ᱢᱚᱠᱚᱠᱥᱟᱝ ᱦᱚᱱᱚᱛ
| ᱢᱚᱠᱚᱠᱥᱟᱝ ᱦᱚᱱᱚᱛ | |
|---|---|
| ᱱᱟᱜᱟᱞᱮᱱᱰ ᱨᱮᱭᱟᱜ ᱦᱚᱱᱚᱛ | |
.svg) ᱱᱟᱜᱟᱞᱮᱱᱰ ᱨᱮᱭᱟᱜ ᱞᱚᱠᱮᱥᱚᱱ ᱨᱮ ᱢᱚᱠᱚᱠᱥᱟᱝ ᱦᱚᱱᱚᱛ | |
| Coordinates: 26°19′N 94°31′E / 26.317°N 94.517°ECoordinates: 26°19′N 94°31′E / 26.317°N 94.517°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱱᱟᱜᱟᱞᱮᱱᱰ |
| ᱢᱟᱹᱪᱤ | ᱢᱚᱠᱚᱠᱥᱟᱝ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1719 ᱠᱤᱢᱤ২ (664 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱑᱙᱔,᱖᱒᱒ |
| • ᱰᱮᱱᱥᱤᱴᱤ | 110/ᱠᱤᱢᱤ2 (290/ᱜᱟᱺᱴ ᱢᱟᱹᱭᱤᱞ) |
| ᱥᱤᱧᱚᱛ ᱢᱟᱹᱱ ᱚᱠᱛᱮ (ᱭᱩᱴᱤᱥᱤ+05:30) | |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | ISO 3166-2:IN |
| ᱣᱮᱵᱽᱥᱟᱭᱤᱴ | http://mokokchung.nic.in/ |
ᱢᱚᱠᱚᱠᱥᱟᱝ ᱦᱚᱱᱚᱛ ᱫᱚ ᱠᱚᱭᱮ-ᱥᱟᱢᱟᱝ ᱥᱤᱧᱚᱛ ᱱᱟᱜᱟᱞᱮᱱᱰ ᱯᱚᱱᱚᱛ ᱨᱮᱭᱟᱜ ᱜᱮᱞ-ᱢᱤᱫ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱝ ᱦᱚᱱᱚᱛ ᱠᱟᱱᱟ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱱᱟᱜᱟᱞᱮᱱᱰ ᱨᱮᱱ ᱟᱣ ᱱᱟᱜᱟ ᱠᱚᱣᱟᱜ ᱟᱣᱛᱟᱱ ᱜᱟᱲ ᱢᱮᱱᱛᱮ ᱞᱮᱠᱷᱟᱜ ᱠᱟᱱᱟ᱾ ᱚᱛ-ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱦᱤᱥᱟᱹᱵᱽ ᱛᱮ ᱱᱤᱭᱟᱹ ᱦᱚᱱᱚᱛ ᱫᱚ ᱑,᱗᱑᱙ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱚᱭᱟᱹ ᱦᱚᱱᱚᱛ ᱨᱮ ᱞᱮᱠᱷᱟᱜᱩᱴ:- ᱑᱙᱔,᱖᱒᱒ ᱡᱚᱱᱟ᱾
ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱠᱚᱠᱥᱟᱝ ᱦᱚᱱᱚᱛ ᱨᱮᱭᱟᱜ ᱚᱛ ᱡᱚᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱑,᱗᱑᱙ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ, ᱱᱤᱭᱟᱹ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱛᱩᱨᱩᱭ ᱜᱚᱴᱟᱝ ᱵᱩᱨᱩ ᱢᱟᱞᱟ ᱢᱮᱱᱟᱜ ᱟᱠᱟᱫᱟ᱾ ᱵᱩᱨᱩ ᱠᱚ ᱫᱚ ᱱᱤᱭᱟᱹ ᱥᱟᱶ ᱦᱟᱱᱟᱴᱟᱜ ᱢᱤᱫ ᱥᱚᱢᱟᱱ ᱛᱮ ᱢᱮᱱᱟᱜ ᱟᱠᱟᱫᱟ᱾ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱵᱮᱰᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- Tsurang, Changki ᱟᱨ Milak ᱮᱢᱟᱱ ᱵᱮᱰᱟ᱾ ᱪᱟᱥ ᱟᱵᱟᱫᱽ ᱟᱨ ᱵᱤᱨᱤᱛ ᱛᱮ ᱠᱤᱥᱟᱹᱢ ᱱᱟᱜᱟᱞᱮᱱᱰ ᱨᱮᱭᱟᱜ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱱᱤᱭᱟᱹ ᱜᱮ ᱢᱟᱨᱟᱝᱟ᱾ ᱦᱚᱱᱚᱛ ᱨᱮ ᱪᱟᱥ ᱨᱮᱭᱟᱜ ᱢᱟᱨᱟᱝ ᱴᱚᱴᱷᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- Changki-Longnak, Tsurang, Milak ᱟᱨ Dikhu ᱵᱮᱰᱟ ᱴᱚᱴᱷᱟ᱾ Tuli-Milak ᱟᱨ Changki-Longnak ᱵᱮᱰᱟ ᱫᱚ ᱵᱤᱨᱤᱛ ᱯᱟᱦᱴᱟ ᱢᱟᱲᱟᱝ ᱟᱠᱟᱱ ᱴᱚᱴᱷᱟ ᱠᱟᱱᱟ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱨᱤᱴᱤᱥ ᱥᱟᱥᱚᱱ ᱚᱠᱛᱮ ᱨᱮ ᱢᱚᱠᱚᱠᱥᱟᱝ ᱦᱚᱱᱚᱛ ᱫᱚ ᱱᱟᱜᱟ ᱦᱤᱞᱥ ᱦᱚᱱᱚᱛ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱤᱭᱟᱹ ᱦᱚᱱᱳᱛ ᱛᱟᱵᱮ ᱨᱮ ᱑᱘᱘᱙ ᱥᱮᱨᱢᱟ ᱨᱮ ᱢᱳᱠᱳᱠᱪᱩᱸᱜᱽ ᱦᱩᱰᱤᱧ ᱦᱚᱱᱚᱛ ᱵᱟᱱᱫᱷᱟᱣᱮᱱᱟ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱧᱟᱢ ᱛᱟᱭᱚᱢ ᱑᱙᱕᱗ ᱥᱮᱨᱢᱟ ᱨᱮ ᱢᱚᱠᱚᱠᱥᱟᱝ, ᱠᱚᱦᱤᱢᱟ, ᱟᱨ ᱴᱩᱣᱮᱱᱥᱟᱝ ᱮᱢᱟᱱ ᱠᱚ ᱫᱚ ᱵᱮᱜᱟᱨ ᱵᱮᱜᱟᱨ ᱦᱚᱱᱚᱛ ᱨᱮᱭᱟᱜ ᱢᱟᱱᱚᱛ ᱠᱚ ᱧᱟᱢ ᱠᱮᱫᱟ᱾ ᱑᱙᱖᱓ ᱥᱮᱨᱢᱟ ᱨᱮ ᱱᱟᱜᱟᱞᱮᱱᱰ ᱫᱚ ᱥᱤᱧᱚᱛ ᱨᱮᱭᱟᱜ ᱑᱖ ᱟᱱᱟᱜ ᱯᱚᱱᱚᱛ ᱦᱩᱭ ᱞᱮᱱᱟ᱾ ᱑᱙᱗᱓ ᱥᱮᱨᱢᱟ ᱨᱮ ᱢᱚᱠᱚᱠᱥᱟᱝ ᱦᱚᱱᱚᱛ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤᱸᱥ ᱵᱮᱜᱟᱨ ᱠᱟᱛᱮ ᱡᱩᱱᱦᱮᱵᱚᱴᱩ ᱟᱨ ᱣᱚᱠᱷᱟ ᱦᱚᱱᱚᱛ ᱢᱮᱱ ᱛᱮᱠᱚ ᱩᱪᱷᱟᱹᱱ ᱥᱚᱫᱚᱨ ᱞᱮᱫᱟ[᱑]᱾
ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱢᱚᱠᱚᱠᱥᱟᱝ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱛᱟᱦᱮᱸᱠᱟᱱᱟ- ᱑᱙᱔,᱖᱒᱒ ᱡᱚᱱᱟ᱾ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱴᱷᱟᱺᱭ ᱫᱚ ᱕᱙᱑ ᱯᱟᱲᱟᱣ ᱟᱠᱟᱱᱟ᱾ ᱱᱤᱭᱟᱹ ᱦᱚᱱᱚᱛ ᱡᱟᱣ ᱑᱐᱐᱐ ᱦᱮᱨᱮᱞ ᱦᱚᱯᱚᱱ ᱵᱚᱫᱚᱞ ᱛᱮ ᱙᱒᱕ ᱡᱚᱱᱟ ᱢᱟᱭᱡᱤᱣ ᱦᱚᱯᱚᱱ ᱢᱮᱱᱟᱜ ᱠᱚᱣᱟ᱾ ᱢᱚᱠᱚᱠᱥᱟᱝ ᱦᱚᱱᱚᱛ ᱨᱮᱱᱮᱜ ᱥᱮᱪᱮᱫ ᱠᱚᱣᱟᱜ ᱫᱚᱨ ᱦᱩᱭᱩᱜ ᱠᱟᱱᱟ ᱙᱑.᱖%᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "District Census Handbook Mokokchung" (PDF). Census of India. 2011.