ᱢᱟᱱᱩ ᱵᱷᱟᱠᱮᱨ ᱫᱚ ᱥᱤᱧᱚᱛᱤᱭᱟ. ᱚᱞᱚᱢᱯᱤᱠ ᱮᱭᱟᱨ ᱜᱚᱱ ᱴᱷᱩ-ᱤᱡ ᱠᱟᱱᱟᱭ ᱾ ᱟᱡ ᱫᱚ ᱒᱐᱑᱘ ᱥᱟ.ᱦᱤᱛ ᱨᱮ ᱟᱭ.ᱮᱥ.ᱮᱥ.ᱮᱯᱷ. ᱣᱟᱞᱰ ᱠᱚᱯ ᱨᱮ ᱵᱷᱟᱜᱽ ᱦᱟᱛᱟᱣ ᱞᱮᱫ-ᱟ ᱟᱨ ᱵᱟᱨ ᱜᱚᱴᱟᱝ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾ ᱩᱱᱤ ᱫᱚ ᱡᱷᱚᱛᱚ ᱠᱷᱚᱱᱟᱜ ᱯᱩᱭᱞᱩ ᱥᱤᱧᱚᱛᱤᱭᱟ. ᱡᱩᱣᱟ.ᱱ ᱞᱮᱠᱟᱛᱮ ᱟᱭ.ᱮᱥ.ᱮᱥ.ᱮᱯᱷ. ᱣᱟᱞᱰ ᱠᱚᱯ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨᱤᱭᱟ. ᱠᱟᱱᱟᱭ ᱾[᱑] ᱢᱟᱱᱩ ᱫᱚ ᱜᱮᱞ ᱛᱩᱨᱩᱭ ᱩᱢᱮᱨ ᱨᱮ ᱒᱐᱑᱘ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱛᱤᱨᱞᱟ. ᱠᱚᱣᱟᱜ ᱑᱐ ᱢᱤᱴᱚᱨ ᱯᱤᱥᱛᱚᱞ ᱴᱷᱩ ᱠᱷᱮᱞ ᱠᱟᱛᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱠᱟᱱᱟᱭ ᱾[᱒][᱓]
ᱵᱷᱟᱠᱮᱨ-ᱟᱜ ᱚᱲᱟᱜ ᱫᱚ ᱦᱚᱨᱤᱭᱟᱱᱟ ᱨᱮᱭᱟᱜ ᱡᱷᱟᱡᱽᱡᱟᱨ ᱡᱤᱞᱞᱟ. ᱜᱳᱨᱤᱭᱟ ᱟ.ᱛᱩ ᱨᱮ ᱾[᱔] ᱟᱡ ᱵᱟᱵᱟ, ᱨᱟᱢ ᱠᱤᱥᱟᱱ ᱵᱷᱟᱠᱮᱨ, ᱢᱟᱨᱪᱮᱸᱴ ᱱᱮᱵᱷᱤ ᱨᱮ ᱢᱩᱠᱷᱭᱚ ᱤᱱᱡᱤᱱᱤᱭᱚᱨ ᱞᱮᱠᱟᱛᱮ ᱠᱟᱢᱤ ᱠᱟᱱᱟᱭ ᱾[᱔] ᱵᱷᱟᱠᱮᱨ ᱜᱮᱞ ᱯᱩᱱ ᱥᱮᱨᱢᱟ ᱟ.ᱣᱨᱤ ᱦᱩᱭᱩᱜ ᱨᱮ ᱦᱩᱭᱮᱱ ᱞᱟᱝᱞᱳᱱ, ᱢᱤᱫ ᱢᱚᱬᱤᱯᱩᱨᱤ ᱢᱟᱨᱥᱤᱭᱟᱞ ᱟᱨᱴ(martial art), ᱵᱚᱠᱥᱤᱝ,ᱴᱮᱱᱤᱥ ᱟᱨ ᱥᱠᱟᱴᱤᱝ ᱮᱢᱟᱱ ᱥᱯᱳᱨᱴᱥ ᱠᱚᱨᱮ ᱠᱷᱮᱞ ᱠᱟᱛᱮ ᱡᱟ.ᱛᱤᱭᱟ.ᱨᱤ ᱠᱷᱮᱞ ᱥᱤᱨᱯᱷᱟ. ᱠᱚᱭ ᱫᱟᱜᱲᱮ ᱞᱮᱱᱟ ᱾[᱔] ᱢᱟᱱᱩ ᱫᱚ ᱟᱡ ᱜᱚᱲᱚᱢ ᱦᱟᱲᱟᱢ ᱪᱚ.ᱨᱟᱡᱽᱠᱚᱨᱚᱱ ᱥᱟᱦᱮᱵᱽ ᱠᱷᱚᱱᱟᱜ ᱤᱱᱥᱯᱟᱭᱟᱨ(inspire) ᱞᱮᱱᱟᱭ, ᱡᱟᱦᱟᱸᱭ ᱫᱚ ᱢᱟᱨᱟᱝ ᱴᱷᱩ-ᱤᱡ ᱮ ᱛᱟᱦᱮᱸ ᱞᱮᱱᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟ. ᱯᱷᱟ.ᱫᱽ ᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫᱟ ᱾ ᱨᱮᱡᱤᱢᱮᱸᱴ ᱓ ᱡᱟᱴ(Regiment 3 Jat) ᱟᱨ ᱑᱙᱖᱒ ᱤᱱᱫᱳ-ᱪᱟᱭᱱᱟ ᱡᱚᱯᱚᱢ,᱑᱙᱖᱕ ᱤᱱᱫᱳ-ᱯᱟᱠ ᱡᱚᱯᱚᱢ,᱑᱙᱗᱑ ᱤᱱᱫᱳ-ᱯᱟᱠ ᱡᱚᱯᱚᱢ ᱠᱚᱨᱮᱱᱟᱜ ᱠᱟ.ᱢᱤ ᱥᱟ.ᱠᱷᱤ ᱠᱟᱱᱟᱭ ᱾ ᱩᱱᱤ ᱫᱚ ᱢᱟᱱᱩ ᱟᱨ ᱮᱴᱟᱜ ᱜᱤᱫᱽᱨᱟ. ᱠᱚ ᱢᱤᱫ ᱢᱚᱱᱮ ᱛᱮ ᱠᱩᱨᱩᱢᱩᱴᱩ ᱠᱷᱟᱴᱟᱣ ᱟᱨ ᱦᱮᱣᱟ ᱵᱟᱵᱚᱛ ᱛᱮ ᱪᱮᱫ ᱟᱠᱚᱣᱟᱭ ᱾ ᱚᱱᱟ ᱠᱩᱨᱩᱢᱩᱴᱩ ᱪᱷᱩᱴᱟᱣ ᱟᱨ ᱦᱮᱣᱟ ᱠᱷᱟ.ᱛᱤᱨ ᱜᱮ ᱢᱟᱱᱩ ᱫᱚ ᱡᱮᱜᱮᱛ ᱨᱮ ᱢᱤᱫ ᱱᱟᱯᱟᱭ ᱴᱷᱩᱼᱤᱡ ᱞᱮᱠᱟᱛᱮ ᱧᱩᱛᱩᱢ ᱚᱞ ᱫᱚᱦᱟ ᱠᱮᱫ-ᱟᱭ ᱾ ᱱᱤᱭ ᱫᱚ ᱟᱡᱟᱜ ᱚᱞ ᱤᱛᱩᱱ ᱟᱥᱲᱟ, ᱭᱩᱱᱤᱵᱷᱚᱨᱥᱟᱞ ᱯᱚᱵᱽᱞᱤᱠ ᱥᱠᱩᱞ ᱜᱳᱨᱤᱭᱟ ᱨᱮ ᱥᱩᱨ-ᱥᱩᱨ ᱴᱷᱩ ᱨᱮᱭᱟᱜ-ᱮ ᱦᱮᱣᱟᱭᱮᱫ ᱛᱟᱦᱮᱸᱠᱟᱱᱟ ᱾ ᱛᱚᱵᱮ ᱢᱟᱱᱩ ᱫᱚ ᱚᱱᱟ ᱠᱷᱮᱞ ᱩᱱᱟᱝ ᱮ ᱠᱩᱥᱤᱭᱟᱫ-ᱟ ᱡᱮ, ᱪᱷᱩᱴᱤ ᱫᱤᱱ ᱠᱚᱨᱮ ᱑᱐ ᱴᱟᱲᱟᱝ ᱦᱟ.ᱵᱤᱡ-ᱮ ᱦᱮᱣᱟᱭ ᱛᱟᱦᱮᱸᱫ ᱾ ᱟᱡᱟᱜ ᱡᱤᱛᱠᱟ.ᱨ ᱫᱚ ᱟᱡ ᱟ.ᱛᱩᱨᱮᱱ ᱦᱟᱡᱟᱨ ᱦᱟᱡᱟᱨ ᱠᱩᱲᱤᱭ ᱵᱟᱠᱟᱣ ᱠᱚᱣᱟ ᱾
ᱢᱟᱱᱩ ᱟᱡ ᱵᱟᱵᱟ ₹᱑᱕0000 ᱴᱟᱠᱟ ᱠᱷᱚᱨᱚᱪ ᱛᱟᱭᱚᱢ[᱔] ᱵᱷᱟᱠᱮᱨ ᱠᱚᱢᱯᱤᱴᱤᱴᱤᱵᱽ ᱴᱷᱩ ᱨᱮ ᱵᱷᱟᱜᱽ ᱦᱟᱛᱟᱣ-ᱮ ᱢᱚᱱᱮ ᱜᱟᱴᱟᱣ ᱠᱮᱫ-ᱟ ᱾ ᱟᱡᱟᱜ ᱯᱩᱭᱞᱩ ᱡᱮ-ᱡᱟ.ᱛᱤᱭᱟ.ᱨᱤ ᱫᱟᱲᱮ ᱞᱮᱠᱟᱛᱮ ᱒᱐᱑᱗ ᱨᱮᱭᱟᱜ ᱮᱥᱤᱭᱟ ᱠᱷᱟᱴᱚ ᱩᱢᱮᱨ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟ. ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾ ᱠᱮᱨᱚᱲ ᱨᱮ ᱦᱩᱭ ᱥᱟ.ᱵᱤᱛ ᱞᱮᱱ ᱒᱐᱑᱗ ᱱᱮᱥᱱᱟᱞ ᱜᱮᱢᱥ ᱨᱮ ᱵᱷᱟᱠᱮᱨ ᱤᱨᱟ. ᱜᱚᱴᱟᱝ ᱥᱚᱱᱟ ᱢᱮᱰᱟᱞ ᱫᱟᱲᱮ ᱞᱮᱱᱟ ᱾ [᱕]ᱟᱨ ᱣᱟᱞᱰ ᱠᱚᱯ ᱢᱮᱰᱟᱞ ᱡᱤᱛᱠᱟ.ᱨᱤᱭᱟ. ᱦᱤᱱᱟ ᱥᱤᱫᱷᱩ ᱦᱟᱨᱟᱣ ᱞᱮᱫᱮᱭᱟ ᱾ ᱟᱨ ᱦᱚᱸ ᱦᱤᱱᱟ ᱥᱤᱫᱷᱩ-ᱟᱜ ᱒᱔᱐.᱘ ᱯᱚᱭᱮᱸᱴ ᱛᱟᱞᱚᱢ ᱠᱟᱛᱮ ᱒᱔᱒.᱓ ᱯᱚᱭᱮᱸᱴ ᱥᱮᱴᱮᱨ ᱞᱮᱜ-ᱟ ᱾[᱔]
᱒᱐᱑᱘ ᱨᱮ ᱤᱱᱴᱚᱨᱱᱮᱥᱱᱟᱞ ᱥᱳᱴᱤᱝ ᱥᱯᱳᱨᱴ ᱯᱷᱮᱰᱮᱨᱮᱥᱚᱱ ᱣᱟᱞᱰ ᱠᱚᱯ ᱜᱩᱣᱟᱫᱟᱞᱟᱡᱟᱨᱟ,ᱢᱮᱠᱥᱤᱠᱳ ᱨᱮ ᱦᱩᱭ ᱞᱮᱱᱟ ᱾ ᱚᱱᱰᱮ ᱛᱤᱨᱞᱟ. ᱠᱚᱣᱟᱜ ᱑᱐ ᱢᱤᱴᱚᱨ ᱮᱭᱟᱨ ᱯᱤᱥᱛᱚᱞ ᱨᱮ ᱢᱮᱠᱥᱤᱠᱳ ᱨᱤᱱᱤᱡ ᱵᱟᱨ ᱫᱷᱟᱣ ᱪᱟᱢᱯᱤᱭᱟᱱ ᱟᱞᱮᱡᱟᱱᱰᱨᱟ ᱡᱟᱵᱷᱟᱞᱟ ᱛᱟᱞᱚᱢ ᱟᱛᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱠᱟᱱᱟᱭ ᱾ ᱢᱩᱪᱟ.ᱫ ᱠᱷᱮᱞ ᱨᱮ ᱵᱷᱟᱠᱮᱨ ᱒᱓᱗.᱕ ᱯᱟᱭᱮᱸᱴ ᱨᱮ ᱥᱮᱴᱮᱨ ᱞᱮᱱᱟ ᱟᱨ ᱟᱡᱤᱡ ᱥᱟᱢᱟᱝ ᱨᱤᱱᱤᱡ ᱠᱷᱮᱞᱚᱸᱰᱤᱭᱟ. ᱫᱚ ᱒᱓᱗.᱑ ᱯᱚᱭᱮᱸᱴ-ᱮ ᱥᱟᱯᱲᱟᱣᱟᱱ ᱛᱟᱦᱮᱸᱫ ᱾ [᱖] ᱚᱱᱰᱮ ᱟᱡᱟᱜ ᱑᱖ ᱵᱚᱪᱷᱚᱨ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨᱮᱱ ᱫᱚᱥᱟᱨ ᱵᱷᱟᱠᱮᱨ ᱫᱚ ᱥᱤᱧᱚᱛ ᱨᱤᱱᱤᱡ ᱡᱷᱚᱛᱚᱠᱷᱚᱱ ᱡᱩᱣᱟ.ᱱ ᱠᱟ.ᱡ ᱩᱢᱮᱨ ᱢᱟᱱᱣᱟ ᱞᱮᱠᱟᱛᱮ ᱣᱟᱞᱰ ᱠᱚᱯ ᱨᱮ ᱢᱮᱰᱟᱞ ᱫᱟᱲᱮ ᱠᱟᱱᱟᱭ ᱾[᱑][᱗]
ᱵᱷᱟᱠᱮᱨ ᱟᱡᱟᱜ ᱫᱚᱥᱟᱨ ᱥᱚᱱᱟ ᱢᱮᱰᱟᱞ ᱫᱚ, ᱫᱚᱞ ᱛᱮᱭᱟᱜ ᱑᱐ ᱢᱤᱴᱚᱨᱟᱜ ᱮᱭᱟᱨ ᱯᱤᱥᱛᱚᱞ ᱴᱷᱩ ᱨᱮ ᱡᱤᱛᱠᱟ.ᱨ ᱥᱟ.ᱵᱤᱛ ᱞᱮᱱᱟᱭ ᱾ ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱳᱢ ᱯᱨᱚᱠᱟᱥ ᱢᱤᱛᱷᱟᱨᱵᱟᱞ ᱥᱟᱶ ᱠᱚ ᱡᱚᱲ ᱞᱮᱫ ᱠᱤᱱᱟ ᱾ ᱱᱩᱠᱤᱱ ᱡᱚᱲ ᱫᱚ ᱔᱗᱖.᱑ ᱯᱚᱭᱮᱸᱴ ᱠᱤᱱ ᱥᱠᱳᱨ ᱞᱮᱫᱟ ᱟᱨ ᱱᱩᱠᱤᱩ ᱥᱟᱢᱟᱝ ᱨᱤᱱ ᱡᱚᱲ ᱥᱟᱱᱫᱽᱨᱟ ᱨᱮᱭᱴᱡᱽ ᱟᱨ ᱠᱨᱤᱥᱴᱤᱭᱟᱱ ᱨᱮᱭᱴᱡᱽ ᱛᱤᱠᱤᱱ ᱫᱚ ᱔᱗᱕.᱒ ᱯᱚᱭᱮᱸᱴ ᱠᱤᱱ ᱥᱮᱴᱮᱨ ᱞᱮᱫ-ᱟ ᱾[᱘][᱙][᱑᱐][᱑᱑]
᱒᱐᱑᱘ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱛᱤᱨᱞᱟ. ᱠᱚᱣᱟᱜ ᱑᱐ ᱢᱤᱴᱚᱨ ᱴᱷᱩ ᱨᱮᱭᱟᱜ ᱢᱩᱪᱟ.ᱫ ᱞᱟ.ᱜᱤᱱ ᱠᱷᱮᱞ ᱡᱚᱠᱷᱟ ᱨᱮ ᱵᱷᱟᱠᱮᱨ ᱫᱚ ᱒᱘᱘/᱔᱐᱐ ᱯᱚᱭᱮᱸᱴ ᱥᱠᱳᱨ ᱞᱮᱫ-ᱟ ᱾ ᱚᱱᱟ ᱨᱮᱭᱟᱜ ᱢᱩᱪᱟ.ᱫ ᱛᱮᱫ ᱠᱷᱮᱞ ᱚᱠᱛᱚ ᱒᱔᱐.᱙ ᱯᱚᱭᱮᱸᱴ ᱨᱮᱭᱟᱜ ᱱᱟᱶᱟ ᱨᱮᱠᱚᱰ ᱥᱟᱶ ᱥᱚᱱᱟ ᱢᱮᱰᱟᱞ-ᱮ ᱡᱤᱛᱠᱟ.ᱨ ᱠᱮᱱᱟ ᱾[᱑᱒][᱑᱓][᱑᱔]
᱒᱐᱑᱘ ᱮᱥᱤᱭᱟᱱ ᱜᱮᱢᱥ, ᱨᱮ ᱒᱕ ᱢᱤᱴᱚᱨᱟᱜ ᱮᱭᱟᱨ ᱯᱤᱥᱛᱚᱞ ᱨᱮ ᱫᱚᱥᱟᱨ ᱜᱩᱱᱟᱱ ᱛᱟᱞᱚᱢ ᱯᱟᱨᱚᱢᱟᱜ ᱨᱮ ᱕᱙᱓ ᱯᱚᱭᱮᱸᱴ ᱥᱠᱳᱨ ᱞᱮᱫ-ᱟ ᱾ ᱛᱚᱵᱮ ᱚᱱᱰᱮ ᱫᱚ ᱪᱮᱫ ᱢᱮᱰᱟᱞ ᱠᱚ ᱦᱚᱸ ᱵᱟᱭ ᱟᱢᱮᱴ ᱫᱟᱲᱮᱭᱟᱜ-ᱟ ᱾ ᱚᱱᱟᱨᱮ ᱫᱚ ᱟᱡᱤᱡ ᱡᱚᱲ ᱡᱚᱴᱟᱣ ᱨᱟᱦᱤ ᱥᱚᱨᱱᱳᱵᱚᱛ ᱥᱚᱱᱟ ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾
᱒᱐᱑᱘ ᱨᱮᱭᱟᱜ ᱡᱩᱣᱟ.ᱱ ᱚᱞᱚᱢᱯᱤᱠ ᱨᱮ, ᱛᱤᱨᱞᱟ. ᱠᱚᱣᱟᱜ ᱑᱐ ᱢᱤᱴᱚᱨ ᱮᱭᱟᱨ ᱨᱟᱭᱯᱷᱚᱞ ᱨᱮ ᱒᱓᱖.᱕ ᱯᱚᱭᱮᱸᱴ ᱥᱠᱳᱨ ᱠᱟᱛᱮ ᱛᱤᱨᱞᱟ. ᱠᱚ ᱛᱟᱞᱟ ᱠᱷᱚᱱᱟᱜ ᱮ ᱢᱟᱬᱟᱝ ᱞᱮᱱᱟ ᱾ ᱑᱖ ᱵᱟᱪᱷᱚᱨ ᱨᱤᱱᱤᱡ ᱢᱟᱱᱩ ᱡᱩᱣᱟ.ᱱ ᱚᱞᱚᱢᱯᱤᱠ ᱨᱮ ᱯᱩᱭᱞᱩ ᱥᱤᱧᱚᱭᱤᱭᱟ. ᱛᱤᱨᱞᱟ. ᱞᱮᱠᱟᱛᱮ ᱥᱚᱱᱟ ᱢᱮᱰᱟᱞ-ᱮ ᱟᱢᱮᱴ ᱟᱱ ᱛᱟᱦᱮᱸᱫ ᱾
ᱯᱷᱮᱵᱽᱨᱩᱭᱟᱨᱩ ᱒᱐᱑᱙ ᱥᱟ.ᱦᱤᱛ,ᱫᱤᱞᱞᱤ ᱨᱮᱭᱟᱜ ᱟᱭ.ᱮᱥ.ᱮᱥ.ᱮᱯᱷ. ᱣᱟᱞᱰ ᱠᱚᱯ ᱨᱮ ᱫᱟᱞ ᱨᱮ ᱢᱮᱥᱟᱛᱮᱭᱟᱜ ᱑᱐ ᱢᱤᱴᱚᱨ ᱮᱭᱟᱨ ᱯᱤᱥᱛᱚᱞ ᱨᱮ ᱥᱚᱱᱟ ᱢᱮᱰᱟᱞ ᱫᱟᱲᱮ ᱞᱮᱱᱟ ᱾ [᱑᱕][᱑᱖]
- ↑ ᱑.᱐ ᱑.᱑ "Haryana shooter creates history, is youngest Indian to win World Cup gold ►". The Times of India. Retrieved 10 March 2018.
- ↑ Scott, Chris. "16-year-old breaks Commonwealth Games record to win shooting gold for India". CNN. Retrieved 9 April 2018.
- ↑ "Bindra: Manu's talented but it will get tougher for her". ESPN. Retrieved 9 April 2018.
- ↑ ᱔.᱐ ᱔.᱑ ᱔.᱒ ᱔.᱓ ᱔.᱔ "Manu Bhaker, jack of all trades but master of one, wins 10m pistol gold at World Cup". The Indian Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 6 March 2018. Retrieved 10 March 2018.
- ↑ "Manu Bhaker picks up ninth gold at National Shooting Championship". The Times of India. Retrieved 30 March 2018.
- ↑ "Manu Bhaker, 16-year-old from Haryana, wins 2nd gold at ISSF shooting World Cup". Hindustan Times (in ᱟᱝᱜᱽᱨᱮᱡᱤ). 6 March 2018. Retrieved 10 March 2018.
- ↑ "Who is Manu Bhaker? Meet 16-year-old Indian shooter who created history by winning second gold in World Cup". The Financial Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 6 March 2018. Retrieved 16 March 2018.
- ↑ "India's gold rush continues as Manu Bhaker, Om Prakash Mitharval finish first in 10m Air Pistol mixed team final". The Indian Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 6 March 2018. Retrieved 10 March 2018.
- ↑ "ISSF World Cup: 16-year-old Manu Bhaker wins gold in women's pistol event" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 5 March 2018. Retrieved 10 March 2018.
- ↑ "Manu Bhaker shoots gold in Women's 10m Air Pistol – Times of India ►". The Times of India. Retrieved 6 March 2018.
- ↑ "Manu Bhaker wins second gold at Shooting World Cup". The Times of India. Retrieved 6 March 2018.
- ↑ "CWG 2018: On debut, teenaged Manu Bhaker shoots gold, Heena Sindhu silver". The Times of India. Retrieved 9 April 2018.
- ↑ "Commonwealth Games 2018: Superwomen Manu Bhaker, Punam Yadav, Manika Batra lead charge as India end Day 4 on a high". www.firstpost.com. Retrieved 9 April 2018.
- ↑ NDTVSports.com. "Commonwealth Games 2018: Manu Bhaker, 16, Shatters Games Record To Clinch Gold, Heena Sidhu Bags Silver – NDTV Sports". NDTVSports.com (in ᱟᱝᱜᱽᱨᱮᱡᱤ). Retrieved 9 April 2018.
- ↑ Sharma, suposh (27 February 2019). "Bhaker, Chaudhry end World Cup on a high; win 3rd Gold for India". Sports Flashes (in Indian English). Archived from the original on 28 February 2019. Retrieved 27 February 2019.
- ↑ NDTVSports.com. "ISSF World Cup 2019: Manu Bhaker, Saurabh Chaudhary Win Gold In 10m Air Pistol Mixed Team Event | Shooting News". NDTVSports.com (in ᱟᱝᱜᱽᱨᱮᱡᱤ). Retrieved 27 February 2019.
