ᱵᱨᱟᱣᱡᱚᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱣᱮᱵᱽ ᱵᱨᱟᱣᱡᱚᱨ ᱵᱮᱵᱷᱟᱨ ᱨᱮᱱᱟᱜ ᱦᱟᱹᱴᱤᱧ

ᱵᱨᱟᱣᱡᱚᱨ / ᱣᱮᱵᱽ ᱵᱨᱟᱣᱡᱚᱨ ᱫᱚ ᱢᱤᱫ ᱥᱚᱯᱴᱮᱭᱟᱨ ᱟᱯᱞᱤᱠᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱟᱨᱟᱭ ᱛᱮ ᱤᱱᱴᱚᱨᱱᱨᱴ ᱨᱮ ᱰᱮᱴᱟ(data) ᱠᱚ ᱯᱟᱱᱛᱮ, ᱞᱟᱹᱠᱛᱤᱭᱟᱱ ᱧᱮᱛᱮᱞ ᱠᱚ ᱧᱟᱢ,ᱨᱮᱫ ᱠᱚ ᱞᱟᱫᱮ (upload) ᱟᱨᱵᱟᱝ ᱟᱹᱛᱩᱨᱟᱬᱜᱚ (download) ᱮᱢᱟᱱ ᱠᱟᱹᱢᱤ ᱠᱚ ᱜᱟᱱᱚᱜᱼᱟ ᱾ ᱢᱤᱫ ᱴᱷᱟᱹᱣᱠᱟᱹ ᱥᱟᱛᱟᱢ ᱧᱩᱛᱩᱢ ᱛᱮ ᱰᱮᱴᱟ ᱯᱟᱱᱛᱮ ᱞᱟᱹᱜᱤᱫ ᱚᱱᱟ ᱨᱮᱱᱟᱝ ᱢᱤᱫ ᱴᱷᱟᱹᱣᱠᱟᱹ ᱵᱩᱴᱟᱹ ᱭᱩᱹᱟᱨᱹᱮᱞ ᱞᱟᱹᱠᱛᱤᱜᱼᱟ ᱾ ᱱᱚᱶᱟ ᱫᱟᱨᱟᱭ ᱛᱮ ᱚᱱᱟ ᱥᱟᱛᱟᱢ ᱥᱟᱝ ᱡᱚᱲᱟᱣᱟᱱ ᱰᱮᱴᱟ, ᱪᱤᱛᱟᱹᱨ ᱮᱢᱟᱱ ᱯᱟᱱᱛᱮ ᱞᱟᱹᱜᱤᱫ ᱟᱹᱰᱤ ᱟᱞᱜᱟ ᱜᱮᱭᱟ ᱾ [᱑] ᱰᱮᱴᱟ ᱥᱟᱦᱴᱟ ᱨᱮ ᱡᱚᱲᱟᱣ ᱟᱠᱟᱱ ᱦᱟᱭᱯᱚᱨᱞᱤᱸᱠ ᱫᱚ ᱵᱮᱵᱷᱟᱨᱤᱭᱟᱹ ᱠᱚ ᱟᱹᱰᱤ ᱟᱞᱜᱟ ᱛᱮ ᱤᱱᱴᱚᱨᱱᱮᱴ ᱨᱮᱱᱟᱝ ᱟᱨᱢᱤᱫ ᱥᱟᱦᱴᱟ ᱛᱮ ᱥᱮᱱᱚᱜ ᱞᱟᱹᱜᱤᱫ ᱜᱲᱚᱭ ᱮᱢᱟ ᱠᱚᱶᱟ ᱾ ᱱᱤᱛᱚᱜ ᱡᱮᱜᱮᱛ ᱨᱮ ᱛᱤᱢᱤᱱ ᱜᱟᱱ ᱧᱩᱛᱩᱢᱟᱱ ᱵᱨᱟᱣᱡᱚᱨ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱯᱷᱟᱭᱟᱨ ᱯᱷᱚᱠᱥ, ᱜᱩᱜᱚᱞ ᱠᱨᱚᱢ, ᱚᱯᱮᱨᱟ, ᱥᱚᱯᱷᱟᱨᱤ ᱮᱢᱟᱱ ᱠᱚ ᱾[᱒][᱓][᱔]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱭᱞᱩ ᱫᱚ ᱑᱙᱙᱐ ᱥᱟᱞᱮ ᱨᱮ ᱥᱟᱨ ᱴᱤᱢ ᱵᱚᱨᱱᱨᱥ ᱞᱤ ᱢᱤᱫ ᱵᱨᱟᱣᱡᱚᱨ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱴᱤᱢ ᱵᱚᱨᱱᱚᱨᱥ ᱞᱤ ᱫᱚᱭ ᱦᱩᱭᱩᱜ ᱠᱟᱱᱟ ᱣᱟᱨᱞᱰ ᱣᱟᱭᱤᱰ ᱣᱥᱵᱽ ᱠᱚᱱᱥᱚᱨᱴᱤᱭᱚᱢ (World Wide Web Consortium) ᱨᱤᱱᱤᱡ ᱩᱱᱩᱫᱩᱜᱼᱤᱭᱟᱹ ᱟᱨ ᱣᱟᱨᱞᱰ ᱣᱟᱭᱤᱰ ᱣᱮᱵᱽ ᱵᱤᱱᱤᱭᱟᱹᱫ ᱨᱤᱱᱤᱡ ᱵᱤᱱᱤᱭᱟᱹᱫᱤᱭᱟᱹ ᱾ ᱩᱱ ᱡᱚᱠᱷᱟᱜ ᱟᱡᱟᱜ ᱵᱨᱟᱣᱡᱚᱨ ᱫᱚ ᱣᱟᱨᱞᱰ ᱣᱟᱭᱤᱰ ᱣᱮᱵᱽ ᱢᱮᱱᱛᱮ ᱜᱮ ᱠᱚ ᱵᱟᱰᱟᱭᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱ ᱚᱠᱛᱚ ᱨᱮ ᱱᱚᱶᱥ ᱱᱮᱠᱥᱚᱥ ᱢᱮᱱᱛᱮ ᱠᱚ ᱧᱩᱛᱩᱢ ᱞᱮᱫ ᱛᱟᱦᱮᱸᱫ ᱾[᱕] ᱫᱤᱥᱣᱟᱹ ᱠᱚ ᱵᱮᱵᱷᱟᱨ ᱞᱟᱹᱜᱤᱫ ᱯᱩᱭᱞᱩ ᱵᱨᱟᱣᱡᱚᱨ ᱡᱟᱦᱟᱸᱨᱮ ᱡᱤᱹᱭᱩᱹᱟᱭ (GUI) ᱨᱮᱱᱟᱜ ᱵᱮᱵᱷᱟᱨ ᱞᱮᱱ ᱛᱟᱦᱮᱸᱫ, ᱚᱱ ᱫᱚ ᱦᱩᱭᱩᱜ ᱠᱟᱱᱟ ᱮᱨᱚᱣᱟᱭᱤᱡᱽ ᱾ ᱮᱨᱚᱣᱟᱭᱤᱡᱽ ᱵᱨᱟᱣᱡᱚᱨ ᱥᱟᱶᱛᱮ ᱯᱩᱭᱞᱩ ᱫᱚ ᱨᱚᱵᱚᱨᱴ ᱠᱟᱞᱤᱞᱤᱭᱚ ᱧᱩᱛᱩᱢᱟᱱ ᱢᱤᱫ ᱠᱚᱢᱯᱩᱴᱚᱨ ᱥᱟᱬᱮᱥᱤᱭᱟᱹ ᱠᱟᱹᱢᱤᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱑᱙᱙᱓ ᱥᱟᱞᱮ ᱨᱮ ᱢᱟᱨᱠ ᱟᱱᱰᱚᱨᱥᱚᱱ ᱵᱟᱨᱣᱡᱚᱨ ᱥᱚᱯᱴᱮᱭᱟᱨ ᱨᱮ ᱱᱟᱶᱟ ᱥᱩᱵᱤᱫᱷᱟ ᱥᱟᱶᱛᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱩᱱ ᱡᱚᱠᱷᱟᱜ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱢᱚᱡᱟᱭᱤᱠ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾[᱖] ᱱᱚᱶᱟ ᱫᱟᱨᱟᱭ ᱛᱮ ᱤᱱᱴᱚᱨᱱᱮᱴ ᱵᱮᱵᱷᱟᱨ ᱟᱹᱰᱤ ᱟᱞᱜᱟ ᱞᱮᱱ ᱛᱟᱦᱮᱸᱫ ᱟᱨ ᱦᱟᱸᱰᱮ ᱱᱷᱟᱰᱮ ᱮᱱᱟᱜ ᱠᱚ ᱦᱚᱲ ᱥᱟᱶ ᱥᱟᱹᱜᱟᱹᱭ ᱫᱚ ᱥᱩᱵᱤᱫᱷᱟ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱱᱚᱶ ᱵᱨᱟᱣᱡᱚᱨ ᱨᱮᱱᱟᱜ ᱵᱮᱵᱷᱟᱨ ᱤᱱᱴᱚᱨᱱᱨᱴ ᱡᱮᱜᱮᱫ ᱟᱹᱰᱤ ᱢᱟᱨᱟᱝ ᱵᱚᱱᱚᱫᱚᱞ ᱦᱩᱭᱞᱮᱱ ᱛᱟᱦᱮᱸᱫ ᱢᱮᱱᱫᱚ ᱤᱱᱴᱚᱨᱱᱮᱴ ᱨᱮᱱᱟᱜ ᱦᱚᱲᱠᱩᱥᱤ ᱫᱚᱭ ᱰᱮᱦᱮᱨ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱱᱰᱚᱨᱥᱚᱱ ᱱᱮᱴᱥᱰᱟᱯ ᱧᱩᱛᱩᱢ ᱛᱮ ᱟᱡᱟᱜ ᱢᱤᱫ ᱠᱚᱢᱯᱟᱹᱱᱤ ᱛᱮᱭᱟᱨ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱟᱨᱟᱭ ᱛᱮ ᱑᱙᱙᱔ ᱥᱟᱞᱮ ᱨᱮ ᱱᱮᱴᱥᱠᱮᱯ ᱱᱮᱵᱷᱤᱜᱟᱴᱚᱨ ᱛᱮᱭᱟᱨ ᱨᱮ ᱠᱚ ᱥᱚᱠᱥᱮᱥ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱢᱚᱡᱟᱭᱤᱠ ᱵᱨᱟᱣᱡᱚᱨ ᱨᱮᱱᱟᱜ ᱱᱟᱶᱟ ᱨᱟᱫᱟ ᱞᱮᱠᱟᱛᱮ ᱦᱚᱲ ᱟᱹᱰᱤ ᱠᱚ ᱠᱩᱥᱤᱭᱟᱫ ᱛᱟᱦᱮᱸᱫ ᱾ ᱱᱚᱶᱟ ᱠᱚ ᱱᱚᱡᱚᱨ ᱨᱮ ᱫᱚᱦᱚ ᱠᱟᱛᱮ ᱢᱟᱭᱠᱨᱚᱥᱚᱯᱴ ᱑᱙᱙᱕ ᱥᱟᱞᱮ ᱨᱮ ᱤᱱᱴᱚᱨᱱᱮᱴ ᱮᱠᱥᱯᱞᱚᱨᱟᱨ ᱧᱩᱛᱩᱢᱟᱱ ᱢᱤᱫ ᱵᱨᱟᱣᱡᱚᱨ ᱠᱚ ᱵᱮᱱᱟᱣ ᱞᱮᱰ ᱛᱟᱦᱮᱸᱫ ᱾ ᱱᱚᱶᱟ ᱦᱚᱸ ᱢᱚᱡᱟᱭᱤᱠ ᱵᱨᱟᱶᱡᱚᱨ ᱞᱮᱠᱟ ᱜᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web |url=http://www.w3.org/TR/webarch/#id-resources |title=URI/Resource Relationships |work=Architecture of the World Wide Web, Volume One |last1=Jacobs |first1=Ian |last2=Walsh |first2=Norman |publisher=World Wide Web Consortium |date=15 December 2004 |accessdate=30 June 2009
  2. cite web|last1=Fitzpatrick|first1=Jason|title=Five Best Web Browsers|url=http://lifehacker.com/5178564/five-best-web-browsers%7Cwebsite=Lifehacker|publisher=Gawker Media|date=22 March 2009
  3. cite web|last1=Wayner|first1=Peter|title=Battle of the Web browsers|url=http://www.infoworld.com/article/2623985/applications/battle-of-the-web-browsers.html%7Cwebsite=Infoworld|publisher=IDG|date=27 April 2011
  4. cite web|last1=Tibken|first1=Shara|title=Aereo TV streaming expands to major Web browsers|url=http://www.cnet.com/news/aereo-tv-streaming-expands-to-major-web-browsers/%7Cwebsite=CNET|publisher=CBS Interactive|date=17 October 2012
  5. cite web|url=http://www.w3.org/People/Berners-Lee/WorldWideWeb.html |title=Tim Berners-Lee: WorldWideWeb, the first Web client |publisher=W3.org |accessdate=2011-12-07
  6. cite news|url=http://www.bloomberg.com/video/67758394 |title=Bloomberg Game Changers: Marc Andreessen |publisher=Bloomberg |date=17 March 2011 |accessdate=2011-12-07