ᱚᱱᱤᱛᱟ ᱠᱩᱯᱩᱥᱟᱢᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱚᱱᱤᱛᱟ ᱠᱩᱯᱩᱥᱟᱢᱤ
ᱡᱮᱱᱨᱮᱥ ᱛᱟᱢᱤᱞ ᱦᱚᱲ ᱵᱟᱰᱚᱦᱤ, ᱠᱚᱨᱱᱟᱴᱚᱠ
ᱚᱠᱩᱯᱮᱥᱚᱱ ᱥᱮᱨᱮᱧᱤᱭᱟᱹ, ᱨᱩ~ᱚᱨᱚᱝᱤᱭᱟᱹ, ᱚᱱᱚᱞᱤᱭᱟᱹ
ᱣᱮᱵᱽᱥᱟᱭᱤᱴ pushpavanamkuppusamy.com

ᱚᱱᱤᱛᱟ ᱠᱩᱯᱩᱥᱟᱢᱤ ᱫᱚ ᱢᱤᱫ ᱛᱟᱢᱤᱞ ᱦᱚᱲ ᱟᱨ ᱠᱚᱨᱱᱟᱴᱚᱠ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱟᱨ ᱴᱮᱞᱤᱵᱷᱤᱡᱚᱱ ᱦᱚᱥᱴ ᱟᱡ ᱫᱚ ᱛᱟᱢᱤᱞ ᱦᱚᱲ ᱵᱟᱰᱚᱦᱤ 'ᱱᱟᱛᱩᱯᱩᱨᱟ ᱯᱚᱴᱴᱩ' ᱞᱟᱹᱜᱤᱫ ᱦᱚᱸ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱚᱱᱤᱛᱟ ᱫᱚ ᱦᱩᱰᱤᱧ ᱵᱚᱭᱚᱥ ᱠᱷᱚᱱ ᱜᱮ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱞᱟᱹᱜᱤᱫ ᱟᱡᱟᱜ ᱟᱸᱥ ᱮ ᱥᱚᱫᱚᱨ ᱟᱠᱟᱫ-ᱟ ᱾ ᱥᱮᱨᱮᱧ ᱥᱟᱶ ᱥᱟᱶᱛᱮ ᱚᱱᱤᱛᱟ ᱫᱚ ᱟᱹᱰᱤ ᱜᱟᱱ ᱧᱮᱮᱞᱚᱢ ᱥᱟᱹᱨᱤᱭᱟᱹᱛ ᱥᱳ ᱨᱮ ᱵᱤᱪᱟᱹᱨᱤᱭᱟᱹ (ᱡᱚᱡᱽ) ᱞᱮᱠᱟᱛᱮ ᱦᱚᱸᱭ ᱧᱮᱞ ᱧᱟᱢ ᱟᱠᱟᱱᱟ ᱾ ᱚᱱᱤᱛᱟ ᱫᱚ ᱠᱩᱠᱮᱨᱤ ᱪᱮᱛᱟᱱ ᱨᱮᱦᱚᱸ ᱛᱤᱱᱟᱹᱝ ᱜᱟᱱ ᱯᱩᱛᱷᱤᱭ ᱚᱞ ᱟᱠᱟᱫ-ᱟ ᱾ ᱟᱨ ᱴᱤᱵᱷᱤ ᱨᱮ ᱠᱩᱠᱮᱨᱤ ᱥᱳ ᱨᱮᱦᱚᱸᱭ ᱧᱮᱞ ᱧᱟᱢ ᱟᱠᱟᱱᱟ ᱾

ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱱᱤᱛᱟ ᱦᱟᱜ ᱡᱟᱱᱟᱢ ᱫᱚ ᱵᱮᱸᱜᱽᱞᱚᱨ ᱨᱮᱱᱟᱜ ᱢᱮᱴᱴᱩᱯᱟᱞᱭᱚᱢ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱠᱷᱚᱱ ᱜᱮ ᱨᱩ~ᱚᱨᱚᱝ ᱟᱨ ᱥᱮᱨᱮᱧ ᱨᱮ ᱨᱟᱹᱥᱠᱟᱹᱭ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱟᱨ ᱢᱤᱫ ᱥᱮᱨᱮᱧᱤᱭᱟᱹ ᱨᱩᱯ ᱨᱮ ᱟᱡᱟᱜ ᱡᱤᱭᱚᱱ ᱢᱟᱬᱟᱝ ᱛᱮ ᱞᱟᱦᱟᱭ ᱞᱟᱹᱜᱤᱫ ᱟᱡᱟᱜ ᱜᱷᱟᱨᱚᱸᱡᱤᱭᱟᱹ ᱠᱚ ᱵᱩᱡᱷᱟᱹᱣ ᱟᱠᱚ ᱨᱮᱭ ᱡᱤᱛᱠᱟᱹᱨ ᱮᱱᱟ ᱾ ᱩᱱᱤ ᱫᱚ ᱥᱚᱱᱮᱨ ᱚᱵᱤᱱᱟᱥᱤ ᱞᱤᱝᱜᱚᱱ ᱵᱤᱨᱫᱟᱹᱜᱟᱲ, ᱟᱨ ᱠᱚᱭᱮᱢᱵᱚᱛᱩᱨ ᱠᱷᱚᱱ ᱨᱩ~ᱚᱨᱚᱝ ᱪᱮᱛᱟᱱ ᱨᱮᱭ ᱥᱚᱱᱮᱨᱥᱤᱫᱽ ᱮ ᱟᱢᱮᱴ ᱟᱠᱟᱫ-ᱟ ᱾ [᱑]

ᱩᱱᱤ ᱫᱚ ᱢᱟᱫᱽᱨᱟᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱡᱚᱴᱟᱣ ᱟᱪᱮᱛᱤᱭᱟᱹ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱥᱟᱶ ᱮ ᱧᱟᱯᱟᱢ ᱮᱱᱟ, ᱟᱨ ᱩᱱᱠᱤᱱ ᱵᱟᱱᱟ ᱦᱚᱲ ᱞᱮᱠᱟᱱ ᱞᱮᱠᱟᱱ ᱦᱮᱯᱨᱟᱣ ᱠᱚᱨᱮ ᱟᱨ ᱥᱮᱨᱮᱧ ᱨᱩ~ᱚᱨᱚᱝ ᱠᱟᱹᱢᱤᱦᱚᱨᱟ ᱠᱚᱨᱮ ᱢᱤᱫ ᱫᱷᱟᱶ ᱛᱮ ᱥᱮᱨᱮᱧ ᱠᱤᱱ ᱮᱛᱚᱦᱚᱵ ᱠᱮᱫ-ᱟ ᱾ ᱚᱱᱠᱟ ᱛᱮ ᱵᱟᱱᱟ ᱦᱚᱲ ᱵᱟᱯᱞᱟ ᱥᱟᱹᱜᱟᱹᱭ ᱛᱮ ᱠᱤᱱ ᱛᱚᱞ ᱮᱱᱟ ᱾ ᱩᱱᱤ ᱫᱚ ᱟᱡ ᱡᱟᱶᱟᱭ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱴᱷᱮᱱ ᱠᱷᱚᱱ ᱛᱟᱢᱤᱞ ᱦᱚᱲ ᱵᱟᱰᱚᱦᱤ "ᱱᱚᱴᱴᱩᱯᱩᱨᱟ ᱯᱚᱴᱴᱩ" ᱥᱮᱬᱟ ᱠᱮᱫ ᱟᱭ ᱾ [᱒]

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱢᱤᱛᱟ ᱦᱟᱜ ᱢᱩᱬᱩᱛ ᱫᱷᱮᱭᱟᱱ ᱫᱚ ᱛᱟᱢᱤᱞ ᱦᱚᱲ ᱵᱟᱰᱚᱦᱤ "ᱱᱚᱴᱴᱩᱯᱩᱨᱟ ᱯᱚᱴᱴᱩ" ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱡᱟᱶᱟᱭ ᱯᱩᱥᱯᱵᱚᱱᱚᱢ ᱠᱩᱯᱩᱥᱟᱢᱤ ᱥᱟᱞᱟᱜ ᱩᱱᱤ ᱫᱚ ᱥᱤᱧᱚᱛ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮ ᱥᱩᱨ ᱥᱩᱯᱩᱨ ᱓,᱐᱐᱐ ᱠᱟᱹᱢᱤᱦᱚᱨᱟ ᱠᱤᱱ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾ [᱓]

ᱚᱱᱤᱛᱟ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱮᱰᱥ, ᱫᱚᱦᱮᱡᱽ, ᱯᱩᱸᱜᱤ ᱧᱩ, ᱯᱟᱹᱣᱨᱟᱹ ᱧᱩ, ᱠᱩᱲᱤ ᱜᱤᱫᱽᱨᱟᱹ ᱠᱩᱠᱷᱤ ᱨᱮ ᱜᱚᱡ ᱠᱚ, ᱜᱤᱫᱽᱨᱟᱹ ᱠᱷᱟᱴᱟᱣ, ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱥᱮᱪᱮᱫ ᱨᱮᱱᱟᱜ ᱢᱚᱦᱚᱛ ᱟᱨ ᱛᱳᱣᱟ ᱧᱩ ᱠᱚ ᱵᱟᱨᱮ ᱛᱮ ᱪᱤᱨᱜᱟᱹᱞ ᱥᱤᱨᱡᱟᱹᱣ ᱦᱚᱪᱚᱭ ᱞᱟᱹᱜᱤᱫ ᱟᱡᱟᱜ ᱥᱮᱨᱮᱧ ᱨᱮ ᱥᱟᱶᱛᱟᱨᱤ ᱥᱟᱸᱫᱮᱥ ᱮ ᱥᱮᱞᱮᱫ ᱠᱮᱫ-ᱟ ᱾

ᱯᱩᱭᱞᱩ ᱚᱱᱤᱛᱟ ᱦᱟᱜ ᱱᱚᱡᱚᱨ ᱫᱚ ᱢᱩᱲᱩᱛᱟᱱ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱨᱮᱱᱟᱜ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱤᱠᱷᱟᱹᱱ ᱩᱱᱤᱭᱟᱜ ᱞᱮᱛᱟᱲ ᱥᱟᱸᱜᱷᱟᱨ ᱥᱮᱨᱮᱧ ᱠᱟᱹᱢᱤᱦᱚᱨᱟ ᱠᱷᱟᱹᱛᱤᱨ ᱩᱱᱤ ᱫᱚ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱨᱮ ᱫᱷᱮᱭᱟᱱ ᱵᱟᱭ ᱥᱟᱢᱴᱟᱣ ᱫᱟᱲᱮᱭᱟᱫ-ᱟ ᱾[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "AIADMK gets six popular faces". The New Indian Express. Retrieved 2016-12-03. 
  2. "Transcending boundaries". The Hindu. Retrieved 2016-12-03. 
  3. ᱓.᱐ ᱓.᱑ "My First Break – Anitha Kuppusamy". The Hindu. Retrieved 2016-12-03. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]