ᱚᱢᱟᱞᱟ ᱥᱚᱝᱠᱚᱨ
| ᱚᱢᱟᱞᱟ ᱥᱚᱝᱠᱚᱨ | |
|---|---|
 ᱒᱐᱑᱑ ᱨᱮ ᱚᱢᱟᱞᱟ ᱥᱚᱝᱠᱚᱨ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱢᱟᱞᱟ ᱱᱚᱱᱫᱤ ᱒᱗ ᱡᱩᱱ ᱑᱙᱑᱙ ᱢᱟᱜᱩᱨᱟ ᱦᱚᱱᱚᱛ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒᱔ ᱡᱩᱞᱟᱭ ᱒᱐᱒᱐ (ᱩᱢᱮᱨ ᱑᱐᱑ ᱥᱮᱨᱢᱟ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ | ᱮᱱᱮᱡ ᱨᱩᱥᱤᱠᱟ, ᱠᱷᱮᱞᱚᱸᱰᱟᱹᱱᱤ |
| ᱠᱟᱹᱢᱤ ᱚᱠᱛᱚ | ᱑᱙᱔᱘ |
| ᱡᱤᱭᱚᱱ ᱥᱚᱦᱮᱫ |
|
| ᱦᱚᱯᱚᱱ | ᱟᱱᱚᱱᱫᱚ ᱥᱚᱝᱠᱚᱨ, ᱢᱚᱢᱚᱛᱟ ᱥᱚᱝᱠᱚᱨ |
| ᱟᱯᱟᱛ ᱮᱸᱜᱟᱛ | ᱚᱠᱷᱚᱭ ᱠᱩᱢᱟᱨ ᱱᱚᱱᱫᱤ (ᱟᱯᱟᱛ) |
ᱚᱢᱟᱞᱟ ᱥᱚᱝᱠᱚᱨ (ᱡᱟᱱᱟᱢ ᱱᱚᱱᱫᱤ; ᱒᱗ ᱡᱩᱱ ᱑᱙᱑᱙ - ᱒᱔ ᱡᱩᱞᱟᱭ ᱒᱐᱒᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱱᱮᱡ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱮᱱᱮᱡ ᱨᱩᱥᱤᱠᱟ ᱟᱨ ᱠᱚᱨᱤᱭᱚᱜᱨᱟᱯᱷᱚᱨ ᱩᱫᱚᱭ ᱥᱚᱝᱠᱚᱨ ᱨᱤᱱᱤᱡ ᱵᱟᱹᱦᱩ ᱟᱨ ᱥᱮᱨᱮᱧ ᱨᱩᱥᱤᱠᱟ ᱟᱱᱚᱱᱫᱚ ᱥᱚᱝᱠᱚᱨ ᱟᱨ ᱮᱱᱮᱡ ᱨᱩᱥᱤᱠᱟ ᱢᱚᱢᱚᱛᱟ ᱥᱚᱝᱠᱚᱨ (ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱷᱮᱞᱚᱸᱰᱟᱹᱱᱤ ᱵᱮᱱᱟᱣ ᱮᱱᱟᱭ) ᱨᱤᱱ ᱟᱭᱳ ᱠᱟᱱᱟᱭ ᱾[᱒] ᱟᱨ ᱥᱮᱨᱮᱧ ᱨᱩᱥᱤᱠᱟ ᱨᱚᱵᱤ ᱥᱚᱝᱠᱚᱨ ᱨᱤᱱᱤᱡ ᱦᱤᱞᱤ ᱛᱮᱫ ᱮ ᱛᱟᱦᱮᱸ ᱠᱟᱱᱟ ᱾[᱓][᱔] ᱚᱢᱟᱞᱟ ᱥᱚᱝᱠᱚᱨ ᱫᱚ ᱠᱚᱞᱯᱚᱱᱟ ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱼᱟ, ᱡᱟᱦᱟᱸ ᱫᱚ ᱟᱡ ᱡᱟᱶᱟᱭ ᱩᱫᱚᱭ ᱥᱚᱝᱠᱚᱨ ᱦᱚᱛᱮᱛᱮ ᱚᱞ, ᱯᱨᱚᱰᱭᱩᱥ ᱟᱨ ᱰᱟᱭᱨᱮᱠᱴ ᱟᱠᱟᱱᱟ ᱾ ᱩᱱᱤ ᱫᱚ ᱒᱔ ᱡᱩᱞᱟᱭ ᱒᱐᱒᱐ ᱥᱩᱠᱨᱚᱵᱟᱨ ᱦᱤᱞᱚᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱠᱚᱞᱠᱟᱛᱟ ᱨᱮ ᱑᱐᱑ ᱥᱮᱨᱢᱟ ᱩᱢᱮᱨ ᱨᱮᱭ ᱵᱚᱸᱜᱟ ᱛᱟᱞᱟ ᱭᱮᱱᱟ ᱾[᱕]
ᱡᱤᱭᱚᱱ ᱪᱩᱨᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱢᱟᱞᱟ ᱥᱚᱝᱠᱚᱨ ᱫᱚ ᱚᱢᱟᱞᱟ ᱱᱚᱱᱫᱤ ᱞᱮᱠᱟᱛᱮ ᱒᱗ ᱡᱩᱱ ᱑᱙᱑᱙ ᱥᱟᱞᱮ ᱨᱮ ᱵᱟᱴᱟᱡᱳᱨ ᱟᱹᱛᱩ, ᱢᱟᱜᱩᱨᱟ ᱦᱚᱱᱚᱛ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱵᱟᱝᱞᱟᱫᱮᱥ) ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱚᱠᱷᱚᱭ ᱠᱩᱢᱟᱨ ᱱᱚᱱᱫᱤ ᱫᱚᱭ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱡᱮ ᱟᱡ ᱨᱤᱱ ᱜᱤᱫᱽᱨᱟᱹ ᱠᱚ ᱫᱚ ᱯᱨᱚᱠᱨᱤᱛᱤ ᱟᱨ ᱟᱹᱛᱩ ᱫᱤᱥᱚᱢ ᱨᱮ ᱨᱟᱹᱥᱠᱟᱹ ᱠᱚ ᱫᱚᱦᱚᱭ ᱢᱟ ᱾[᱖] ᱑᱙᱓᱑ ᱥᱟᱞᱮ ᱨᱮ, ᱡᱚᱠᱷᱚᱱ ᱩᱱᱤ ᱑᱑ ᱥᱮᱨᱢᱟ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ, ᱩᱱ ᱡᱚᱦᱚᱜ ᱩᱱᱤ ᱯᱮᱨᱤᱥ ᱨᱮ ᱤᱱᱴᱚᱨᱱᱮᱥᱱᱟᱞ ᱠᱚᱞᱚᱱᱤᱭᱟᱞ ᱮᱠᱡᱤᱵᱤᱥᱚᱱ ᱨᱮᱭ ᱪᱟᱞᱟᱣ ᱞᱮᱱᱟ ᱾ ᱚᱸᱰᱮ ᱩᱱᱤ ᱩᱫᱚᱭ ᱥᱚᱝᱠᱚᱨ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱾ ᱚᱱᱟ ᱚᱠᱛᱚ ᱨᱮ ᱚᱢᱟᱞᱟ ᱫᱚ ᱢᱤᱫ ᱯᱷᱨᱚᱠ ᱮ ᱦᱚᱨᱚᱜ ᱞᱮᱫ ᱛᱟᱦᱮᱸᱫ ᱾ ᱩᱫᱚᱭ ᱥᱚᱝᱠᱚᱨ ᱟᱡ ᱟᱭᱳ ᱦᱮᱢᱚᱝᱜᱤᱱᱤ ᱫᱮᱵᱤ ᱫᱚ ᱩᱱᱤ ᱦᱚᱨᱚᱜ ᱞᱟᱹᱜᱤᱫ ᱢᱤᱫ ᱥᱟᱹᱲᱤᱭ ᱮᱢᱟᱫᱮ ᱛᱟᱦᱮᱸᱫ ᱾ ᱩᱱᱤ ᱫᱚ ᱩᱫᱚᱭ ᱥᱚᱝᱠᱚᱨ ᱟᱜ ᱮᱱᱮᱡ ᱫᱚᱞ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱡᱮᱜᱮᱛ ᱡᱟᱠᱟᱛ ᱨᱮ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱠᱮᱫᱼᱟ ᱾[᱒]
᱑᱙᱓᱙ ᱥᱟᱞᱮ ᱨᱮ ᱡᱚᱠᱷᱚᱱ ᱩᱱᱤ ᱪᱮᱱᱱᱟᱭ ᱨᱮ ᱩᱫᱚᱭ ᱥᱚᱝᱠᱚᱨ ᱟᱜ ᱮᱱᱮᱡ ᱫᱚᱞ ᱥᱟᱶ ᱮ ᱛᱟᱦᱮᱸ ᱠᱟᱱᱟ, ᱢᱤᱫ ᱫᱤᱱ ᱧᱤᱫᱟᱹ ᱩᱫᱚᱭ ᱥᱚᱝᱠᱚᱨ ᱫᱚ ᱚᱢᱟᱞᱟ ᱴᱷᱮᱱ ᱦᱮᱡ ᱮᱱᱟ ᱟᱨ ᱵᱟᱯᱞᱟ ᱨᱮᱱᱟᱜ ᱠᱟᱛᱷᱟᱭ ᱢᱮᱱ ᱠᱮᱫᱼᱟ ᱾[᱗] ᱩᱫᱚᱭ ᱥᱚᱝᱠᱚᱨ ᱫᱚ ᱑᱙᱔᱒ ᱨᱮ ᱚᱢᱟᱞᱟ ᱥᱟᱶ ᱮ ᱵᱟᱯᱞᱟ ᱮᱱᱟ ᱾[᱗] ᱩᱱᱠᱤᱱᱤᱡ ᱯᱩᱭᱞᱩ ᱦᱚᱯᱚᱱ ᱟᱱᱚᱱᱫᱚ ᱥᱚᱝᱠᱚᱨ ᱫᱚ ᱰᱤᱥᱮᱢᱵᱚᱨ ᱑᱙᱔᱒ ᱨᱮᱭ ᱡᱟᱱᱟᱢ ᱞᱮᱱᱟ ᱾[᱘] ᱩᱱᱠᱤᱱᱤᱡ ᱦᱚᱯᱚᱱ ᱮᱨᱟ ᱢᱚᱢᱚᱛᱟ ᱥᱚᱝᱠᱚᱨ ᱫᱚ ᱡᱟᱱᱩᱣᱟᱨᱤ ᱑᱙᱕᱔ ᱨᱮᱭ ᱡᱟᱱᱟᱢ ᱞᱮᱱᱟ ᱾[᱙] ᱩᱫᱚᱭ ᱥᱚᱝᱠᱚᱨ ᱟᱨ ᱚᱢᱟᱞᱟ ᱥᱚᱝᱠᱚᱨ ᱫᱚ ᱟᱹᱰᱤ ᱫᱤᱱ ᱫᱷᱟᱹᱵᱤᱡ ᱢᱤᱫ ᱧᱩᱛᱩᱢᱟᱱ ᱮᱱᱮᱡ ᱡᱩᱲᱤ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ, ᱛᱟᱭᱚᱢ ᱛᱮ ᱩᱫᱚᱭ ᱥᱚᱝᱠᱚᱨ ᱫᱚ ᱟᱡᱟᱜ ᱫᱚᱞ ᱨᱤᱱᱤᱡ ᱢᱤᱫ ᱠᱩᱲᱤ ᱥᱟᱶ ᱥᱟᱹᱜᱟᱹᱭ ᱡᱚᱲᱟᱣ ᱮᱱ ᱛᱟᱭᱟ ᱟᱨ ᱩᱱᱤ ᱫᱚ ᱚᱢᱟᱞᱟ ᱵᱮᱜᱚᱨ ᱜᱮ ᱪᱚᱱᱰᱟᱞᱤᱠᱟ ᱭ ᱯᱨᱚᱰᱭᱩᱥ ᱠᱮᱫᱼᱟ ᱾[᱒] ᱩᱫᱚᱭ ᱥᱚᱝᱠᱚᱨ ᱫᱚ ᱑᱙᱗᱗ ᱨᱮᱭ ᱵᱚᱸᱜᱟ ᱛᱟᱞᱟ ᱭᱮᱱᱟ ᱾ ᱢᱩᱪᱟᱹᱫ ᱛᱤᱱᱟᱹᱜ ᱥᱮᱨᱢᱟ ᱫᱚ, ᱱᱚᱣᱟ ᱡᱩᱲᱤ ᱵᱷᱮᱜᱟᱨ ᱨᱮᱠᱤᱱ ᱛᱟᱦᱮᱸ ᱠᱟᱱᱟ ᱾[᱒] ᱒᱐᱑᱒ ᱫᱷᱟᱹᱵᱤᱡ, ᱚᱢᱟᱞᱟ ᱥᱚᱝᱠᱚᱨ ᱫᱚ ᱠᱟᱹᱢᱤ ᱨᱮᱜᱮᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡᱤᱡ ᱦᱚᱯᱚᱱ ᱮᱨᱟ ᱢᱚᱢᱚᱛᱟ ᱟᱨ ᱠᱤᱢᱤᱱ ᱛᱟᱭ ᱛᱚᱱᱩᱥᱨᱤ ᱥᱚᱝᱠᱚᱨ ᱥᱟᱶ ᱥᱚᱝᱠᱚᱨ ᱜᱷᱟᱨᱚᱸᱡᱽ ᱮ ᱡᱤᱣᱤᱫ ᱫᱚᱦᱚ ᱟᱠᱟᱫᱼᱟ ᱾[᱒] ᱩᱱᱤ ᱫᱚ ᱨᱚᱵᱤ ᱥᱚᱝᱠᱚᱨ ᱤᱡ ᱦᱤᱞᱤ ᱛᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱥᱤᱛᱟᱨ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾[᱑᱐] ᱙᱐ ᱥᱮᱨᱢᱟ ᱩᱢᱮᱨ ᱫᱷᱟᱹᱵᱤᱡ ᱠᱟᱹᱢᱤ ᱨᱮ ᱛᱟᱦᱮᱸ ᱠᱟᱛᱮ, ᱩᱱᱤᱭᱟᱜ ᱢᱩᱪᱟᱹᱫ ᱩᱫᱩᱜ ᱥᱚᱫᱚᱨ ᱫᱚ ᱙᱒ ᱥᱮᱨᱢᱟ ᱩᱢᱮᱨ ᱨᱮ ᱮᱱᱮᱡ ᱱᱟᱴᱚᱠ 'ᱥᱤᱛᱟ ᱥᱚᱭᱚᱢᱵᱚᱨ' ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱨᱟᱡᱟ ᱡᱚᱱᱚᱠ ᱟᱜ ᱪᱩᱨᱤᱛ ᱮ ᱯᱟᱴ ᱞᱮᱫᱼᱟ ᱾[᱑᱑]
ᱠᱚᱞᱯᱚᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱢᱟᱞᱟ ᱥᱚᱝᱠᱚᱨ ᱫᱚ ᱠᱚᱞᱯᱚᱱᱟ (᱑᱙᱔᱘) ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱱᱚᱣᱟ ᱯᱷᱤᱞᱢ ᱫᱚ ᱩᱫᱚᱭ ᱥᱚᱝᱠᱚᱨ ᱮ ᱚᱞ, ᱯᱨᱚᱰᱭᱩᱥ ᱟᱨ ᱰᱟᱭᱨᱮᱠᱴ ᱟᱠᱟᱫᱼᱟ, ᱡᱟᱦᱟᱸᱭ ᱫᱚ ᱯᱷᱤᱞᱢ ᱨᱮ ᱦᱚᱸᱭ ᱧᱮᱞ ᱟᱠᱟᱱᱟ ᱾ ᱚᱢᱟᱞᱟ ᱫᱚ ᱩᱢᱟ ᱦᱟᱜ ᱪᱩᱨᱤᱛ ᱨᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱚᱢᱟᱞᱟ ᱥᱚᱝᱠᱚᱨ ᱫᱚ ᱒᱐᱑᱒ ᱨᱮᱱᱟᱜ ᱠᱟᱱᱥ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱥᱮᱞᱮᱫ ᱞᱮᱱᱟᱭ ᱡᱟᱦᱟᱸ ᱨᱮ ᱱᱚᱣᱟ ᱯᱷᱤᱞᱢ ᱫᱚ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱚᱢᱟᱞᱟ ᱥᱚᱝᱠᱚᱨ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮᱭ ᱢᱮᱱ ᱞᱮᱫᱼᱟ– "᱒᱐᱑᱒ ᱠᱟᱱᱥ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ... ᱤᱧ ᱫᱚ ᱠᱟᱱᱥ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱᱤᱡ ᱯᱷᱤᱞᱢ ᱥᱴᱟᱨ ᱤᱧ ᱛᱟᱦᱮᱸ ᱠᱟᱱᱟ... ᱤᱧ ᱫᱚ ᱘᱑ ᱥᱮᱨᱢᱟ ᱛᱟᱭᱚᱢ ᱠᱟᱱᱥ ᱛᱮᱧ ᱨᱩᱣᱟᱹᱲ ᱦᱮᱡ ᱟᱠᱟᱱᱟ..."[᱗]
ᱯᱷᱤᱞᱢᱳᱜᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱯᱷᱤᱞᱢ | ᱰᱟᱭᱨᱮᱠᱴᱚᱨ | ᱜᱚᱲᱚ-ᱠᱷᱮᱞᱚᱸᱰᱤᱭᱟᱹ |
|---|---|---|---|
| ᱑᱙᱔᱘ | ᱠᱚᱞᱯᱚᱱᱟ | ᱩᱫᱚᱭ ᱥᱚᱝᱠᱚᱨ | ᱞᱚᱠᱷᱢᱤ ᱠᱟᱱᱛᱚ, ᱩᱫᱚᱭ ᱥᱚᱝᱠᱚᱨ |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Biography of Amala Shankar". Archived from the original on 26 January 2013. Retrieved 16 December 2012.
- 1 2 3 4 5 "Amala Shankar: The Muse". March 2012. Retrieved 16 December 2012.
- ↑ "Panditji never restricted himself to his craft alone". Asian Age. 13 December 2012. Archived from the original on 31 July 2019. Retrieved 16 December 2012.
- ↑ "Sitarist and composer Ravi Shankar has died near his home in southern California". Reuters. 12 December 2012. Archived from the original on 7 March 2016. Retrieved 16 December 2012.
- ↑ Singh, Shiv Sahay (24 July 2020). "Eminent danseuse Amala Shankar passes away at 101 in Kolkata". The Hindu (in Indian English). ISSN 0971-751X. Retrieved 24 July 2020.
- ↑ "On life with a legend". The Hindu. 1 February 2009. Archived from the original on 2 February 2009. Retrieved 16 December 2012.
- 1 2 3 "A Romantic Forever:Amala Shankar". Magna Magazines. Archived from the original on 28 January 2013. Retrieved 16 December 2012.
{{cite web}}: CS1 maint: unfit URL (link) - ↑ Sruti. P.N. Sundaresan. 1999. p. 51. Retrieved 16 December 2012.
- ↑ "Mamata Shankar biography". Mamata Shankar's website. Retrieved 16 December 2012.
- ↑ Ghosh, Dibyendu (December 1983). "Ravishankar". In Ghosh, Dibyendu (ed.). The Great Shankars. Kolkata: Agee Prakashani. p. 55. OCLC 15483971.
- ↑ "Eminent danseuse Amala Shankar passes away at 101 in Kolkata". The Hindu. Retrieved 31 July 2020.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱚᱢᱟᱞᱟ ᱥᱚᱝᱠᱚᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)