ᱮᱨᱤᱥᱴᱚᱴᱚᱞ
ᱮᱨᱤᱥᱴᱚᱴᱚᱞ ᱫᱚ ᱢᱤᱫ ᱜᱨᱤᱠ ᱧᱮᱱᱮᱞᱤᱭᱟ. (ᱯᱷᱤᱞᱚᱥᱚᱯᱷᱚᱨ), ᱥᱟᱬᱮᱥᱤᱭᱟ., ᱟᱨ ᱥᱚᱢᱫᱟᱱᱤᱭᱟ.ᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱛᱤᱱᱟ.ᱝ ᱥᱟᱭ ᱯᱩᱛᱷᱤᱭ ᱚᱞᱼᱛᱚᱞ ᱟᱠᱟᱜᱼᱟ, ᱮᱨᱤᱥᱴᱚᱴᱚᱞ ᱯᱞᱮᱴᱳ ᱭᱤᱡ ᱥᱮᱪᱮᱫᱤᱭᱟ. ᱟᱨ ᱡᱮᱜᱮᱛ ᱡᱤᱛᱠᱟ.ᱨᱤᱭᱟ. ᱥᱤᱠᱚᱱᱫᱚᱨ ᱢᱚᱦᱟᱱᱤᱡ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾
ᱮᱨᱤᱥᱴᱚᱴᱚᱞ ᱟᱜ ᱡᱟᱱᱟᱢ ᱓᱘᱔ ᱵᱤ. ᱥᱤ. ᱢᱟᱬᱟᱝ ᱨᱮᱜᱮ ᱤᱡᱤᱭᱚᱱ ᱫᱚᱨᱮᱭᱟ ᱨᱮᱭᱟᱜ ᱮᱛᱚᱢ ᱯᱟᱦᱴᱟ ᱨᱮ ᱢᱮᱱᱟᱜ ᱥᱴᱟᱜᱤᱨᱟ ᱧᱩᱛᱩᱢ ᱟᱱ ᱢᱤᱫ ᱱᱟᱜᱟᱨ ᱨᱮ ᱦᱩᱭ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱢᱤᱫ ᱥᱮᱪᱮᱫ ᱟᱨ ᱧᱩᱛᱩᱢᱟᱱ ᱦᱚᱲ ᱟᱨ ᱟᱞᱮᱠᱡᱟᱱᱰᱟᱨ (ᱥᱤᱠᱚᱱᱫᱚᱨ) ᱢᱚᱦᱟᱱᱤᱡ ᱜᱚᱲᱚᱢ ᱦᱟᱲᱟᱢ ᱴᱷᱮᱱ ᱨᱟᱡᱽ ᱵᱚᱝᱥᱚ ᱦᱟ.ᱠᱤᱢ ᱞᱮᱠᱟᱛᱮᱭ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱯᱩᱭᱞᱩ ᱚᱞᱼᱯᱟᱲᱦᱟᱣ ᱫᱚ ᱚᱲᱟᱜ ᱨᱮᱜᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱟᱡ ᱵᱟᱵᱟ ᱜᱮ ᱥᱮᱪᱮᱫ ᱫᱚᱭ ᱮᱢᱟᱭ ᱠᱟᱱ ᱛᱟᱦᱮᱸᱫ ᱾ ᱤᱠᱷᱟ.ᱱ ᱟᱡ ᱵᱟᱵᱟ ᱫᱚ ᱟ.ᱰᱤ ᱞᱚᱜᱚᱱ ᱜᱮ ᱫᱷᱟ.ᱨᱛᱤᱯᱩᱨᱤ ᱠᱷᱚᱱ ᱮ ᱵᱤᱫᱟ.ᱭ ᱮᱱᱟ ᱾ ᱑᱗ ᱵᱚᱨᱥᱚ ᱵᱚᱭᱚᱥ ᱨᱮ ᱟᱡ ᱨᱤᱱ ᱜᱟ.ᱰᱤᱭᱟ.ᱱ ᱩᱱᱤ ᱫᱚ ᱯᱩᱨᱟ. ᱥᱮᱪᱮᱫ ᱟᱢᱮᱴ ᱞᱟ.ᱜᱤᱫ ᱵᱣᱚᱫᱷᱤᱠ ᱥᱮᱪᱮᱫ ᱛᱟᱞᱢᱟ ᱮᱛᱷᱮᱱᱥ ᱠᱚ ᱵᱷᱮᱡᱟ ᱠᱟᱫᱮᱭᱟ ᱾ ᱡᱟᱦᱟᱸ ᱫᱚ ᱤᱱᱟ. ᱚᱠᱛᱚ ᱨᱮᱭᱟᱜ ᱢᱤᱫ ᱢᱟᱨᱟᱝ ᱥᱮᱪᱮᱫ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾
ᱥᱟᱱᱟᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱛᱷᱮᱱᱥ ᱨᱮ ᱩᱱᱤ ᱧᱩᱛᱩᱢᱟᱱ ᱧᱮᱱᱮᱞᱤᱭᱟ. ᱯᱞᱮᱴᱚᱣᱟᱜ ᱩᱢᱩᱞ ᱨᱮ ᱵᱟᱜᱮ ᱥᱮᱨᱢᱮ ᱫᱷᱟ.ᱵᱤᱡ ᱥᱮᱪᱮᱫ ᱮ ᱯᱮᱦᱲᱟᱣ (practice) ᱠᱮᱜᱼᱟ ᱾ ᱜᱤᱫᱽᱨᱟ. ᱚᱠᱛᱚ ᱠᱷᱚᱱ ᱜᱮ ᱮᱨᱤᱥᱴᱚᱴᱚᱞ ᱟᱡᱟᱜ ᱪᱩᱦᱩᱞ ᱢᱚᱱᱮ ᱟᱨ ᱪᱤᱨᱜᱟ.ᱞ ᱵᱩᱫᱷᱤ ᱨᱮᱭᱟᱜ ᱩᱯᱨᱩᱢ ᱮᱢ ᱮ ᱮᱛᱚᱦᱚᱵ ᱞᱮᱜᱼᱟ ᱾
ᱯᱟᱲᱦᱟᱣ ᱨᱮᱭᱟᱜ ᱢᱩᱪᱟ.ᱫ ᱥᱮᱨᱢᱟ ᱫᱚ ᱩᱱᱤ ᱟᱡ ᱜᱮ ᱮᱠᱟᱰᱮᱢᱤ ᱨᱮ ᱯᱟᱲᱦᱟᱣ ᱠᱚ ᱞᱟ.ᱜᱤᱫ ᱮ ᱪᱷᱩᱴᱟ.ᱣ ᱮᱱᱟ ᱾ ᱮᱨᱤᱥᱴᱚᱴᱚᱞ ᱫᱚ ᱤᱱᱟ. ᱚᱠᱛᱚ ᱨᱤᱱᱤᱡ ᱡᱚᱛᱚ ᱠᱷᱚᱱ ᱵᱩᱫᱷᱤᱼᱟᱱ ᱦᱚᱲ ᱞᱮᱠᱟ ᱠᱚ ᱢᱟᱱᱟᱣ ᱵᱟᱛᱟᱣ ᱮ ᱠᱟᱱ ᱛᱟᱦᱮᱸᱱ ᱾ ᱩᱱᱤᱭᱤᱡ ᱜᱩᱨᱩ ᱦᱚᱸ ᱩᱱᱤ ᱫᱚ ᱟ.ᱰᱤ ᱡᱩᱨ ᱮ ᱥᱟᱨᱦᱟᱣ ᱮ ᱠᱟᱱ ᱛᱟᱦᱮᱸᱫ ᱾ ᱓᱔᱗ ᱵᱤ. ᱥᱤ. ᱢᱟᱬᱟᱝ ᱨᱮ ᱯᱞᱮᱴᱳᱣᱟᱜ ᱜᱩᱨ ᱛᱟᱭᱚᱢ ᱮᱨᱤᱥᱴᱚᱴᱚᱞ ᱜᱮ ᱮᱠᱟᱰᱮᱢᱤ ᱨᱤᱱᱤᱡ ᱟᱺᱜᱤᱵᱷᱟ.ᱨᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱤᱠᱷᱟ.ᱱ ᱯᱞᱮᱴᱳᱣᱟᱜ ᱥᱮᱪᱮᱫ ᱠᱷᱚᱱ ᱮ ᱪᱷᱤᱱᱜᱟ.ᱣ ᱮᱱ ᱛᱟᱭᱚᱢ ᱩᱱᱤ ᱟᱨ ᱱᱚᱶᱟ ᱛᱟᱠ ᱫᱚ ᱵᱟᱠᱚ ᱮᱢᱟ ᱫᱮᱭᱟ ᱾
ᱢᱟᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟ.ᱰᱤ ᱩᱥᱟ.ᱨᱟ ᱜᱮ ᱮᱨᱤᱥᱴᱚᱴᱚᱞᱟᱜ ᱩᱯᱨᱩᱢ ᱢᱤᱫ ᱡᱷᱚᱛᱚ ᱠᱷᱚᱱ ᱵᱷᱮᱜᱟᱨ ᱢᱟᱪᱮᱛ ᱨᱩᱯᱨᱮ ᱯᱟᱥᱱᱟᱣ ᱮᱱᱟ ᱾ ᱢᱮᱥᱮᱰᱳᱱᱤᱭᱟ ᱠᱷᱚᱱ ᱩᱱᱤ ᱠᱚ ᱦᱚᱦᱚ ᱟᱫᱮᱭᱟ ᱱᱚᱶᱟ ᱠᱷᱟ.ᱛᱤᱨ ᱩᱱᱤ ᱑᱔ ᱵᱚᱪᱷᱚᱨ ᱨᱟᱡᱽ ᱠᱩᱢᱟᱨ ᱮᱞᱮᱠᱡᱮᱸᱰᱚᱨ ᱫᱚ ᱟᱡᱟᱜ ᱛᱤ ᱛᱮ ᱥᱮᱪᱮᱫ ᱮ ᱮᱢᱟᱭ ᱢᱟ ᱾
ᱮᱞᱮᱠᱡᱮᱸᱰᱚᱨ ᱨᱟᱡᱟᱭ ᱵᱮᱱᱟᱣ ᱮᱱ ᱛᱟᱭᱚᱢ ᱮᱨᱤᱥᱴᱚᱴᱚᱞᱟᱜ ᱠᱟ.ᱢᱤ ᱪᱟᱵᱟᱭᱮᱱᱟ ᱟᱨ ᱩᱱᱤ ᱮᱛᱷᱮᱱᱥ ᱮ ᱨᱩᱣᱟ.ᱲ ᱮᱱᱟ ᱾ ᱤᱠᱷᱟ.ᱱ ᱮᱞᱮᱠᱡᱮᱱᱰᱚᱨ ᱢᱟᱦᱟᱱ ᱨᱟᱡᱟᱭ ᱵᱮᱱᱟᱣ ᱮᱱ ᱛᱟᱭᱚᱢ ᱦᱚᱸ ᱩᱱᱤ ᱟᱡᱤᱡ ᱜᱩᱨᱩ ᱴᱷᱮᱱ ᱫᱷᱟ.ᱨᱛᱤ ᱫᱚ ᱵᱟᱭ ᱦᱤᱲᱤᱧ ᱞᱮᱜᱼᱟ ᱟᱨ ᱛᱟᱞᱟᱼᱛᱟᱞᱟᱨᱮ ᱥᱟᱬᱮᱥ ᱯᱚᱲᱦᱚᱱ ᱟᱨᱵᱟᱝ ᱠᱷᱚᱡᱽᱼᱛᱚᱞᱟᱥ ᱨᱮ ᱮᱨᱤᱥᱴᱚᱴᱚᱞ ᱮ ᱜᱚᱲᱚ ᱥᱚᱦᱚᱫ ᱮ ᱠᱟᱱ ᱛᱟᱦᱮᱸᱫ ᱾ ᱮᱨᱤᱥᱴᱚᱴᱚᱞ ᱜᱟᱞᱚᱪ ᱮᱢ ᱚᱠᱛᱚᱨᱮ ᱜᱷᱟᱱᱮ ᱜᱮ ᱦᱤᱞᱟ.ᱣ ᱟᱠᱟᱭ ᱛᱟᱦᱮᱸᱱ ᱛᱟᱦᱮᱫ ᱚᱱᱟᱛᱮ ᱛᱤᱱᱟ.ᱝ ᱚᱠᱛᱚ ᱛᱟᱭᱚᱢ ᱫᱚ ᱟᱡᱟᱜ ᱪᱟ.ᱭᱪᱚᱞᱚᱱ ᱞᱮᱠᱟ ᱛᱮᱜᱮ ᱯᱮᱨᱤᱯᱮᱴᱮᱴᱤᱠᱥ (peripatetic) ᱠᱚ ᱵᱤᱠᱱᱟ.ᱣ ᱠᱮᱫᱮᱭᱟ ᱾
ᱮᱨᱤᱥᱴᱚᱴᱚᱞ ᱟ.ᱰᱤ ᱜᱟᱱ ᱮ ᱚᱞᱼᱛᱚᱞ ᱞᱮᱜᱼᱟ, ᱡᱟᱦᱟᱸ ᱫᱚ ᱚᱠᱛᱚ ᱥᱟᱶᱛᱮ ᱵᱷᱟᱨᱟᱵᱷᱟᱴ ᱞᱮᱱᱟ ᱩᱱᱤᱭᱟᱜ ᱒᱐᱐ ᱜᱚᱴᱟᱝ ᱚᱞᱼᱛᱚᱞ ᱠᱷᱚᱱ ᱢᱚᱴᱷᱮ ᱓᱐ ᱜᱚᱴᱟᱝ ᱥᱟᱨᱮᱡ ᱛᱟᱦᱮᱸᱭᱮᱱᱟ ᱡᱟᱦᱟᱸ ᱠᱷᱚᱱ ᱟᱡᱟᱜ ᱡᱤᱭᱚᱱ ᱟᱨ ᱜᱟᱞᱚᱪ ᱤᱫᱤ ᱠᱟᱛᱮ ᱵᱟᱰᱟᱭ ᱧᱟᱢ ᱞᱮᱱᱟ ᱾ ᱮᱨᱤᱥᱴᱚᱴᱚᱞ ᱫᱟᱨᱟᱭ ᱛᱮ ᱚᱞᱼᱛᱚᱞ ᱟᱠᱟᱱ ᱟᱫᱷᱟ ᱫᱚ ᱛᱮᱦᱮᱧ ᱦᱚᱸ ᱠᱮᱨᱮᱥᱛᱟᱱ ᱥᱟᱶᱛᱟ ᱫᱚᱭ ᱨᱤᱡᱷᱟ.ᱣᱜ ᱠᱟᱱ ᱜᱮᱭᱟ ᱾ ᱩᱱ ᱚᱠᱛᱚᱨᱮ ᱡᱷᱚᱛᱚ ᱠᱷᱚᱱ ᱢᱟᱨᱟᱝ ᱮᱴᱠᱮᱴᱚᱬᱮ ᱫᱚ ᱱᱚᱶᱟ ᱛᱟᱦᱮᱸ ᱠᱟᱱᱟ, ᱚᱱᱟ ᱚᱠᱛᱚ ᱨᱮᱭᱟᱜ ᱚᱱᱚᱞ ᱠᱚᱫᱚ ᱡᱚᱛᱚᱱ ᱠᱟᱛᱮ ᱫᱚᱦᱚᱭ ᱨᱮᱭᱟᱜ ᱰᱟᱦᱟᱨ ᱛᱮᱦᱮᱧ ᱞᱮᱠᱟ ᱴᱷᱟ.ᱣᱠᱟ. ᱟᱨ ᱚᱨᱥᱚᱝ ᱟᱱᱟᱜ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱟ.ᱰᱤᱜᱟᱱ ᱩᱱᱤᱭᱟᱜ ᱚᱞᱼᱛᱚᱞ ᱛᱮᱦᱮᱧ ᱨᱟᱠᱷᱟ ᱫᱩᱜᱨᱮ ᱵᱟ.ᱱᱩᱜ ᱟᱱᱟ ᱾
ᱥᱟᱬᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱨᱤᱥᱴᱚᱴᱚᱞ ᱟᱜ ᱠᱷᱚᱡᱽ ᱛᱚᱞᱟᱥ ᱠᱷᱚᱱ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱱᱤᱥᱛᱟ.ᱨ ᱢᱚᱦᱚᱛ ᱫᱚ ᱯᱟᱞᱮ ᱡᱤᱣᱤ ᱥᱟᱬᱮᱥ ᱟᱨᱵᱟᱝ ᱡᱟᱱᱚᱣᱟ ᱥᱟᱬᱮᱥ ᱪᱮᱛᱟᱱ ᱨᱮᱜᱮ ᱦᱩᱭ ᱟᱠᱟᱱᱟ ᱾ ᱱᱚᱶᱟ ᱠᱷᱚᱡᱽ ᱛᱚᱞᱟᱥ ᱠᱚ ᱧᱮᱞ ᱠᱟᱛᱮ ᱛᱮᱦᱮᱧ ᱦᱚᱸ ᱦᱟᱦᱟᱲᱟ ᱜᱮ ᱵᱩᱡᱷᱟ.ᱣᱜᱼᱟ ᱡᱮ ᱥᱟᱬᱮᱥᱤᱭᱟ. ᱰᱟᱦᱟᱨ ᱨᱮ ᱱᱤᱛᱚᱜᱟᱜ ᱨᱩᱯ ᱩᱱᱤ ᱪᱮᱫ ᱞᱮᱠᱟᱨᱮ ᱵᱮᱵᱷᱟᱨ ᱨᱮᱭ ᱟ.ᱜᱩ ᱫᱟᱲᱮᱭᱟᱫᱼᱟ ᱾ ᱫᱤᱱ ᱨᱮᱭᱟᱜ ᱛᱤᱱᱟ.ᱝ ᱚᱠᱛᱚ ᱫᱚ ᱩᱱᱤ ᱫᱚᱨᱮᱭᱟ ᱠᱟᱛᱟ ᱨᱮᱜᱮᱭ ᱠᱷᱮᱢᱟᱣ ᱛᱟᱦᱮᱸᱱ ᱫᱚᱨᱮᱭᱟ ᱡᱤᱣᱤ ᱠᱚ ᱪᱮᱛᱟᱱᱨᱮ ᱯᱚᱲᱦᱚᱱ (study) ᱛᱩᱞᱩᱡ ᱩᱱᱤ ᱟᱡ ᱟᱡᱟᱜ ᱦᱩᱸᱥᱨᱮ ᱵᱟᱭ ᱛᱟᱦᱮᱸᱱ ᱛᱟᱦᱮᱫ ᱟᱨ ᱩᱱᱤ ᱡᱟᱦᱟᱸ ᱜᱮ ᱪᱮᱬᱮ ᱪᱤᱯᱨᱩᱜ ᱪᱮᱛᱟᱱᱨᱮ ᱦᱟᱱᱟ ᱱᱷᱟᱣᱟᱭ ᱯᱚᱲᱦᱚᱱ ᱛᱟᱦᱮᱸᱱ, ᱚᱱᱟ ᱨᱮᱭᱟᱜ ᱥᱟ.ᱨᱤ ᱛᱮᱫ ᱟᱨᱵᱟᱝ ᱢᱟ.ᱱᱼᱢᱚᱦᱚᱛ ᱫᱚ ᱛᱮᱦᱮᱧ ᱫᱷᱟ.ᱵᱤᱡ ᱵᱟᱭ ᱠᱟ.ᱢᱤ ᱞᱮᱜᱼᱟ ᱾
ᱠᱷᱚᱸᱫᱽᱨᱚᱸᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱨᱤᱥᱴᱚᱴᱚᱞ ᱠᱷᱚᱸᱫᱽᱨᱚᱸᱫᱽ ᱫᱚ ᱟ.ᱰᱤ ᱡᱩᱨ ᱮ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱵᱟ.ᱲᱛᱤ ᱞᱮᱠᱟᱛᱮ ᱱᱚᱝᱠᱟᱱ ᱥᱟᱛᱟᱢ ᱪᱮᱛᱟᱱ ᱨᱮ ᱡᱟᱦᱟᱸ ᱫᱚ ᱢᱟ.ᱱᱢᱤᱭᱟᱜ ᱵᱮᱵᱷᱟᱨ ᱥᱟᱶ ᱡᱩᱲᱟ.ᱭ ᱠᱟᱛᱮ ᱛᱟᱦᱮᱸᱱᱟ ᱡᱮᱞᱮᱠᱟ ᱢᱟ.ᱱᱢᱤ ᱛᱤᱱ ᱡᱚᱦᱚᱜ ᱜᱮ ᱮᱴᱠᱮᱴᱚᱬᱮ ᱨᱮᱭ ᱧᱩᱨᱩᱜᱼᱟ ᱩᱱᱤ ᱪᱮᱫ ᱞᱮᱠᱟᱨᱮ ᱚᱱᱟᱭ ᱥᱟᱢᱟᱝᱼᱟ ? ᱟᱨ ᱢᱟ.ᱱᱢᱤ ᱭᱟᱜ ᱦᱟᱛᱟᱝ ᱪᱮᱫ ᱞᱮᱠᱟᱭ ᱠᱟ.ᱢᱤᱭᱮᱜᱼᱟ ᱾ ᱥᱟᱶᱛᱟ, ᱦᱚᱲ ᱠᱚ ᱥᱟᱞᱟᱜ ᱡᱩᱲᱟ.ᱭ ᱫᱚᱦᱚᱭ ᱞᱟ.ᱜᱤᱫ ᱠᱟ.ᱢᱤ ᱮᱫ ᱢᱟᱸᱯᱟᱧᱡᱤ (ᱯᱨᱚᱥᱟᱥᱚᱱ) ᱪᱮᱫ ᱞᱮᱠᱟ ᱛᱟᱦᱮᱸᱱ ᱞᱟ.ᱠᱛᱤᱜ ᱠᱟᱱᱟ ᱡᱟᱦᱟᱸ ᱫᱚ ᱞᱮᱛᱟᱲ ᱞᱟ.ᱠᱛᱤᱜ ᱞᱮᱠᱟ ᱠᱟ.ᱢᱤ ᱦᱩᱭᱩᱜ ᱢᱟ ᱾ᱱᱚᱝᱠᱟᱱ ᱠᱩᱠᱞᱤ ᱨᱮᱭᱟᱜ ᱞᱟ.ᱱᱟ.ᱭ ᱧᱟᱢ ᱞᱟ.ᱜᱤᱫ ᱮᱨᱤᱥᱴᱚᱴᱚᱞ ᱟᱡᱟᱜ ᱥᱩᱨᱼᱥᱩᱯᱩᱨ ᱦᱚᱭᱼᱦᱤᱥᱤᱫ ᱪᱮᱛᱟᱱ ᱨᱮ ᱵᱤᱱᱤᱰ ᱵᱮᱵᱷᱟᱨ ᱫᱚᱦᱚᱭ ᱛᱩᱞᱩᱡ ᱟ.ᱰᱤ ᱪᱩᱦᱩᱞ ᱢᱚᱱᱮ ᱥᱟᱶᱛᱮ ᱠᱟ.ᱢᱤ ᱟᱠᱟᱭ ᱛᱟᱦᱮᱸᱱ ᱛᱟᱦᱮᱫ ᱾
ᱟᱞᱮᱠᱡᱟᱱᱰᱟᱨ ᱟᱜ ᱴᱟᱴᱠᱟ ᱜᱩᱨ ᱦᱩᱭ ᱮᱱ ᱠᱷᱟ.ᱛᱤᱨ ᱫᱩᱱᱤᱭᱟ. ᱦᱟᱱᱟᱼᱱᱷᱟᱣᱟ ᱠᱩᱠᱞᱤᱭ ᱨᱟᱠᱟᱵ ᱠᱮᱜᱼᱟ ᱾ ᱚᱱᱟᱨᱮ ᱵᱚᱸᱜᱟ ᱵᱳᱨᱳ ᱵᱟᱝ ᱢᱟᱱᱟᱣ ᱵᱟᱛᱟᱣ ᱨᱮᱭᱟᱜ ᱫᱚᱥ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱰᱟᱸᱰᱚᱢ ᱠᱷᱚᱱ ᱵᱟᱧᱪᱟᱣᱜ ᱞᱟ.ᱜᱤᱫ ᱪᱚᱞᱥᱤᱥ ᱮ ᱪᱟᱞᱟᱣ ᱮᱱᱟ ᱟᱨ ᱚᱸᱰᱮ ᱜᱮ ᱟᱞᱮᱠᱡᱟᱸᱰᱟᱨ ᱟᱜ ᱜᱩᱨ ᱠᱟᱛᱮ ᱢᱤᱫ ᱥᱮᱨᱢᱟ ᱛᱟᱭᱚᱢ ᱛᱩᱨᱩᱭ ᱜᱮᱞ ᱵᱟᱨ ᱵᱚᱪᱷᱚᱨ ᱵᱚᱭᱚᱥ ᱨᱮ ᱟᱡᱟᱜ ᱦᱚᱸ ᱡᱤᱣᱤᱵᱟ.ᱛᱤ ᱡᱟᱭᱡᱩᱜᱽ ᱞᱟ.ᱜᱤᱫ ᱤᱬᱤᱡ ᱥᱟ.ᱨᱤ ᱮᱱᱟ ᱾
ᱱᱚᱝᱠᱟ ᱛᱮ ᱯᱩᱨᱟ. ᱫᱷᱟ.ᱨᱛᱤ ᱟᱡᱟᱜ ᱜᱮᱭᱟᱱ ᱨᱮᱭᱟᱜ ᱢᱟᱨᱥᱟᱞ ᱛᱮ ᱟᱨᱥᱟᱞ ᱞᱮᱫ ᱱᱩᱭ ᱢᱟᱦᱟᱱ ᱧᱮᱱᱮᱞᱤᱭᱟ., ᱥᱟᱬᱮᱥᱤᱭᱟ., ᱢᱟᱪᱮᱛ ᱟᱨ ᱡᱚᱛᱚ ᱠᱷᱚᱱ ᱵᱟ.ᱱᱛᱤ ᱠᱟᱛᱮ ᱢᱤᱫ ᱥᱮᱬᱟᱛ ᱢᱟ.ᱱᱢᱤ ᱱᱚᱶᱟ ᱫᱷᱟ.ᱨᱛᱤ ᱠᱷᱚᱱ ᱵᱤᱫᱟ.ᱭ ᱮ ᱦᱟᱛᱟᱣ ᱥᱟ.ᱨᱤ ᱠᱮᱜᱼᱟ ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Aristotle (general article)
- Biology
- Ethics
- Logic
- Metaphysics
- Motion and its Place in Nature
- Poetics
- Politics
- From the Stanford Encyclopedia of Philosophy: