ᱵᱟᱜᱟᱞᱠᱚᱴ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱵᱟᱜᱟᱞᱠᱚᱴ ᱦᱚᱱᱚᱛ (ᱤᱝᱜᱽᱨᱟ.ᱡᱤ:Bagalkot district) ᱫᱚ ᱮᱛᱚᱢ ᱥᱤᱧᱚᱛ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱛᱟᱜ ᱓᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱫᱴᱟᱝ ᱠᱟᱱᱟ। ᱱᱚᱣᱟ ᱵᱟᱜᱟᱞᱠᱚᱴ ᱦᱚᱱᱚᱛ ᱵᱮᱞᱟᱜᱟᱣᱤ ᱠᱷᱚᱱᱰ ᱨᱮ ᱯᱟᱲᱟᱣ ᱟᱠᱟᱱᱟ। ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟ.ᱴᱤᱭᱟ. ᱵᱟᱜᱟᱞᱠᱚᱴ ᱱᱟᱝᱜᱽᱨᱟᱦᱟ ᱠᱟᱱ ᱜᱮᱭᱟ। ᱱᱚᱣᱟ ᱦᱚᱱᱚᱛ ᱫᱚ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱭᱟᱜ ᱠᱚᱭᱮ ᱯᱟᱥᱴᱟ ᱨᱮ ᱛᱷᱟᱢᱜᱟᱫᱤ ᱟᱨ ᱥᱤᱢᱟ.ᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱵᱮᱞᱜᱩᱣᱟᱢ, ᱜᱟᱰᱟᱜᱽ, ᱠᱚᱯᱯᱟᱞ, ᱨᱟᱭᱪᱩᱨ ᱟᱨ ᱵᱤᱡᱟᱯᱩᱨ। ᱱᱟᱣᱟ ᱵᱮᱜᱟᱞᱠᱚᱴ ᱦᱚᱱᱚᱛ ᱫᱚ ᱑᱙᱙᱗ ᱥᱮᱨᱢᱟ ᱨᱮ ᱵᱤᱡᱟᱯᱩᱨ ᱦᱚᱱᱚᱛ ᱠᱷᱚᱱ ᱜᱮᱫ ᱵᱮᱜᱟᱨ ᱞᱮᱱᱟ। ᱵᱟᱜᱟᱞᱠᱚᱢ ᱦᱚᱱᱚᱛ ᱫᱚ ᱵᱟᱫᱟᱢᱤ, ᱵᱟᱜᱟᱞᱠᱚᱴ, ᱵᱤᱞᱟᱜᱤ ᱛᱟᱞᱩᱠ ᱠᱚᱛᱮ ᱜᱚᱲᱦᱚᱱ ᱟᱠᱟᱱᱟ।

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱜᱟᱢ ᱠᱷᱚᱱ ᱵᱟᱪᱟᱭᱚᱜ ᱠᱟᱱᱟ ᱡᱮ, ᱵᱟᱫᱟᱢᱤ ᱚᱠᱟ ᱫᱚ ᱵᱟᱜᱟᱞᱠᱚᱴ ᱨᱮᱭᱟᱜ ᱦᱤᱥ ᱠᱟᱱ, ᱚᱱᱟ ᱫᱚ ᱪᱟᱞᱩᱠᱤᱭᱟᱱ ᱨᱟᱡᱽ ᱵᱚᱝᱥᱚᱢ ᱨᱮᱱ ᱠᱚᱣᱟᱜ ᱨᱟᱡᱽ ᱜᱟᱲ ᱛᱟᱦᱮ ᱠᱟᱱᱟ, ᱯᱩᱞᱮᱠᱤᱥᱚᱱ ᱨᱟᱡᱽ ᱟᱜ ᱛᱟᱵᱮ ᱨᱮ ᱚᱠᱚᱭ ᱫᱚ ᱕᱕᱐ ᱥᱮᱨᱢᱟ ᱱᱚᱣᱟ ᱴᱚᱴᱷᱟᱭ ᱡᱤᱛᱟ.ᱣ ᱞᱮᱫᱟI ᱩᱱᱤ ᱫᱚ ᱕᱕᱐ ᱠᱷᱚᱱ- ᱗᱕᱓ ᱥᱮᱨᱢᱟ ᱦᱟ.ᱵᱤᱡ ᱪᱟᱞᱩᱠᱭᱟᱱ ᱠᱚ ᱠᱚᱣᱟᱜ ᱨᱟᱡᱽ ᱜᱟ.ᱫᱤ ᱨᱮ ᱛᱷᱟᱢᱜᱟ.ᱫᱤ ᱛᱟᱦᱮ ᱠᱟᱱᱟ।

ᱯᱟ.ᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱭᱮ ᱠᱟᱨᱱᱟᱴᱟᱠ ᱨᱮ ᱠᱚᱭᱮ ᱠᱟᱱᱱᱟᱲᱟ ᱦᱩᱰᱤᱧ ᱯᱟ.ᱨᱥᱤ ᱫᱚ ᱱᱤᱭᱟ. ᱴᱚᱴᱷᱟ ᱨᱮ ᱨᱚᱲᱚᱜᱚᱜ ᱠᱟᱱᱟ᱾ ᱠᱟᱱᱱᱟᱲᱟ ᱯᱟ.ᱨᱥᱤ ᱫᱚ ᱫᱨᱟᱵᱤᱲ ᱯᱟ.ᱥᱨᱥᱤ ᱜᱷᱟᱨᱚᱡᱽ ᱨᱮᱭᱟᱜ ᱢᱤᱫ ᱴᱟᱝ ᱯᱟ.ᱨᱥᱤ ᱠᱟᱱᱟ᱾ ᱯᱟ.ᱨᱥᱤ ᱥᱟᱬᱮᱥᱤᱭᱟ. ᱠᱚᱠᱚ ᱞᱟ.ᱭ ᱟᱠᱟᱫᱟ ᱵᱟᱝᱢᱟ ᱵᱤᱡᱟᱯᱩᱨ ᱠᱟᱱᱱᱟᱲᱟ ᱦᱩᱰᱤᱧ ᱯᱟ.ᱨᱥᱤ ᱜᱮ ᱵᱟᱜᱟᱞ ᱠᱚᱴ ᱨᱮ ᱦᱚ ᱨᱚᱲᱚᱜᱚᱜ ᱠᱟᱱᱟ᱾

ᱠᱟ.ᱣᱰᱤ ᱟ.ᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱥ ᱟᱵᱟᱫᱽ ᱨᱮ ᱜᱮ ᱵᱟᱜᱟᱞᱠᱚᱴ ᱨᱮᱭᱟᱜ ᱠᱟ.ᱣᱰᱤ ᱟ.ᱨᱤ ᱫᱚ ᱴᱮᱦᱟᱱᱰ ᱟᱠᱟᱱᱟ, ᱟᱢᱫᱟᱡᱽ ᱥᱟᱭ ᱠᱟᱲᱟ ᱖᱕% ᱦᱤᱥ ᱵᱟᱜᱟᱞᱠᱚᱢ ᱨᱮᱱ ᱦᱚᱲ ᱜᱮ ᱪᱟᱥ ᱟᱵᱟᱫᱽ ᱨᱮ ᱞᱟ.ᱜᱽᱭᱟ. ᱯᱟᱲᱟᱣ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱟᱢᱫᱟᱦᱽ ᱥᱟᱭ ᱠᱟᱲᱟ ᱘᱐% ᱦᱤᱥ ᱜᱮ ᱦᱮᱨᱮᱠ ᱦᱚᱲ ᱠᱟᱱᱟ ᱠᱚ᱾ ᱠᱚᱭᱮ ᱠᱟᱨᱱᱟᱴᱟᱠ ᱨᱮᱭᱟᱜ ᱮᱴᱟᱜ ᱦᱚᱱᱚᱛ ᱠᱚ ᱞᱮᱠᱟ ᱜᱮ ᱵᱟᱜᱟᱞᱠᱚᱴ ᱦᱚᱱᱚᱛ ᱦᱚ ᱵᱮᱱᱫᱮ ᱦᱟᱥᱟ ᱛᱮ ᱯᱮᱨᱮᱡ ᱯᱩᱨᱚᱱ ᱜᱮᱭᱟ, ᱱᱤᱭᱟ. ᱦᱮᱱᱫᱮ ᱦᱟᱥᱟ ᱨᱮ ᱜᱮ ᱠᱟᱥᱠᱚᱢ ᱪᱟᱥ ᱟ.ᱰᱤ ᱵᱟ.ᱲᱤ ᱦᱩᱭᱩᱜ-ᱟ᱾ ᱵᱟᱜᱟᱞᱠᱚᱴ ᱨᱮᱭᱟᱜ ᱠᱟ.ᱣᱰᱤ ᱟ.ᱨᱤ ᱫᱚ $5.6 ᱵᱤᱞᱤᱭᱚᱱ ᱟᱢᱮᱨᱩᱠᱟᱱ ᱰᱚᱞᱟᱨ ᱠᱟᱱᱟ, ᱚᱠᱟ ᱫᱚ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮᱭᱟᱜ ᱑᱒ ᱮᱞᱟᱱ ᱦᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ᱾ ᱱᱤᱭᱟ. ᱦᱚᱱᱚᱛ ᱨᱮᱱ ᱢᱤᱫ ᱦᱚᱲᱟᱜ ᱯᱟᱨ ᱠᱮᱯᱤᱴᱟ ᱟᱨᱡᱟᱣ ᱫᱚ ᱦᱩᱭᱩᱜ ᱠᱟᱱᱟ $360 ᱟᱢᱮᱨᱤᱠᱟᱱ ᱰᱚᱞᱟᱨ᱾ . ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱟᱨ ᱮᱴᱟᱜ ᱥᱮᱬᱟ ᱪᱟᱥ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱨᱟ.ᱵᱤ, ᱡᱟᱣ, ᱵᱟᱫᱟᱢ, ᱠᱟᱥᱠᱚᱢ, ᱡᱚᱱᱰᱨᱟ, ᱜᱩᱦᱩᱢ, ᱟ'ᱠ ᱟᱨ ᱛᱷᱟᱢᱟᱠᱩᱨ᱾ ᱡᱟᱣ ᱪᱟᱥ ᱫᱚ ᱟ.ᱰᱤ ᱵᱟ.ᱲᱛᱤ ᱦᱩᱭᱩᱜ-ᱟ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱡᱟ.ᱯᱩᱵ ᱚᱠᱛᱮ ᱟᱨ ᱱᱤᱨᱚᱱ ᱚᱠᱛᱮ ᱨᱮᱦᱚ ᱦᱩᱭᱩᱜ-ᱟ᱾ ᱫᱟ.ᱞ ᱱᱤᱭᱟ. ᱴᱚᱴᱷᱟ ᱨᱮ ᱦᱩᱭᱩᱜ ᱜᱮᱭᱟ, ᱟᱥᱠᱟᱭ ᱛᱮ ᱢᱟ.ᱥᱨᱤ, ᱢᱚᱜᱽ, ᱜᱨᱟᱢ, ᱠᱩᱞᱤᱛᱷ, ᱛᱤᱞᱢᱤᱧ ᱮᱢᱟᱱ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱵᱟᱜᱟᱞᱠᱚᱴ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱑,᱘᱙᱐,᱘᱒᱖ ᱡᱚᱱᱟ[᱑], ᱦᱚᱲ ᱞᱮᱠᱷᱟ ᱦᱤᱥᱟ.ᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱟᱢᱫᱟᱡᱽ ᱞᱮᱥᱚᱛᱷᱚ ᱫᱤᱥᱚᱢ ᱩᱱᱟ.ᱜ ᱢᱟᱨᱟᱝ ᱦᱩᱭᱩᱜ-ᱟ [᱒] ᱟᱨᱵᱟᱜᱴᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱣᱮᱥᱴ ᱵᱟᱨᱡᱤᱱᱤᱭᱟ ᱯᱚᱱᱚᱛ ᱩᱱᱟ.ᱜ ᱢᱟᱨᱟᱝ ᱦᱩᱭᱩᱜ-ᱟ᱾ ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱒᱔᱙ ᱮᱞᱟᱱ ᱦᱚᱱᱚᱛ ᱯᱟᱲᱟᱣᱚᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱒᱘᱘ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱱᱚᱣᱟ ᱠᱟᱴᱤᱦᱟᱨ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱔.᱔᱖᱾ ᱵᱟᱜᱟᱞᱠᱚᱴ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱘᱔ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱙.᱓᱙% ᱦᱤᱥ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "District Census 2011". Census2011.co.in. 2011. Retrieved 2011-09-30. 
  2. US Directorate of Intelligence. "Country Comparison:Population". Retrieved 2011-10-01. Lesotho 1,924,886