᱜᱟᱨ ᱥᱟᱭᱮᱫᱽ ᱠᱟᱨᱤᱢᱩᱞᱞᱟᱦ ᱥᱦᱟᱣ ᱠᱩᱣᱟᱫᱽᱨᱤ ᱧᱩᱛᱩᱢ ᱠᱷᱚᱱ ᱦᱮᱡ ᱵᱮᱱᱟᱣ ᱟᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱠᱴᱚᱵᱚᱨ ᱒᱐᱑᱖ ᱥᱟᱞᱮ ᱨᱮ ᱦᱚᱱᱚᱛ ᱠᱚ ᱟᱹᱨᱩ ᱨᱩᱣᱟᱹᱲᱮᱱ ᱚᱠᱛᱚ ᱨᱮ, ᱠᱚᱨᱤᱢᱱᱟᱜᱟᱨ ᱦᱚᱱᱚᱛ ᱫᱚ ᱡᱚᱜᱽᱛᱤᱭᱟᱞ ᱦᱚᱱᱚᱛ, ᱯᱟᱫᱟᱯᱟᱞᱤ ᱦᱚᱱᱚᱛ ᱟᱨ ᱨᱟᱱᱱᱟ ᱥᱤᱨᱪᱤᱞᱞᱟ ᱦᱚᱱᱚᱜᱛ ᱠᱷᱚᱱ ᱜᱮᱫ ᱵᱷᱮᱜᱟᱨ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾.[᱓]

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱫᱚ ᱒,᱑᱒᱘ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱾ ᱮᱨᱤᱭᱟ ᱞᱮᱠᱟᱛᱮ ᱛᱮᱞᱮᱝᱜᱟᱱᱟ ᱨᱮᱱᱟᱜ ᱱᱚᱶᱟ ᱫᱚ ᱢᱚᱬᱮ ᱟᱱᱟᱜ ᱦᱩᱰᱤᱧ ᱦᱚᱱᱚᱛ ᱠᱟᱱᱟ ᱾[᱓] ᱠᱚᱨᱤᱢᱱᱟᱜᱟᱨ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱡᱚᱜᱽᱛᱤᱭᱟᱞ ᱦᱚᱱᱚᱛ ᱟᱨ ᱯᱮᱫᱟᱯᱟᱞᱞᱤ ᱦᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮ ᱣᱟᱨᱟᱝᱜᱟᱞ ᱳᱨᱵᱟᱱ ᱦᱚᱱᱚᱛ ᱟᱨ ᱥᱤᱫᱽᱫᱤᱯᱮᱴ ᱦᱚᱱᱚᱛ, ᱥᱟᱢᱟᱝ ᱥᱮᱦᱮᱫ ᱨᱮ ᱨᱟᱡᱟᱱᱱᱟ ᱦᱚᱱᱚᱛ ᱟᱨ ᱯᱟᱪᱮ ᱥᱦᱮᱫ ᱨᱮ ᱡᱚᱭᱚᱥᱚᱝᱠᱚᱨ ᱵᱷᱩᱯᱟᱞᱯᱟᱞᱤ ᱦᱚᱱᱚᱛ ᱢᱮᱱᱟᱜᱼᱟ ᱾

ᱰᱮᱢᱚᱜᱽᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞᱮ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱱᱚᱶ ᱦᱚᱱᱚᱛ ᱨᱮ ᱑ᱚ,᱐᱕,᱗᱑᱑ ᱜᱚᱴᱮᱡ ᱦᱚᱲ ᱢᱮᱱᱟᱜᱼᱟ ᱾ ᱱᱚᱸᱰᱮᱱ ᱦᱚᱲ ᱠᱚᱣᱟᱜ ᱥᱮᱪᱮᱫ ᱫᱚᱨ ᱫᱚ ᱖᱙ᱹ᱑᱖ % ᱟᱨ ᱰᱮᱥᱱᱥᱤᱴᱤ ᱫᱚ ᱔᱒᱓ ᱦᱚᱲ ᱠᱤᱞᱚᱢᱤᱴᱚᱨ2 ᱯᱤᱪᱷᱤ ᱾ ᱛᱮᱞᱮᱝᱜᱟᱱᱟ ᱨᱮᱱᱟᱜ ᱱᱚᱶᱟ ᱫᱚ ᱢᱚᱬᱮ ᱟᱱᱟᱜ ᱵᱷᱤᱲ (densely) ᱦᱚᱲ ᱛᱟᱦᱮᱸᱱ ᱠᱟᱱᱟ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱤᱱ ᱓,᱐᱘,᱙᱘᱔ ᱦᱚᱲ ᱫᱚ ᱥᱚᱦᱚᱨ ᱱᱟᱜᱟᱨ ᱨᱮ ᱠᱚ ᱛᱟᱦᱮᱸᱱ ᱠᱟᱱᱟ, ᱡᱟᱦᱟᱸ ᱫᱚ ᱓᱐ᱹ᱗᱒ % ᱦᱩᱭᱩᱜ ᱠᱟᱱᱟ ᱚᱸᱰᱮᱱ ᱠᱚ ᱞᱮᱠᱷᱟ ᱜᱩᱴ ᱦᱚᱲ ᱠᱷᱚᱱ ᱾[᱔] ᱱᱚᱸᱰᱮ ᱢᱤᱫᱴᱟᱝ ᱢᱤᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ ᱢᱮᱱᱟᱜᱼᱟ ᱟᱨ ᱱᱚᱶᱟ ᱢᱩᱱᱤᱥᱤᱞᱟᱤᱴᱤᱡᱽ ᱨᱟᱭ (municipalities act) ᱞᱮᱠᱟᱛᱮ ᱔ ᱜᱚᱴᱟᱝ ᱱᱟᱶᱟ ᱢᱩᱱᱤᱥᱤᱯᱟᱞᱤᱴᱤ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱦᱩᱡᱩᱨᱵᱟᱫᱽ, ᱡᱟᱢᱤᱠᱩᱱᱴᱟ, ᱪᱚᱯᱟᱰᱟᱱᱰᱤ ᱟᱨ ᱠᱚᱴᱷᱟᱯᱟᱞᱞᱤ ᱾

ᱠᱟᱹᱣᱰᱤᱭᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱥᱚᱨᱠᱟᱨ ᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱒᱕᱐ ᱦᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱟᱹᱰᱤ ᱯᱟᱹᱪᱷᱞᱟᱹ ᱦᱚᱱᱚᱛ (most backward districts) ᱞᱮᱠᱟᱛᱮ ᱥᱮᱞᱮᱫ ᱟᱠᱟᱫᱼᱟᱭ ᱾[᱕] ᱱᱚᱶᱟ ᱫᱚ ᱛᱮᱞᱮᱝᱜᱟᱱᱟ ᱨᱮᱱᱟᱜ ᱙ ᱟᱱᱟᱜ ᱱᱟᱶᱟ ᱦᱚᱱᱚᱛ, ᱯᱟᱹᱪᱷᱞᱟᱹ ᱮᱞᱟᱠᱟ ᱜᱨᱟᱱᱴ (Backward Regions Grant Fund) ᱯᱷᱚᱸᱰ ᱮ ᱧᱟᱢ ᱮᱫᱟ ᱾[᱕]

ᱥᱟᱹᱠᱷᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. [᱑]
  2. "District Census Handbook – Adilabad" (PDF). Census of India. p. 9. Retrieved 20 ᱱᱚᱵᱷᱮᱢᱵᱚᱨ 2015. 
  3. ᱓.᱐ ᱓.᱑ "New districts". Andhra Jyothy.com. 8 ᱚᱠᱴᱚᱵᱚᱨ 2016. Retrieved 8 ᱚᱠᱴᱚᱵᱚᱨ 2016. 
  4. http://epaper.sakshi.com/984919/Karimnagar-District/30-10-2016#page/10/2
  5. ᱕.᱐ ᱕.᱑ Ministry of Panchayati Raj (8 ᱥᱮᱯᱴᱮᱢᱵᱚᱨ 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on 5 ᱮᱯᱨᱤᱞ 2012. Retrieved 27 ᱥᱮᱯᱴᱮᱢᱵᱚᱨ 2011.