ᱢᱟᱰᱨᱤᱰ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱟᱰᱨᱤᱰ

ᱢᱟᱰᱨᱤᱰ (məˈdrɪd) ᱫᱚ ᱥᱯᱮᱱ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱥᱟᱶᱛᱮ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨᱠᱟᱱᱟ ᱾ ᱑᱕᱖᱑ ᱥᱟᱞᱮ ᱦᱟᱹᱵᱤᱡ ᱫᱚ ᱥᱯᱮᱱ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱴᱚᱞᱮᱰᱚ ᱨᱮ ᱛᱟᱦᱮᱸᱠᱟᱱᱟ ᱾ ᱢᱟᱰᱨᱤᱰ ᱫᱚ ᱥᱯᱮᱱ ᱨᱮᱱᱟᱜ ᱛᱟᱞᱟᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱫᱚ ᱢᱟᱰᱨᱤᱰ ᱜᱩᱴ ᱠᱚ ᱛᱟᱦᱮᱸᱱᱟ ᱾ ᱱᱚᱶᱟ ᱜᱩᱴ ᱫᱚ ᱟᱹᱰᱤ ᱢᱟᱨᱟᱝ ᱮᱞᱟᱠᱟ ᱛᱮ ᱢᱮᱱᱟᱜᱼᱟ, ᱚᱱᱟ ᱠᱚ ᱢᱩᱸᱫᱽ ᱨᱮ ᱦᱩᱰᱤᱧ ᱱᱟᱜᱟᱨ ᱟᱨ ᱟᱹᱛᱩ ᱚᱲᱟᱜ ᱠᱚ ᱢᱮᱱᱟᱜᱼᱟ ᱾ ᱗ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱜᱩᱴ ᱨᱮ ᱾ ᱓ ᱢᱤᱞᱤᱭᱚᱱ ᱠᱷᱚᱱ ᱵᱟᱹᱲᱛᱤ ᱜᱟᱱ ᱠᱚ ᱦᱩᱭᱜᱼᱟ ᱱᱚᱶᱟ ᱱᱟᱜᱟᱨ ᱛᱟᱞᱟᱨᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱤᱶᱨᱚᱯᱤᱭᱟᱱ ᱡᱩᱢᱤᱫᱽ ᱢᱩᱸᱰᱽ ᱠᱷᱚᱱ ᱱᱚᱶᱟ ᱫᱚ ᱛᱮᱥᱟᱨ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱶᱟ ᱫᱚ ᱛᱮᱥᱟᱨ ᱢᱟᱨᱟᱝ ᱢᱮᱴᱨᱚ ᱱᱟᱜᱟᱨ ᱠᱟᱱᱟ ᱞᱚᱱᱰᱚᱱ ᱨ ᱯᱮᱨᱤᱥ ᱯᱟᱹᱪᱷᱞᱟᱹ ᱨᱮ ᱾[1][2][3][4] ᱱᱚᱸᱰᱮ ᱯᱩᱱᱭᱟᱹ ᱧᱩᱛᱩᱢᱟᱱ ᱪᱤᱸᱰᱩ ᱮᱱᱮᱡ ᱫᱚᱞ ᱢᱮᱱᱟᱜ ᱠᱚᱶᱟ, ᱩᱱᱠᱩ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱺ ᱨᱤᱭᱮᱞ ᱢᱟᱰᱨᱤᱰ, ᱟᱴᱞᱤᱴᱤᱠᱚ ᱢᱟᱰᱨᱤᱰ, ᱜᱮᱴᱟᱯᱷᱮ ᱟᱨ ᱨᱟᱭᱚ ᱵᱷᱟᱞᱤᱠᱟᱱᱚ ᱾

ᱢᱟᱰᱨᱤᱰ ᱫᱚ ᱢᱟᱲᱟᱝ ᱨᱚᱢᱟᱱ ᱠᱚ ᱥᱟᱥᱚᱱᱮᱫ ᱛᱟᱦᱮᱸᱫ ᱒᱐᱐ ᱥᱟᱞᱮ ᱠᱷᱚᱱ ᱾ AD ᱗᱑᱑ ᱛᱟᱭᱚᱢ ᱢᱳᱨᱥ ᱠᱚ ᱜᱚᱵᱚᱞ ᱠᱮᱫᱼᱟ ᱾ ᱑᱐᱘᱓ ᱥᱟᱞᱮ ᱨᱮᱫᱚ ᱟᱨᱫᱚᱲᱦᱟ ᱥᱯᱮᱱᱤᱭᱟᱹ ᱠᱚ ᱥᱟᱥᱚᱱ ᱠᱮᱫᱼᱟ ᱾ᱠᱟᱛᱷᱚᱞᱤᱠ ᱨᱟᱡᱟ ᱫᱤᱥᱚᱢᱮ ᱥᱟᱥᱚᱱ ᱠᱮᱫᱼᱟ ᱾ ᱑᱖ ᱥᱟᱭ ᱥᱮᱨᱢᱟ ᱨᱮᱱᱟᱜ ᱛᱟᱞᱟᱢᱟᱞᱟ ᱥᱮᱫ ᱨᱮ ᱱᱚᱶᱟ ᱫᱚ ᱟᱹᱰᱤ ᱢᱟᱨᱟᱝ ᱥᱟᱢᱨᱟᱡᱽ ᱨᱮᱱᱟᱜ ᱨᱟᱡᱽᱜᱟᱲ ᱮᱱᱟ ᱾ ᱥᱯᱮᱱ ᱫᱚ ᱢᱚᱱᱟᱨᱪ ᱠᱚ ᱫᱟᱨᱟᱭ ᱛᱮ ᱦᱟᱵᱥᱵᱚᱨᱜᱽ ᱚᱲᱟᱜ (the House of Habsburg) ᱠᱷᱚᱱ ᱠᱚ ᱥᱟᱥᱚᱱ ᱠᱮᱫᱼᱟ, ᱚᱱᱟ ᱛᱟᱭᱚᱢ ᱵᱳᱨᱵᱚᱱ ᱚᱲᱟᱜ (the House of Bourbon) ᱠᱷᱚᱱ ᱾ ᱥᱯᱮᱱᱤᱥ ᱥᱤᱵᱷᱤᱞ ᱞᱟᱹᱲᱷᱟᱹᱭ (Spanish Civil War) ᱛᱟᱭᱚᱢ ᱱᱚᱶᱟ ᱫᱚ ᱰᱤᱠᱴᱟᱴᱚᱨ ᱫᱟᱨᱟᱭ ᱛᱮ ᱥᱟᱥᱚᱱᱚᱜ ᱠᱟᱱ ᱛᱟᱦᱮᱸᱫ ᱑᱙᱗᱐ ᱥᱟᱞᱮ ᱦᱟᱹᱵᱤᱡ ᱾

ᱢᱟᱰᱨᱤᱰ ᱫᱚ ᱥᱯᱮᱱ ᱨᱮᱱᱟᱜ ᱠᱟᱹᱶᱰᱤᱟᱹᱨᱤ ᱛᱟᱞᱢᱟ ᱠᱟᱱᱟ ᱾ ᱟᱭᱢᱟ ᱢᱟᱨᱟᱝ ᱵᱮᱯᱟᱨ ᱨᱮᱱᱟᱜ ᱢᱩᱬ ᱱᱟᱹᱢᱟᱹᱞᱤ ᱱᱚᱸᱰᱮ ᱢᱮᱱᱟᱜᱼᱟ ᱾

ᱢᱚᱰᱚᱨᱱ ᱱᱟᱜᱟᱨ ᱠᱟᱱ ᱨᱮᱦᱚᱸ, ᱟᱰᱤ ᱟᱭᱢᱟ ᱱᱟᱜᱟᱢ ᱧᱮᱞ ᱧᱟᱢᱚᱜᱼᱟ ᱱᱚᱶᱟ ᱦᱚᱨ ᱛᱮᱢ ᱛᱟᱲᱟᱢ ᱞᱮᱠᱷᱟᱱ ᱾ ᱱᱚᱰᱮ ᱟᱭᱢᱟ ᱱᱟᱯᱟᱭ ᱵᱟᱜᱟᱱ, ᱧᱩᱛᱩᱢᱟᱱ ᱵᱤᱞᱰᱤᱝ, ᱪᱤᱛᱟᱹᱨ ᱜᱟᱲ ᱠᱚ ᱢᱮᱱᱟᱜᱼᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱫᱚ ᱱᱚᱰᱮ ᱟᱹᱰᱤ ᱥᱤᱛᱩᱝ ᱵᱩᱡᱷᱟᱹᱶᱼᱟ ᱟᱨ ᱨᱟᱵᱟᱝ ᱨᱤᱛᱩ ᱨᱮ ᱫᱚ ᱟᱹᱰᱤ ᱨᱮᱭᱟᱲ ᱵᱩᱡᱷᱟᱹᱶᱜᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱯᱮᱱ ᱨᱮᱱᱟᱜ ᱱᱟᱜᱟᱢ ᱚᱠᱛᱚ ᱟᱭᱢᱟ ᱵᱷᱮᱯᱮᱫᱼᱟᱱ ᱦᱚᱲ ᱠᱚ ᱦᱮᱡ ᱞᱮᱱᱟ ᱾ ᱯᱷᱚᱭᱱᱤᱥᱤᱭᱟᱱ ᱠᱚ ᱦᱮᱡᱞᱮᱱ ᱛᱟᱦᱮᱸᱫ ᱑᱑᱐᱐ BC ᱨᱮ, ᱚᱱᱟ ᱛᱟᱭᱚᱢ ᱠᱟᱨᱛᱷᱟᱜᱤᱱᱤᱭᱟᱱ, ᱨᱚᱢᱟᱱ, ᱵᱷᱟᱱᱰᱟᱞ,ᱵᱷᱤᱥᱤᱜᱚᱛ ᱟᱨ ᱢᱳᱨᱥ ᱡᱟᱹᱛ ᱠᱚ ᱾ ᱑᱔᱙᱒ ᱥᱟᱞᱮ ᱠᱷᱚᱱ ᱢᱟᱲᱟᱝ ᱨᱮ ᱫᱚ ᱥᱯᱮᱱ ᱡᱩᱢᱤᱫ ᱯᱚᱱᱚᱛ ᱵᱟᱭ ᱵᱮᱱᱟᱶ ᱞᱮᱱ ᱛᱟᱦᱮᱸᱫ ᱾ ᱠᱟᱛᱷᱚᱞᱤᱠ ᱢᱚᱱᱟᱨᱪ ᱠᱚᱶᱟᱜ ᱜᱚᱵᱚᱞ ᱛᱮ ᱦᱤᱡᱩᱜ ᱛᱟᱭᱚᱢ ᱫᱚ ᱱᱚᱶᱟ ᱢᱤᱫ ᱡᱩᱢᱤᱫ ᱯᱚᱱᱚᱛ ᱞᱮᱠᱟᱛᱮ ᱵᱮᱨᱮᱫ ᱮᱱᱟ ᱾ ᱡᱤᱶᱩᱡᱽ ᱟᱨ ᱢᱳᱨᱥ ᱠᱚ ᱫᱚ ᱟᱹᱰᱤ ᱥᱮᱨᱢᱟ ᱦᱟᱹᱵᱤᱡ ᱚᱸᱰᱮ ᱨᱟᱹᱥᱠᱟ ᱛᱮᱠᱚ ᱛᱟᱦᱮᱸ ᱠᱟᱱᱟ ᱾ ᱥᱯᱮᱱ ᱫᱚ ᱟᱹᱰᱤ ᱠᱤᱥᱟᱹᱬ ᱫᱤᱥᱚᱢ ᱵᱮᱱᱟᱶ ᱞᱮᱱᱟ, ᱪᱮᱫᱟᱜ ᱥᱮ ᱱᱩᱠᱩ ᱟᱭᱢᱟ ᱫᱤᱥᱚᱢ ᱠᱚ ᱡᱤᱛᱠᱟᱹᱨ ᱞᱮᱫ ᱛᱟᱦᱮᱸᱫ, ᱚᱥᱚᱠᱟᱭᱛᱮ ᱛᱟᱞᱢᱟ ᱟᱨ ᱠᱚᱧᱮ ᱟᱢᱮᱨᱤᱠᱟ ᱾ ᱮᱱᱛᱮᱨᱮᱦᱚᱸ, ᱥᱯᱮᱱ ᱟᱭᱢᱟ ᱞᱟᱹᱲᱦᱟᱹᱭᱻᱮ ᱛᱩᱯᱩᱫ ᱞᱮᱱ ᱛᱟᱦᱮᱸᱫ ᱟᱨ ᱟᱭᱢᱟ ᱥᱚᱢᱯᱩᱛᱤ ᱦᱚᱸᱭ ᱵᱩᱰᱟᱹᱶ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱟᱹᱰᱤ ᱨᱮᱸᱜᱮᱡ ᱫᱤᱥᱚᱢ ᱵᱮᱱᱟᱶ ᱞᱮᱱ ᱛᱟᱦᱮᱸᱫ ᱡᱚᱠᱷᱚᱱ ᱥᱤᱵᱷᱤᱞ ᱞᱟᱹᱲᱦᱟᱹᱭ ᱦᱩᱭ ᱞᱮᱱ ᱛᱟᱦᱮᱸᱫ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱰᱨᱤᱰ ᱴᱚᱴᱷᱟ ᱫᱚ ᱱᱟᱥᱮ ᱨᱚᱦᱚᱲ ᱦᱚᱭᱦᱤᱥᱤᱫ ᱠᱟᱱᱟ ᱾ ᱦᱮᱢᱟᱞ ᱟᱨ ᱱᱤᱨᱚᱱ ᱨᱤᱛᱩ ᱨᱮ ᱟᱹᱰᱤ ᱵᱟᱹᱲᱛᱤ ᱫᱟᱜ ᱧᱩᱨᱩᱜ-ᱟ ᱾ ᱨᱟᱵᱟᱝ ᱨᱤᱛᱩ ᱨᱮ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱨᱟᱵᱟᱝ ᱵᱩᱡᱷᱟᱹᱶᱜᱼᱟ, ᱪᱮᱫᱟᱜᱥᱮ ᱱᱚᱶᱟ ᱫᱚ ᱟᱹᱰᱤ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱟᱨ ᱢᱤᱢᱤᱫ ᱫᱷᱟᱶ ᱫᱚ ᱠᱩᱲᱦᱟᱹ ᱟᱹᱰᱤ ᱧᱩᱨᱩᱜᱼᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱫᱚ ᱞᱚᱞᱚ ᱵᱩᱡᱷᱟᱹᱜᱼᱟ ᱾ ᱢᱤᱢᱤᱫ ᱫᱷᱟᱶ ᱞᱚᱞᱚᱥᱚᱝ ᱫᱚ ᱓᱐ °C ᱠᱷᱚᱱ ᱔᱐ °C ᱜᱟᱱ ᱥᱮᱴᱮᱨᱚᱜᱼᱟ ᱡᱩᱞᱟᱭ ᱪᱟᱸᱫᱚᱨᱮ ᱾ ᱧᱤᱫᱟᱹ ᱵᱮᱲᱟᱻᱫᱚ ᱟᱥᱮ ᱨᱮᱭᱟᱲ ᱧᱚᱜᱼᱟ ᱾

ᱧᱩᱛᱩᱢᱟᱱ ᱵᱤᱞᱰᱤᱝᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web |url=http://www.demographia.com/db-worldua.pdf%7Ctitle=World Urban Areas: Population & Density|publisher=Wendell Cox|Demographia|accessdate=10 August 2008|format=PDF
  2. Eurostat, UrbanAudit.org webarchive|url=https://web.archive.org/web/20110406130058/http://www.urbanaudit.org/DataAccessed.aspx |date=6 April 2011 . Retrieved 12 March 2009. Data for 2004.
  3. Brinkoff, Thomas "Principal Agglomerations of the World". Retrieved 12 March 2009. Data for 1 January 2009.
  4. United Nations Department of Economic and Social Affairs World Urbanization Prospects (2007 revision), (United Nations, 2008), Table A.12. Data for 2007.