ᱡᱩᱢᱤᱫᱽ ᱢᱩᱴᱷᱟ.ᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
(ᱡᱩᱢᱤᱫ ᱢᱩᱴᱷᱟ.ᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search
᱒᱐᱑᱘ ᱥᱮᱨᱢᱟ ᱨᱮ ᱡᱩᱢᱤᱫᱽ ᱢᱩᱴᱷᱟᱸᱱ

ᱨᱟᱱᱟᱡᱚᱛ ᱢᱩᱴᱷᱟ.ᱱ ᱥᱮ ᱡᱩᱢᱤᱫᱽ ᱢᱩᱴᱷᱟ.ᱱ( Statue of Unity, ᱥᱴᱮᱪᱩ ᱚᱯᱷ ᱭᱩᱱᱤᱴᱤ ᱢᱮᱱ ᱛᱮ ᱰᱟᱢᱰᱟᱦᱮ ᱟᱠᱟᱱᱟ) ᱫᱚ ᱥᱤᱣᱩᱛ ᱯᱷᱩᱨᱜᱟ.ᱞ ᱞᱟᱲᱟᱣᱱᱟ ᱨᱮᱱ ᱢᱤᱫ ᱢᱟᱨᱟᱝ ᱟ.ᱭᱩᱨᱤᱭᱟ. ᱥᱟᱨᱫᱟᱨ ᱵᱷᱚᱞᱞᱚᱵᱽ ᱵᱷᱟᱭ ᱯᱟᱴᱮᱞ,[᱑][᱒][᱓] ᱟᱜ ᱫᱤᱱᱤᱥᱟ. ᱩᱭᱦᱟ.ᱨ ᱠᱟᱛᱮ ᱢᱟᱱᱚᱛᱟᱱ ᱱᱚᱨᱮᱱᱫᱽᱨᱚ ᱢᱚᱫᱤ ᱭᱟᱜ ᱵᱤᱨᱤᱛ ᱨᱮ ᱵᱩᱱᱟᱣ ᱟᱠᱟᱱ ᱥᱚᱨᱮᱱ ᱜᱚᱬᱦᱚᱱ ᱠᱟᱱᱟ | ᱑᱘᱒ ᱢᱤᱴᱟᱨ ᱩᱥᱩᱞ ᱱᱚᱣᱟ ᱜᱚᱬᱦᱚᱱ ᱡᱮᱜᱮᱫ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱜᱚᱬᱦᱚᱱ ᱠᱟᱱᱟ |[᱔] ᱚᱠᱟ ᱫᱚ ᱟᱢᱫᱟᱡᱽ ᱖᱐ ᱛᱟᱞᱟ ᱫᱚᱞᱟᱱ ᱵᱟᱨᱟᱵᱟ.ᱨᱤ ᱩᱥᱩᱞ ᱜᱮ |

ᱵᱩᱴᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱥᱤᱧᱩᱛ ᱫᱤᱥᱚᱢ ᱨᱮᱭᱟᱜ ᱥᱟ.ᱫᱩ ᱵᱮᱴ ᱟᱭᱞᱮᱱᱰ ᱱᱚᱨᱢᱟᱫᱟ ᱜᱚᱰᱟ ᱨᱮᱭᱟᱜ ᱵᱮᱰᱟ ᱨᱮ ᱢᱮᱱᱟᱜ-ᱟ|[᱕] ᱱᱚᱣᱟ ᱜᱚᱬᱦᱚᱱ ᱫᱚ ᱒᱐,᱐᱐᱐ ᱪᱟ.ᱣᱠᱟ. ᱢᱤᱴᱟᱨ ᱰᱷᱮᱨ ᱴᱚᱴᱷᱟ ᱨᱮ ᱢᱮᱱᱟᱜ-ᱟ ᱟᱨ ᱑᱒ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱴᱚᱴᱷᱟ ᱛᱮ ᱯᱟᱥᱱᱟᱣ ᱠᱟᱱ ᱱᱚᱣᱟ ᱵᱮᱱᱟᱣ ᱫᱟᱨᱦᱟ ᱛᱮ ᱮᱥᱮᱫ ᱟᱠᱟᱱᱟ |

ᱠᱟ.ᱣᱰᱤ ᱜᱚᱯᱚᱲᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱤᱱᱤᱥᱟ. ᱫᱚ ᱫᱤᱥᱣᱟ. ᱠᱚᱣᱟᱜ ᱱᱤᱡᱟ. ᱮᱯᱮᱢ-ᱪᱟᱯᱟᱞ ᱛᱮ ᱵᱮᱱᱟᱣ ᱟᱠᱟᱱᱟ, ᱚᱠᱟ ᱰᱷᱮᱨ ᱦᱤ'ᱥ ᱜᱮ ᱜᱩᱡᱨᱟᱛ ᱥᱚᱨᱠᱟᱨ ᱟᱜ ᱠᱟᱱ | ᱜᱩᱡᱨᱟᱛ ᱥᱚᱨᱠᱟᱨ ᱫᱚ ᱒᱐᱑᱒-᱑᱓ ᱵᱟᱡᱮᱴ ᱚᱠᱛᱮ ₹᱑᱐᱐ ᱠᱳᱴᱤ ᱛᱟ'ᱦᱟ' ᱒᱐᱑᱔-᱑᱕ ᱥᱮᱨᱢᱟ ᱨᱮ ₹᱕᱐᱐ ᱠᱳᱴᱤ ᱴᱟᱠᱟ ᱮᱢᱚᱜ ᱨᱮᱭᱟᱜ ᱠᱚ ᱧᱩᱢ ᱵᱮᱜᱟᱨ ᱞᱮᱫᱟ | [᱖]᱒᱐᱑᱔-᱑᱕ ᱨᱮ ᱥᱤᱧᱩᱛ ᱥᱚᱨᱠᱟᱨ ᱟᱜ ᱵᱟᱡᱮᱴ ᱨᱮ ᱢᱩᱨᱛᱤ ᱵᱮᱱᱟᱣ ᱞᱟ.ᱜᱤᱫ ₹᱒ ᱟᱨᱚᱵᱽ ᱠᱳᱴᱤ ᱴᱟᱠᱟ ᱮᱢᱚᱜ ᱨᱮᱭᱟᱜ ᱧᱩᱢ ᱵᱮᱜᱟᱨ ᱞᱮᱱᱟ |[᱗][᱘][᱙]

ᱜᱚᱬᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱢᱩᱴᱷᱟ.ᱱ ᱫᱚ ᱯᱮᱭᱟ ᱛᱷᱚᱠ ᱨᱮ ᱦᱟ.ᱴᱤᱧ ᱨᱮ ᱜᱚᱬᱦᱚᱱ ᱟᱠᱟᱱᱟ |ᱵᱷᱤᱛᱨᱤ ᱛᱷᱚᱠ ᱨᱮ ᱑᱒᱗ ᱢᱤᱴᱟᱨ ᱵᱟᱨᱭᱟ ᱩᱥᱩᱞ ᱴᱟᱣᱟᱨ ᱢᱮᱱᱟᱜ-ᱟ, ᱚᱠᱟ ᱫᱚ ᱜᱚᱬᱦᱚᱱ ᱨᱮᱱᱟᱜ ᱠᱚᱱᱟᱢ ᱦᱟ.ᱵᱤᱡ ᱯᱟᱥᱱᱟᱣ ᱟᱠᱟᱱ। ᱫᱚᱥᱟᱨ ᱛᱷᱚᱠ ᱫᱚ ᱥᱴᱤᱞ ᱜᱚᱬᱦᱚᱱ ᱟᱨ ᱛᱮᱥᱟᱨ ᱛᱷᱚᱠ ᱥᱮ ᱜᱚᱬᱦᱚᱱ ᱨᱮᱭᱟᱜ ᱪᱮᱛᱟᱱ ᱢᱤᱞᱤ ᱢᱤᱴᱟᱨ ᱢᱤᱞᱤ ᱢᱤᱴᱟᱨ ᱵᱨᱚᱧᱡᱽ ᱛᱮ ᱢᱮᱲᱦᱟᱣ ᱟᱠᱟᱱᱟ | ᱜᱚᱬᱦᱚᱱ ᱨᱮᱭᱟᱜ ᱞᱟᱛᱟᱨ ᱠᱷᱚᱱ ᱪᱮᱛᱟᱱ ᱧᱮᱧᱮᱞ ᱞᱟ.ᱜᱤᱫ ᱵᱟᱨᱭᱟ ᱞᱤᱯᱷᱴ ᱢᱮᱱᱟᱜ-ᱟ। ᱢᱤᱫ ᱴᱮᱱ ᱞᱤᱯᱷᱴ ᱨᱮ ᱒᱖ ᱦᱚᱲ ᱠᱚ ᱨᱟᱠᱟᱵ ᱫᱟᱲᱮᱭᱟᱜ-ᱟ| ᱞᱤᱯᱷᱴ ᱛᱮ ᱛᱟᱨᱟ ᱢᱤᱱᱟ.ᱴ ᱵᱷᱤᱛᱨᱤ ᱨᱮ ᱜᱚᱬᱦᱚᱱ ᱨᱮᱭᱟᱜ ᱪᱮᱛᱟᱱ ᱴᱷᱟ:ᱭ ᱛᱮ ᱥᱮᱴᱮᱨ ᱜᱚᱫᱚᱜ-ᱟ| ᱩᱥᱩᱞ ᱨᱮᱭᱟᱜ ᱯᱟᱥᱴᱟ ᱨᱮ ᱢᱟᱲᱟᱝ ᱪᱤᱱ ᱨᱮᱭᱟᱜ ᱜᱚᱬᱦᱚᱱ ᱢᱩᱴᱷᱟ.ᱱ ᱡᱚᱛᱚ ᱠᱷᱚᱱ ᱩᱥᱩᱞ ᱨᱮᱠᱚᱨᱰ ᱛᱟᱦᱮ ᱠᱟᱱᱟ| ᱵᱩᱫᱽ ᱵᱚᱥᱚᱱᱛᱚ ᱢᱩᱱᱫᱤᱞ ᱧᱩᱛᱩᱢ ᱟᱱᱟᱜ ᱜᱚᱬᱦᱚᱱ ᱨᱮᱭᱟᱜ ᱩᱥᱩᱞ ᱫᱚ ᱑᱕᱓ ᱢᱤᱴᱟᱨ-ᱟ। ᱱᱚᱦᱟᱜ ᱫᱚ ᱱᱚᱣᱟ ᱜᱮ ᱡᱮᱜᱮᱫ ᱨᱮᱭᱟᱜ ᱡᱚᱛᱚ ᱩᱥᱩᱞ ᱩᱛᱟ.ᱨ ᱜᱚᱬᱦᱚᱱ - ᱢᱩᱴᱷᱟ.ᱱ ᱟᱠᱟᱱᱟ|

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]