ᱚᱦᱚᱫ
ᱽ(ᱚᱦᱚᱫ)[᱑]
"ᱥᱟᱱᱛᱟᱲᱤ ᱯᱟ.ᱨᱥᱤ" ᱨᱮᱭᱟᱜ ᱪᱤᱠᱤ "ᱚᱞ ᱪᱤᱠᱤ" ᱫᱚ ᱓᱐ ᱜᱚᱴᱟᱝ ᱢᱮᱱᱟᱜᱼᱟ ᱾ ᱟᱨ ᱚᱱᱟ ᱠᱚ ᱥᱟᱶᱛᱮ ᱢᱚᱬᱮ ᱜᱚᱴᱟᱝ ᱫᱚ "ᱴᱩᱰᱟ.ᱜ ᱪᱤᱠᱤ" ᱦᱚᱸ ᱢᱮᱱᱟᱜ ᱛᱟᱵᱚᱱᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ :-
᱑. [ ᱸ ] (ᱢᱩ ᱴᱩᱰᱟᱹᱜ)
᱒. [ . ] (ᱜᱟᱹᱦᱞᱟᱹ ᱴᱩᱰᱟᱹᱜ)
᱓. [ ~ ] (ᱨᱮᱞᱟ)
᱔. [ ᱼ ] (ᱯᱷᱟᱨᱠᱟ)
᱕. [ ᱽ ] (ᱚᱦᱚᱫ)
ᱱᱚᱸᱰᱮ ᱫᱚ ᱽ (ᱚᱦᱚᱫ) ᱨᱮᱭᱟᱜ ᱵᱮᱵᱷᱟᱨ ᱟᱹᱲᱟᱹ ᱠᱚᱨᱮ ᱚᱠᱟ ᱞᱮᱠᱟ ᱦᱩᱭᱩᱜᱼᱟ, ᱚᱱᱟ ᱪᱮᱛᱟᱱ ᱨᱮ ᱱᱟᱥᱮ ᱵᱚᱱ ᱧᱮᱞᱟ ᱾
ᱽ (ᱚᱦᱚᱫ) ᱨᱮᱭᱟᱜ ᱵᱮᱵᱷᱟᱨ ᱺ-[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱮᱜᱮ ᱜᱚᱴᱟᱝ ᱚᱞ ᱪᱤᱠᱤ ᱪᱮᱛᱟᱱ ᱠᱷᱚᱱ ᱞᱟᱛᱟᱨ ᱫᱷᱟᱹᱲ ᱵᱚᱱ ᱧᱮᱞ ᱠᱷᱟᱱ, ᱛᱮᱥᱟᱨ ᱫᱷᱟᱹᱲ ᱨᱮ ᱛᱩᱨᱩᱭ ᱜᱚᱴᱟᱝ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺᱼ ᱜ, ᱡ, ᱦ, ᱫ, ᱰ, ᱟᱨ ᱵ ᱾ ᱱᱚᱶᱟ ᱛᱩᱨᱩᱭ ᱜᱚᱴᱟᱝ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱠᱚ ᱢᱟᱹᱫᱽᱨᱮ ᱦ, ᱟᱨ ᱰ ᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱞᱮᱠᱟ ᱜᱮᱭ ᱠᱟᱹᱢᱤᱭᱟ ᱾ ᱟᱨ ᱥᱟᱨᱮᱡ ᱮᱱ ᱯᱩᱱᱭᱟᱹ ᱪᱤᱠᱤ ᱜ, ᱡ, ᱫ, ᱟᱨ ᱵ ᱠᱚᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱠᱟᱱᱟ ᱾ ᱱᱚᱣᱟ ᱯᱩᱱᱭᱟᱹ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱯᱟᱨᱦᱟᱲ ᱚᱪᱚᱭ ᱞᱟᱹᱜᱤᱫ ᱛᱮᱠᱷᱟᱱ ᱚᱱᱟ ᱠᱚ ᱪᱤᱠᱤ ᱨᱮ ᱽ (ᱚᱦᱚᱫ) ᱡᱟᱯᱟᱜᱚᱜᱼᱟ ᱾ ᱡᱮᱞᱮᱠᱟ ᱺᱼ ᱜᱽ, ᱡᱽ, ᱫᱽ ᱟᱨ ᱵᱽ ᱾ ᱱᱚᱣᱟ ᱯᱩᱱᱭᱟᱹ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱵᱟᱹᱜᱤ ᱠᱟᱛᱮ ᱟᱨ ᱵᱟᱜᱮᱛᱩᱨ ᱜᱚᱴᱟᱝ ᱚᱞ ᱪᱤᱠᱤ ᱨᱮ ᱚᱠᱟ ᱨᱮᱦᱚᱸ ᱽ (ᱚᱦᱚᱫ) ᱫᱚ ᱢᱚᱴᱷᱮ ᱵᱟᱝ ᱡᱟᱯᱟᱜᱚᱜᱼᱟ ᱾
ᱟ.ᱲᱟ. ᱨᱮ ᱽ (ᱚᱦᱚᱫ) ᱨᱮᱭᱟᱜ ᱵᱮᱵᱷᱟᱨ ᱺ-[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱬᱟᱝ ᱨᱮᱜᱮ ᱢᱮᱱ ᱟᱠᱟᱱ, ᱚᱞ ᱪᱤᱠᱤ ᱟᱨᱵᱟᱝ ᱟᱹᱲᱟᱹ ᱠᱚ ᱯᱟᱨᱦᱟᱲ ᱦᱚᱪᱚᱭ ᱞᱟᱹᱜᱤᱫ ᱜᱮ ᱟᱹᱲᱟᱹᱨᱮ ᱽ ᱫᱚ ᱡᱟᱯᱟᱜᱚᱜᱼᱟ ᱾ ᱟᱹᱲᱟᱹ ᱠᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤᱨᱮ ᱢᱩᱪᱟᱹᱫᱚᱜ ᱪᱤᱠᱤᱨᱮ ᱽ ᱨᱮᱭᱟᱜ ᱵᱮᱵᱷᱟᱨ ᱺᱼ
ᱫᱟᱹᱭᱠᱟᱹ ᱺᱼ ᱰᱚᱜᱽ, ᱨᱚᱜᱽ, ᱠᱟᱨᱟᱡᱽ, ᱨᱟᱡᱽᱼᱨᱟᱯᱟᱡᱽ, ᱵᱤᱯᱚᱫᱽ, ᱫᱩᱨᱤᱵᱽ ᱾ ᱱᱚᱝᱠᱟᱱ ᱟᱹᱲᱟᱹ ᱠᱚᱨᱮ ᱫᱚ ᱽ ᱡᱟᱯᱟᱜᱟᱜ ᱮᱱᱟᱝ ᱨᱚᱲ ᱟᱲᱟᱝ ᱫᱚ ᱯᱩᱥᱴᱟᱹᱣ ᱟᱨᱵᱟᱝ ᱯᱟᱨᱦᱟᱲᱚᱜᱼᱟ ᱾
ᱟ.ᱲᱟ. ᱛᱟᱞᱟᱨᱮ ᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱹᱲᱟᱹ ᱛᱟᱞᱟᱨᱮ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱛᱚᱸᱜᱮᱨᱮ ᱨᱟᱦᱟ ᱟᱲᱟᱝ ᱛᱟᱦᱮᱸᱱ ᱠᱷᱟᱱ, ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤ ᱨᱮ ᱽ ᱫᱚ ᱵᱟᱝ ᱡᱟᱯᱟᱜᱚᱜᱼᱟ ᱾
ᱫᱟᱹᱭᱠᱟᱹ ᱺᱼ ᱰᱚᱜᱚᱨ, ᱟᱡᱟᱨ, ᱦᱤᱫᱤᱡ, ᱛᱟᱵᱮᱨ ᱮᱢᱟᱱ ᱾ ᱤᱠᱷᱟᱹᱱ ᱟᱹᱲᱟᱹ ᱛᱟᱞᱟᱨᱮ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱛᱚᱸᱜᱮᱨᱮ ᱨᱟᱦᱟ ᱟᱲᱟᱝ ᱪᱤᱠᱤ ᱵᱟᱝ ᱛᱟᱦᱮᱸᱱ ᱠᱷᱟᱱ ᱟᱹᱲᱟᱹ ᱨᱮᱭᱟᱜ ᱟᱲᱟᱝ ᱯᱟᱨᱦᱟᱲ ᱞᱟᱹᱜᱤᱫ ᱛᱮ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱪᱤᱠᱤᱨᱮ ᱽ ᱡᱟᱯᱟᱜᱚᱜ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱡᱮᱞᱮᱠᱟ ᱺᱼ ᱰᱟᱸᱜᱽᱨᱟ, ᱟᱸᱜᱽᱨᱟ, ᱪᱚᱜᱽᱞᱟ ᱨᱚᱜᱽᱲᱟᱣ ᱮᱢᱟᱱ ᱾
ᱚᱡᱽᱨᱟ, ᱟᱸᱡᱽᱞᱮ, ᱢᱟᱡᱽᱲᱟ, ᱡᱷᱟᱸᱡᱽᱲᱟ ᱮᱢᱟᱱ ᱾
ᱜᱤᱫᱽᱨᱟ., ᱫᱩᱸᱫᱽᱞᱟᱹᱣ, ᱟᱫᱽᱱᱟᱨ, ᱟᱸᱫᱽᱢᱟᱫᱟᱣ, ᱩᱫᱽᱜᱟᱹᱨ ᱮᱢᱟᱱ ᱾
ᱟᱸᱵᱽᱲᱟ, ᱨᱟᱸᱵᱽᱲᱟ, ᱠᱩᱸᱵᱽᱲᱩ, ᱡᱩᱸᱵᱽᱲᱤ, ᱠᱟᱵᱽᱨᱟ ᱮᱢᱟᱱ ᱾
ᱱᱚᱝᱠᱟᱱ ᱟᱹᱲᱟᱹ ᱨᱮ ᱽ ᱵᱟᱝ ᱡᱟᱯᱟᱜ ᱢᱮᱥᱟ ᱞᱮᱠᱷᱟᱱ ᱟᱹᱲᱟᱹ ᱨᱮᱭᱟᱜ ᱟᱲᱟᱝ ᱵᱟᱹᱲᱤᱡᱚᱜᱼᱟ ᱾
ᱟ.ᱲᱟ.ᱨᱮ ᱽ ᱵᱟᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱱᱛᱟᱲ ᱟᱲᱟᱝ ᱟᱹᱲᱟᱹᱨᱮ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱟᱹᱲᱟᱹ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱧᱮᱞᱚᱜᱼᱟ ᱾ ᱡᱟᱦᱟᱸ ᱟᱹᱲᱟᱹ ᱠᱚᱫᱚ ᱫᱩᱱᱤᱭᱟᱹ ᱨᱮᱭᱟᱜ ᱮᱴᱟᱜ ᱪᱤᱠᱤ ᱠᱚᱛᱮ ᱫᱚ ᱢᱚᱴᱷᱮ ᱜᱮ ᱵᱟᱝ ᱚᱞ ᱯᱩᱥᱴᱟᱹᱣᱜᱼᱟ ᱾ ᱚᱱᱟ ᱟᱹᱲᱟᱹ ᱨᱮᱭᱟᱜ ᱢᱩᱪᱟᱹᱫ ᱪᱤᱠᱤ ᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱪᱤᱠᱤ ᱛᱟᱦᱮᱸ ᱞᱮᱱ ᱮᱱᱟᱝ ᱟᱹᱲᱟᱹ ᱨᱮᱭᱟᱜ ᱟᱲᱟᱝ ᱫᱚ ᱯᱩᱥᱴᱟᱹᱣ ᱥᱟᱺᱦᱤᱡ ᱯᱟᱨᱦᱟᱲᱚᱜᱼᱟ ᱾ ᱡᱮᱞᱮᱠᱟ ᱺᱼ ᱡᱚᱱᱚᱜ, ᱜᱚᱜ, ᱨᱚᱜ, ᱫᱟᱜ, ᱟᱜ, ᱮᱢᱟᱱ ᱾
ᱵᱟᱹᱲᱤᱡ, ᱟᱹᱲᱤᱡ, ᱜᱩᱨᱤᱡ, ᱨᱮᱡ, ᱫᱮᱡ, ᱮᱢᱟᱱ ᱾
ᱜᱚᱫ, ᱨᱚᱫ, ᱞᱟᱹᱦᱩᱫ, ᱞᱮᱵᱮᱫ, ᱨᱮᱵᱮᱫ, ᱮᱢᱟᱱ ᱾
ᱟᱵ, ᱛᱟᱵ, ᱫᱩᱲᱩᱵ, ᱦᱟᱹᱲᱩᱵ, ᱛᱟᱹᱨᱩᱵ, ᱮᱢᱟᱱ ᱾
ᱱᱤᱭᱟᱹ ᱠᱚ ᱱᱟᱥᱮ ᱫᱷᱮᱭᱟᱱ ᱨᱮ ᱫᱚᱦᱚ ᱠᱟᱛᱮ ᱟᱹᱲᱟᱹ ᱠᱚ ᱜᱟᱵᱟᱱ ᱞᱮᱠᱷᱟᱱ ᱜᱮ ᱟᱹᱲᱟᱹ ᱨᱮ ᱽ (ᱚᱦᱚᱫ) ᱵᱮᱵᱷᱟᱨ ᱨᱮᱭᱟᱜ ᱫᱚ ᱦᱩᱲᱟᱹᱜ ᱜᱮ ᱵᱟᱝ ᱛᱟᱦᱮᱸᱱᱟ ᱾