ᱚᱱᱥᱩᱭᱟ

Anasuya
Anasuya
	Anasuya explains to the Tridevi that the Trimurti had been turned into infants - A lithograph by Raja Ravi Varma
Texts	Ramayana, Puranas
Personal information
Spouse	Atri
ᱜᱤᱫᱽᱨᱟᱹ ᱠᱚ	Dattatreya ; Chandra ; Durvasa ; Shubhatreyi (Brahma Purana)
ᱜᱚᱜᱚ ᱵᱟᱵᱟ	Devahuti (mother) ; Kardama (father)

ᱚᱱᱥᱩᱭᱟ (संस्कृत : ᱚᱱᱥᱩᱭᱟ, ᱨᱳᱢᱟᱱᱤᱠᱨᱤᱛᱟ, ᱚᱱᱟᱥᱩᱭᱟ ᱟᱹᱲᱟᱹ ᱞᱮᱠᱟᱛᱮ ᱢᱟ ᱤᱨᱥᱭᱟ ᱟᱨ ᱫᱣᱮᱥ ᱛᱮ ᱢᱩᱠᱛ) ᱢᱤᱫᱴᱟᱝ ᱛᱚᱯᱟᱥᱣᱤ ᱠᱟᱱᱟᱭ, ᱟᱨ ᱦᱤᱱᱫᱩ ᱫᱷᱚᱨᱚᱢ ᱨᱤᱱᱤᱡ ᱨᱤᱥᱤ ᱟᱛᱨᱤ ᱨᱤᱱ ᱡᱩᱨᱤ ᱩᱢᱩᱞ (ᱮᱨᱟ) ᱠᱟᱱᱟᱭ ᱾ ᱩᱱᱤᱫᱚ ᱦᱤᱱᱫᱩ ᱜᱨᱟᱽᱸᱛᱷ ᱨᱤᱱ ᱫᱮᱣᱦᱩᱛᱤ ᱟᱨ ᱯᱨᱚᱡᱟᱯᱟᱛᱤ ᱠᱟᱨᱫᱚᱢ ᱨᱤᱱ ᱦᱚᱯᱚᱱ ᱮᱨᱟᱛ ᱠᱟᱱᱟᱭ ᱾ ^[᱑]^[᱒] ᱨᱟᱢᱟᱭᱟᱱ ᱨᱮ, ᱩᱱᱤᱫᱚ ᱟᱡ ᱨᱤᱱ ᱪᱷᱟᱛᱟ ᱫᱟᱨᱮ ᱥᱟᱶ ᱪᱤᱛᱨᱠᱩᱴ ᱡᱟᱨᱟ ᱨᱮᱱᱟᱜ ᱮᱛᱚᱢ ᱥᱤᱢᱟ ᱨᱮᱱᱟᱜ ᱢᱤᱫᱴᱟᱝ ᱠᱟᱴᱤᱡ ᱢᱟᱨᱟᱝ ᱱᱚᱜ ᱚᱲᱟᱜ ᱨᱮ ᱠᱤᱱ ᱵᱟᱥᱟ ᱛᱟᱦᱮᱱᱚᱜ ᱠᱟᱱᱟ ᱾ ᱢᱤᱫᱴᱟᱝ ᱥᱚᱱᱚᱛ ᱛᱤᱨᱞᱟᱹ ᱡᱟᱦᱟᱸ ᱫᱚ ᱢᱤᱫᱴᱟᱝ ᱛᱟᱯᱟᱥᱣᱤ ᱡᱤᱭᱚᱱ ᱮ ᱠᱷᱟᱸᱰᱟᱣ ᱠᱟᱱᱟ ᱾ ᱚᱱᱟ ᱫᱚ ᱪᱟᱢᱟᱛᱠᱟᱨᱤ ᱥᱟᱠᱛᱤ ᱨᱮᱭᱟᱜ ᱨᱩᱯ ᱞᱮᱠᱟᱛᱮ ᱠᱚ ᱥᱚᱫᱚᱨ ᱟᱠᱟᱫᱟ ᱾^[᱓] ᱚᱱᱥᱩᱭᱟ ᱨᱤᱥᱤ ᱠᱟᱯᱤᱞᱟ ᱨᱤᱱᱤᱡ ᱢᱤᱥᱮᱨᱟ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱟᱪᱮᱫ ᱜᱩᱨᱩ ᱞᱮᱠᱟᱛᱮ ᱦᱚᱸᱭ ᱥᱮᱣᱟ ᱞᱮᱫ ᱮ ᱛᱟᱦᱮᱱᱟ᱾ ᱥᱟᱛᱤ ᱚᱱᱥᱩᱭᱟ (ᱛᱚᱯᱟᱥᱣᱤ ᱚᱱᱥᱩᱭᱟ) ᱟᱨ ᱟᱭᱳ ᱚᱱᱥᱩᱭᱟ (ᱟᱭᱳ ᱚᱱᱥᱩᱭᱟ), ᱨᱤᱥᱤ ᱟᱛᱨᱤ ᱨᱤᱱ ᱥᱚᱱᱚᱛ ᱡᱩᱨᱤ ᱩᱢᱩᱞ ᱞᱮᱠᱟᱛᱮ ᱯᱨᱟᱥᱤᱫᱷ ᱢᱮᱱᱟᱭᱟ ᱾ ᱩᱱᱤ ᱫᱟᱛᱛᱟᱛᱨᱮᱭ ᱵᱤᱥᱬᱩ ᱨᱤᱱ ᱨᱤᱥᱤ ᱟᱣᱛᱟᱨ ᱪᱟᱸᱫᱳ ᱟᱨ ᱵᱨᱟᱦᱢᱟ ᱟᱜ ᱨᱩᱯ ᱨᱮ ᱟᱨ ᱫᱩᱨᱣᱟᱥᱟ, ᱨᱤᱥᱤ ᱨᱤᱱ ᱪᱤᱲᱪᱤᱲᱮ ᱨᱤᱥᱤ ᱟᱣᱛᱟᱨ ᱨᱤᱱ ᱟᱭᱳᱭ ᱵᱮᱱᱟᱣᱚᱜ ᱠᱟᱱᱟ᱾ ^[᱔] ᱡᱚᱠᱷᱚᱱ ᱥᱤᱛᱟ ᱟᱨ ᱨᱟᱢ ᱟᱠᱤᱱᱟᱜ ᱵᱚᱱᱣᱟᱥ ᱚᱠᱛᱮ ᱩᱱᱠᱤᱱ ᱥᱟᱶ ᱧᱟᱯᱟᱢᱚᱜ ᱮ ᱥᱮᱱᱚᱜ ᱠᱟᱱᱟ, ᱮᱱᱠᱷᱟᱱ ᱚᱱᱥᱩᱭᱟ ᱩᱱᱠᱤᱱ ᱞᱟᱹᱜᱤᱫ ᱛᱮ ᱟᱹᱰᱤ ᱨᱟᱹᱥᱠᱟᱹ ᱠᱩᱥᱤ ᱜᱮᱭ ᱛᱟᱦᱮᱱ ᱠᱟᱱᱟ, ᱚᱱᱠᱟᱱ ᱡᱤᱱᱤᱥ ᱮᱢᱟᱭ ᱠᱟᱱᱟᱭ ᱡᱟᱦᱟᱸ ᱫᱚ ᱩᱱᱤᱭᱟᱜ ᱪᱚᱨᱚᱠ ᱪᱮᱦᱨᱟ ᱢᱩᱴᱷᱟᱹᱱ ᱛᱤᱥ ᱦᱚᱸ ᱵᱟᱭ ᱟᱫᱷᱩᱲᱚᱜᱼᱟ᱾

ᱥᱤᱨᱡᱚᱱ

ᱚᱱᱥᱩᱭᱟ ᱟᱨ ᱩᱱᱠᱩᱣᱟᱜ ᱜᱷᱟᱨᱚᱸᱡᱽ ᱨᱤᱱ ᱵᱟᱱᱥᱟᱣᱟᱞᱤ ᱵᱷᱚᱜᱽᱣᱟᱛ ᱯᱩᱨᱟᱬ ᱨᱮᱱᱟᱜ ᱛᱮᱥᱟᱨ ᱯᱚᱛᱚᱵ ᱨᱮ ᱵᱷᱮᱫ ᱵᱷᱟᱸᱜᱟᱣ ᱟᱠᱟᱱᱟ ᱾ ᱯᱨᱟᱯᱟᱛᱤ ᱠᱟᱨᱫᱟᱢ ᱥᱶᱟᱵᱷᱩ ᱢᱟᱱᱩ ᱨᱤᱱ ᱦᱚᱯᱚᱱ ᱮᱨᱟᱛ ᱫᱮᱣᱦᱩᱛᱤ ᱥᱟᱶ ᱵᱟᱯᱞᱟ ᱮᱱᱟᱭ ᱾ ᱩᱱᱠᱤᱱ ᱜᱮᱞ ᱜᱚᱴᱟᱝ ᱜᱤᱫᱟᱹᱨ ᱯᱤᱫᱟᱹᱨ ᱠᱚ ᱨᱮᱱᱟᱝ ᱚᱞ ᱢᱮᱱᱟᱜᱼᱟ, ᱠᱟᱯᱤᱞᱟ ᱧᱩᱛᱩᱢ ᱟᱱ ᱢᱤᱫᱴᱟᱝ ᱦᱚᱯᱚᱱ ᱟᱨ ᱚᱱᱥᱩᱭᱟ ᱥᱟᱶᱛᱮ ᱤᱨᱟᱹᱞ ᱜᱚᱴᱟᱝ ᱢᱟᱹᱭ ᱵᱤᱴᱤ ᱠᱚ ᱾ ᱡᱚᱛᱚ ᱦᱚᱯᱚᱱ ᱮᱨᱟᱛ ᱟᱜ ᱵᱟᱯᱞᱟ ᱨᱤᱥᱤ ᱥᱟᱶ ᱵᱟᱯᱞᱟ ᱦᱩᱭᱩᱜ ᱠᱟᱱᱟ ᱚᱱᱥᱩᱭᱟ ᱟᱜ ᱵᱟᱯᱞᱟ ᱫᱚ ᱟᱛᱨᱤ ᱥᱟᱶ ᱦᱩᱭ ᱟᱠᱟᱱᱟ

ᱯᱮᱭᱟ ᱢᱩᱨᱛᱤ ᱥᱟᱶ ᱧᱟᱯᱟᱢ

ᱯᱩᱡᱟ

ᱚᱱᱥᱩᱭᱟ ᱟᱥᱨᱟᱢ ᱨᱮ ᱢᱟᱸᱫᱟᱠᱤᱱᱤ ᱱᱟᱹᱭ ᱨᱮᱱᱟᱝ ᱧᱮᱞᱡᱚᱝ, ᱥᱟᱛᱤ ᱚᱱᱥᱩᱭᱟ ᱟᱥᱨᱟᱢ ᱢᱟᱫᱷᱭᱟ ᱯᱨᱚᱫᱮᱥ ᱨᱮᱱᱟᱜ ᱪᱤᱛᱨᱚᱠᱩᱴ ᱨᱮ ᱢᱮᱱᱟᱜ-ᱟ, ᱡᱟᱦᱟᱸ ᱫᱚ ᱢᱟᱸᱫᱟᱠᱤᱱᱤ ᱱᱟᱹᱭ ᱪᱮᱛᱟᱱ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱚᱦᱚᱨ ᱵᱟᱡᱟᱨ ᱠᱷᱚᱱ ᱑᱖ ᱠᱤᱢᱤ ᱥᱟᱺᱜᱤᱱᱟ, ᱟᱨ ᱟᱹᱰᱤ ᱢᱟᱨᱟᱝ ᱵᱤᱨ ᱵᱷᱤᱛᱨᱤ ᱛᱟᱞᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱥᱟᱨᱟ ᱫᱤᱱ ᱫᱤᱱ ᱪᱮᱬᱮ ᱪᱤᱯᱨᱩᱫ ᱠᱚ ᱥᱟᱲᱮ ᱜᱮ ᱟᱧᱡᱚᱢ ᱟᱠᱟ ᱛᱟᱦᱮᱱᱟ ᱾ ᱚᱱᱟ ᱡᱟᱭᱜᱟ ᱫᱚ ᱡᱟᱦᱟᱸ ᱨᱮ ᱨᱤᱥᱤ ᱟᱛᱨᱤ, ᱩᱱᱤ ᱨᱤᱱ ᱮᱨᱟᱛ ᱚᱱᱥᱩᱭᱟ ᱟᱨ ᱯᱮᱭᱟ ᱦᱚᱯᱚᱱ (ᱡᱟᱦᱟᱸ ᱫᱚ ᱵᱨᱟᱦᱢᱟ, ᱵᱤᱥᱬᱩ ᱟᱨ ᱥᱤᱣ ᱨᱮᱱ ᱯᱮᱭᱟ ᱟᱣᱛᱟᱨ ᱛᱟᱦᱮ ᱠᱟᱱᱟ) ᱠᱚ ᱛᱟᱦᱮ ᱠᱟᱱᱟ ᱾

ᱞᱚᱠᱯᱨᱤᱭ ᱟᱹᱨᱤ ᱪᱟᱹᱞᱤ

ᱛᱮᱠᱩᱜᱩ ᱯᱟᱹᱨᱥᱤ ᱛᱮ ᱵᱟᱨᱭᱟ ᱯᱷᱤᱞᱤᱢ, ᱵᱟᱱᱟᱨ ᱨᱮᱱᱟᱜ ᱧᱩᱛᱩᱢ ᱥᱟᱛᱤ ᱚᱱᱥᱩᱭᱟ ᱑᱙᱕᱗ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱨᱤᱞᱤᱡ ᱞᱮᱱ ᱛᱟᱦᱮᱱᱟ ᱾ ᱑᱙᱕᱗ ᱨᱮᱱᱟᱜ ᱯᱷᱤᱞᱢ ᱠᱟᱫᱽᱨᱩ ᱱᱟᱜᱵᱷᱩᱥᱟᱱ ᱦᱚᱛᱮᱛᱮ ᱫᱤᱥᱟᱹ ᱩᱫᱩᱜᱽ ᱥᱚᱫᱚᱨ ᱞᱮᱱᱟ ᱟᱨ ᱱᱚᱶᱟ ᱨᱮ ᱟᱸᱡᱽᱞᱤ ᱫᱮᱵᱤ ᱟᱨ ᱜᱩᱢᱢᱟᱫᱤ ᱠᱤᱱ (ᱨᱚᱞ ᱮᱠᱴᱤᱝ)ᱠᱟᱹᱢᱤ ᱞᱮᱫᱟ ᱾ ᱑᱙᱗᱑ ᱨᱮ ᱦᱮᱡ ᱞᱮᱱ ᱯᱷᱤᱞᱢ ᱨᱮᱱᱟᱜ ᱰᱟᱭᱨᱮᱠᱴᱚᱨ ᱵᱤᱮ ᱥᱩᱵᱵᱟ ᱨᱟᱣ ᱠᱚᱨᱟᱣ ᱞᱮᱫ ᱛᱟᱦᱮᱱᱟ ᱾ ᱚᱱᱥᱩᱭᱟ ᱨᱮᱱᱟᱜ ᱵᱷᱩᱢᱤᱠᱟ ᱫᱚ ᱡᱟᱢᱩᱱᱟ ᱠᱚᱨᱟᱣ ᱞᱮᱫᱟ, ᱥᱩᱢᱟᱛᱤ ᱨᱮᱱᱟᱜ ᱮᱠᱴᱤᱝ ᱫᱚ ᱥᱟᱨᱫᱟ ᱠᱚᱨᱟᱣ ᱞᱮᱫᱟ ᱟᱨ ᱛᱟᱲᱮᱯᱟᱞᱞᱤ ᱞᱟᱪᱷᱢᱤ ᱠᱟᱸᱛᱟ ᱨᱟᱣ ᱫᱚ ᱟᱛᱨᱤ ᱢᱟᱦᱟᱨᱥᱤ ᱟᱜ ᱵᱷᱩᱢᱤᱠᱟ ᱠᱚᱨᱟᱣ ᱠᱮᱫᱟ᱾

ᱥᱟᱹᱠᱷᱭᱟᱹᱛ

↑ "Sati Anasuya". www.speakingtree.in. Retrieved 20 ᱢᱮ 2020.
↑ Williams, George M. (27 ᱢᱟᱨᱪ 2008). Handbook of Hindu Mythology (in ᱟᱝᱜᱽᱨᱮᱡᱤ). OUP USA. p. 54. ISBN 978-0-19-533261-2.
↑ Shastri, J. L.; Tagare, Ganesh Vasudeo (1 ᱡᱟᱱᱩᱣᱟᱨᱤ 2004). The Bhagavata-Purana Part 1: Ancient Indian Tradition and Mythology Volume 7 (in ᱟᱝᱜᱽᱨᱮᱡᱤ). Motilal Banarsidass. p. 25. ISBN 978-81-208-3874-1.
↑ Gopal, Madan (1990). K.S. Gautam (ed.). India through the ages. Publication Division, Ministry of Information and Broadcasting, Government of India. p. 66.

A Dictionary of Hindu Mythology & Religion by John Dowson

ᱪᱷᱟᱸᱪ:HinduMythology

[1] "Sati Anasuya". www.speakingtree.in. Retrieved 20 ᱢᱮ 2020.

[2] Williams, George M. (27 ᱢᱟᱨᱪ 2008). Handbook of Hindu Mythology (in ᱟᱝᱜᱽᱨᱮᱡᱤ). OUP USA. p. 54. ISBN 978-0-19-533261-2.

[3] Shastri, J. L.; Tagare, Ganesh Vasudeo (1 ᱡᱟᱱᱩᱣᱟᱨᱤ 2004). The Bhagavata-Purana Part 1: Ancient Indian Tradition and Mythology Volume 7 (in ᱟᱝᱜᱽᱨᱮᱡᱤ). Motilal Banarsidass. p. 25. ISBN 978-81-208-3874-1.

[4] Gopal, Madan (1990). K.S. Gautam (ed.). India through the ages. Publication Division, Ministry of Information and Broadcasting, Government of India. p. 66.

[᱑]

[᱒]

[᱓]

[᱔]