ᱪᱚᱱᱫᱽᱨᱚᱭᱟᱱ-᱑
ᱪᱚᱱᱫᱽᱨᱚᱭᱟᱱ-᱑ (moon vehicle) ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱡᱚᱥ ᱧᱤᱫᱟᱹ ᱪᱟᱸᱫᱚ ᱪᱮᱛᱟᱱ ᱨᱮ ᱾ ᱒᱐᱐᱘ ᱥᱟᱞᱮ ᱚᱠᱴᱚᱵᱚᱨᱵᱚᱨ ᱒᱒ ᱢᱟᱹᱦᱤᱛ ᱨᱮ ᱥᱮᱛᱟᱜ ᱵᱮᱲᱟ ᱖:᱒᱒ ᱴᱟᱲᱟᱝ ᱨᱮ ᱥᱨᱤᱦᱚᱨᱤᱠᱚᱴᱟ ᱨᱮᱱᱟᱜ ᱥᱚᱛᱤᱥ ᱫᱷᱟᱣᱟᱱ ᱥᱟᱺᱜᱤᱧ ᱥᱮᱨᱢᱟ ᱥᱟᱬᱮᱥ ᱟᱠᱷᱲᱟ ᱠᱷᱚᱱ ᱯᱤ.ᱥᱤ.ᱮᱞ.ᱵᱷᱤ.ᱥᱤ-᱒᱕ ᱫᱟᱨᱟᱭ ᱛᱮ ᱱᱚᱣᱟ ᱜᱟᱹᱰᱤ ᱫᱚ ᱠᱚ ᱛᱩᱧ ᱞᱮᱜ-ᱟ ᱾ ᱱᱚᱵᱷᱮᱢᱵᱚᱨ ᱘ ᱨᱮ ᱧᱤᱜᱟᱹ ᱪᱟᱸᱫᱚ ᱨᱮᱱᱟᱜ ᱟᱹᱪᱩᱨᱚᱜ ᱰᱟᱦᱟᱨ ᱛᱮ ᱥᱮᱴᱮᱨᱞᱮᱱᱟ ᱟᱨ ᱚᱜᱚᱥᱴ ᱒᱐᱐᱙ ᱦᱟᱹᱵᱤᱡ ᱱᱚᱣᱟ ᱫᱚᱭ ᱠᱟᱹᱢᱤ ᱞᱮᱜ-ᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱓ ᱥᱟᱞᱮ ᱚᱜᱚᱥᱴ ᱑᱕ ᱢᱟᱹᱦᱤᱛ ᱯᱷᱩᱨᱜᱟᱹᱞ ᱢᱟᱦᱟᱸ ᱨᱮᱱᱟᱜ ᱜᱟᱞᱚᱪ ᱨᱮ ᱩᱱ ᱚᱠᱛᱚ ᱨᱤᱱᱩᱡ ᱯᱨᱚᱫᱷᱟᱱ ᱢᱚᱱᱛᱨᱤ ᱚᱴᱚᱞ ᱵᱤᱦᱟᱨᱤ ᱵᱟᱪᱯᱮᱭ ᱪᱚᱱᱫᱽᱨᱚᱭᱟᱱ ᱡᱚᱥ ᱵᱟᱵᱚᱫᱽ ᱛᱮᱭ ᱞᱟᱹᱭ ᱥᱟᱰᱮ ᱞᱮᱫ ᱛᱟᱦᱮᱸᱫ ᱾ ᱧᱤᱫᱟᱹ ᱪᱟᱸᱫᱚ ᱛᱟᱹᱨᱤ ᱛᱮ ᱥᱟᱬᱮᱥᱤᱭᱟᱹ ᱡᱚᱥ ᱨᱮᱱᱟᱜ ᱩᱭᱦᱟᱹᱨ ᱮᱛᱚᱦᱚᱵ ᱫᱚ ᱑᱙᱙᱙ ᱥᱟᱞᱮ ᱨᱮ ᱥᱤᱧᱤᱛ ᱥᱟᱬᱮᱥ ᱮᱠᱟᱰᱮᱢᱤ ᱨᱮᱱᱟᱜ ᱫᱩᱯᱲᱩᱵ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱵᱷᱟᱨᱚᱛᱤᱭᱚ ᱢᱟᱦᱟᱠᱟᱥ ᱠᱷᱚᱸᱫᱽᱨᱚᱸᱫᱽ ᱜᱟᱶᱛᱟ ᱨᱮᱱᱟᱜ ᱠᱷᱟᱹᱲᱤ ᱱᱟᱹᱬᱤ ᱨᱮ ᱵᱟᱰᱟᱭ ᱞᱮᱱᱟ ᱵᱟᱝ ᱢᱟ, ᱱᱚᱣᱟ ᱠᱟᱹᱢᱤ ᱨᱮᱱᱟᱜ ᱫᱟᱲᱮ ᱫᱚ ᱤᱥᱨᱚ ᱴᱷᱮᱱ ᱢᱮᱱᱟᱜ-ᱟ ᱢᱮᱱᱛᱮ ᱾ ᱒᱐᱐᱓ ᱥᱟᱞᱮ ᱨᱮ ᱑᱐᱐ ᱜᱟᱱ ᱥᱟᱬᱮᱥᱤᱭᱟᱹ ᱠᱚ ᱱᱚᱣᱟ ᱠᱟᱛᱷᱟ ᱠᱚ ᱥᱟᱨᱦᱟᱣ ᱠᱮᱜ-ᱟ ᱟᱨ ᱚᱱᱟ ᱥᱮᱨᱢᱟ ᱜᱮ ᱥᱚᱨᱠᱟᱨ ᱱᱚᱣᱟ ᱡᱚᱥ ᱞᱟᱹᱜᱤ ᱫᱟᱣ ᱮ ᱮᱢᱟᱫ ᱠᱚᱣᱟ ᱾
ᱡᱚᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱫᱤᱥᱤ ᱜᱮᱭᱟᱱ ᱛᱮ ᱛᱮᱭᱟᱨᱟᱠᱟᱱ ᱢᱤᱫ ᱜᱟᱹᱰᱤ ᱧᱤᱫᱟᱹ ᱪᱟᱹᱫᱚ ᱟᱹᱪᱩᱨᱚᱜ ᱰᱟᱦᱟᱨ ᱨᱮ ᱨᱮ ᱥᱮᱴᱮᱨ ᱠᱟᱛᱮ ᱟᱹᱪᱩᱨ ᱚᱪᱚ ᱾
- ᱧᱤᱫᱟᱹ ᱪᱟᱸᱫᱚ ᱨᱮ ᱫᱟᱜ ᱨᱮᱱᱟᱜ ᱛᱚᱞᱟᱥ ᱾
- ᱧᱤᱫᱟᱹ ᱪᱟᱸᱫᱚ ᱨᱮᱱᱟᱜ ᱱᱚᱡᱚᱨ ᱵᱟᱹᱲᱛᱤ ᱠᱟᱛᱮ ᱚᱸᱰᱮᱱᱟᱜ ᱚᱛ ᱨᱮ ᱢᱮᱱᱟᱜ ᱡᱤᱱᱤᱥ ᱠᱚ ᱪᱮᱛᱟᱱ ᱨᱮ ᱚᱥᱚᱠᱟᱭ ᱱᱚᱡᱚᱨ ᱾
ᱠᱷᱚᱨᱚᱪ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱱᱫᱽᱨᱚᱭᱟᱱ ᱡᱚᱢ ᱨᱮ ᱫᱚ ᱥᱩᱨᱥᱩᱯᱩᱨ ᱓᱕᱐ ᱠᱳᱴᱤ ᱜᱟᱱ ᱠᱟᱹᱣᱰᱤ ᱠᱷᱚᱨᱚᱪ ᱞᱮᱱ ᱛᱟᱦᱮᱸᱫ ᱾