ᱚᱝ ᱥᱟᱸ ᱥᱩ ᱠᱭᱤ
| |
| ᱧᱩᱛᱩᱢ | ᱚᱝ ᱥᱟᱸ ᱥᱩ ᱠᱭᱤ |
|---|---|
| ᱡᱟᱱᱟᱢ ᱢᱟᱦᱟᱸ | ᱑᱗ ᱥᱮᱯᱴᱮᱢᱵᱚᱨ ᱑᱙᱕᱐ |
| ᱟᱯᱟᱛ | ᱩᱱᱝ ᱥᱟᱸ |
| ᱮᱸᱜᱟᱛ | ᱠᱦᱤᱱ ᱠᱩᱤ |
| ᱫᱤᱥᱚᱢ | ᱢᱭᱟᱢᱟᱨ |
| ᱢᱚᱱᱛᱨᱤ ᱛᱷᱚᱠ | ᱢᱟᱨᱟᱝ ᱢᱚᱱᱛᱨᱤ(᱖ ᱮᱯᱨᱤᱞ ᱒᱐᱑᱖) |
.jpg)
ᱚᱝ ᱥᱟᱸ ᱥᱩᱠᱭᱤ (/aʊŋˌsæn.suːˈtʃiː/; Burmese: အောင်ဆန်းစုကြည်; MLCTS: aung hcan: cu. krany Burmese pronunciation: [àʊɴ sʰáɴ sṵ tɕì]; ᱡᱟᱱᱟᱢ ᱑᱙ ᱡᱩᱱ ᱑᱙᱔᱕) ᱢᱤᱫ ᱵᱚᱨᱢᱤᱡᱽ ᱨᱟᱡᱟᱹᱨᱤ ᱦᱚᱲ , ᱠᱩᱴᱱᱤᱛᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱱᱳᱵᱮᱞ ᱥᱤᱨᱯᱟᱹ (᱑᱙᱙᱑) ᱦᱟᱢᱮᱴᱤᱭᱟᱹ ᱠᱟᱱᱟᱭ ᱾ᱱᱮᱥᱱᱟᱞ ᱞᱤᱜᱽ ᱯᱷᱳᱨ ᱰᱮᱢᱳᱠᱨᱟᱥᱤ ᱨᱤᱱᱤᱡ ᱟᱹᱜᱩᱣᱟᱹᱱ , ᱯᱩᱭᱞᱩ ᱯᱚᱱᱚᱛ ᱠᱟᱣᱱᱥᱮᱞᱚᱨ, ᱯᱩᱭᱞᱩ ᱠᱩᱲᱤ ᱵᱤᱫᱮᱥ ᱢᱚᱱᱛᱨᱤ , ᱒᱐᱑᱒ᱼ᱒᱐᱑᱖ ᱫᱷᱟᱹᱵᱤᱡ ᱠᱟᱣᱦᱢᱩ ᱱᱟᱜᱟᱨ ᱨᱤᱱᱤᱡ ᱥᱟᱝᱥᱚᱫᱽ ᱮ ᱛᱟᱦᱮᱸ ᱠᱟᱱᱟ ᱾ ᱱᱟᱦᱟᱜ ᱢᱤᱭᱟᱢᱟᱨ ᱫᱤᱥᱚᱢ ᱨᱤᱱᱤᱡ ᱟᱯᱟᱛ ᱚᱝ ᱥᱟᱸᱭᱤᱡ ᱦᱩᱰᱤᱧ ᱦᱚᱯᱚᱱ ᱮᱨᱟ ᱚᱝ ᱥᱟᱸ ᱥᱩ ᱠᱭᱤ, ᱚᱝ ᱥᱟᱸ ᱥᱩ ᱠᱭᱤ ᱵᱨᱤᱴᱤᱥ ᱵᱚᱨᱢᱟ ᱨᱮᱱᱟᱜ ᱨᱟᱱᱜᱩᱱ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱮᱴᱟᱜ ᱵᱚᱨᱢᱤᱡᱽ ᱧᱩᱛᱩᱢ ᱞᱮᱠᱟ ᱚᱝ ᱥᱟᱸ ᱥᱩ ᱠᱭᱤ ᱦᱚᱸ ᱢᱩᱪᱟᱹᱫ ᱧᱩᱛᱩᱢ ᱫᱚ ᱵᱟᱹᱱᱩᱜ ᱟᱹᱱᱤᱡ, "ᱚᱝ ᱥᱟᱸ" ᱫᱚ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱠᱷᱚᱱ ᱟᱡ ᱜᱚᱲᱚᱢ ᱟᱭᱳ ᱴᱷᱮᱱ ᱠᱷᱚᱱ "ᱥᱩ" ᱟᱨ ᱟᱡ ᱟᱭᱳ ᱴᱷᱮᱱ ᱠᱷᱚᱱ "ᱠᱭᱤ" ᱟᱹᱲᱟᱹ ᱟᱹᱜᱩ ᱠᱟᱛᱮᱫ ᱟᱡᱟᱜ ᱧᱩᱛᱩᱢ ᱵᱮᱱᱟᱣ ᱟᱠᱟᱱᱟ[᱑] ᱾
ᱵᱚᱨᱢᱤᱡᱽ ᱠᱚᱫᱚ ᱟᱡ " ᱫᱚ ᱚᱝ ᱥᱟᱸ ᱥᱩ ᱠᱭᱤ" ᱠᱚ ᱦᱚᱦᱚ ᱟᱭᱟ ᱾ ᱱᱚᱰᱮ "ᱫᱚ" ᱨᱮᱱᱟᱜ ᱢᱮᱱᱮᱛ ᱫᱚ "ᱠᱟᱹᱠᱤ" ᱵᱚᱱ ᱵᱩᱡᱷᱟᱹᱣᱜᱼᱟ ᱾ ᱱᱚᱣᱟ ᱫᱚ ᱢᱤᱫ ᱢᱟᱹᱱ ᱠᱟᱱᱟ , ᱛᱟᱞᱟᱨᱮ ᱛᱟᱞᱟᱨᱮ ᱟᱡ "ᱟᱢᱟᱭ ᱥᱩ" (ᱟᱭᱳ ᱥᱩ) ᱦᱚᱸ ᱠᱚ ᱦᱚᱦᱚ ᱟᱭᱟ
᱑᱙᱖᱔ ᱥᱟᱞ ᱨᱮ ᱫᱤᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱑᱙᱖᱘ ᱥᱟᱞ ᱨᱮ ᱚᱠᱥᱯᱷᱳᱨᱰ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮ ᱯᱟᱥ ᱠᱮᱫᱼᱟᱭ ᱾ ᱚᱱᱟ ᱛᱟᱭᱚᱢ ᱭᱩᱱᱟᱭᱴᱮᱰ ᱱᱮᱥᱚᱱ ᱨᱮ ᱯᱮ ᱥᱮᱨᱢᱟ ᱞᱟᱹᱜᱤᱫ ᱮ ᱪᱟᱹᱠᱨᱤ ᱞᱮᱫᱼᱟ ᱾ ᱑᱙᱗᱒ ᱥᱟᱞ ᱨᱮ ᱟᱡ ᱢᱟᱭᱠᱮᱞ ᱟᱨᱤᱥ ᱥᱟᱞᱟᱜ ᱮ ᱵᱟᱯᱞᱟ ᱮᱱᱟ, ᱟᱹᱠᱤᱱ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱛᱟᱹᱠᱤᱱ ᱛᱟᱦᱮ ᱠᱟᱱᱟ ᱾ ᱑᱙᱘᱘ ᱥᱟᱞ ᱛᱮ ᱟᱡᱟᱜ ᱫᱤᱥᱚᱢ ᱟᱨ ᱨᱟᱡᱽ ᱟᱹᱨᱤ ᱨᱮ ᱮᱱᱮᱢ ᱟᱹᱰᱤ ᱜᱟᱹᱠᱷᱩᱲ ᱤᱫᱤ ᱮᱱᱟᱭ ᱾ ᱚᱱᱟ ᱥᱮᱨᱢᱟ ᱡᱩᱱᱛᱟ ᱢᱤᱞᱤᱴᱟᱨᱤ ᱥᱚᱨᱠᱟᱨᱟᱜ ᱠᱟᱹᱢᱤ ᱡᱟᱦᱟᱸ ᱡᱤᱨᱟᱹᱣ ᱟᱠᱟᱱ ᱟᱨᱢᱤ ᱟᱢᱟᱹᱞᱤᱭᱟᱹ ᱠᱚ ᱵᱟᱠᱚ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ ᱩᱱᱠᱩ ᱛᱩᱞᱩᱡ ᱱᱮᱥᱱᱟᱞ ᱞᱤᱜᱽ ᱚᱯᱷ ᱰᱮᱢᱳᱠᱨᱟᱥᱤ (NLD) ᱵᱮᱱᱟᱣ ᱠᱮᱫ ᱟᱭ ᱟᱨ ᱚᱱᱟ ᱨᱤᱱᱤᱡ ᱡᱚᱜᱽ ᱥᱩᱛᱨᱮᱛ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱑᱙᱙᱐ ᱨᱮᱱᱟᱜ ᱵᱟᱪᱷᱚᱱ ᱨᱮ ᱮᱱ ᱮᱞ ᱰᱤ ᱘᱑% ᱴᱷᱟᱶ ᱮ ᱟᱢᱮᱴ ᱟᱱ ᱛᱟᱦᱮᱸᱫ ᱤᱠᱷᱟᱹᱱ ᱵᱚᱨᱢᱟ ᱨᱤᱱᱤᱡ ᱢᱤᱞᱤᱴᱟᱨᱤ ᱥᱚᱨᱠᱟᱨ ᱟᱠᱚ ᱥᱚᱨᱠᱟᱨ ᱵᱮᱱᱟᱣ ᱞᱟᱹᱜᱤᱫ ᱵᱟᱭ ᱟᱲᱟᱜ ᱟᱫ ᱠᱚᱣᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱚᱸᱰᱮ ᱥᱮᱬᱟ ᱮᱯᱮᱨᱦᱮᱰᱮᱡ ᱦᱩᱭ ᱮᱱᱟ ᱾ ᱩᱱ ᱡᱚᱦᱚᱜ ᱟᱡ ᱠᱚ ᱡᱤᱦᱚᱞ ᱠᱮᱫᱮᱭᱟ ᱑᱙᱘᱙ ᱠᱷᱚᱱ ᱒᱐᱑᱐ ᱫᱷᱟᱹᱵᱤᱡ ᱟᱡ ᱡᱟᱹᱥᱛᱤ ᱚᱠᱛᱚ ᱚᱲᱟᱜ ᱨᱮ ᱡᱤᱦᱚᱞ ᱠᱟᱛᱮᱫ ᱠᱚ ᱫᱚᱦᱚ ᱞᱮᱫᱮᱭᱟ ᱾
ᱟᱡᱟᱜ ᱨᱟᱡᱟᱹᱨᱤ ᱫᱚᱞ ᱒᱐᱑᱐ ᱨᱮᱱᱟᱜ ᱵᱟᱪᱷᱚᱱ ᱮ ᱵᱚᱭᱠᱚᱴ ᱠᱮᱫᱼᱟ ᱡᱟᱦᱟᱸ ᱠᱷᱟᱹᱛᱤᱨ ᱒᱐᱑᱒ ᱨᱮᱱᱟᱜ ᱫᱚᱥᱟᱨ ᱵᱟᱪᱷᱚᱱ ᱨᱮ ᱢᱤᱞᱤᱴᱟᱨᱤ ᱥᱚᱨᱠᱟᱨ ᱵᱤᱨᱩᱫᱷᱨᱮ ᱟᱹᱰᱤ ᱵᱟᱹᱲᱛᱤ ᱜᱮ ᱡᱤᱛᱠᱟᱹᱨ ᱮ ᱧᱟᱢ ᱠᱮᱫᱼᱟ ᱾ ᱚᱝ ᱥᱟᱸ ᱥᱩ ᱠᱤ ᱯᱭᱤᱛᱷᱩ ᱦᱩᱞᱛᱟᱹᱭ ᱨᱤᱱᱤᱡ ᱥᱟᱝᱥᱚᱫᱽ ᱮ ᱦᱩᱭ ᱮᱱᱟ ᱟᱨ ᱟᱡᱟᱜ ᱫᱚᱲ ᱔᱕ ᱠᱷᱚᱱ ᱔᱓ ᱴᱤ ᱥᱤᱴ ᱛᱮ ᱫᱟᱲᱮ ᱮᱱᱟᱭ ᱾ ᱒᱐᱑᱕ ᱨᱮᱱᱟᱜ ᱘᱖% ᱟᱥᱮᱢᱵᱽᱞᱤ ᱥᱤᱴ ᱮ ᱫᱟᱲᱮ ᱮᱱᱟ | ᱡᱟᱦᱟᱸ ᱯᱨᱮᱥᱤᱰᱮᱱᱥᱤᱭᱟᱞ ᱮᱞᱮᱠᱴᱳᱨᱟᱞ ᱠᱚᱞᱮᱡᱽ ᱨᱮ ᱟᱯᱱᱟᱨ ᱯᱚᱥᱚᱸᱫᱽ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱟᱨ ᱩᱯᱚ ᱨᱟᱥᱴᱨᱚᱯᱚᱛᱤ ᱵᱟᱪᱷᱚᱱ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱥᱤᱴ ᱠᱷᱚᱱ ᱖᱗% ᱡᱟᱹᱥᱛᱤᱭᱟ ᱾ ᱟᱹᱱᱟᱹᱨᱤ ᱨᱮ ᱢᱮᱱᱟᱜ ᱢᱤᱫ ᱟᱹᱨᱤ ᱡᱟᱦᱟᱸᱨᱮ ᱚᱞ ᱟᱠᱟᱱᱟ ᱡᱟᱦᱟᱸᱭ ᱵᱟᱦᱨᱮ ᱫᱤᱥᱚᱢ ᱨᱤᱱ ᱦᱚᱲ ᱥᱟᱞᱟᱜ ᱠᱚ ᱡᱟᱶᱟᱭ ᱠᱚᱜᱼᱟ ᱩᱱᱠᱩ ᱫᱚ ᱵᱟᱠᱚ ᱨᱟᱥᱴᱨᱚᱯᱚᱛᱤ ᱫᱟᱲᱮᱭᱟᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱚᱝ ᱥᱟᱸ ᱥᱩ ᱠᱤ ᱨᱟᱥᱴᱨᱚᱯᱚᱛᱤ ᱞᱟᱹᱜᱤᱫ ᱫᱚᱭ ᱵᱟᱨᱚᱱ ᱜᱮ ᱛᱟᱦᱮᱸᱫ ᱾ ᱟᱡ ᱮ ᱵᱷᱟᱹᱵᱤᱛ ᱞᱮᱫᱼᱟ ᱱᱟᱣᱟ ᱜᱮ ᱵᱮᱱᱟᱣ ᱟᱠᱟᱱ ᱯᱚᱱᱚᱛ ᱠᱟᱣᱱᱥᱮᱞᱚᱨ ᱦᱚᱸ ᱯᱨᱚᱫᱷᱟᱱ ᱢᱚᱱᱛᱨᱤ ᱞᱮᱠᱟᱱ ᱥᱮᱬᱟ ᱯᱚᱫᱽ ᱠᱟᱱᱟ ᱡᱟᱦᱟᱸᱨᱮ ᱟᱡ ᱫᱤᱥᱚᱢ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱵᱟᱹᱲᱛᱤ ᱜᱮ ᱜᱚᱲᱚᱭ ᱮᱢ ᱫᱟᱲᱮᱭᱟᱜᱼᱟ ᱾ ᱑᱙᱙᱑ ᱥᱟᱞ ᱨᱮ ᱚᱝ ᱥᱟᱸ ᱥᱩ ᱠᱤ ᱱᱳᱵᱮᱞ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱼᱟ ᱾ ᱴᱟᱭᱤᱢ ᱢᱟᱜᱟᱡᱤᱱ ᱚᱝ ᱥᱟᱸ ᱥᱩ ᱠᱤ ᱜᱟᱱᱫᱷᱤ ᱭᱤᱡ ᱜᱤᱫᱽᱨᱟᱹ ᱞᱮᱠᱟ ᱛᱮᱠᱚ ᱢᱟᱹᱱ ᱟᱫᱮ ᱛᱟᱦᱮᱸᱫ[᱒] , ᱟᱨ ᱥᱟᱱᱛᱤ ᱨᱤᱱᱤᱡ ᱯᱤᱰᱷᱤ ᱠᱟᱱᱟᱭ ᱾
ᱟᱡ ᱯᱚᱱᱚᱛ ᱠᱟᱶᱱᱥᱮᱞᱚᱨ ᱛᱟᱦᱮᱸᱱ ᱦᱤᱞᱚᱜ ᱠᱷᱚᱱ ᱨᱟᱠᱷᱤᱱᱮ ᱯᱚᱱᱚᱛ ᱨᱮ ᱨᱳᱦᱤᱸᱜᱤᱭᱟ ᱨᱤᱱ ᱦᱚᱲ ᱡᱤᱦᱚᱞ ᱤᱫᱤ ᱠᱟᱛᱮᱫ ᱪᱮᱫ ᱦᱚᱸ ᱵᱟᱝ ᱠᱟᱹᱢᱤ, ᱟᱨ ᱢᱤᱭᱟᱢᱟᱨ ᱨᱤᱱᱤᱡ ᱢᱤᱞᱤᱴᱟᱨᱤ ᱥᱚᱨᱠᱟᱨ ᱦᱚᱲ ᱮ ᱜᱚᱡ ᱞᱮᱫ ᱠᱚ ᱛᱟᱦᱮᱸᱫ ᱚᱱᱟ ᱠᱟᱛᱷᱟ ᱚᱱᱟ ᱵᱟᱝ ᱥᱤᱠᱟᱹᱨ ᱟᱨ ᱰᱚᱜᱚᱨᱤᱭᱟᱹ ᱠᱚᱣᱟᱜ ᱡᱤᱦᱚᱨ ᱱᱤᱭᱟᱹ ᱠᱚ ᱠᱷᱟᱹᱛᱤᱨ ᱟᱹᱰᱤ ᱵᱟᱹᱲᱛᱤ ᱡᱮᱜᱮᱛ ᱡᱟᱠ ᱠᱷᱚᱱ ᱨᱚᱲ ᱮ ᱟᱸᱡᱚᱢ ᱞᱮᱫᱼᱟ ᱾[᱓]