ᱵᱤᱦᱩ

ᱟᱥᱟᱢ ᱨᱮ ᱵᱤᱦᱩ ᱯᱚᱨᱚᱵᱽ ᱢᱟᱱᱟᱣ

ᱵᱤᱦᱩ ( ᱤᱝᱨᱟ.ᱡᱤ : Bihu) ᱟᱥᱟᱢ ᱨᱮᱭᱟᱜ ᱡᱟ.ᱛᱨᱤᱭᱟ. ᱯᱚᱨᱚᱵᱽ ᱠᱟᱱᱟ।ᱟᱥᱟᱢ ᱥᱟᱶᱛᱮ ᱟᱫᱚᱢ ᱟᱫᱚᱢ ᱥᱩᱨ- ᱥᱩᱯᱩᱨ ᱯᱚᱱᱚᱛ ᱠᱚᱨᱮ ᱦᱚ' ᱵᱤᱦᱩ ᱥᱮ ᱵᱤᱦᱩ ᱞᱮᱠᱟᱱᱟᱜ ᱯᱚᱨᱚᱵᱽ ᱠᱚ ᱯᱚᱨᱚᱵᱚᱜ-ᱟ ।ᱵᱤᱦᱩ ᱫᱚ ᱡᱚᱛᱚ ᱡᱟ.ᱛ , ᱯᱟ.ᱨᱥᱤ , ᱫᱷᱚᱨᱚ ᱨᱮᱱ ᱦᱚᱲ ᱢᱤᱫ ᱥᱟᱶ ᱛᱮ ᱠᱚ ᱯᱚᱨᱚᱵᱚᱜ-ᱟ । ᱱᱚᱣᱟ ᱫᱚ ᱟᱥᱚᱠᱟᱭ ᱛᱮ ᱪᱟᱥᱚᱜ ᱥᱟᱶ ᱡᱚᱲᱟᱣ ᱯᱚᱨᱚᱵᱽ ᱠᱟᱱᱟ । ᱟᱥᱟᱢ ᱨᱮ ᱢᱟᱱᱟᱣᱚᱜ ᱠᱟᱱ ᱵᱤᱦᱩ ᱫᱚ ᱯᱮᱭᱟᱜ-ᱟ : ᱵᱚᱦᱟᱜᱽ ᱵᱤᱦᱩ ᱥᱮ ᱨᱚᱝᱟᱞᱤ ᱵᱤᱦᱩ, ᱠᱟᱛᱤ ᱵᱤᱦᱩ ᱥᱮ ᱠᱟᱝᱟᱞᱤ ᱵᱤᱦᱩ ᱟᱨ ᱢᱟᱜᱷ ᱵᱤᱦᱩ ᱥᱮ ᱵᱷᱚᱜᱟᱞᱤ ᱵᱤᱦᱩ।

ᱵᱤᱦᱩ ᱟ.ᱲᱟ. ᱨᱮᱭᱟᱜ ᱚᱢᱚᱱ

'ᱵᱤᱦᱩ' ᱟ.ᱲᱟ. ᱚᱢᱚᱱᱚᱜ ᱨᱮᱭᱟᱜ ᱟᱭᱢᱟ ᱞᱟ.ᱭ ᱪᱟᱞ ᱟᱜᱩ ᱠᱟᱛᱷᱟ ᱢᱮᱱᱟᱜ-ᱟ, ᱢᱮᱱᱠᱷᱟᱱ ᱚᱠᱟ ᱴᱟᱜ ᱜᱮ ᱡᱚᱛᱚ ᱦᱚᱲ ᱢᱚᱱᱮ ᱠᱩᱥᱤ ᱞᱮᱠᱟᱱᱟᱜ ᱫᱚ ᱵᱟᱝ । ᱟᱫᱚᱢ ᱯᱚᱱᱰᱤᱛ ᱠᱚ ᱞᱟ.ᱭ ᱮᱫᱟ ᱵᱟᱝᱢᱟ ᱥᱚᱝᱥᱠᱨᱤᱛ ᱟ.ᱲᱟ. ' ' ' ᱵᱤᱥᱩᱵᱚᱛ' ' ' ᱠᱷᱚᱱ ᱚᱢᱚᱱ ᱟᱠᱟᱱᱟ । ᱥᱤᱧ ᱟᱨ ᱧᱤᱱᱫᱟ. ᱥᱚᱢᱟᱱ ᱦᱤᱞᱚᱜ ᱟᱜ ᱵᱤᱥᱩᱵᱚᱛ ᱢᱮᱱ ᱛᱮᱠᱚ ᱢᱮᱛᱟᱜ ᱠᱟᱱᱟ ৷ ᱟᱫᱚᱢ ᱦᱚᱲ ᱠᱚ ᱞᱟ.ᱭ ᱮᱫᱟ , ᱵᱤᱦᱩ ᱫᱚ ᱵᱚᱞᱮ ᱛᱟᱭ ᱯᱟ.ᱨᱥᱤ ᱨᱮᱛᱟᱜ ' ᱵᱟ.ᱭ ' ( ᱫᱮᱣᱟ- ᱥᱮᱣᱟ) ᱟᱨ 'ᱦᱩ' ( ᱜᱟ.ᱭ ) ᱱᱚᱮᱟ ᱵᱟᱨᱭᱟ ᱟ.ᱲᱟ. ᱠᱷᱚᱱ ᱚᱢᱚᱱ ᱟᱠᱟᱱᱟ । ᱟᱨᱦᱚ' ᱡᱚᱭᱠᱟᱱᱛᱚ ᱜᱚᱱᱫᱷᱤᱭᱟᱭ ᱞᱟ.ᱭ ᱟᱠᱟᱫᱟ ᱵᱟᱝ ᱢᱟ ᱛᱟᱭ - ᱟᱦᱩᱢ ' ᱯᱚᱭ - ᱦᱩ ' ᱟ.ᱲᱟ. ᱠᱷᱚᱱ ᱟ.ᱯᱷᱤᱨ ᱦᱮᱡ ᱟᱠᱟᱱᱟ |

ᱵᱚᱦᱟᱜ ᱵᱤᱦᱩ ᱥᱮ ᱨᱚᱝᱟᱞᱤ ᱵᱤᱦᱩ

ᱵᱚᱦᱟᱜᱽ ᱵᱤᱦᱩ ᱫᱚ ᱨᱚᱝᱟᱞᱤ ᱵᱤᱦᱩ ᱦᱚ' ᱠᱚ ᱢᱮᱛᱟᱣᱟᱜ ᱜᱮᱭᱟ , ᱱᱚᱣᱟ ᱫᱚ ᱟᱯᱨᱤᱞ ᱪᱟᱱᱫᱚ ᱛᱟᱞᱟ ᱢᱟᱞᱟ ᱨᱮ ᱠᱚ ᱯᱚᱨᱚᱵᱚᱜ-ᱟ , ᱵᱚᱦᱟᱜᱽ ᱵᱤᱦᱩ ᱜᱮ ᱟᱥᱟᱢ ᱨᱮᱭᱟᱜ ᱢᱩᱞ ᱵᱤᱦᱩ ᱠᱟᱱᱟ। ᱛᱤᱱ ᱨᱮ ᱥᱤᱨᱡᱚᱱ ᱨᱮᱭᱟᱜ ᱱᱟᱣᱟ ᱢᱩᱴᱷᱟ.ᱱ ᱯᱷᱩᱴᱮᱞ ᱨᱟᱠᱟᱵᱚᱜ-ᱟ , ᱩᱱ ᱨᱮ ᱫᱤᱥᱚᱢ ᱨᱮᱱ ᱱᱮ- ᱦᱚᱲ ᱠᱚᱫᱚ ᱱᱚᱣᱟ ᱫᱤᱱ ᱨᱮᱠᱚ ᱦᱮᱥᱮᱡ ᱥᱮᱠᱮᱡᱚᱜ-ᱟ । ᱨᱚᱝᱟᱞᱤ ᱵᱤᱦᱩ ᱫᱚ ᱡᱩᱮᱟ.ᱱ ᱨᱮᱭᱟᱜ ᱯᱚᱨᱚᱵᱽ ᱦᱚᱠᱩ ᱢᱮᱛᱟᱣᱟᱜ ᱜᱮᱭᱟ । ᱡᱩᱣᱟ.ᱱ ᱠᱚᱲᱟ ᱠᱩᱲᱤ ᱠᱚᱫᱚ ᱧᱤᱱᱫᱟ. ᱵᱤᱦᱩ ᱟᱠᱷᱲᱥ ᱨᱮ ᱟᱯᱱᱟᱨ ᱨᱮᱱ ᱡᱤᱭᱚᱱ ᱡᱩᱨᱤ ᱠᱚ ᱯᱟᱱᱛᱮ ᱡᱚᱝᱟ । ᱪᱟᱥ ᱟᱵᱟᱫᱽ ᱞᱟᱠᱪᱟᱨ ᱠᱷᱚᱱ ᱮᱦᱚᱵ ᱠᱟᱛᱮ ᱱᱚᱝᱠᱟᱱ ᱯᱚᱨᱚᱵᱽ ᱫᱚ ᱦᱮᱡ ᱟᱠᱟᱱᱟ । ᱵᱚᱦᱟᱜᱽ ᱥᱮ ᱨᱚᱝᱟᱞᱤ ᱵᱤᱦᱩ ᱢᱤᱫ ᱞᱮᱛᱟᱲ ᱮᱭᱟᱭ ᱢᱟᱦᱟ ᱠᱚ ᱯᱚᱨᱚᱵᱚᱜ-ᱟ। ᱫᱤᱱᱟ.ᱢ ᱫᱤᱱ ᱵᱤᱦᱩ ᱨᱮᱭᱟᱜ ᱡᱩᱫᱟ. ᱡᱩᱫᱟ. ᱧᱩᱛᱩᱢ ᱢᱮᱱᱟᱜ-ᱟ।ᱱᱚᱣᱟ ᱫᱚ ᱮᱭᱟᱭ ᱵᱤᱦᱩ ᱦᱚᱠᱚ ᱢᱮᱛᱟᱜ ᱜᱮᱭᱟ । ᱯᱟ.ᱦᱤᱞ ᱫᱚ ᱜᱟ.ᱭ ᱵᱤᱦᱩ ᱤᱱᱟ. ᱛᱟᱭᱚᱢ ᱢᱟᱱᱣᱟ ᱵᱤᱦᱩ, ᱛᱤ ᱵᱤᱦᱩ, ᱫᱩᱞᱟ.ᱲ ᱵᱤᱦᱩ, ᱢᱟᱡᱤᱣ ᱵᱤᱦᱩ , ᱨᱚᱝᱟᱞᱤ ᱵᱤᱦᱩ ᱟᱨ ᱢᱩᱪᱟᱫ ᱦᱤᱞᱚᱜ ᱫᱚ ᱪᱮᱨᱟ ᱵᱤᱦᱩ । ᱯᱨᱚᱢᱚᱯᱩᱛᱨᱚ ᱩᱛᱛᱟ.ᱨ ᱱᱟᱠᱷᱟ ᱨᱮ ᱢᱤᱫᱫᱤᱱ ᱫᱚ ' ᱜᱚ'ᱥᱟ'ᱭ ᱵᱤᱦᱩ' ᱧᱩᱛᱩᱢ ᱛᱮ ᱠᱚ ᱯᱚᱨᱚᱵᱚᱜ-ᱟ।

ᱠᱟᱛᱤ ᱵᱤᱦᱩ ᱥᱮ ᱠᱚᱝᱟᱞᱤ ᱵᱤᱦᱩ

ᱠᱟᱨᱛᱤᱠ ᱥᱚᱝᱠᱨᱟᱱᱛᱤ ᱦᱤᱞᱚᱜ ᱠᱟᱛᱤ ᱵᱤᱦᱩ ᱠᱚ ᱢᱟᱱᱟᱣᱟ ৷ ᱱᱤᱭᱟ. ᱠᱚ ᱫᱤᱱ ᱨᱮ ᱦᱩᱲᱩ ᱨᱚᱦᱚᱭ ᱨᱟᱠᱟᱵ ᱡᱚᱛᱚ ᱦᱚᱲᱟᱜ ᱜᱷᱟᱨᱚᱧᱡᱽ ᱨᱮ ᱜᱮ ᱡᱚᱢᱟᱜ ᱨᱮᱭᱟᱜ ᱟᱠᱟᱞ ᱛᱟᱦᱮᱱᱟ৷ ᱚᱱᱟ ᱛᱮ ᱱᱚᱣᱟ ᱵᱤᱦᱩ ᱫᱚ ᱠᱚᱝᱟᱞᱤ ᱥᱮ ᱠᱟᱝᱟᱞ ᱥᱮ ᱨᱮᱝᱜᱮᱡ ᱵᱤᱦᱩ ᱦᱚᱠᱚ ᱛᱮᱛᱟᱣᱟᱜ ᱜᱮᱭᱟ৷ ᱱᱚᱣᱟ ᱵᱤᱦᱩ ᱨᱮ ᱛᱩᱞᱥᱤ ᱯᱚᱦᱟ ᱨᱚᱦᱚᱭ ᱠᱟᱛᱮ ᱥᱤᱝᱜᱟ.ᱲ ᱵᱮᱲᱟ ᱫᱤᱣᱦᱟ: ᱡᱮᱨᱮᱫ ᱠᱟᱛᱮ ᱱᱟᱟᱢ ᱥᱮᱨᱮᱧ ᱠᱚ ᱥᱮᱨᱮᱧᱟ , ᱨᱟᱪᱟ ᱵᱮᱲᱦᱟᱭ ᱛᱮ ᱟᱨ ᱦᱩᱲᱩ ᱜᱚᱰᱟ ᱨᱮ ᱫᱤᱣᱦᱮ ᱠᱚ ᱡᱮᱨᱮᱫᱟ৷

ᱢᱟᱜᱽ ᱵᱤᱦᱩ ᱥᱮ ᱵᱷᱚᱜᱟᱞᱤ ᱵᱤᱦᱩ

ᱢᱟᱜᱽ ᱪᱟᱱᱫᱚ ᱨᱮ ᱜᱷᱚᱜᱟᱞᱤ ᱵᱤᱦᱩ ᱥᱮ ᱢᱟᱜᱽ ᱠᱚ ᱯᱚᱨᱚᱵᱚᱜ-ᱟ। ᱜᱷᱚᱜᱟᱞᱤ ᱟ.ᱲᱟ. ᱫᱚ ᱜᱷᱚᱜᱽ ᱥᱮ ᱡᱚᱢ - ᱧᱩ ᱠᱷᱚᱱ ᱦᱮᱡ ᱟᱠᱟᱱᱟ । ᱱᱚᱣᱟ ᱵᱤᱦᱩ ᱫᱚ ᱯᱮ ᱢᱟᱦᱟ ᱦᱟ.ᱵᱤᱡ ᱠᱚ ᱯᱚᱨᱚᱵᱚᱜ-ᱟ। ᱯᱩᱥ ᱪᱟᱱᱫᱚ ᱨᱮᱱᱟᱜ ᱥᱚᱝᱠᱨᱟᱱᱛᱤ ᱦᱤᱞᱚᱜ ᱥᱤᱝᱜᱟ.ᱲ ᱵᱮᱲᱟ ᱡᱟᱦᱟ ᱫᱚ ᱩᱨᱩᱠᱟ ᱠᱚ ᱢᱮᱛᱟᱜ ᱠᱟᱱᱟ, ᱠᱚᱲᱟ ᱠᱚᱫᱚ ᱜᱟᱰᱟ ᱯᱟᱨᱚᱢ ᱨᱮ ᱢᱮᱡᱤ ᱵᱮᱱᱟᱣ ᱠᱟᱛᱮ ᱟᱛᱟᱨᱟᱜ-ᱟ ᱠᱚ । ᱧᱤᱱᱫᱟ. ᱵᱮᱲᱟ ᱫᱚ ᱢᱮᱡᱤ ᱵᱮᱲᱟᱦᱟᱭ ᱛᱮ ᱡᱟᱨᱣᱟ ᱠᱟᱛᱮ ᱵᱤᱦᱩ ᱠᱚ ᱥᱮᱨᱮᱧᱟ , ᱰᱷᱚᱞ , ᱯᱮᱯᱟ ᱮᱱᱟᱢ ᱛᱮᱭᱟᱜ ᱠᱚ ᱨᱩ ᱚᱨᱚᱝᱟ ᱟᱨ ᱠᱚ ᱡᱚᱢ ᱧᱩᱭᱟ।