ᱚᱵᱷᱚᱭ ᱫᱮᱣᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱚᱵᱷᱚᱜ ᱫᱮᱣᱞ
Abhay Deol at Ficci Frames.jpg
᱒᱐᱑᱕ ᱨᱮ ᱚᱵᱷᱚᱭ ᱫᱮᱣᱞ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ

ᱚᱵᱷᱚᱜ ᱥᱤᱝ ᱫᱮᱣᱞ
᱑᱕ ᱢᱟᱨᱪ ᱑᱙᱗᱖ (1976-03-15) (᱔᱔ ᱥᱮᱨᱢᱟ)

[᱑]
ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱫᱤᱥᱚᱢᱤᱭᱟᱹ ᱥᱤᱧᱚᱛ
ᱠᱟᱹᱢᱤ
  • ᱟᱠᱴᱚᱨ
  • ᱯᱨᱚᱰᱭᱩᱥᱚᱨ
ᱠᱟᱹᱢᱤ ᱚᱠᱛᱚ ᱒᱐᱐᱕ ᱠᱷᱚᱱᱟᱜ
ᱟᱯᱟᱛ ᱮᱸᱜᱟᱛ ᱚᱡᱤᱛ ᱥᱤᱝ ᱫᱮᱣᱞ
ᱩᱥᱟ ᱫᱮᱣᱞ
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ ᱫᱮᱣᱞ ᱜᱷᱟᱨᱚᱸᱡᱽ ᱠᱚᱣᱟᱜ ᱛᱟᱯᱠᱟ. ᱧᱮᱞᱢᱮ

ᱚᱵᱷᱚᱜ ᱥᱤᱝ ᱫᱮᱣᱞ (ᱡᱟᱱᱟᱢ ᱑᱕ ᱢᱟᱨᱪ ᱑᱙᱗᱖)[᱑], ᱫᱚ ᱚᱵᱷᱚᱭ ᱫᱮᱣᱞ‌ ᱢᱮᱱᱛᱮ ᱵᱟᱰᱟᱭ ᱠᱟᱱᱟᱭ ᱾ ᱱᱩᱭ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱚᱨ ᱟᱨ ᱯᱨᱚᱰᱭᱩᱥᱚᱨ ᱠᱟᱱᱟᱭ ᱾ ᱵᱚᱞᱤᱣᱩᱰ ᱯᱷᱤᱞᱢ ᱠᱚᱨᱮ ᱠᱟ.ᱢᱤᱭᱟ ᱾ ᱱᱩᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮᱱ ᱟᱠᱴᱚᱨ ᱠᱚ ᱨᱮᱱ ᱫᱮᱣᱞ ᱜᱷᱟᱨᱚᱸᱡᱽ ᱛᱟᱞᱟᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱩᱭ ᱫᱚ ᱜᱤᱫᱽᱨᱟᱹ ᱵᱮᱲᱟ ᱢᱮᱱ ᱫᱚ ᱟᱡᱟᱜ ᱟᱥᱲᱟ ᱡᱤᱭᱚᱱ ᱠᱷᱚᱱ ᱜᱣ ᱛᱷᱤᱭᱮᱴᱚᱨ ᱨᱮ ᱟᱠᱴᱤᱝ ᱡᱤᱭᱚᱱ ᱫᱚ ᱮᱦᱚᱵ ᱞᱮᱫᱟᱭ ᱾ ᱛᱚᱵᱮ ᱱᱩᱭ ᱫᱚ ᱒᱐᱐᱕ ᱥᱟ.ᱦᱤᱛ ᱨᱮ ᱤᱢᱛᱳᱛᱟᱡᱽ ᱚᱞᱤ-ᱟᱜ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱯᱷᱤᱞᱢ ᱥᱳᱪᱟ ᱱᱟ ᱛᱷᱟ ᱠᱷᱚᱱ ᱠᱟ.ᱢᱤ ᱮᱦᱚᱵ ᱞᱮᱫᱟᱭ ᱾

ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱟᱭᱢᱟ ᱥᱚᱠᱥᱮᱥ ᱮᱱ ᱛᱟᱭᱚᱢ ᱚᱵᱷᱚᱭ ᱫᱚ ᱟᱭᱢᱟ ᱦᱚᱲ ᱠᱚ ᱥᱟᱨᱦᱟᱣ ᱠᱮᱫᱮᱭᱟ ᱾ ᱚᱱᱟ ᱛᱟᱭᱚᱢ ᱚᱵᱷᱚᱭ ᱫᱚ ᱢᱚᱱᱳᱨᱚᱢᱟ ᱥᱤᱠᱥ ᱯᱷᱤᱴ ᱚᱱᱰᱚᱨ (᱒᱐᱐᱗) ᱯᱷᱤᱞᱢ ᱨᱮ ᱠᱟ.ᱢᱤ ᱞᱮᱫᱟᱭ, ᱱᱚᱶᱟ ᱯᱷᱤᱞᱢ ᱦᱚᱸ ᱟ.ᱰᱤᱜᱟᱱ ᱦᱤᱴ ᱞᱮᱱ ᱛᱟᱭᱟ ᱟᱨ ᱚᱱᱟ ᱠᱷᱟ.ᱛᱤᱨ ᱱᱩᱭ ᱵᱮᱥᱴ ᱟᱠᱴᱚᱨ ᱟᱣᱟᱨᱰ ᱤᱱᱥᱳ-ᱟᱢᱮᱨᱤᱠᱟᱱ ᱟᱨᱴᱥ ᱠᱟᱣᱥᱤᱞ ᱯᱷᱤᱯᱢ ᱯᱷᱮᱥᱴᱤᱵᱟᱞ ᱯᱟᱦᱴᱟ ᱠᱷᱚᱱ ᱧᱟᱢ ᱞᱮᱫᱟᱭ ᱾ ᱟᱨ ᱚᱱᱟ ᱛᱟᱭᱚᱢ ᱠᱚᱢᱚᱨᱥᱤᱭᱟᱞ ᱥᱚᱠᱥᱮᱥ ᱯᱷᱤᱯᱢ ᱚᱭᱮ ᱞᱚᱠᱤ! ᱞᱚᱠᱤᱭ ᱚᱭᱮ! (᱒᱐᱐᱘) ᱨᱮ ᱠᱟ.ᱢᱤ ᱞᱮᱫᱟᱭ ᱾ ᱒᱐᱐᱙ ᱟᱟ.ᱦᱤᱛ ᱨᱮ ᱱᱩᱭ ᱚᱱᱩᱨᱟᱜᱽ ᱠᱚᱥᱭᱚᱯ-ᱟᱜ ᱯᱷᱤᱞᱢ ᱫᱮᱵᱽ. ᱰᱤ. ᱯᱷᱤᱞᱢ ᱨᱮ ᱚᱵᱷᱚᱭ ᱫᱚ ᱫᱮᱵᱽ ᱧᱩᱛᱩᱢ ᱛᱮ ᱟᱠᱴᱤᱝ ᱞᱮᱫᱟᱭ ᱾ ᱱᱚᱶᱟ ᱫᱚ ᱵᱮᱝᱜᱚᱞᱤ ᱱᱚᱱᱚᱞ ᱫᱮᱵᱽᱫᱟᱥ ᱨᱮᱭᱟᱜ ᱰᱚᱵᱤᱝ ᱯᱟᱨᱢᱞᱴ ᱛᱟᱦᱮᱸ ᱠᱟᱱᱟ ᱾

ᱚᱵᱷᱚᱭ ᱫᱚ ᱢᱩᱲᱩᱛ ᱞᱮᱠᱟᱛᱮ ᱟᱡᱟᱜ ᱡᱤᱭᱚᱱ ᱨᱮ ᱤᱱᱰᱤᱯᱮᱱᱰᱮᱸᱴ ᱯᱭᱤᱞᱢ ᱠᱚᱨᱮ ᱟᱠᱴᱤᱝ ᱟ.ᱜᱩᱭᱮᱫ ᱛᱟᱦᱮᱸ ᱠᱟᱱᱟᱭ ᱾ ᱢᱮᱱᱠᱷᱟᱱ ᱒᱐᱑᱑ ᱥᱟ.ᱦᱤᱛ ᱨᱮ ᱱᱚᱶᱟ ᱫᱚ ᱵᱚᱫᱚᱞ ᱠᱟᱛᱮ ᱡᱳᱭᱟ ᱚᱠᱷᱛᱟᱨ-ᱟᱜ ᱡᱤᱱᱫᱮᱜᱤ ᱱᱟ ᱢᱤᱞᱮᱜᱤ ᱫᱳᱵᱟᱨᱟ ᱯᱷᱤᱞᱢ ᱨᱮ ᱠᱟ.ᱢᱤ ᱞᱮᱫᱟᱭ, ᱢᱤᱫ ᱨᱳᱰ ᱯᱷᱤᱞᱢ ᱠᱟᱱᱟ, ᱡᱟᱦᱟᱸ ᱫᱚ ᱵᱚᱞᱤᱣᱩᱰ ᱯᱷᱤᱞᱢ ᱜᱷᱟᱨᱚᱸᱡᱽ ᱛᱟᱞᱟ ᱨᱮ ᱡᱟ.ᱥᱛᱤ ᱠᱟ.ᱣᱰᱤ ᱠᱷᱮᱢᱟᱣ ᱟᱠᱟᱫ ᱛᱟ.ᱞᱠᱟ. ᱨᱮ ᱥᱮᱞᱮᱫ ᱞᱮᱱᱟ ᱾ ᱟᱡᱟᱜ ᱟᱠᱴᱤᱝ ᱱᱟᱯᱟᱭ ᱠᱷᱟ.ᱛᱤᱨ ᱯᱩᱭᱞᱩ ᱫᱷᱟᱣ ᱞᱮᱠᱟᱛᱮ ᱯᱷᱤᱯᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱥᱚᱯᱚᱨᱴᱤᱝ ᱟᱠᱴᱚᱨ ᱥᱤᱨᱯᱷᱟ. ᱞᱟ.ᱜᱤᱱ ᱵᱟᱪᱷᱚᱱ ᱞᱮᱱᱟᱭ ᱾ ᱚᱱᱟ ᱛᱟᱭᱚᱢ ᱛᱮ ᱱᱩᱭ ᱫᱚ ᱠᱚᱢᱚᱨᱥᱤᱭᱟᱞ ᱥᱚᱠᱥᱮᱥ ᱯᱷᱤᱯᱢ ᱲᱨ ᱰᱨᱟᱢᱟ ᱯᱷᱤᱞᱢ ᱠᱚᱨᱮ ᱠᱟ.ᱢᱤ ᱧᱟᱢ ᱞᱮᱫᱟᱭ, ᱡᱮᱢᱚᱱ ᱨᱟᱱᱡᱷᱟᱱᱟ (᱒᱐᱑᱓), ᱟᱨ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱦᱮᱯᱤ ᱵᱷᱟᱜᱽ ᱡᱟᱭᱮᱜᱤ (᱒᱐᱑᱖) ᱠᱚᱨᱮ ᱠᱟ.ᱡᱤ ᱯᱮᱫᱟᱭ ᱾ ᱚᱱᱟ ᱛᱟᱭᱚᱢ ᱱᱩᱭ ᱥᱟᱶ ᱛᱮ ᱢᱤᱫ ᱫᱷᱟᱣ ᱛᱮ ᱰᱨᱟᱢᱟ ᱯᱷᱤᱯᱢ ᱨᱳᱰ, ᱢᱳᱵᱷᱤ (᱒᱐᱑᱐) ᱟᱨ ᱣᱟᱨ ᱯᱷᱤᱯᱢ ᱪᱚᱠᱨᱚᱵᱽᱭᱩᱦ (᱒᱐᱑᱒) ᱯᱷᱳᱞᱢ ᱨᱮ ᱠᱟ.ᱢᱤ ᱞᱮᱫᱟᱭ ᱾

ᱚᱵᱷᱚᱭ ᱫᱚ ᱟᱡᱟᱜ ᱯᱷᱤᱞᱢ ᱠᱮᱨᱤᱭᱚᱨ ᱥᱟᱶᱛᱮ ᱚᱠᱴᱤᱝ ᱡᱤᱭᱚᱱ ᱠᱷᱟ.ᱛᱤᱨ ᱠᱚ ᱩᱭᱦᱟ.ᱨ ᱠᱟᱫᱮᱭᱟ ᱾ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱱᱚᱱᱠᱚᱱᱯᱷᱚᱨᱢᱤᱥᱴ(nonconformist) ᱟᱨ ᱚᱱᱠᱚᱱᱵᱷᱮᱱᱥᱚᱱᱟᱞ(unconventional) ᱟᱠᱴᱚᱨ ᱞᱮᱠᱟᱛᱮ ᱠᱚ ᱵᱟᱰᱟᱭ ᱠᱟᱫᱮᱭᱟ ᱾ ᱚᱵᱷᱚᱭ ᱫᱮᱣᱞ-ᱟᱜ ᱢᱤᱫ ᱯᱨᱚᱰᱚᱠᱥᱚᱱ ᱦᱟᱣᱩᱥ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱑᱐᱐᱙ ᱥᱟ.ᱦᱤᱛ ᱨᱮ ᱛᱷᱟᱯᱱᱟ ᱞᱮᱫᱟᱭ ᱾ ᱟᱡᱟᱜ ᱟᱠᱴᱤᱝ ᱡᱤᱭᱚᱱ ᱵᱟ.ᱜᱤ ᱠᱟᱛᱮ ᱱᱩᱭ ᱫᱚ ᱢᱤᱫ ᱯᱷᱤᱞᱟᱱᱛᱷᱨᱳᱯᱤᱥᱴ(philanthropist) ᱠᱟᱱᱟᱭ ᱟᱨ ᱟᱭᱢᱟ ᱜᱟᱱ ᱮᱱ.ᱡᱤ.ᱳ. ᱠᱚᱭ ᱜᱚᱲᱟ ᱟᱠᱟᱫ ᱠᱚᱣᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "'Dancer Deol' Abhay turns 37!". Zee News. 15 ᱢᱟᱨᱪ 2013. Archived from the original on 30 ᱢᱟᱨᱪ 2018. Retrieved 2016-08-20.  Unknown parameter |url-status= ignored (help)

ᱵᱟ.ᱲᱛᱤ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]