ᱵᱳᱴᱟᱫᱽ

ᱵᱳᱴᱟᱫᱽ
ᱵᱳᱴᱟᱫᱽ
ᱥᱚᱦᱚᱨ
	ᱵᱳᱴᱟᱫᱽ
	ᱵᱳᱴᱟᱫᱽ ᱥᱚᱦᱚᱨ
	ᱵᱳᱴᱟᱫᱽ ᱜᱩᱡᱽᱨᱟᱛ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ
	ᱠᱳᱣᱚᱨᱰᱤᱱᱮᱴᱥ: 22°10′N 71°40′E / 22.17°N 71.67°ECoordinates: 22°10′N 71°40′E / 22.17°N 71.67°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱜᱩᱡᱽᱨᱟᱴ
ᱦᱚᱱᱚᱛ	ᱵᱳᱴᱟᱫᱽ ᱦᱚᱱᱚᱛ
ᱧᱩᱛᱩᱢ ᱫᱚᱦᱚ ᱟᱠᱟᱱᱟ	ᱫᱟᱢᱚᱫᱟᱨ ᱵᱚᱴᱟᱫᱽᱠᱚᱨ
ᱥᱚᱨᱠᱟᱨ
• ᱞᱮᱠᱟᱱ	ᱱᱚᱜᱚᱨᱯᱟᱞᱤᱠᱟ
ᱩᱥᱩᱞ	70 ᱢᱤᱴᱚᱨ (230 ᱯᱷᱩᱴ)
ᱦᱚᱲ ᱮᱞ (᱒᱐᱑᱑)
• ᱜᱩᱴ	᱑᱓᱐,᱓᱐᱒
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱜᱩᱡᱽᱨᱟᱛᱤ, ᱦᱤᱱᱫᱤ, ᱠᱟᱴᱷᱤᱭᱟᱣᱟᱞᱤ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+᱐᱕:᱓᱐ (IST)
PIN	᱓᱖᱔᱗᱑᱐
ᱣᱮᱵᱽᱥᱟᱭᱤᱴ	botad.gujarat.gov.in

ᱵᱳᱴᱟᱫᱽ ᱫᱚ ᱥᱤᱧᱚᱛ ᱨᱮ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱱᱚᱣᱟ ᱵᱳᱴᱟᱫᱽ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱵᱷᱟᱵᱽᱱᱚᱜᱚᱨ ᱠᱷᱚᱱ ᱙᱒ ᱠᱤᱞᱚᱢᱤᱴᱚᱨ ᱟᱨ ᱚᱦᱢᱚᱫᱟᱵᱟᱫᱽ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱑᱓᱓ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾^[᱑]

ᱵᱳᱴᱟᱫᱽ ᱦᱚᱱᱚᱛ ᱫᱚ ᱚᱦᱢᱚᱫᱟᱵᱟᱫᱽ ᱟᱨ ᱵᱷᱟᱵᱽᱱᱚᱜᱚᱨ ᱠᱷᱚᱱ ᱵᱮᱱᱟᱣ ᱟᱠᱟᱱᱟ ᱾ ᱚᱱᱟ ᱛᱟᱭᱚᱢ, ᱱᱚᱣᱟ ᱵᱷᱟᱵᱽᱱᱚᱜᱚᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱵᱳᱴᱟᱫᱽ ᱦᱚᱱᱚᱛ ᱫᱚ ᱥᱩᱨᱮᱱᱫᱽᱨᱚᱱᱚᱜᱚᱨ ᱦᱚᱱᱚᱛ ᱠᱷᱚᱱ ᱠᱚᱧᱮᱼᱥᱟᱢᱟᱝ ᱨᱮ, ᱨᱟᱡᱽᱠᱚᱴ ᱦᱚᱱᱚᱛ ᱠᱷᱚᱱ ᱯᱟᱪᱮ ᱨᱮ, ᱵᱷᱟᱵᱽᱱᱚᱜᱚᱨ ᱟᱨ ᱮᱛᱚᱢ ᱨᱮ ᱚᱢᱨᱮᱞᱤ ᱟᱨ ᱥᱟᱢᱟᱝ ᱨᱮ ᱚᱦᱢᱚᱫᱟᱵᱟᱫᱽ ᱦᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

ᱚᱛᱱᱚᱜ

ᱵᱳᱴᱟᱫᱽ ᱫᱚ ᱱᱤᱭᱟᱹ ᱢᱩᱸᱰᱩ ᱡᱚᱲᱟᱣ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱱᱚᱣᱟ ᱦᱩᱰᱤᱧ ᱜᱟᱰᱟ ᱩᱛᱟᱣᱚᱞᱤ ᱵᱮᱱᱟᱣ ᱞᱟᱹᱜᱤᱫ ᱛᱮ ᱡᱩᱢᱤᱫᱽ ᱦᱩᱭᱩᱜᱼᱟ ᱾^[᱒] ᱵᱳᱴᱟᱫᱽ ᱥᱟᱢᱟᱝ ᱟᱨ ᱯᱟᱪᱮ ᱨᱮ ᱠᱚᱢ ᱵᱩᱨᱩ ᱛᱮ ᱜᱷᱮᱨᱟᱣ ᱟᱠᱟᱱᱟ, ᱱᱚᱣᱟ ᱢᱤᱫ ᱜᱷᱟᱴᱤ ᱵᱮᱱᱟᱣᱟ ᱾ ᱩᱛᱟᱣᱚᱞᱤ ᱠᱨᱤᱠ ᱫᱚ ᱥᱚᱦᱚᱨ ᱞᱮᱠᱟᱛᱮ ᱞᱤᱸᱜᱤᱱᱟ, ᱟᱨ ᱢᱚᱫᱷᱩ ᱠᱨᱤᱠ ᱫᱚ ᱜᱮᱞ ᱱᱟᱞᱤ ᱥᱩᱨ ᱨᱮ ᱩᱛᱞᱟᱣᱚᱞᱤ ᱨᱮ ᱧᱟᱯᱟᱢᱟ ᱾

ᱱᱚᱣᱟ ᱥᱚᱦᱚᱨ ᱫᱚ ᱠᱟᱴᱷᱤᱭᱟᱣᱟᱲ, (ᱜᱚᱰᱷᱰᱟ, ᱞᱟᱴᱷᱤ ᱟᱨ ᱚᱢᱨᱮᱞᱤ ᱥᱮᱦᱮᱫ) ᱟᱨ ᱜᱚᱦᱤᱞᱣᱟᱰ (ᱵᱷᱟᱵᱽᱱᱚᱜᱚᱨ ᱥᱮᱦᱮᱫ), ᱡᱚᱞᱟᱣᱟᱫᱽ (ᱞᱤᱸᱵᱽᱰᱤ, ᱥᱩᱨᱮᱱᱫᱽᱨᱚᱱᱚᱜᱚᱨ) ᱟᱨ ᱯᱟᱸᱪᱟᱞ (ᱯᱚᱞᱤᱭᱟᱲ, ᱵᱤᱸᱪᱤᱭᱟ, ᱡᱚᱥᱫᱟᱱ ᱥᱮᱦᱮᱫ) ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱠᱟᱱᱟ ᱾

ᱥᱩᱠᱷᱯᱩᱨ ᱜᱟᱰᱟ ᱫᱚ ᱨᱚᱬᱯᱩᱨ ᱛᱟᱞᱩᱠᱟ ᱨᱮ ᱵᱚᱴᱟᱫᱽ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱤᱢᱟᱹ ᱨᱮ ᱞᱤᱸᱜᱤᱱᱟ ᱾ ᱠᱚᱞᱩᱫᱷᱟᱨ ᱜᱟᱰᱟ ᱫᱚ ᱜᱚᱰᱷᱰᱟ ᱛᱟᱞᱩᱠᱟ ᱨᱮ ᱵᱳᱴᱟᱫᱽ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱞᱤᱸᱜᱤᱱᱟ ᱾ ᱱᱚᱣᱟ ᱦᱚᱱᱚᱛ ᱗᱑E ᱞᱟᱴᱤᱴᱭᱩᱰ ᱟᱨ ᱒᱒ N ᱞᱟᱴᱤᱴᱭᱩᱰ ᱟᱨ ᱔᱒ E ᱞᱟᱴᱤᱴᱭᱩᱰ ᱟᱨ ᱑᱐N ᱞᱚᱝᱜᱤᱪᱩᱰ ᱛᱟᱞ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱜᱩᱴ ᱚᱥᱟᱨ ᱵᱤᱥᱟᱹᱨ ᱒,᱕᱖᱔ ᱜᱟᱺᱴ ᱠᱤᱞᱚᱢᱤᱴᱚᱨ (᱙᱙᱐ ᱜᱟᱺᱴ ᱢᱤᱞ) ᱢᱮᱱᱟᱜᱼᱟ ᱾ ᱠᱟᱞᱩᱵᱷᱚᱨ, ᱥᱩᱠᱷᱵᱷᱟᱫᱚᱨ, ᱜᱷᱮᱞᱚ, ᱩᱛᱯᱟᱣᱚᱞᱤ ᱟᱨ ᱜᱚᱢᱚ ᱦᱚᱱᱚᱛ ᱨᱮᱱᱟᱜ ᱢᱩᱬ ᱜᱟᱰᱟ ᱠᱟᱱᱟ ᱾ ᱢᱟᱲᱟᱝ ᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱼ ᱒᱐᱑᱑ ᱞᱮᱠᱟᱛᱮ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱖.᱕᱒ ᱞᱟᱠᱷ ᱦᱤᱲ ᱢᱮᱱᱟᱜ ᱠᱚᱣᱟ ᱟᱨ ᱱᱤᱭᱟᱹ ᱵᱟᱨ ᱨᱟᱡᱽᱥᱣᱟ ᱥᱟᱵᱽᱰᱤᱵᱤᱡᱚᱱ ᱟᱨ ᱯᱩᱱᱭᱟᱹ ᱛᱟᱞᱩᱠᱟ ᱨᱮ ᱦᱟᱯᱟᱴᱤᱧ ᱟᱠᱟᱱᱟ ᱾ ᱦᱚᱱᱚᱛ ᱨᱮ ᱯᱮᱭᱟ ᱱᱚᱜᱚᱨᱯᱟᱞᱤᱠᱟ ᱢᱮᱱᱟᱜᱼᱟ ᱾

ᱦᱚᱲ ᱮᱞ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱵᱳᱴᱟᱫᱽ ᱥᱚᱦᱚᱨ ᱨᱮ ᱦᱚᱲ ᱮᱞ ᱑᱓᱐,᱓᱐᱒ (᱖᱗,᱗᱗᱘ ᱠᱚᱲᱟ ᱟᱨ ᱖᱒,᱕᱒᱔ ᱛᱤᱨᱞᱟᱹ) ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱩᱴ ᱥᱮᱪᱮᱫ ᱙᱔,᱕᱖᱓ (᱕᱓,᱒᱗᱕ ᱠᱚᱲᱟ ᱟᱨ ᱔᱑,᱒᱘᱘ ᱛᱤᱨᱞᱟᱹ) ᱜᱟᱱ ᱥᱮᱪᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱫᱚᱨ ᱘᱓.᱒᱑ ᱥᱟᱭᱠᱚᱲᱟ ᱢᱮᱱᱟᱜᱼᱟ, ᱚᱸᱰᱮ ᱠᱷᱚᱱ ᱠᱚᱲᱟ ᱟᱜ ᱥᱮᱪᱮᱫ ᱘᱘.᱘᱙ ᱥᱟᱭᱠᱚᱲᱟ ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱔.᱖᱐ ᱥᱟᱭᱠᱚᱲᱟ ᱢᱮᱱᱟᱜᱼᱟ ᱾ ᱵᱳᱴᱟᱫᱽ ᱨᱮᱱᱟᱜ ᱜᱩᱴ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑,᱐᱐᱐ ᱠᱚᱲᱟ ᱨᱮ ᱙᱒᱒ ᱛᱤᱨᱞᱟᱹ ᱟᱜ ᱢᱮᱱᱟᱜᱼᱟ, ᱡᱟᱸᱦᱟ ᱨᱮ ᱜᱤᱫᱽᱨᱟᱹ ᱡᱟᱱᱟᱝ ᱡᱟᱹᱱᱤ ᱘᱗᱔ ᱠᱩᱲᱤᱭᱟᱜ ᱑,᱐᱐᱐ ᱠᱚᱲᱟ ᱟᱜ ᱢᱮᱱᱟᱜᱼᱟ ᱾ ᱜᱩᱴ ᱑᱖,᱖᱕᱔ ᱜᱤᱫᱽᱨᱟᱹ (ᱡᱟᱱᱟᱢ ᱠᱷᱚᱱ ᱛᱩᱨᱩᱭ ᱵᱚᱪᱷᱚᱨ ᱩᱢᱚᱨ), ᱘,᱘᱘᱙ ᱠᱚᱲᱟ ᱟᱨ ᱗,᱗᱖᱕ ᱛᱤᱨᱞᱟᱹ (ᱱᱚᱜᱚᱨᱯᱟᱞᱤᱠᱟ ᱨᱮᱱᱟᱜ ᱜᱩᱴ ᱦᱚᱲ ᱮᱞ ᱑᱒.᱗᱘ ᱥᱟᱭᱠᱚᱲᱟ) ᱛᱟᱦᱮᱸ ᱠᱟᱱᱟ ᱾^[᱓]

᱑᱘᱗᱒ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱱᱩᱠᱩ ᱦᱚᱲ ᱮᱞ ᱗᱔᱕᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱑᱘᱘᱑ ᱥᱟᱞ ᱨᱮ ᱵᱟᱲᱦᱟᱣ ᱠᱟᱛᱮ ᱗᱗᱕᱕ ᱦᱚᱲ ᱠᱚ ᱦᱩᱭᱮᱱᱟ ᱾^[᱒]

ᱠᱟᱹᱣᱰᱤ ᱟᱹᱨᱤ

ᱦᱮᱡ ᱥᱮᱱ ᱰᱟᱦᱟᱨ

ᱵᱳᱴᱟᱫᱽ ᱫᱚ ᱨᱮᱞ ᱟᱨ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱚᱦᱢᱚᱫᱟᱵᱟᱫᱽ, ᱢᱩᱢᱵᱟᱭ, ᱥᱩᱨᱚᱛ, ᱵᱚᱰᱳᱫᱚᱨᱟ, ᱵᱷᱟᱵᱽᱱᱚᱜᱚᱨ, ᱨᱟᱡᱽᱠᱚᱴ ᱟᱨ ᱥᱩᱨᱮᱱᱫᱽᱨᱚᱱᱚᱜᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱵᱳᱴᱟᱫᱽ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱥᱟᱶ, ᱥᱟᱢᱟᱝ ᱫᱷᱟᱨᱮ ᱨᱮ ᱢᱩᱢᱵᱟᱭ, ᱚᱦᱢᱚᱫᱟᱵᱟᱫᱽ, ᱥᱩᱨᱚᱛ, ᱯᱩᱱᱮ, ᱦᱟᱭᱫᱽᱨᱟᱵᱟᱫᱽ, ᱠᱟᱠᱤᱱᱟᱰᱟ, ᱟᱥᱟᱱᱥᱚᱞ, ᱫᱤᱞᱞᱤ, ᱥᱚᱨᱟᱭ ᱨᱚᱦᱤᱞᱞᱟ ᱟᱨ ᱠᱚᱪᱩᱣᱮᱞᱤ ᱞᱟᱹᱜᱤᱫ ᱥᱚᱡᱷᱮ ᱨᱮᱞ ᱥᱮᱵᱟ ᱢᱮᱱᱟᱜᱼᱟ ᱾^[᱔]^[᱒]

ᱥᱟᱹᱠᱷᱭᱟᱹᱛ

↑ https://botad.gujarat.gov.in/about-botad^{[permanent dead link]}
1 2 3 Gazetteer of the Bombay Presidency: Kathiawar (Public Domain text). Vol. VIII. Printed at the Government Central Press, Bombay. 1884. p. 402.
↑ Nikunj, Rojesara. "Botad According To Census-2011". Census2011. Retrieved 28 November 2012.
↑ Mandaliya, Reeten. "Railway Junction Timing". Reeten Mandaliya.

[1] ttps://botad.gujarat.gov.in/about-botad^{[permanent dead link]}

[bg-2] 1 2 3 Gazetteer of the Bombay Presidency: Kathiawar (Public Domain text). Vol. VIII. Printed at the Government Central Press, Bombay. 1884. p. 402.

[3] Nikunj, Rojesara. "Botad According To Census-2011". Census2011. Retrieved 28 November 2012.

[Reeten_mandaliya-4] Mandaliya, Reeten. "Railway Junction Timing". Reeten Mandaliya.

[᱑]

[᱒]

[᱓]

[᱔]