ᱚᱱᱚᱲ
ᱚᱱᱚᱲ ᱫᱚ ᱢᱤᱫ ᱯᱩᱛᱷᱤ ᱨᱮᱭᱟᱜ ᱠᱟᱛᱷᱟ ᱠᱟᱱᱟ ᱾ ᱵᱟᱨ ᱜᱮ ᱥᱟᱭ ᱯᱮ ᱥᱟᱹᱦᱤᱛ ᱨᱮᱭᱟᱜ ᱵᱟᱜᱮ ᱵᱟᱨ ᱰᱤᱥᱮᱢ ᱵᱚᱨ ᱦᱤᱞᱚᱜ ᱨᱮᱰᱤᱭᱳ ᱠᱷᱚᱵᱚᱨ ᱠᱷᱚᱱᱚᱧ ᱵᱟᱰᱟᱭ ᱠᱮᱫᱟ ᱵᱟᱝᱢᱟ ᱥᱟᱱᱛᱟᱲᱤ ᱦᱚ ᱵᱷᱟᱨᱚᱛ ᱥᱚᱝᱵᱤᱫᱷᱟᱱ ᱨᱮ ᱥᱮ ᱦᱚᱠᱦᱤᱛ ᱨᱮᱭᱟᱜ ᱤᱨᱟᱹᱞ ᱟᱱᱟᱜ ᱛᱷᱚᱠ ᱨᱮ ᱥᱮᱞᱮᱫ ᱮᱱᱟ ᱾ ᱱᱚᱣᱟ ᱥᱟᱹᱫᱮᱥ ᱛᱮ ᱛᱤᱱᱟᱹᱜ ᱤᱧ ᱨᱟᱹᱥᱠᱟᱹ ᱮᱱᱟ , ᱩᱱᱟᱹᱜ ᱜᱮ ᱵᱷᱟᱵᱤᱛ ᱨᱤᱧ ᱦᱩᱡᱟᱝ ᱮᱱᱟ ᱾ ᱵᱷᱟᱵᱤᱛ ᱫᱚ ᱥᱟᱱᱛᱟᱲᱤ ᱨᱚᱱᱚᱲ ᱨᱮᱭᱟᱜ ᱥᱮ Grammar ᱯᱩᱛᱷᱤ ᱨᱮᱭᱟᱜ ᱫᱩᱠᱷᱟ.ᱞᱤ ᱦᱟᱞᱚᱛ ᱫᱤᱥᱟ. ᱠᱟᱛᱮ ᱾ ᱦᱩᱫᱤᱥ ᱟᱹᱪᱩᱨ ᱠᱤᱫᱟᱹᱧ ᱱᱤᱛ ᱦᱟᱵᱤᱡ ᱛᱮ ᱦᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱜᱚᱴᱟ ᱵᱩᱴᱟᱹ ᱨᱚᱱᱚᱲ ᱫᱚ ᱟᱣᱨᱤ ᱚᱞᱚᱜ ᱟ ᱾ ᱚᱱᱟ ᱛᱮ ᱜᱚᱴᱟ ᱠᱤᱫᱟᱹᱧ ᱥᱟᱱᱛᱟᱲᱤ ᱨᱚᱱᱚᱲ ᱤᱧ ᱚᱞᱟ ᱾ ᱢᱮᱱᱠᱷᱟᱱ ᱚᱞ ᱞᱟᱹᱭ ᱞᱮᱠᱷᱟᱱ ᱚᱞ ᱛᱚ ᱟᱨ ᱤᱲᱤᱡ ᱪᱤᱠᱤᱡ ᱠᱩᱭᱰᱤ ᱠᱚᱴᱮᱡ ᱫᱚ ᱵᱟᱝ ᱠᱟᱱᱟ ? ᱱᱚᱣᱟ ᱞᱟᱹᱭ ᱛᱮ ᱟᱢᱫᱟ ᱯᱩᱛᱷᱤᱢ ᱯᱟᱲᱦᱟᱣ ᱠᱮᱫᱟ ᱢᱮᱱ ᱠᱷᱟᱱ ᱮᱠᱮᱱ ᱜᱩᱨᱩ ᱜᱚᱢᱠᱮ ᱯᱚᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱟᱜ ᱚᱞ ᱨᱚᱱᱚᱲ ᱨᱮᱭᱟᱜ ᱟᱹᱲᱟᱹ ᱠᱚ ᱫᱚ ᱰᱷᱮᱨ ᱛᱮᱡ ᱜᱮ ᱡᱚᱛᱷᱟᱛ ᱟᱨ ᱨᱚᱱᱚᱲ ᱟᱹᱨᱤ ᱟᱱᱟᱜ ᱦᱩᱭ ᱟᱠᱟᱱᱟ ᱢᱮᱱ ᱛᱮᱧ ᱦᱩᱫᱤᱥ ᱠᱮᱫᱟ ᱾ ᱚᱱᱟᱛᱮ ᱜᱩᱨᱩ ᱜᱚᱢᱠᱮ ᱟᱜ ᱨᱚᱱᱚᱲ ᱟᱹᱨᱤ ᱟᱹᱲᱟᱹ ᱠᱚ ᱞᱟᱜᱟᱛ ᱠᱟᱛᱮ ᱢᱤᱫᱴᱟᱝ ᱥᱟᱱᱛᱟᱲᱤ ᱨᱚᱱᱚᱲ ᱤᱧ ᱚᱞ ᱠᱮᱫᱟ ᱾ ᱱᱚᱣᱟ ᱫᱚ ᱤᱧᱟᱜ ᱱᱟᱦᱟᱜ ᱥᱟᱱᱛᱟᱲᱤ ᱨᱚᱱᱚᱲ ᱠᱷᱟᱛᱤᱨ ᱩᱱᱤᱭᱟᱜ ᱜᱩᱱᱤᱧ ᱢᱟᱱᱟᱣ ᱠᱮᱫᱟ ᱾
ᱨᱚᱱᱚᱲ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱫᱚ ᱱᱟᱱᱟ ᱦᱩᱱᱟᱹᱨ ᱪᱤᱠᱤ ᱥᱮ ᱟᱠᱷᱚᱨ ᱛᱮ ᱚᱞ ᱪᱟᱨᱪᱟᱣ ᱟᱠᱟᱱ ᱠᱷᱟᱛᱤᱨ ᱟᱢᱫᱟ ᱟᱹᱲᱟᱹ ᱜᱟᱵᱟᱱ ᱜᱮ ᱵᱤᱱ ᱛᱤᱨᱤᱡ ᱟᱠᱟᱱᱟ ᱾ ᱚᱞ ᱪᱤᱠᱤ ᱛᱮ ᱥᱟᱱᱛᱟᱲᱤ ᱟᱹᱲᱟᱹ ᱫᱚ ᱟᱲᱟᱝ ᱞᱮᱠᱟᱛᱮ ᱜᱟᱵᱟᱱ ᱦᱩᱭᱩᱜᱼᱟ ᱾ ᱢᱟᱱᱮ ᱟᱵᱚ ᱥᱟᱱᱛᱟᱲᱤ ᱚᱠᱟ ᱞᱮᱠᱟ ᱵᱚ ᱨᱚᱲᱟ , ᱚᱱᱟ ᱞᱮᱠᱟᱜᱮ ᱟᱹᱲᱟᱹ ᱜᱟᱵᱟᱱ ᱦᱩᱭᱩᱜᱼᱟ ᱾ ᱟᱹᱲᱟᱹ ᱜᱟᱵᱟᱱ ᱚᱠᱛᱚ ᱮᱴᱟᱜ ᱟᱠᱷᱚᱨ ᱛᱮ ᱥᱟᱱᱛᱟᱲᱤ ᱟᱹᱲᱟᱹ ᱚᱠᱟ ᱞᱮᱠᱟ ᱜᱟᱵᱟᱱ ᱟᱠᱟᱱᱟ ᱾ ᱚᱱᱟ ᱟᱹᱨᱤ ᱛᱮ ᱠᱟᱲᱟ ᱞᱮᱠᱟ ᱜᱚᱭᱚᱱ ᱫᱚ ᱵᱟᱝ ᱜᱟᱱᱚᱜᱼᱟ ᱾ ᱱᱚᱛᱮ ᱥᱟᱱᱛᱟᱲᱤ ᱟᱲᱟᱝ ᱟᱹᱨᱤ ᱵᱷᱮᱱᱮᱜᱟᱨ ᱥᱮ Characteristics ᱠᱚ ᱦᱚᱸ ᱫᱤᱥᱟᱹ ᱫᱚᱦᱚ ᱡᱟᱹᱨᱩᱲᱟ ᱾
ᱟᱹᱨᱤ ᱠᱚ ᱨᱮᱭᱟᱜ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ](1) ᱥᱟᱱᱛᱟᱲᱤ ᱨᱚᱱᱚᱲ ᱫᱚ ᱵᱟᱹᱲᱛᱤ ᱜᱮ ᱜᱟᱹᱦᱞᱟᱹ ᱛᱮ ᱟᱲᱟᱝ ᱚᱜᱼᱟ ᱾ ᱱᱚᱣᱟ ᱫᱚ ᱥᱟᱱᱛᱟᱲᱤ ᱨᱚᱲ ᱨᱮᱭᱟᱜ ᱢᱤᱫ ᱢᱩᱲᱩᱛ ᱟᱨ ᱧᱩᱢᱟᱱ ᱜᱩᱱ ᱢᱟᱱ ᱠᱟᱱᱟ ᱾ ᱡᱮᱞᱮᱠᱟ - ᱞᱟᱹᱭ , ᱫᱟᱹᱭ , ᱯᱟᱹᱨᱥᱤ , ᱫᱷᱟᱹᱨᱛᱤ ᱜᱤᱫᱽᱨᱟᱹ ᱯᱟᱹᱴᱷᱩᱣᱟᱹ ᱫᱟᱹᱭᱠᱟᱹ ᱯᱟᱹᱴᱷᱭᱟᱹ ᱮᱢᱟᱱ ᱾
(2) ᱱᱚᱣᱟ ᱯᱟᱹᱨᱥᱤ ᱨᱮᱭᱟᱜ ᱟᱢᱫᱟ ᱨᱚᱲ ᱜᱮ ᱢᱩᱸ ᱛᱮ ᱟᱲᱟᱝᱚᱜᱼᱟ ᱾ ᱡᱮᱞᱮᱠᱟ - ᱤᱧ ,ᱟᱢ, ᱚᱝ, ᱧᱩᱛᱩᱢ, ᱧᱟᱯᱟᱢ, ᱟᱲᱟᱝ ,ᱪᱮᱬᱮ ,ᱥᱟᱶᱦᱮᱫ, ᱮᱢᱟᱱ ᱾
(3) ᱥᱟᱱᱛᱟᱲᱤ ᱟᱫᱚᱢ ᱟᱹᱲᱟᱹ ᱨᱮᱭᱟᱜ ᱢᱩᱪᱟᱫ ᱨᱮ ᱟᱲᱟᱝ ᱛᱟᱹᱯᱩᱜᱚᱜᱼᱟ ᱾ ᱡᱮᱞᱮᱠᱟ - ᱢᱩᱸᱡ , ᱴᱩᱠᱩᱡ, ᱞᱟᱡ, ᱨᱚᱜ ᱮᱢᱟᱱ ᱾
ᱱᱚᱰᱮ ᱫᱤᱥᱟᱹ ᱫᱚᱦᱚ ᱡᱟ.ᱨᱩᱲᱟ ᱡᱮ ᱫᱩᱬᱩᱡ ᱟᱹᱲᱟᱹ ᱨᱮᱭᱟᱜ ᱢᱩᱪᱟ.ᱫ ᱨᱮ ᱡ ᱥᱮ ᱫ ᱜᱟᱵᱟᱱ ᱡᱚᱛᱷᱟᱛ ᱟ , ᱚᱱᱟ ᱫᱚ ᱟᱸᱯᱲᱮ ᱛᱮᱜᱮ ᱵᱤᱪᱟᱹᱨ ᱜᱟᱱᱚᱜᱼᱟ ᱾ ᱥᱟᱱᱛᱟᱲᱤ ᱫᱚ ᱟᱢᱫᱟ ᱟᱹᱲᱟᱹ ᱜᱮ ᱚᱜ ᱡᱮᱞᱮᱫ ᱠᱟᱛᱮ ᱠᱟᱱᱣᱟ ᱨᱮ ᱩᱪᱟᱹᱲ ᱦᱩᱭᱩᱜᱼᱟ ᱾ ᱡᱮᱞᱮᱠᱟ - ᱫᱩᱬᱩᱡ + ᱚᱜ = ᱫᱩᱬᱩᱡᱚᱜ ᱾ ᱚᱱᱠᱟ ᱜᱮ ᱥᱟᱵ , ᱫᱟᱵ ᱨᱮᱭᱟᱜ ᱢᱩᱪᱟᱹᱫ ᱨᱮ ᱵ ᱜᱮ ᱦᱩᱭᱩᱜ ᱟ ᱯ ᱫᱚ ᱜᱟᱵᱟᱱ ᱵᱟᱝ ᱦᱩᱭᱩᱜᱼᱟ᱾
(4) ᱥᱟᱱᱛᱟᱲᱤ ᱨᱮ ᱱᱚᱝᱠᱟᱱ ᱟᱢᱫᱟ ᱟᱲᱟᱝ ᱢᱮᱱᱟᱜ ᱟ ᱡᱟᱦᱟᱸ ᱫᱚ ᱯᱩᱨᱟᱹ ᱯᱷᱚᱴᱮᱞ ᱦᱚᱸ ᱵᱟᱝ ᱟᱨ ᱯᱩᱨᱟᱹ ᱛᱟᱯᱩᱜ ᱦᱚ ᱵᱟᱝ ᱛᱟᱹᱯᱩᱜᱼᱟ ᱾ ᱚᱸᱰᱮ ᱫᱚ ᱛᱟᱹᱯᱩᱜ ᱟᱲᱟᱝ ᱥᱟᱶ ᱚᱦᱚᱫ ᱞᱟᱜᱟᱛ ᱠᱟᱛᱮ ᱟᱲᱟᱝ ᱜᱟᱵᱟᱱ ᱦᱩᱭᱩᱜᱼᱟ ᱾ ᱡᱮᱞᱮᱠᱟ - ᱫᱟᱜᱽ, ᱢᱟᱜᱽ,ᱨᱟᱜᱽ ,ᱨᱟᱡᱽ, ᱯᱚᱫᱽ, ᱥᱟᱦᱮᱵᱽ ᱟᱨ ᱦᱚᱸ ᱟᱭᱢᱟ ᱢᱮᱱᱟᱜᱼᱟ ᱾
(5) ᱥᱟᱱᱛᱟᱲᱤ ᱡᱟᱹᱥᱛᱤ ᱟᱹᱲᱟᱹ ᱜᱮ ᱟᱲᱟᱝ ᱚᱠᱛᱚ ᱟᱹᱲᱟᱹ ᱨᱮᱭᱟᱜ ᱯᱩᱭᱞᱩ ᱨᱮ ᱟᱲᱟᱝ ᱛᱟᱹᱯᱤᱥ ᱫᱚ ᱡᱟ.ᱥᱛᱤᱜ ᱟ , ᱢᱮᱱᱠᱷᱟᱱ ᱛᱟᱞᱟ ᱟᱨ ᱵᱟᱝᱠᱷᱟᱱ ᱢᱩᱪᱟ.ᱫ ᱥᱮᱫ ᱟᱲᱟᱝ ᱛᱟᱹᱯᱤᱥ ᱵᱷᱳᱭᱞᱳᱜᱼᱟ ᱾ ᱚᱱᱟ ᱛᱮ ᱢᱤᱫᱴᱟᱝ ᱟᱹᱲᱟᱹ ᱨᱚᱲ ᱠᱟᱛᱮ ᱛᱟᱭᱚᱢ ᱟᱹᱲᱟᱹ ᱥᱚᱞᱦᱮ ᱛᱮ ᱨᱚᱲ ᱦᱟᱞᱟᱝ ᱫᱟᱲᱮᱭᱟᱜ ᱠᱟᱱᱟ ᱵᱚᱱ ᱾ ᱚᱱᱠᱟ ᱠᱟᱛᱮ ᱟᱹᱭᱟᱹᱛ ᱨᱮᱭᱟᱜ ᱟᱹᱲᱟᱹ ᱠᱚ ᱞᱮᱛᱟᱲ ᱩᱛᱟᱹᱦᱩᱞᱤ ᱵᱚᱱ ᱨᱚᱲ ᱮᱫᱟ ᱾ ᱱᱚᱝᱠᱟ ᱵᱤᱸᱫᱤ ᱜᱟᱱᱟᱜ ᱞᱮᱠᱟ ᱨᱚᱲ ᱫᱟᱲᱮ ᱫᱚ ᱟᱵᱚ ᱟᱹᱲᱟᱹ ᱨᱮᱭᱟᱝ ᱟᱲᱟᱝ ᱜᱚᱲᱦᱚᱱ ᱠᱷᱚᱱ ᱵᱚᱱ ᱧᱟᱢ ᱟᱠᱟᱫᱟ ᱾ ᱚᱱᱟᱛᱮ ᱱᱚᱣᱟ ᱯᱟᱹᱨᱥᱤ ᱨᱮ ᱵᱟᱹᱲᱛᱤ ᱟᱹᱲᱟᱹ ᱜᱮ ᱢᱤᱫ ᱠᱷᱚᱱ ᱯᱩᱱ ᱢᱟᱛᱨᱟ ᱛᱟᱠᱮᱨ ᱨᱮᱭᱟᱜ ᱢᱮᱱᱟᱜᱼᱟ ᱾ ᱡᱮᱞᱮᱠᱟ - ᱤᱧ , ᱟᱢ ,ᱨᱚᱜ , ᱨᱟᱜ ᱮᱢᱟᱱ ᱾
(6) ᱟᱫᱚᱢ ᱥᱟᱱᱛᱟᱲᱤ ᱟᱹᱲᱟᱹ ᱥᱟᱶ ᱡᱟᱦᱟᱱ ᱜᱟᱹᱱᱟᱹᱴ ᱡᱚᱲᱚᱱ ᱞᱮᱠᱷᱟᱱ ᱱᱟᱣᱟ ᱟᱲᱟᱝ ᱯᱷᱳᱴᱮᱞᱚᱜ ᱟ I ᱞᱟᱦᱟ ᱟᱹᱲᱟᱹ ᱨᱮᱭᱟᱜ ᱢᱩᱪᱟᱫ ᱨᱟᱦᱟ ᱟᱲᱟᱝ ᱚ, ᱟ, ᱤ ,ᱩ, ᱮ ᱟᱨ ᱳ ᱥᱟᱶ ᱟᱜ ᱡᱮᱞᱮᱫ ᱞᱟᱦᱟ ᱟ.ᱲᱟᱝ ᱫᱚ ᱣᱟᱜ ᱠᱟᱛᱮ ᱥᱮᱞᱮᱫᱚᱜᱼᱟ ᱾ ᱡᱮᱞᱮᱠᱟ - ᱦᱚᱨᱚ + ᱟᱜ = ᱦᱚᱨᱚᱣᱟᱜ ᱮᱢᱟᱱ ᱠᱚ ᱾ ᱟᱨ ᱦᱚᱸ ᱧᱮᱞ ᱟᱠᱟᱱᱟ ᱞᱟᱦᱟ ᱟᱹᱲᱟᱹ ᱨᱮᱭᱟᱜ ᱢᱩᱪᱟ.ᱫ ᱨᱮ ᱨᱟᱦᱟ ᱟᱲᱟᱝ " ᱤ " ᱟᱨ "ᱮ" ᱥᱟᱶ ᱟᱜ ᱫᱚ "ᱭᱟᱜ " ᱠᱟᱛᱮ ᱥᱮᱞᱮᱫᱚᱜᱼᱟ ᱾ ᱡᱮᱞᱮᱠᱟ - ᱩᱱᱤ +ᱟᱜ = ᱩᱱᱤᱭᱟᱜ ᱮᱢᱟᱱ ᱠᱚ᱾
(7) ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱟᱨ ᱢᱤᱫ ᱧᱩᱢᱟᱱ ᱟᱨ ᱜᱚᱱᱚᱝ ᱟᱱ ᱜᱩᱱᱢᱟᱱ ᱫᱚ ᱜᱟᱹᱱᱟᱹᱴ ᱟᱨ ᱡᱮᱱᱮᱫ ᱯᱟᱹᱨᱤᱥ ᱟᱹᱲᱟᱹ ᱵᱮᱜᱚᱨ ᱡᱷᱚᱛᱚ ᱯᱟᱹᱨᱤᱥ ᱟᱹᱲᱟᱹ ᱥᱟᱶ " ᱚᱜ " ᱚᱜ-ᱟ " ᱟ " ᱮᱫ - ᱟ " ᱡᱮᱞᱮᱫ ᱠᱟᱛᱮ ᱠᱟᱱᱣᱟ ᱨᱮ ᱟᱹᱨᱩ ᱥᱮ ᱩᱪᱟᱹᱲᱚᱜᱼᱟ ᱾ ᱯᱟᱹᱨᱥᱤ ᱨᱮᱭᱟᱜ ᱱᱚᱣᱟ ᱜᱩᱱ ᱥᱟᱨᱦᱟᱣ ᱠᱟᱛᱮ ᱨᱮᱵᱷᱟᱨᱮᱥ ᱯᱤᱹ ᱭᱳ ᱵᱚᱰᱤᱝ ᱥᱟᱦᱮᱵ ᱮ ᱢᱮᱱ ᱞᱮᱫᱟ " Every Santhal word may function as verb " ᱱᱚᱣᱟ ᱛᱮ ᱫᱚ ᱟᱹᱭᱟᱹᱛ ᱜᱟᱵᱟᱱ ᱨᱮ ᱛᱟᱹᱦᱩ ᱪᱚᱢᱠᱚᱨᱮᱡ ᱥᱚᱲᱚᱢ ᱨᱟᱥᱟ ᱥᱮᱛᱮᱧᱚᱜᱼᱟ ᱾ ᱡᱮᱞᱮᱠᱟ - ᱦᱚᱲ + ᱚᱜ = ᱦᱚᱲᱚᱜ ᱮᱢᱟᱱ ᱠᱚ ᱾
(8) ᱥᱟᱱᱛᱟᱲᱤ ᱠᱟᱱᱣᱟ ᱫᱚ ᱟᱹᱰᱤ ᱫᱟᱲᱮ ᱟᱱᱟ ᱮᱠᱷᱮᱱ ᱠᱟᱱᱣᱟ ᱥᱩᱢᱩᱝ ᱛᱮᱜᱮ ᱟᱹᱭᱟᱹᱛ ᱜᱟᱵᱟᱱᱚᱜᱼᱟ ᱾ ᱮᱠᱷᱮᱱ ᱠᱟᱱᱣᱟ ᱜᱚᱲᱦᱚᱱ ᱥᱮ ᱢᱩᱴᱷᱟᱹᱱ ᱜᱮ ᱟᱹᱭᱟᱹᱛ ᱨᱮ ᱢᱩᱛᱟᱹᱱ ᱨᱮᱭᱟᱜ ᱩᱯᱨᱩᱢ ᱢᱮᱱᱢᱟ ᱢᱩᱛᱟᱹᱱ ᱫᱚ ᱚᱠᱟ ᱜᱚᱨᱚᱱ ᱟᱨ ᱜᱚᱴᱟᱝ ᱨᱮᱭᱟᱜ ᱠᱟᱱᱟ ᱟᱨ ᱡᱚᱛᱚᱥ ᱨᱮᱭᱟᱜ ᱜᱚᱨᱚᱱ , ᱜᱚᱴᱟᱝ ᱫᱚ ᱡᱤᱣᱤᱭᱟᱱ ᱥᱮ ᱵᱤᱱᱡᱤᱣᱤᱭᱟᱱ ᱠᱟᱱᱟ ᱟᱨ ᱱᱟᱝ ᱨᱮᱭᱟᱝ ᱠᱟᱛᱷᱟ ᱦᱚ ᱯᱷᱚᱴᱮᱞᱚᱜᱼᱟ ᱾ ᱡᱮᱞᱮᱠᱟ - " ᱛᱚᱞᱮᱫᱠᱤᱱ ᱛᱟᱦᱮᱹᱱᱟᱹᱧ " ᱱᱚᱣᱟ ᱠᱟᱱᱣᱟ ᱨᱮᱭᱟᱜ ᱢᱩᱛᱟᱹᱱ ᱫᱚ " ᱤᱧ " ᱟᱨ ᱡᱚᱛᱚᱥ ᱫᱚ ᱡᱤᱣᱤᱭᱟᱱ ᱥᱟᱹᱜᱤᱧ ᱜᱚᱨᱚᱱ ᱨᱮᱱ ᱵᱟᱨᱭᱟ ᱠᱤᱱ ᱵᱷᱩᱡᱟᱹᱜ ᱠᱟᱱᱟ ᱟᱨ ᱱᱟᱝ ᱫᱚ ᱪᱚᱞᱚᱛ ᱮᱱᱟᱝ ᱱᱟᱝ ᱨᱮᱭᱟᱜ ᱠᱟᱱᱟ ᱾
(9) ᱥᱟᱱᱛᱟᱲᱤ ᱨᱮ ᱢᱤᱫ ᱟᱲᱟᱝ ᱟᱹᱨᱩᱜ ᱵᱷᱮᱱᱮᱜᱟᱨ ᱞᱩᱛᱩᱨ ᱟᱨ ᱢᱮᱫ ᱨᱮ ᱛᱟᱨᱠᱚᱜ ᱠᱟᱱᱟ ᱾ ᱚᱱᱟ ᱫᱚ ᱨᱟᱦᱟ ᱟᱨᱟᱝ ᱤ ᱟᱨ ᱩ ᱵᱷᱳᱭᱞᱳᱝ ᱟᱹᱨᱤ ᱠᱟᱱᱟ ᱾ ᱢᱟᱹᱱᱢᱤ ᱫᱚ ᱟᱱᱟᱴ ᱟᱲᱟᱝ ᱠᱚ ᱥᱚᱞᱦᱮ ᱠᱟᱛᱮ ᱨᱚᱲ ᱚᱠᱛᱚ ᱛᱤᱱᱟ.ᱜ ᱜᱟᱱ ᱟᱹᱨᱩ ᱧᱮᱞᱚᱜᱼᱟ ᱾ ᱟᱫᱚᱢ ᱤ ᱟᱨ ᱮ ᱨᱮ ᱟᱹᱨᱩ ᱠᱟᱛᱮ ᱟᱨ ᱩ ᱟᱨ ᱳ ᱨᱮ ᱟᱨᱩ ᱠᱟᱛᱮ ᱠᱚ ᱨᱚᱲᱟ ᱾ ᱡᱮᱞᱮᱠᱟ - ᱥᱤᱨᱤᱧ > ᱥᱮᱨᱮᱧ ,ᱥᱤᱵᱤᱞ> ᱥᱮᱵᱮᱞ ᱮᱢᱟᱱ ᱠᱚ ᱾ ᱱᱚᱝᱠᱟᱱ ᱯᱟᱹᱨᱥᱤ ᱫᱚ ᱡᱤᱣᱤᱫ ᱯᱟᱹᱨᱥᱤ ᱟᱹᱨᱤ ᱠᱟᱱᱟ ᱾