ᱮᱱᱨᱤᱠᱚ ᱯᱷᱚᱨᱢᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱧᱩᱛᱩᱢ ᱮᱱᱨᱤᱠᱚ ᱯᱷᱚᱨᱢᱤ
ᱡᱤᱭᱚᱱ
ᱡᱟᱱᱟᱢ ᱢᱟᱺᱦᱤᱛ ᱒᱙ ᱥᱮᱯᱴᱮᱢᱵᱚᱨ ᱑᱙᱐᱑
ᱜᱩᱨ ᱢᱟᱺᱦᱤᱛ ᱒᱘ ᱱᱚᱵᱷᱮᱢᱵᱚᱨ ᱑᱙᱕᱔
ᱮᱱᱮᱢ
•Demonstrating first self-sustaining
  • Nuclear chain reaction
  • Fermi–Dirac statistics
  • Fermi paradox
  • Fermi method
  • Fermi theory of beta decay
ᱢᱟᱺᱱ ᱥᱤᱨᱯᱷᱟᱹ
*ᱢᱮᱴᱮᱣᱩᱥᱤ ᱢᱮᱰᱟᱞ (᱑᱙᱒᱖)
  • [ᱱᱚᱵᱮᱞ ᱥᱤᱨᱯᱟᱹ] (᱑᱙᱓᱘)
  • ᱦᱩᱜᱷᱮᱥ ᱢᱮᱰᱟᱞ (᱑᱙᱔᱒)
  • ᱢᱮᱰᱟᱞ ᱯᱷᱚᱨ ᱢᱮᱨᱤᱴ (᱑᱙᱔᱖)
  • ᱯᱷᱨᱟᱸᱠᱞᱤᱱ ᱢᱮᱰᱟᱞ (᱑᱙᱔᱗)

ᱨᱚᱢᱯᱷᱚᱨᱰ ᱥᱤᱨᱯᱷᱟᱹ (᱑᱙᱕᱓)

ᱮᱱᱨᱤᱠᱚ ᱯᱷᱚᱨᱢᱤ ᱫᱚ ᱤᱴᱟᱞᱤᱭᱟᱱ-ᱟᱢᱮᱨᱤᱠᱟᱱ ᱢᱤᱫ ᱡᱟᱜ ᱥᱟᱬᱮᱥᱤᱭᱟᱹ ᱠᱟᱱᱟᱭ ᱥᱟᱶᱛᱮ ᱱᱭᱩᱠᱞᱤᱭᱟᱨ ᱨᱤᱭᱟᱠᱴᱚ (1) ᱨᱤᱱᱤᱡ ᱯᱩᱭᱞᱩ ᱥᱤᱨᱡᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱓᱘ ᱥᱟᱞᱮᱨᱮ ᱡᱟᱜ ᱥᱟᱬᱮᱥ ᱨᱮ ᱱᱚᱵᱮᱞ ᱥᱤᱨᱯᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱡᱟᱜ ᱥᱟᱬᱮᱥ ᱨᱮ ᱟᱡᱟᱜ ᱮᱱᱮᱢ ᱠᱚ ᱢᱮᱱ ᱞᱮᱠᱷᱟᱱ ᱨᱮᱰᱤᱭᱚ-ᱮᱠᱴᱤᱵᱷᱤᱴᱮ, ᱠᱩᱣᱟᱱᱴᱚᱢ ᱛᱷᱤᱭᱚᱨᱤ, ᱱᱭᱩᱠᱞᱤᱭᱟᱨ ᱟᱨ ᱯᱟᱨᱴᱤᱠᱮᱞ ᱯᱷᱤᱡᱤᱠᱥ ᱟᱨ ᱥᱴᱟᱴᱤᱨᱟ ᱢᱮᱠᱟᱱᱤᱠᱥ ᱾ ᱟᱡᱟᱜ ᱯᱩᱭᱞᱩ ᱥᱮᱬᱟ ᱮᱱᱮᱢ ᱫᱚ ᱛᱟᱦᱮᱸᱠᱟᱱᱟ ᱥᱴᱟᱴᱤᱠᱟᱞ ᱢᱮᱠᱟᱱᱤᱠᱥ ᱾ ᱱᱮᱛᱟᱨ ᱦᱚᱸ ᱯᱟᱨᱴᱤᱠᱟᱞ ᱟᱡᱟᱜ ᱥᱩᱛᱩᱨᱮ ᱯᱟᱸᱡᱟᱭᱮᱫ ᱜᱮᱭᱟ ᱡᱟᱦᱟᱸᱫᱚ ᱯᱷᱮᱨᱢᱤᱭᱚᱱᱥ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱱᱨᱤᱠᱚ ᱯᱷᱚᱨᱢᱤ ᱫᱚ ᱤᱴᱟᱞᱤ ᱨᱮᱱᱟᱜ ᱨᱚᱢ ᱨᱮ ᱡᱟᱱᱟᱢ ᱞᱮᱱᱟ ᱑᱙᱐᱑ ᱥᱟᱞᱮ ᱒᱙ ᱥᱮᱯᱴᱮᱢᱵᱚᱨ ᱨᱮ ᱾ ᱩᱱᱤ ᱫᱚ ᱟᱞᱵᱚᱨᱴ ᱯᱷᱚᱨᱢᱤᱭᱤᱡ ᱛᱮᱥᱟᱨ ᱜᱤᱫᱽᱨᱟᱹᱭ ᱛᱟᱦᱮᱸᱠᱟᱱᱟ ᱾ ᱟᱡ ᱠᱷᱚᱱ ᱥᱮᱬᱟ ᱟᱡ ᱫᱟᱹᱭ ᱢᱟᱨᱤᱭᱟ, ᱩᱱᱤ ᱫᱚ ᱟᱡ ᱠᱷᱚᱱ ᱵᱟᱨ ᱥᱮᱨᱢᱟᱭ ᱥᱮᱬᱟ ᱦᱟ ᱾ ᱟᱨ ᱚᱱᱟ ᱠᱷᱚᱱ ᱥᱮᱬᱟᱭᱤᱡ ᱟᱡ ᱫᱟᱫᱟ ᱫᱚ ᱜᱤᱣᱞᱤᱭᱚ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱜᱤᱣᱞᱤᱭᱚ ᱫᱚ ᱑᱙᱑᱔ ᱨᱮ ᱵᱚᱝᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱟᱨ ᱢᱟᱨᱤᱭᱟ ᱫᱚ ‌᱑᱙᱕᱙ ᱥᱟᱞᱮᱨᱮ ᱾ ᱮᱱᱨᱤᱠᱚ ᱫᱚ ᱑᱙᱑᱘ ᱥᱟᱞᱮ ᱨᱮ ᱩᱥᱩᱞ ᱟᱥᱲᱟ ᱠᱷᱚᱱᱮ ᱥᱚᱱᱮᱨ ᱞᱮᱱᱟ ᱾ ᱟᱡ ᱫᱟᱫᱟᱭ ᱵᱚᱝᱜᱟᱭᱮᱱ ᱛᱟᱭᱚᱢ ᱟᱯᱟᱛ ᱮᱸᱜᱟᱛ ᱟᱹᱰᱤ ᱢᱚᱱᱮ ᱠᱚ ᱢᱚᱥᱨᱟ ᱜᱮ ᱠᱤᱱ ᱵᱩᱡᱷᱟᱹᱣ ᱠᱮᱜ-ᱟ ᱚᱱᱟᱛᱮ ᱟᱡ ᱫᱚ ᱥᱟᱹᱜᱤᱧ ᱨᱮ ᱛᱟᱦᱮᱸᱠᱟᱛᱮ ᱚᱞ ᱚᱪᱚ ᱦᱚᱸ ᱟᱹᱰᱤ ᱢᱩᱥᱠᱤᱞ ᱜᱮ ᱠᱤᱱ ᱵᱩᱡᱷᱟᱹᱣ ᱠᱮᱜ-ᱟ ᱾ ᱛᱚᱵᱮ ᱨᱮᱦᱚᱸ ᱯᱩᱱ ᱥᱮᱨᱢᱟ ᱞᱟᱹᱜᱤᱫ ᱵᱟᱨᱦᱮ ᱨᱮ ᱫᱚᱦᱚ ᱦᱩᱭᱟᱫ ᱠᱤᱱ ᱜᱮᱭᱟ ᱾ ᱚᱱᱟ ᱟᱥᱲᱟ ᱨᱮ ᱟᱪᱟᱫᱤᱭᱟᱹ ᱠᱚ ᱞᱟᱹᱜᱤᱫ ᱡᱚᱢ ᱧᱩ ᱟᱨ ᱛᱟᱦᱮᱸᱱ ᱞᱟᱹᱜᱤᱫ ᱫᱚ ᱡᱟᱦᱟᱸᱱ ᱠᱷᱚᱨᱚᱪ ᱜᱮ ᱵᱟᱝ ᱦᱩᱭᱩᱜ-ᱟ ᱾ ᱢᱮᱱᱠᱷᱟᱱ ᱚᱱᱟ ᱟᱥᱲᱟ ᱧᱩᱛᱩᱢ ᱚᱞ ᱞᱟᱹᱜᱤᱫ ᱵᱤᱱ ᱥᱮᱞᱮᱫ ᱵᱤᱱᱤᱰ ᱦᱩᱭᱩᱜ, ᱢᱮᱱ ᱜᱟᱱᱚᱜ-ᱟ ᱟᱹᱰᱤ ᱫᱚ ᱵᱟᱭ ᱟᱞᱜᱟ ᱦᱟ ᱾ ᱚᱱᱟ ᱵᱤᱱᱤᱰ ᱨᱮ ᱫᱚ ᱜᱟᱱᱟᱝ (essay) ᱚᱞ ᱨᱮᱱᱟᱜ ᱛᱟᱦᱮᱸᱠᱟᱱᱟ ᱟᱨ ᱚᱱᱟ ᱨᱮᱱᱟᱜ ᱥᱟᱛᱟᱢ ᱫᱚ ᱥᱯᱮᱥᱤᱯᱷᱤᱠ ᱪᱟᱨᱮᱠᱴᱟᱨᱤᱥᱴᱤᱠ ᱚᱯᱷ ᱥᱟᱶᱩᱰ ᱾ ᱑᱖ ᱥᱮᱨᱢᱟ ᱟᱹᱱᱤᱡ ᱯᱷᱚᱨᱢᱤ ᱫᱚ ᱚᱞ ᱟᱨ ᱥᱚᱞᱦᱮ ᱞᱟᱹᱜᱤᱫ-ᱮ ᱪᱷᱩᱴᱟᱹᱣᱮᱱᱟ ᱯᱟᱨᱥᱤᱭᱟᱞ ᱰᱤᱯᱷᱟᱨᱮᱱᱥᱤᱭᱟᱞ ᱤᱠᱩᱣᱮᱥᱚᱱ ᱢᱤᱫ ᱛᱷᱟᱨ-ᱛᱷᱟᱨᱟᱣᱜ ᱠᱟᱱ ᱨᱚᱰ ᱨᱮᱱᱟᱜ, ᱡᱟᱦᱟᱸ ᱯᱷᱚᱨᱤᱭᱚᱨ ᱟᱱᱟᱞᱤᱥᱤᱥ ᱨᱮ ᱞᱟᱜᱟᱛᱚᱜ-ᱟ ᱾ ᱚᱱᱟ ᱧᱮᱣ ᱠᱟᱛᱮ ᱵᱤᱱᱤᱰᱩᱭᱟᱹ ᱯᱩᱨᱩᱫᱷᱩᱞ ᱢᱟᱛᱮᱫ ᱜᱚᱢᱠᱮ ᱜᱤᱣᱞᱤᱭᱚ ᱯᱤᱴᱮᱨᱞᱤ (Giulio pitterelli) ᱟᱭᱢᱟ ᱥᱟᱨᱦᱟᱣ ᱥᱟᱶᱛᱮ ᱥᱤᱨᱯᱷᱟᱹᱭ ᱮᱢᱟᱫ ᱫᱮ ᱛᱟᱦᱮᱸᱫ ᱟᱨ ᱢᱮᱱ ᱞᱮᱫᱟᱭ ᱱᱩᱭ ᱜᱤᱫᱽᱨᱟᱹ ᱫᱚ ᱟᱜᱟᱢ ᱫᱤᱱ ᱨᱮ ᱢᱤᱫ ᱢᱟᱨᱟᱝ ᱡᱟᱜ ᱥᱟᱬᱮᱥᱤᱭᱟᱹᱭ ᱵᱮᱱᱟᱣᱜ-ᱟ ᱢᱮᱱᱛᱮ ᱾ ᱚᱱᱟ ᱵᱤᱱᱤᱰ ᱨᱮ ᱯᱷᱚᱨᱢᱤ ᱫᱚ ᱡᱚᱛᱚᱦᱚᱲ ᱠᱷᱚᱱᱮ ᱢᱟᱬᱟᱝ ᱞᱮᱱᱟ ᱾ ᱥᱮᱯᱴᱮᱢᱵᱚᱨ ᱑᱙᱓᱐ ᱥᱟᱞᱮᱨᱮ ᱡᱟᱜ ᱥᱟᱬᱮᱥ ᱰᱤᱯᱟᱨᱴᱢᱮᱸᱴ ᱨᱮ ᱥᱮᱞᱮᱫ ᱞᱮᱱᱟᱭ, ᱩᱱ ᱚᱠᱛᱚ ᱫᱚ ᱟᱪᱮᱫᱤᱭᱟᱹ ᱞᱮᱠᱟᱛᱮᱜᱮᱭ ᱛᱟᱦᱮᱸᱠᱟᱱᱟ, ᱚᱱᱟ ᱛᱟᱭᱚᱢ ᱡᱟᱜ ᱥᱟᱬᱮᱥ ᱪᱮᱛᱟᱱ ᱟᱭᱢᱟ ᱜᱮᱭᱟᱱᱮ ᱟᱨᱡᱟᱣ ᱞᱮᱫᱟ ᱾ ᱑᱙᱒᱑ ᱥᱟᱞᱮ ᱨᱮ ᱫᱚ ᱟᱡᱟᱜ ᱯᱩᱭᱞᱩ ᱥᱟᱬᱮᱥᱤᱭᱟᱹ ᱠᱟᱹᱢᱤ, ᱤᱴᱟᱞᱤᱭᱟᱱ ᱢᱤᱫ ᱯᱟᱛᱷᱟᱢ ᱱᱩᱵᱷᱚ ᱥᱤᱢᱮᱱᱴᱚ ᱨᱮ ᱩᱪᱷᱟᱹᱱ ᱞᱮᱜ ᱛᱟᱦᱮᱸᱫ ᱾

ᱵᱟᱹᱲᱛᱤ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]