ᱠᱩᱪᱤᱯᱩᱰᱤ
ᱠᱩᱪᱤᱯᱩᱰᱤ ᱫᱚ ᱤᱨᱟ.ᱞ ᱜᱚᱴᱟᱝ ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱡ ᱢᱩᱸᱫᱽ ᱠᱷᱚᱱ ᱢᱤᱫᱴᱟᱝ ᱠᱟᱱᱟ ᱾ ᱱᱚᱣᱟ ᱮᱱᱮᱡ ᱧᱩᱛᱩᱢ ᱫᱚ ᱟᱱᱫᱨᱚ ᱯᱨᱚᱫᱮᱥ ᱨᱮᱭᱟᱜ ᱢᱤᱫ "ᱠᱩᱪᱤᱯᱩᱰᱤ" ᱟ.ᱛᱩ ᱠᱷᱚᱱ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱫᱚ ᱰᱨᱟᱢᱟ-ᱮᱱᱮᱡ ᱩᱫᱩᱜ ᱥᱚᱫᱚᱨ ᱠᱟᱱᱟ ᱟᱨ ᱢᱟᱨᱮᱱ ᱦᱤᱱᱫᱩ ᱥᱚᱸᱥᱠᱨᱩᱛ ᱯᱩᱛᱷᱤ "ᱱᱟᱴᱭᱚ ᱥᱟᱥᱛᱨᱚ" ᱥᱟᱶ ᱨᱮᱦᱮᱫ ᱟᱠᱟᱱᱟ ᱾
ᱱᱚᱣᱟ ᱫᱚ ᱮᱴᱟᱜ ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱡ ᱠᱚ ᱞᱮᱠᱟᱜᱮ ᱫᱷᱟᱨᱢᱤᱠ ᱦᱩᱱᱟ.ᱨ ᱛᱮ ᱦᱟᱨᱟ-ᱵᱩᱨᱩ ᱮᱱᱟ ᱾ ᱠᱩᱪᱤᱯᱩᱰᱤ ᱨᱮᱱᱟᱜ ᱥᱟ.ᱠᱷᱭᱟ.ᱛ ᱠᱚᱫᱚ ᱥᱮᱫᱟᱭ ᱑᱐ ᱥᱚᱛᱟᱵᱽᱫᱤ ᱚᱠᱛᱮ ᱛᱟᱸᱵᱟ ᱚᱞ ᱠᱚᱨᱮ ᱟᱨ ᱑᱕ ᱥᱚᱛᱟᱵᱽᱫᱤ ᱚᱠᱛᱮ ᱫᱚ ᱠᱟᱜᱚᱡᱽ ᱚᱞ ᱢᱚᱪᱩᱯᱟᱞᱞᱤ ᱠᱚᱭᱯᱷᱚᱛ (Machupalli Kaifat) ᱠᱚᱨᱮ ᱠᱷᱚᱱ ᱧᱟᱢ ᱟᱠᱟᱱᱟ ᱾ ᱢᱨᱤᱫᱟᱱᱜᱚᱢ, ᱥᱭᱟᱢᱵᱟᱞᱥ, ᱵᱤᱬᱟ, ᱛᱤᱨᱭᱟ.ᱣ, ᱛᱟᱢᱵᱩᱨᱟ ᱮᱢᱟᱱ ᱫᱚ ᱱᱚᱣᱟ ᱮᱱᱮᱡ ᱨᱮᱱᱟᱜ ᱥᱮᱨᱮᱧ-ᱵᱟᱡᱽᱱᱟ ᱠᱚ ᱠᱟᱱᱟ ᱾ ᱱᱚᱣᱟ ᱮᱱᱮᱡ ᱥᱤᱧᱚᱛ ᱫᱤᱥᱚᱢ ᱨᱮ ᱦᱟᱨᱟ-ᱵᱩᱨᱩ ᱟᱛᱮ, ᱱᱤᱛᱚᱝ ᱡᱮᱜᱮᱛ-ᱡᱟᱠᱟᱛ ᱨᱮ ᱩᱫᱩᱜ ᱥᱚᱫᱚᱨᱚᱜ ᱠᱟᱱᱟ ᱾
ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱪᱤᱯᱩᱰᱤ ᱧᱩᱛᱩᱢ ᱫᱚ ᱟᱱᱫᱨᱚ ᱯᱨᱚᱫᱮᱥ ᱨᱮᱭᱟᱜ ᱠᱨᱤᱱᱟ ᱦᱚᱱᱚᱛ ᱛᱟ.ᱨᱤᱨᱮ ᱢᱮᱱᱟᱜ ᱢᱤᱫ "ᱠᱩᱪᱤᱯᱩᱰᱤ" ᱟ.ᱛᱩ ᱠᱷᱚᱱ ᱦᱩᱭ ᱟᱠᱟᱱᱟ ᱟᱨ ᱯᱩᱨᱟ ᱧᱩᱛᱩᱢ ᱠᱩᱪᱮᱞᱟᱯᱩᱨᱚᱢ ᱵᱟᱝᱢᱟ ᱠᱩᱪᱤᱞᱟᱯᱩᱨᱤ ᱨᱮᱱᱟᱜ ᱜᱮ ᱠᱷᱟᱴᱚ ᱛᱮᱫ ᱠᱟᱱᱟ ᱾ ᱨᱟᱜᱤᱬᱤ ᱫᱮᱵᱤ ᱱᱚᱣᱟ ᱟ.ᱛᱩ ᱤᱫᱤ ᱠᱟᱛᱮ ᱞᱟ.ᱭ ᱟᱠᱟᱫ-ᱟ ᱡᱮ ᱟ.ᱛᱩ ᱧᱩᱛᱩᱢ ᱠᱷᱩᱫᱽ ᱥᱚᱸᱥᱠᱨᱩᱛ ᱟ.ᱲᱟ. ᱠᱩᱥᱤᱞᱟᱵᱷᱟ-ᱯᱩᱨᱚᱢ ᱠᱷᱚᱱ ᱥᱤᱨᱡᱟ.ᱣ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ "ᱟ.ᱛᱩ ᱟᱠᱴᱚᱨᱠᱚ" ᱾ ᱠᱩᱥᱤᱞᱟᱵᱷᱟ ᱟ.ᱲᱟ. ᱫᱚ ᱢᱟᱨᱮᱱ ᱥᱚᱸᱥᱠᱨᱩᱛ ᱚᱞ ᱯᱩᱛᱷᱤ ᱨᱮ ᱧᱟᱢ ᱟᱠᱟᱱᱟ ᱟᱨ ᱟ.ᱲᱟ. ᱢᱮᱱᱮᱛ ᱫᱚ " ᱡᱟ.ᱛᱨᱤ ᱪᱮᱬᱮ, ᱮᱱᱮᱡᱤᱭᱟ., ᱵᱮᱣᱨᱟ-ᱡᱩᱜᱟ.ᱲᱤᱡ " ᱮᱢᱟᱱᱠᱚ ᱥᱚᱫᱚᱨ ᱮᱫ ᱠᱚᱣᱟᱭ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱮᱱᱮᱡ ᱨᱮᱱᱟᱜ ᱯᱩᱭᱞᱩ ᱨᱟᱫᱟ ᱒᱐᱐ ᱠᱷᱨᱤᱥᱴ ᱢᱟᱬᱟᱝ ᱠᱷᱚᱱ ᱒᱐᱐ ᱠᱷᱨᱤᱥᱴ ᱛᱟᱭᱚᱢ ᱵᱚᱪᱷᱚᱨ ᱢᱩᱸᱫᱽ ᱨᱮ ᱦᱩᱭ ᱞᱮᱱᱟ ᱢᱮᱱᱠᱷᱟᱱ ᱟᱱᱩᱢᱟᱱᱤᱠ ᱕᱐᱐ ᱠᱷᱨᱤᱥᱴ ᱢᱟᱬᱟᱝ ᱠᱷᱚᱱ ᱕᱐᱐ ᱠᱷᱨᱤᱥᱴ ᱛᱟᱭᱚᱢ ᱵᱚᱪᱷᱚᱨ ᱫᱚ ᱵᱷᱤᱱᱟ. ᱜᱮᱭᱟ ᱾ ᱱᱟᱴᱭᱚ ᱥᱟᱥᱛᱨᱚ ᱯᱚᱲᱦᱚᱱ ᱯᱩᱛᱷᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱰᱷᱮᱨ ᱨᱟᱫᱟ ᱯᱨᱟᱭ ᱖᱐᱐ ᱯᱚᱫᱽ ᱓᱖ ᱜᱚᱴᱟᱝ ᱚᱫᱷᱟᱭ ᱨᱮ ᱦᱟ.ᱴᱤᱧ ᱢᱮᱱᱟᱜ-ᱟ ᱾