ᱱᱤᱣ ᱭᱚᱨᱠ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱱᱤᱣ ᱭᱚᱨᱠ

ᱱᱤᱣ ᱭᱚᱨᱠ (ᱤᱝᱞᱤᱥᱺ New York) ᱫᱚ ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ ᱨᱮᱱᱟᱜ ᱢᱤᱫ ᱯᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱡᱩᱢᱤᱫ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱟᱢᱟᱝ ᱥᱮᱦᱮᱰ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱚᱱᱴᱟᱨᱤᱭᱚ ᱞᱮᱠ ᱟᱨ ᱠᱟᱱᱟᱰᱟ ᱨᱮᱱᱟᱜ ᱵᱷᱤᱲᱟᱹᱣ ᱨᱮ ᱢᱮᱱᱟᱜᱼᱟ ᱾ ᱮᱨᱤ ᱞᱮᱠ ᱟᱨ ᱠᱟᱱᱟᱰᱟ ᱫᱚ ᱚᱱᱟ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱰ ᱨᱮ ᱢᱮᱱᱟᱜᱼᱟ, ᱯᱮᱱᱥᱤᱞᱵᱷᱟᱱᱤᱭᱟ ᱫᱚ ᱯᱟᱪᱮ ᱟᱨ ᱠᱚᱧᱮ ᱥᱮᱦᱮᱫᱨᱮ, ᱵᱷᱮᱨᱢᱚᱸᱴ, ᱢᱟᱥᱟᱪᱩᱥᱮᱴᱥ ᱟᱨ ᱠᱚᱱᱮᱠᱴᱤᱠᱚᱴ ᱫᱚ ᱥᱟᱢᱟᱝ ᱥᱮᱦᱮᱫ ᱨᱮ, ᱟᱨ ᱱᱤᱣ ᱡᱚᱨᱥᱤ ᱫᱚ ᱠᱚᱧᱮ ᱟᱨ ᱯᱟᱪᱮ ᱥᱮᱦᱮᱫ ᱨᱮ ᱢᱮᱱᱟᱜ ᱟᱠᱟᱫᱼᱟ ᱾


ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱣ ᱭᱚᱨᱠ ᱫᱚ ᱚᱥᱚᱞ ᱨᱮ ᱱᱟᱶᱟ ᱱᱮᱫᱚᱨᱞᱮᱸᱰ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱰᱚᱪ ᱥᱚᱢᱨᱟᱡᱽ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱑᱗ ᱥᱟᱭᱟᱝ ᱥᱟᱞᱮᱨᱮ ᱾ ᱱᱚᱶᱟ ᱫᱚ ᱟᱝᱜᱽᱞᱚ-ᱰᱚᱪ ᱞᱟᱹᱲᱦᱟᱹᱭ ᱡᱚᱠᱷᱟᱜ ᱤᱝᱞᱤᱥ ᱞᱟᱹᱣᱲᱤᱭᱟᱹ ᱴᱷᱮᱱ ᱠᱚ ᱮᱢᱼᱪᱟᱞ ᱠᱟᱫ ᱛᱟᱦᱮᱸᱫ ᱟᱨ ᱵᱨᱤᱴᱤᱥ ᱥᱟᱢᱨᱟᱡᱽ ᱨᱮ ᱢᱮᱥᱟᱭᱮᱱᱟ ᱾ ᱰᱚᱪ ᱰᱮᱨᱟ ᱨᱮᱱᱟᱜ ᱟᱫᱷᱟ ᱠᱮᱪᱟᱜ ᱫᱚ ᱤᱝᱞᱤᱥ ᱰᱮᱨᱟ ᱵᱮᱱᱟᱶ ᱞᱮᱱ ᱛᱟᱦᱮᱸᱫ ᱾ ᱞᱚᱝ ᱟᱭᱞᱮᱸᱰ ᱞᱟᱹᱲᱦᱟᱹᱭ, ᱥᱟᱨᱟᱴᱚᱜᱟ ᱞᱟᱹᱲᱦᱟᱹᱭ ᱟᱨ ᱮᱢᱟᱱ ᱧᱩᱛᱩᱢᱟᱱ ᱟᱢᱮᱨᱤᱠᱟ ᱨᱮᱱᱟᱜ ᱞᱟᱲᱟᱶᱱᱟ ᱫᱚ ᱱᱤᱶ ᱭᱚᱨᱠ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱚᱱᱟ ᱠᱚ ᱢᱮᱥᱟ ᱠᱟᱛᱮ ᱡᱩᱢᱤᱫᱽ ᱫᱤᱥᱚᱢ (US) ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱡᱩᱢᱤᱫᱽ ᱯᱚᱱᱚᱛ ᱦᱚᱲᱞᱮᱠᱷᱟ ᱢᱟᱰᱣᱟ (USCB) ᱦᱟᱜ ᱞᱟᱹᱭ ᱞᱮᱠᱟᱛᱮ ᱒᱐᱐᱕ ᱥᱟᱞᱮ ᱦᱟᱹᱵᱤᱡ ᱛᱮ ᱠᱟᱞᱤᱯᱷᱚᱨᱱᱤᱭᱟ ᱟᱨ ᱴᱮᱠᱥᱟᱥ ᱯᱟᱹᱪᱷᱞᱟᱹ ᱱᱤᱣ ᱭᱚᱨᱠ ᱨᱮ ᱛᱮᱥᱟᱨ ᱵᱟᱹᱲᱛᱤ ᱦᱚᱲ ᱢᱮᱱᱟᱜ ᱠᱚᱣᱟ ᱡᱩᱢᱤᱫᱽ ᱯᱚᱱᱚᱛ ᱛᱟᱞᱟ ᱨᱮ ᱾ ᱱᱤᱣ ᱭᱚᱨᱠ ᱨᱮ ᱛᱟᱦᱮᱸᱱ ᱠᱟᱱ ᱦᱚᱲ ᱮᱞ ᱫᱚ ᱑᱙,᱒᱙᱗,᱗᱒᱙ ᱜᱟᱱ ᱠᱚ ᱦᱩᱭᱩᱜᱼᱟ ᱾ [1]

ᱱᱟᱜᱟᱨᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱣ ᱭᱚᱨᱠ ᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱫᱚ ᱱᱤᱣ ᱭᱚᱨᱠ ᱱᱟᱜᱟᱨ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱠᱚᱧᱮ-ᱥᱟᱢᱟᱝ ᱯᱟᱴᱷᱟ ᱦᱩᱰᱥᱚᱱ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱡᱩᱢᱤᱫᱽᱯᱚᱱᱚᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱷᱚᱱ ᱱᱟᱥᱮ ᱥᱟᱺᱜᱤᱧ ᱫᱷᱟᱨᱟ ᱜᱮᱭᱟ ᱾ ᱱᱤᱣ ᱭᱚᱨᱠ ᱱᱟᱜᱟᱨ ᱨᱮᱱᱟᱜ ᱛᱤᱢᱤᱱ ᱦᱟᱹᱴᱤᱧ ᱫᱚ ᱞᱚᱝ ᱟᱭᱞᱮᱸᱰ ᱨᱮ ᱢᱮᱱᱟᱜᱼᱟ , ᱡᱟᱦᱟᱸ ᱫᱚ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱨᱮᱱᱟᱜ ᱢᱟᱨᱟᱝ ᱟᱭᱞᱮᱸᱰ ᱠᱟᱱᱟ ᱾ ᱟᱨᱢᱤᱫ ᱦᱟᱹᱴᱤᱧ ᱫᱚ ᱥᱴᱟᱴᱮᱱ ᱟᱭᱞᱮᱸᱰ ᱨᱮ ᱢᱮᱱᱟᱜᱼᱟ ᱾ ᱱᱤᱣ ᱭᱚᱨᱠ ᱯᱚᱱᱚᱛ ᱨᱤᱱ ᱵᱟᱹᱲᱛᱤ ᱦᱚᱲ ᱜᱮ ᱱᱤᱣ ᱭᱚᱨᱠ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ ᱨᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ ᱢᱩᱸᱫ ᱠᱷᱚᱱ ᱢᱤᱫ ᱠᱟᱱᱟ, ᱡᱟᱦᱟᱸ ᱫᱚ ᱥᱟᱢᱟᱝ ᱱᱤᱣ ᱡᱚᱨᱥᱤ ᱨᱮᱱᱟᱜ ᱦᱚᱸ ᱦᱟᱹᱴᱤᱧ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. United States Census