ᱥᱟᱦᱟᱨᱩᱠᱷ ᱠᱷᱟᱱ
ᱥᱟᱦᱟᱨᱩᱠᱷ ᱠᱷᱟᱱ ᱫᱚ ᱒ ᱱᱚᱵᱷᱮᱢᱵᱚᱨ ᱑᱙᱖᱕ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤᱫᱚ ᱦᱚᱲ ᱠᱚ ᱛᱟᱞᱟ ᱨᱮ ᱮᱥ_ᱟᱨ_ᱠᱮ(SRK),ᱠᱤᱸᱜ ᱠᱷᱟᱱ,ᱵᱚᱞᱤᱩᱰ ᱵᱟᱫᱥᱟ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱾ ᱥᱟᱦᱟᱨᱩᱠᱷ ᱠᱷᱟᱱ ᱫᱚ ᱢᱤᱫ ᱵᱚᱞᱤᱩᱰ ᱠᱚᱲᱟᱠᱟᱨ ᱠᱟᱱᱟᱭ,ᱯᱷᱤᱞᱤᱢ ᱯᱨᱚᱰᱭᱩᱥᱟᱨ ᱞᱮᱠᱟᱛᱮ ᱦᱚᱸᱭ ᱠᱟ.ᱢᱤ ᱠᱟᱱᱟ ᱾ ᱱᱩᱭ ᱫᱚ ᱵᱚᱞᱤᱩᱰ ᱨᱮ ᱘᱐ ᱜᱚᱴᱟᱝ ᱠᱷᱚᱱ ᱡᱟ.ᱥᱛᱤ ᱯᱷᱤᱞᱤᱢ-ᱮ ᱠᱚᱨᱟᱣ ᱟᱠᱟᱫᱟ,ᱚᱱᱟ ᱠᱷᱟ.ᱛᱤᱨ ᱑᱔ ᱜᱚᱴᱟᱝ ᱯᱷᱤᱞᱤᱢ-ᱯᱷᱮᱭᱟᱨ(FILMFARE)ᱟᱣᱟᱨᱰ ᱦᱚᱸᱭ ᱟᱢᱮᱴ ᱦᱟᱠᱟᱱᱟ ᱾ ᱱᱩᱭ ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱨᱚᱛᱱᱚ ᱥᱤᱨᱯᱟ. ᱦᱚᱸᱭ ᱟᱢᱮᱴ ᱟᱠᱟᱥᱟ ᱾ ᱵᱷᱟᱨᱚᱛ ᱵᱟᱦᱨᱮ,ᱥᱟᱺᱜᱤᱧ ᱫᱤᱥᱚᱢ ᱠᱟᱨᱮ ᱠᱷᱚᱱ ᱦᱚᱸ ᱟᱭᱢᱟ ᱞᱮᱠᱟᱱ ᱥᱤᱨᱯᱟ. ᱠᱚ ᱧᱟᱢ ᱟᱠᱟᱫ ᱜᱮᱭᱟ ᱾ ᱚᱱᱟ ᱢᱟᱦᱟᱸᱨᱮ ᱱᱩᱭ ᱫᱚ ᱜᱚᱴᱟ ᱫᱤᱥᱚᱢ ᱨᱤᱱᱤᱡ ᱟ.ᱰᱤ ᱥᱚᱠᱥᱮᱥᱯᱷᱩᱞ ᱠᱚᱲᱟᱠᱟᱨ-ᱮ ᱵᱮᱱᱟᱣ ᱠᱟᱱᱟ ᱾
ᱯᱷᱤᱞᱤᱢ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱤᱸᱜ ᱠᱷᱟᱱ ᱫᱚ ᱑᱙᱘᱐ ᱠᱷᱚᱱ ᱴᱤᱵᱷᱤ ᱥᱤᱨᱤᱭᱟᱞ ᱠᱚᱨᱮ ᱠᱟ.ᱢᱤ ᱠᱟᱱ ᱛᱟᱦᱮᱱ ᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱫᱤᱣᱟᱱᱟ ᱯᱷᱤᱞᱤᱢ ᱠᱷᱚᱱ ᱵᱚᱞᱤᱳᱰ ᱨᱮ ᱠᱟ.ᱢᱤ ᱮᱦᱚᱵ ᱞᱮᱟᱭ ᱾ ᱮᱛᱮᱦᱚᱵ ᱨᱮ ᱰᱚᱨ(᱑᱙᱙᱓),ᱵᱟᱡᱤᱜᱚᱨ(᱑᱙᱙᱓),ᱚᱱᱡᱟᱱ(᱑᱙᱙᱔) ᱯᱷᱤᱞᱤᱢ ᱠᱚᱨᱮ ᱵᱷᱤᱞᱤᱭᱟᱱ ᱞᱮᱠᱟᱛᱮ ᱨᱳᱞ ᱞᱮᱟᱭ ᱾ ᱚᱱᱟ ᱛᱟᱭᱚᱢ ᱫᱤᱞᱣᱟᱞᱮ ᱫᱩᱞᱦᱚᱱᱤᱭᱟ ᱞᱮ ᱡᱟᱭᱮᱸᱜᱮ(᱑᱙᱙᱕),ᱫᱤᱞ ᱛᱳ ᱯᱟᱜᱚᱞ ᱦᱮ(᱑᱙᱙᱗),ᱠᱩᱪᱷ ᱠᱩᱪᱷ ᱦᱳᱛᱟ ᱦᱮ(᱑᱙᱙᱘),ᱢᱚᱦᱚᱵᱚᱛᱮᱸ(᱒᱐᱐᱐),ᱟᱨ ᱠᱚᱵᱷᱤ ᱠᱷᱩᱥᱤ ᱠᱚᱵᱷᱤ ᱜᱚᱢ(᱒᱐᱐᱑) ᱮᱢᱟᱱ ᱯᱷᱤᱞᱤᱢ ᱠᱚᱨᱮ ᱟ.ᱰᱤ ᱨᱳᱢᱟᱱᱴᱤᱠ ᱨᱳᱞ ᱠᱚ ᱠᱚᱨᱟᱣ ᱠᱮᱟᱭ ᱾ ᱫᱮᱵᱫᱟᱥ(᱒᱐᱐᱒) ᱨᱮ ᱵᱩᱞ ᱢᱟᱛᱟᱞ ᱫᱩᱞᱟ.ᱲ ᱵᱷᱚᱸᱠᱚᱲ ᱨᱳᱞ,ᱥᱣᱚᱫᱮᱥ(᱒᱐᱐᱔) ᱯᱷᱤᱞᱤᱢ ᱨᱮ ᱢᱤᱫ ᱱᱟᱥᱟ ᱥᱟᱭᱤᱱᱴᱤᱥᱴ ᱨᱳᱞ,ᱪᱚᱠ ᱫᱮ ᱤᱱᱰᱤᱭᱟ(᱒᱐᱐᱗) ᱨᱮ ᱢᱤᱫ ᱦᱚᱠᱤ ᱠᱳᱪ ᱨᱳᱞ ᱠᱚᱭ ᱠᱚᱨᱟᱣ ᱠᱮᱫᱟ ᱾ ᱪᱮᱱᱟᱭ ᱮᱠᱷᱥᱯᱨᱮᱥ(᱒᱐᱑᱓),ᱦᱟᱯᱤ ᱱᱤᱭᱩ ᱤᱭᱮᱨ(᱒᱐᱑᱔),ᱫᱤᱞᱣᱟᱞᱮ(᱒᱐᱑᱕) ᱯᱷᱤᱞᱤᱢ ᱠᱚᱨᱮ ᱠᱚᱢᱮᱰᱤ ᱫᱷᱟᱨᱟ ᱦᱚᱸ ᱨᱳᱞ ᱠᱚ ᱢᱮᱱᱟᱜ ᱛᱟᱭᱟ ᱾ ᱠᱤᱸᱜ ᱠᱷᱟᱱ ᱟᱜ ᱨᱟᱭᱮᱥ(᱒᱐᱑᱗) ᱯᱷᱤᱞᱤᱢ ᱨᱮ ᱫᱚ ᱠᱨᱟᱭᱤᱢ ᱨᱳᱞ ᱠᱚ ᱦᱚᱸ ᱢᱮᱱᱟᱜ ᱛᱟᱭᱟ ᱾ ᱒᱐᱑᱕ ᱠᱷᱚᱱ ᱱᱩᱭ ᱫᱚ ᱢᱳᱥᱚᱱ ᱯᱤᱠᱪᱚᱨ ᱯᱨᱚᱰᱟᱠᱥᱚᱱ ᱠᱚᱢᱯᱟᱱᱤ,ᱨᱮᱰ ᱪᱤᱞᱤ ᱮᱱᱴᱟᱨᱴᱮᱱᱢᱮᱱᱴ ᱨᱤᱱᱤᱡ ᱥᱚᱦᱚᱠᱟ.ᱨᱤ ᱪᱮᱭᱟᱨᱢᱮᱱ ᱟᱨ ᱤᱱᱰᱤᱭᱟᱱ ᱯᱨᱤᱢᱤᱭᱚᱨ ᱞᱤᱜ ᱨᱮᱭᱟᱜ ᱠᱚᱞᱠᱟᱛᱟ ᱱᱟᱭᱩᱴ ᱨᱟᱭᱰᱟᱨ ᱨᱤᱱᱤᱡ ᱢᱟ.ᱞᱤᱠ ᱠᱟᱱᱟᱭ ᱾ ᱠᱟ.ᱴᱤᱡ ᱨᱮᱸᱜᱮᱡ ᱱᱟᱪᱟᱨ ᱜᱤᱫᱨᱟ. ᱠᱚ ᱚᱞ ᱯᱟᱲᱦᱟᱣ ᱦᱚᱪᱚ ᱠᱚ ᱞᱟ.ᱜᱤᱱ ᱒᱐᱑᱑ ᱨᱮ UNESCO ᱯᱟᱦᱴᱟ ᱠᱷᱚᱱ ᱯᱤᱨᱟᱢᱤᱰ ᱠᱚᱱ-ᱢᱟ.ᱨᱤᱱ ᱟᱣᱟᱨᱰ ᱦᱚᱸᱭ ᱟᱢᱮᱴ ᱟᱠᱟᱫᱟ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮ ᱠᱩᱲᱤ ᱦᱚᱯᱚᱱ ᱟᱨ ᱜᱤᱫᱨᱟ. ᱠᱚᱣᱟᱜ ᱚᱫᱷᱤᱠᱟᱨ ᱠᱟ.ᱢᱤᱦᱚᱨᱟ ᱠᱚ ᱞᱟᱦᱟ ᱠᱷᱟ.ᱛᱤᱨ ᱒᱐᱑᱘ ᱨᱮ WORLD ECONOMIC FORUM'S CRYSTAL AWARD ᱦᱚᱸ ᱧᱟᱢ ᱞᱮᱟᱭ ᱾
ᱡᱤᱭᱚᱱ ᱠᱟ.ᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱦᱟᱨᱩᱠᱷ ᱫᱚ ᱒ ᱱᱚᱵᱷᱮᱢᱵᱚᱨ ᱑᱙᱖᱕ ᱨᱮ ᱱᱟᱣᱟ ᱫᱤᱞᱞᱤ ᱨᱮᱱᱟᱝ ᱢᱤᱫ ᱢᱩᱥᱞᱟ. ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱕ ᱥᱮᱨᱢᱟ ᱦᱟ.ᱵᱤᱡ ᱢᱟᱸᱜᱟᱞᱩᱨ ᱨᱮ ᱟᱡ ᱢᱟᱢᱚ ᱦᱟᱲᱟᱢ ᱥᱟᱝ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱢᱟᱢᱚ ᱦᱟᱲᱟᱢ ᱤᱯᱷᱛᱷᱤᱠᱟᱨ ᱚᱦᱢᱚᱫ ᱫᱚ ᱢᱟᱝᱜᱟᱞᱤᱨ ᱨᱮ ᱪᱤᱯᱷ ᱤᱸᱡᱤᱱᱤᱭᱚᱨ-ᱮ ᱛᱟᱦᱮᱸ ᱞᱮᱱᱟᱭ ᱾ ᱥᱟᱦᱟᱨᱩᱠᱷ ᱜᱚᱲᱚᱢ ᱦᱟᱲᱟᱢ ᱢᱤᱨᱡᱟᱱ ᱢᱚᱦᱢᱚᱫ ᱠᱷᱟᱱ ᱫᱚ ᱢᱤᱫ ᱯᱚᱥᱛᱩᱱ(ᱯᱟᱴᱷᱟᱬ) ᱠᱟᱱᱟᱭ ᱾ ᱟᱡ ᱵᱟᱵᱟ ᱢᱤᱨ ᱛᱟᱡ ᱢᱚᱦᱢᱚᱫ ᱠᱷᱟᱱ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱪᱤᱨᱜᱟ.ᱞᱤᱭᱟ. ᱛᱟᱦᱮᱸᱠᱟᱱᱟᱭ ᱾ ᱵᱨᱤᱴᱤᱥ ᱥᱟᱥᱚᱱ ᱚᱢᱚᱲ ᱨᱮ ᱱᱩᱭ ᱫᱚ ᱚᱵᱫᱩᱞ ᱜᱷᱚᱯᱷᱚᱨ ᱠᱷᱟᱱ ᱟᱜ ᱛᱟᱲᱟᱢ ᱰᱟᱦᱟᱨ-ᱮ ᱯᱟᱸᱡᱟ ᱞᱮᱟᱭ ᱾ ᱱᱩᱠᱩ ᱫᱚ ᱠᱟᱥᱢᱤᱨᱤ ᱦᱚᱲ ᱠᱟᱱᱟ ᱠᱚ ᱾᱑᱙᱔᱘ ᱨᱮ ᱵᱷᱟᱨᱚᱛ ᱦᱟ.ᱴᱤᱧ ᱮᱱ ᱠᱷᱟᱛᱤᱨ ᱱᱩᱠᱩ ᱫᱚ ᱚᱲᱟᱜ ᱡᱟᱠᱟᱛ ᱦᱚᱲ ᱠᱟᱥᱢᱤᱨ ᱠᱷᱚᱱ ᱱᱟᱣᱟ ᱫᱤᱞᱞᱤ ᱠᱚ ᱦᱮᱡ ᱞᱮᱱᱟ ᱾ᱥᱟᱦᱟᱨᱩᱠᱷ ᱟᱡ ᱜᱚᱜᱚ ᱞᱚᱛᱤᱯᱷ ᱯᱷᱚᱛᱤᱢᱟ ᱫᱚ ᱦᱟᱭᱫᱨᱟᱵᱟᱫ ᱨᱤᱱᱤᱡ ᱠᱟᱱᱟᱭ ᱾
ᱯᱷᱤᱞᱤᱢ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱤᱸᱜ ᱠᱷᱟᱱ ᱫᱚ ᱑᱙᱘᱐ ᱠᱷᱚᱱ ᱴᱤᱵᱷᱤ ᱥᱤᱨᱤᱭᱟᱞ ᱠᱚᱨᱮ ᱠᱟ.ᱢᱤ ᱠᱟᱱ ᱛᱟᱦᱮᱱ ᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱫᱤᱣᱟᱱᱟ ᱯᱷᱤᱞᱤᱢ ᱠᱷᱚᱱ ᱵᱚᱞᱤᱳᱰ ᱨᱮ ᱠᱟ.ᱢᱤ ᱮᱦᱚᱵ ᱞᱮᱟᱭ ᱾ ᱮᱛᱮᱦᱚᱵ ᱨᱮ ᱰᱚᱨ(᱑᱙᱙᱓),ᱵᱟᱡᱤᱜᱚᱨ(᱑᱙᱙᱓),ᱚᱱᱡᱟᱱ(᱑᱙᱙᱔) ᱯᱷᱤᱞᱤᱢ ᱠᱚᱨᱮ ᱵᱷᱤᱞᱤᱭᱟᱱ ᱞᱮᱠᱟᱛᱮ ᱨᱳᱞ ᱞᱮᱟᱭ ᱾ ᱚᱱᱟ ᱛᱟᱭᱚᱢ ᱫᱤᱞᱣᱟᱞᱮ ᱫᱩᱞᱦᱚᱱᱤᱭᱟ ᱞᱮ ᱡᱟᱭᱮᱸᱜᱮ(᱑᱙᱙᱕),ᱫᱤᱞ ᱛᱳ ᱯᱟᱜᱚᱞ ᱦᱮ(᱑᱙᱙᱗),ᱠᱩᱪᱷ ᱠᱩᱪᱷ ᱦᱳᱛᱟ ᱦᱮ(᱑᱙᱙᱘),ᱢᱚᱦᱚᱵᱚᱛᱮᱸ(᱒᱐᱐᱐),ᱟᱨ ᱠᱚᱵᱷᱤ ᱠᱷᱩᱥᱤ ᱠᱚᱵᱷᱤ ᱜᱚᱢ(᱒᱐᱐᱑) ᱮᱢᱟᱱ ᱯᱷᱤᱞᱤᱢ ᱠᱚᱨᱮ ᱟ.ᱰᱤ ᱨᱳᱢᱟᱱᱴᱤᱠ ᱨᱳᱞ ᱠᱚ ᱠᱚᱨᱟᱣ ᱠᱮᱟᱭ ᱾ ᱫᱮᱵᱫᱟᱥ(᱒᱐᱐᱒) ᱨᱮ ᱵᱩᱞ ᱢᱟᱛᱟᱞ ᱫᱩᱞᱟ.ᱲ ᱵᱷᱚᱸᱠᱚᱲ ᱨᱳᱞ,ᱥᱣᱚᱫᱮᱥ(᱒᱐᱐᱔) ᱯᱷᱤᱞᱤᱢ ᱨᱮ ᱢᱤᱫ ᱱᱟᱥᱟ ᱥᱟᱭᱤᱱᱴᱤᱥᱴ ᱨᱳᱞ,ᱪᱚᱠ ᱫᱮ ᱤᱱᱰᱤᱭᱟ(᱒᱐᱐᱗) ᱨᱮ ᱢᱤᱫ ᱦᱚᱠᱤ ᱠᱳᱪ ᱨᱳᱞ ᱠᱚᱭ ᱠᱚᱨᱟᱣ ᱠᱮᱫᱟ ᱾ ᱪᱮᱱᱟᱭ ᱮᱠᱷᱥᱯᱨᱮᱥ(᱒᱐᱑᱓),ᱦᱟᱯᱤ ᱱᱤᱭᱩ ᱤᱭᱮᱨ(᱒᱐᱑᱔),ᱫᱤᱞᱣᱟᱞᱮ(᱒᱐᱑᱕) ᱯᱷᱤᱞᱤᱢ ᱠᱚᱨᱮ ᱠᱚᱢᱮᱰᱤ ᱫᱷᱟᱨᱟ ᱦᱚᱸ ᱨᱳᱞ ᱠᱚ ᱢᱮᱱᱟᱜ ᱛᱟᱭᱟ ᱾ ᱠᱤᱸᱜ ᱠᱷᱟᱱ ᱟᱜ ᱨᱟᱭᱮᱥ(᱒᱐᱑᱗) ᱯᱷᱤᱞᱤᱢ ᱨᱮ ᱫᱚ ᱠᱨᱟᱭᱤᱢ ᱨᱳᱞ ᱠᱚ ᱦᱚᱸ ᱢᱮᱱᱟᱜ ᱛᱟᱭᱟ ᱾
ᱵᱟ.ᱲᱛᱤ ᱥᱟ.ᱜᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
•imdb.com •rottentomatoes.com •Srk Twitter