ᱚᱠᱴᱚᱯᱚᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱚᱠᱴᱚᱯᱚᱥ
ᱢᱮᱥᱨᱮᱡ ᱚᱠᱛᱚ: Early Pennsylvanian – Recent[᱑]
The common octopus, Octopus vulgaris.
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ e
Kingdom: Animalia
Phylum: Mollusca
Class: Cephalopoda
Superorder: Octopodiformes
Order: Octopoda
Leach, 1818[᱒]
Suborders
Synonyms
  • Octopoida
    Leach, 1817[᱓]

ᱚᱠᱴᱚᱯᱚᱥ ᱫᱚ ᱥᱟᱹᱢᱩᱫᱽ ᱵᱟᱝᱢᱟ ᱫᱚᱨᱭᱟ ᱨᱮ ᱛᱟᱦᱮᱸᱱ ᱠᱟᱱ ᱢᱤᱫ ᱫᱟᱜ ᱡᱤᱭᱟᱹᱞᱤ ᱠᱟᱱᱟ ᱠᱚ ᱾ ᱵᱟᱨ ᱥᱟᱭ ᱠᱷᱚᱱᱟᱜ ᱵᱤᱥᱛᱤ ᱡᱟᱹᱛᱤ ᱨᱮᱱ ᱚᱠᱴᱚᱯᱚᱥ ᱜᱚᱴᱟ ᱡᱮᱜᱮᱛ ᱨᱮᱭᱟᱜ ᱫᱚᱨᱭᱟ ᱨᱮᱠᱚ ᱧᱮᱞᱚᱜᱼᱟ ᱾ ᱒ ᱤᱸᱪ ᱠᱷᱚᱱᱟᱜ ᱓᱒ ᱯᱷᱩᱴ ᱦᱟᱹᱵᱤᱡ ᱡᱤᱞᱤᱧ ᱚᱠᱴᱚᱯᱚᱥ ᱡᱮᱜᱮᱛ ᱡᱟᱠᱟᱛ ᱨᱮ ᱢᱮᱱᱟᱜ ᱠᱚᱣᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱱᱩᱠᱩ ᱫᱚ ᱫᱚᱨᱭᱟ ᱨᱮ ᱔᱘᱐᱐ ᱢᱤᱴᱚᱨ ᱜᱷᱟᱹᱛᱤᱨ ᱨᱮ ᱠᱚ ᱫᱟᱬᱟ ᱵᱟᱲᱟᱭᱟ ᱾ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱨᱮ ᱡᱮᱜᱮᱛ ᱨᱮᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱚᱠᱴᱚᱯᱚᱥ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩᱣᱟᱜ ᱟᱠᱟᱨ ᱫᱚ ᱑᱖ ᱯᱷᱩᱴ ᱟᱨ ᱚᱡᱚᱱ ᱫᱚ ᱑᱑᱐ ᱯᱟᱣᱩᱸᱰ ᱠᱷᱚᱱᱟᱜ ᱵᱤᱥᱛᱤᱭᱟ ᱾ ᱟᱸᱡᱚᱢ ᱞᱟᱹᱜᱤᱫ ᱦᱟᱦᱟᱲᱟ ᱟᱹᱭᱠᱟᱹᱣᱜ ᱠᱟᱱ ᱨᱮᱦᱚᱸ ᱚᱠᱴᱚᱯᱚᱥᱟᱜ ᱡᱤᱞ ᱫᱚ ᱵᱷᱩᱢᱚᱫᱷᱭᱚᱥᱟᱜᱚᱨ ᱟᱨ ᱮᱥᱤᱭᱟ ᱢᱟᱦᱟᱫᱮᱥ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱤᱞᱟᱹᱠᱟ ᱨᱮᱠᱚ ᱡᱚᱢ ᱜᱮᱭᱟ ᱾

ᱚᱠᱴᱚᱯᱚᱥᱟᱜ ᱫᱚ ᱵᱟᱨᱭᱟ ᱢᱮᱫ ᱟᱨ ᱤᱨᱟᱹᱞ ᱜᱚᱴᱟᱝ ᱛᱤ ᱢᱮᱱᱟᱜᱼᱟ ᱾ ᱱᱩᱠᱩ ᱫᱚ ᱟᱹᱰᱤ ᱚᱠᱛᱚ ᱨᱮ ᱱᱤᱡᱚᱨ ᱡᱟᱜᱟ ᱨᱮᱜᱮ ᱛᱷᱤᱨ ᱛᱷᱟᱨ ᱠᱚ ᱛᱟᱦᱮᱸ ᱠᱚᱜᱼᱟ ᱾ ᱫᱟᱜ ᱨᱮ ᱫᱟᱬᱟᱱ ᱡᱚᱦᱚᱜ ᱛᱤ ᱫᱚᱠᱚ ᱛᱤᱭᱟᱹᱨ ᱛᱟᱠᱚᱣᱟ ᱾ ᱥᱤᱞ, ᱦᱚᱣᱮᱞᱥ ᱵᱟᱝᱢᱟ ᱥᱟᱨᱠ ᱞᱮᱠᱟᱱ ᱡᱤᱭᱟᱹᱞᱤ ᱴᱷᱮᱱ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱱᱩᱠᱩ ᱫᱚ ᱠᱟᱹᱲᱤ ᱞᱮᱠᱟᱱ ᱛᱚᱨᱚᱞ ᱡᱤᱱᱤᱥ ᱫᱟᱜ ᱨᱮᱠᱚ ᱟᱲᱟᱜᱟ ᱾ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱨᱮ ᱢᱮᱱᱟᱜ ᱠᱚ ᱢᱟᱨᱟᱝ ᱢᱟᱨᱟᱝ ᱚᱠᱴᱚᱯᱚᱥ ᱱᱚᱝᱠᱟᱱ ᱛᱚᱨᱚᱞ ᱡᱤᱱᱤᱥ ᱟᱲᱟᱜ ᱠᱟᱛᱮ ᱫᱟᱜ ᱠᱚ ᱵᱚᱰᱮᱭᱟ ᱾ ᱫᱟᱜ ᱵᱚᱰᱮ ᱚᱴᱚ ᱠᱟᱛᱮ ᱟᱫᱚ ᱥᱤᱠᱟᱹᱨᱤ ᱡᱤᱭᱟᱹᱞᱤ ᱠᱷᱚᱱ ᱠᱚ ᱫᱟᱹᱲ ᱯᱩᱪᱩᱡᱚᱜᱼᱟ ᱾ ᱚᱱᱟ ᱵᱚᱰᱮ ᱫᱟᱜ ᱨᱮ ᱚᱠᱴᱚᱯᱚᱥ ᱞᱮᱠᱟᱱ ᱩᱢᱩᱞ ᱛᱮᱭᱟᱨᱚᱜᱼᱟ ᱾ ᱚᱱᱟ ᱧᱮᱞᱛᱮ ᱥᱤᱠᱟᱹᱨᱤ ᱠᱚ ᱵᱷᱮᱣᱱᱟᱜᱼᱟ ᱾

ᱚᱱᱠᱟ ᱜᱮ ᱞᱤᱞ ᱜᱷᱮᱨᱚᱣᱟᱱ ᱚᱠᱴᱚᱯᱚᱥ ᱫᱚ ᱫᱩᱠᱷᱤᱱ ᱚᱥᱴᱨᱮᱞᱤᱭᱟ ᱨᱮᱭᱟᱜ ᱫᱚᱨᱭᱟ ᱨᱮᱠᱚ ᱧᱮᱞᱚᱜᱼᱟ ᱾ ᱱᱩᱠᱩᱣᱟᱜ ᱟᱠᱟᱨ ᱫᱚ ᱥᱩᱢᱩᱝ ᱔ ᱠᱷᱚᱱ ᱖ ᱥᱮᱱᱴᱤᱢᱤᱴᱚᱨ ᱦᱟᱹᱵᱤᱡ ᱛᱟᱦᱮᱸᱱᱟ ᱾ ᱟᱠᱟᱨ ᱛᱮᱠᱚ ᱦᱩᱰᱤᱧ ᱨᱮᱦᱚᱸ ᱱᱩᱠᱩ ᱡᱟᱹᱛᱤ ᱨᱮᱱ ᱚᱠᱴᱚᱯᱚᱥ ᱫᱚ ᱮᱴᱟᱜ ᱚᱠᱴᱚᱯᱚᱥ ᱠᱷᱚᱱ ᱪᱟᱞᱟᱠ ᱟᱨ ᱠᱚ ᱵᱚᱛᱚᱨᱟᱱ ᱜᱮᱭᱟ ᱾ ᱱᱩᱠᱩᱣᱟᱜ ᱩᱞᱤᱫᱟᱜ ᱨᱮᱫᱚ ᱵᱤᱥ ᱦᱚᱸ ᱢᱮᱱᱟᱜᱼᱟ ᱾ ᱡᱟᱦᱟᱸᱭ ᱮ ᱜᱮᱨ ᱠᱚ ᱥᱟᱶᱛᱮ ᱵᱤᱥ ᱫᱚ ᱥᱚᱸᱜᱮ ᱯᱟᱥᱱᱟᱣ ᱜᱚᱫᱚᱜᱼᱟ ᱾ ᱡᱟᱦᱟᱸᱭ ᱚᱠᱴᱚᱯᱚᱥᱟᱜ ᱵᱤᱥ ᱵᱚᱞᱚ ᱟᱫᱮ ᱠᱷᱟᱱ ᱟᱫᱚ ᱥᱟᱦᱮᱫ ᱤᱫᱤ ᱨᱮ ᱮᱴᱠᱮᱴᱚᱬᱮᱭ ᱟᱹᱭᱠᱟᱹᱣᱟ ᱟᱨ ᱮ ᱜᱩᱡᱩᱜᱼᱟ ᱾ ᱞᱤᱞ ᱜᱷᱮᱨᱟᱣ ᱢᱮᱱᱟᱜ ᱚᱠᱴᱚᱯᱚᱥᱟᱜ ᱵᱤᱥ ᱛᱮᱫᱚ ᱢᱟᱹᱱᱢᱤ ᱦᱚᱸᱠᱚ ᱜᱚᱡ ᱫᱟᱲᱮᱭᱟᱜ ᱜᱮᱭᱟ ᱾ [᱔][᱕]

ᱚᱠᱴᱚᱯᱚᱥ ᱫᱚ ᱜᱟᱹᱦᱤᱨ ᱫᱟᱜ ᱨᱮᱜᱮ ᱛᱟᱦᱮᱸᱱ ᱵᱷᱟᱹᱜᱤ ᱠᱚ ᱟᱹᱭᱠᱟᱹᱣᱟ ᱾ ᱤᱠᱷᱟᱹᱱ ᱛᱤᱱᱟᱹᱜ ᱡᱟᱹᱛᱤ ᱨᱤᱱ ᱚᱠᱴᱚᱯᱚᱥ ᱫᱚ ᱜᱟᱹᱦᱤᱨ ᱫᱟᱜ ᱠᱷᱚᱱ ᱚᱰᱚᱠ ᱠᱟᱛᱮ ᱦᱟᱱᱛᱮ ᱱᱷᱟᱛᱮ ᱠᱚ ᱫᱟᱬᱟ ᱵᱟᱲᱟᱭᱟ ᱾ ᱜᱤᱫᱟᱹᱨ ᱚᱠᱴᱚᱯᱚᱥ ᱦᱚᱸ ᱟᱭᱳᱣᱟᱜ ᱡᱚᱛᱚᱱ ᱵᱟᱠᱚ ᱞᱟᱹᱠᱛᱤᱭᱟᱜᱼᱟ ᱾ ᱡᱟᱱᱟᱢᱚᱜ ᱥᱟᱶᱛᱮ ᱜᱮ ᱩᱱᱠᱩ ᱫᱚ ᱟᱭᱳ ᱵᱟᱹᱜᱤ ᱠᱟᱛᱮ ᱦᱟᱱᱛᱮ ᱱᱷᱟᱛᱮ ᱠᱚ ᱫᱟᱬᱟ ᱵᱟᱲᱟᱭᱟ ᱾ ᱜᱤᱫᱟᱹᱨ ᱚᱠᱴᱚᱯᱚᱥ ᱫᱚ ᱮᱴᱟᱜ ᱦᱩᱰᱤᱧ ᱡᱤᱭᱟᱹᱞᱤ ᱥᱟᱶ ᱜᱟᱛᱮ ᱠᱟᱛᱮ ᱠᱚ ᱫᱟᱬᱟ ᱵᱟᱲᱟᱭᱟ ᱾ ᱛᱤᱱᱟᱹᱜ ᱪᱟᱸᱫᱚ ᱱᱚᱝᱠᱟ ᱫᱟᱬᱟ ᱵᱟᱲᱟᱭ ᱛᱟᱭᱚᱢ ᱟᱫᱚ ᱠᱚ ᱥᱮᱬᱟᱜᱼᱟ ᱾ [᱖][᱗]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://or.wikipedia.org/wiki/%E0%AC%85%E0%AC%95%E0%AD%8D%E0%AC%9F%E0%AD%8B%E0%AC%AA%E0%AC%B8

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱪᱷᱟᱸᱪ:Cite doi
  2. ITIS Report: Octopoda Leach, 1818
  3. Helsinki.fi, Mikko's Phylogeny Archive: Coleoidea – Recent cephalopods
  4. "Archive copy". Archived from the original on 2013-02-06. Retrieved 2019-08-23.{{cite web}}: CS1 maint: archived copy as title (link)
  5. http://a-z-animals.com/animals/octopus/
  6. http://www.ypte.org.uk/animal/octopus-common-/148
  7. "Archive copy". Archived from the original on 2013-06-13. Retrieved 2019-08-23.{{cite web}}: CS1 maint: archived copy as title (link)

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]