ᱛᱚᱣᱟᱝ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱛᱚᱣᱟᱝ
ᱵᱟᱡᱟᱨ
Tawang with Tawang Monastery in background
Tawang with Tawang Monastery in background
ᱛᱚᱣᱟᱝ is located in ᱚᱨᱩᱱᱟᱪᱚᱞ ᱯᱨᱚᱫᱮᱥ
ᱛᱚᱣᱟᱝ
ᱛᱚᱣᱟᱝ
ᱛᱚᱣᱟᱝ is located in ᱥᱤᱧᱚᱛ
ᱛᱚᱣᱟᱝ
ᱛᱚᱣᱟᱝ
Location in Arunachal Pradesh, India
Coordinates: 27°35′18″N 91°51′55″E / 27.58833°N 91.86528°E / 27.58833; 91.86528Coordinates: 27°35′18″N 91°51′55″E / 27.58833°N 91.86528°E / 27.58833; 91.86528
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱚᱨᱩᱬᱟᱪᱚᱲ ᱯᱨᱚᱫᱮᱥ
ᱦᱚᱱᱚᱛ ᱛᱚᱣᱟᱝ
ᱥᱚᱨᱠᱟᱨ
 • ᱞᱮᱠᱟᱱ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ
 • ᱪᱟᱪᱞᱟᱣ ᱱᱚᱜᱚᱨ ᱯᱟᱞᱤᱠᱟ
ᱩᱥᱩᱞ 2669 ᱢᱤᱴᱚᱨ (8757 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • ᱞᱮᱠᱷᱟᱜᱩᱴ ᱑᱑,᱒᱐᱒
IST (UTC+5:30)
ᱜᱟᱹᱰᱤ ᱨᱤᱡᱤᱥᱴᱨᱤ AR
ᱦᱚᱭᱞᱚᱝ Cwb

ᱛᱚᱣᱟᱝ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱡᱟᱦᱟᱸ ᱫᱚ ᱛᱚᱣᱟᱝ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱦᱚᱸ ᱠᱟᱱᱟ ᱾ ᱛᱚᱣᱟᱝ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱩᱛᱚᱨ-ᱯᱩᱪᱷᱤᱢ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱾ ᱛᱚᱣᱟᱝ ᱨᱮᱭᱟᱜ ᱩᱛᱚᱨ-ᱯᱩᱨᱩᱵᱽ ᱱᱟᱠᱷᱟ ᱨᱮᱫᱚ ᱛᱤᱵᱚᱛ, ᱫᱩᱠᱷᱤᱱ-ᱯᱩᱪᱷᱤᱢ ᱨᱮᱫᱚ ᱵᱷᱩᱴᱟᱱ, ᱟᱨ ᱫᱩᱠᱷᱤᱱ-ᱯᱩᱨᱩᱵᱽ ᱨᱮᱫᱚ ᱯᱩᱪᱷᱤᱢ ᱠᱚᱢᱮᱝ ᱢᱮᱱᱟᱜ-ᱟ ᱾ ᱛᱚᱣᱟᱝ ᱫᱚ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱫᱟᱥᱱᱟ ᱨᱮ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱓᱕᱐᱐ ᱠᱤ.ᱢᱤ. ᱩᱥᱩᱞ ᱨᱮ ᱢᱮᱱᱟᱜ-ᱟ ᱾

ᱛᱚᱣᱟᱝ ᱨᱮᱭᱟᱜ ᱢᱩᱠᱷᱤᱭᱟᱹ ᱠᱟᱢ-ᱠᱟᱡᱽ ᱫᱚ ᱪᱟᱥᱵᱟᱥ ᱟᱨ ᱡᱟᱱᱣᱟ ᱠᱚ ᱟᱹᱥᱩᱞ ᱠᱚ ᱾ ᱱᱚᱣᱟ ᱫᱚ ᱥᱤᱨᱡᱚᱱ ᱨᱮᱭᱟᱜ ᱨᱩᱯ ᱨᱚᱝ ᱞᱚᱠᱟᱛᱮ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱮᱨᱟᱦᱟ ᱾ ᱩᱠᱩ ᱟᱠᱟᱱ ᱥᱚᱨᱚᱜᱽ ᱨᱮᱭᱟᱜ ᱧᱩᱛᱩᱢ ᱛᱮ ᱱᱚᱣᱟ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱢᱚᱱᱮ ᱟᱹᱰᱤ ᱜᱮ ᱢᱩᱦᱤᱛᱟ ᱾ ᱛᱚᱣᱟᱝ ᱫᱚ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱧᱮᱧᱮᱞᱤᱭᱟᱹ ᱠᱚ ᱱᱚᱰᱮᱱᱟᱜ ᱟᱹᱰᱤ ᱪᱚᱨᱚᱠ ᱪᱟᱴᱟᱱᱤ, ᱠᱟᱹᱴᱤᱡ ᱠᱟᱹᱴᱤᱡ ᱟᱹᱛᱩ, ᱱᱮᱢᱚᱥ ᱡᱷᱟᱨᱱᱟ ᱟᱨ ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱟᱹᱰᱤ ᱜᱟᱱ ᱧᱮᱞ ᱡᱚᱝ ᱨᱮᱭᱟᱜ ᱛᱟᱠ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚ ᱪᱷᱟᱰᱟ ᱠᱟᱛᱮ ᱱᱚᱰᱮᱱᱟᱜ ᱱᱟᱜᱟᱢ, ᱫᱷᱚᱨᱚᱢ ᱟᱨ ᱢᱟᱨᱮ ᱠᱟᱛᱷᱟ ᱠᱚ ᱨᱮᱭᱟᱜ ᱢᱤᱞᱚᱱ ᱧᱟᱯᱟᱢᱚᱜ ᱨᱮᱭᱟᱜ ᱦᱚᱸ ᱧᱮᱞᱚᱜ-ᱟ ᱾ ᱛᱚᱣᱟᱝ ᱨᱮᱭᱟᱜ ᱧᱩᱛᱩᱢ ᱫᱚ ᱑᱗ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱢᱤᱨᱟᱠ ᱞᱟᱢᱟᱭ ᱪᱷᱟᱹᱴᱭᱟᱹᱨ ᱞᱮᱫ ᱛᱟᱦᱮᱸᱫ ᱾ ᱱᱚᱰᱮ ᱫᱚ ᱢᱳᱱᱯᱟ ᱡᱟᱹᱛᱤ ᱟᱱ ᱟᱹᱫᱤᱵᱟᱹᱥᱤ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱡᱟᱹᱛᱤ ᱫᱚ ᱢᱚᱜᱚᱞ ᱠᱚ ᱥᱟᱹᱜᱟᱹᱭ ᱛᱟᱠᱚ ᱢᱮᱱᱟᱜ-ᱟ ᱾ ᱱᱩᱠᱩ ᱫᱚ ᱫᱷᱤᱨᱤ ᱟᱨ ᱢᱟᱫ ᱛᱮ ᱵᱮᱱᱟᱣ ᱟᱠᱟᱫ ᱚᱲᱟᱜ ᱨᱮᱠᱚ ᱛᱟᱦᱮᱸᱱᱟ ᱾ ᱥᱤᱨᱡᱚᱱ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱥᱟᱶ ᱥᱟᱶᱛᱮ ᱧᱮᱧᱮᱞᱤᱭᱟᱹ ᱠᱚᱫᱚ ᱱᱚᱰᱮᱱᱟᱜ ᱟᱹᱰᱤᱜᱟᱱ ᱵᱚᱣᱫᱷ ᱯᱤᱴᱷ ᱦᱚᱸ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱢᱚᱴᱷ ᱠᱚᱫᱚ ᱟᱹᱰᱤ ᱵᱷᱟᱹᱜᱤ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱚᱰᱮ ᱫᱚ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱚᱴᱷ ᱫᱚ ᱛᱚᱣᱟᱝ ᱢᱚᱴᱷ ᱜᱮ ᱠᱟᱱᱟ ᱾ ᱟᱡᱟᱜ ᱵᱚᱣᱫᱷ ᱢᱚᱴᱷᱚ ᱞᱟᱹᱜᱤᱫ ᱱᱚᱣᱟ ᱫᱚ ᱯᱩᱨᱟᱹ ᱡᱮᱜᱮᱛ ᱨᱮ ᱪᱤᱱᱦᱟᱹᱣ ᱢᱮᱱᱟᱜ-ᱟ ᱾

ᱛᱚᱣᱟᱝ ᱢᱚᱴᱷ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱚᱣᱟᱝ ᱢᱚᱴᱷ ᱚᱨᱩᱬᱟᱪᱚᱲ ᱯᱠᱚᱫᱮᱥ ᱨᱮᱭᱟᱜ ᱛᱚᱣᱟᱝ ᱵᱟᱡᱟᱨ ᱨᱮ ᱢᱮᱱᱟᱜ ᱢᱤᱫ ᱵᱚᱣᱫᱷᱚ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱢᱮᱨᱟᱠ ᱞᱟᱢᱟ ᱞᱳᱰᱨᱮ ᱜᱽᱭᱟᱛᱥᱳ ᱜᱮ ᱑᱖᱘᱐-᱘᱑ ᱮᱰᱤ ᱨᱮᱭ ᱵᱮᱱᱟᱣ ᱦᱚᱪᱚ ᱞᱮᱫ-ᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱢᱤᱫ ᱵᱩᱨᱩ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱑᱐,᱐᱐᱐ ᱯᱷᱩᱴ ᱢᱮᱱᱟᱜ-ᱟ ᱾ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱠᱟᱹᱴᱤᱡ ᱱᱟᱹᱭ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱱᱚᱰᱮ ᱠᱷᱚᱱ ᱫᱚ ᱯᱩᱨᱟᱹ ᱛᱭᱟᱸᱜᱽ-ᱪᱩ ᱜᱷᱟᱹᱴᱤ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱧᱮᱢᱮᱞ ᱧᱮᱞ ᱜᱟᱱᱚᱜ-ᱟ ᱾ ᱛᱚᱣᱟᱝ ᱢᱚᱴᱷ ᱥᱟᱺᱜᱤᱧ ᱠᱷᱚᱱ ᱫᱚ ᱠᱤᱞᱟ ᱞᱮᱠᱟ ᱧᱮᱞᱚᱜ-ᱟ ᱾ ᱯᱩᱨᱟᱹ ᱫᱤᱥᱚᱢ ᱨᱮ ᱱᱚᱣᱟ ᱫᱚ ᱟᱡ ᱞᱮᱠᱟᱱᱟᱜ ᱢᱤᱫᱴᱟᱹᱝ ᱥᱩᱢᱩᱝ ᱵᱚᱣᱫᱷ ᱢᱚᱴᱷ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱚᱣᱫᱷ ᱢᱚᱴᱷ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱨᱮᱫᱚ ᱗᱐᱐ ᱜᱟᱱ ᱵᱚᱣᱫᱷ ᱥᱟᱹᱫᱷᱩ ᱠᱚ ᱛᱟᱦᱮᱸ ᱫᱟᱲᱮᱭᱟᱜ-ᱟ ᱾ ᱛᱚᱣᱟᱝ ᱢᱚᱴᱷ ᱥᱩᱨ ᱨᱮᱫᱚ ᱢᱤᱫ ᱡᱷᱟᱨᱱᱟ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱱᱚᱣᱟ ᱡᱚᱞᱫᱷᱟᱨᱟ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱟᱨ ᱱᱚᱣᱟ ᱫᱚ ᱢᱚᱴᱷ ᱞᱟᱹᱜᱤᱫ ᱫᱟᱜ ᱦᱚᱸᱭ ᱯᱮᱨᱮᱡ ᱡᱚᱜᱟᱣ ᱮᱫ-ᱟ ᱾ ᱛᱚᱣᱟᱝ ᱢᱚᱴᱷ ᱨᱮᱭᱟᱜ ᱵᱚᱞᱚᱱ ᱫᱩᱣᱟᱹᱨ ᱫᱚ ᱫᱩᱠᱷᱤᱱ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱵᱚᱞᱚᱱ ᱫᱩᱣᱟᱹᱨ ᱫᱚ ᱠᱟᱠᱟᱞᱤᱝ ᱢᱮᱱᱛᱮ ᱧᱩᱛᱩᱢ ᱟᱠᱟᱱᱟ ᱾ ᱠᱟᱠᱟᱞᱤᱝ ᱧᱮᱞ ᱡᱚᱝ ᱫᱚ ᱡᱷᱩᱯᱲᱤ ᱞᱮᱠᱟ ᱧᱮᱞᱚᱜ-ᱟ ᱟᱨ ᱱᱚᱣᱟ ᱨᱮᱭᱟᱜ ᱵᱟᱨᱭᱟ ᱠᱟᱸᱛ ᱵᱮᱱᱟᱣ ᱨᱮᱫᱚ ᱫᱷᱤᱨᱤ ᱞᱟᱜᱟᱣ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱠᱟᱸᱛ ᱨᱮᱫᱚ ᱟᱹᱰᱤ ᱱᱟᱯᱟᱭ ᱱᱟᱯᱟᱭ ᱪᱤᱛᱟᱹᱨ ᱜᱚᱲᱦᱚᱱ ᱟᱠᱟᱱᱟ ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱝᱭᱟᱝ ᱜᱽᱭᱟᱛᱥᱚ (ᱛᱩᱨᱩᱭ ᱟᱹᱱᱤᱡ ᱫᱟᱞᱟᱭᱤ ᱞᱟᱢᱟ) ᱟᱜ ᱡᱟᱱᱟᱢ ᱴᱚᱴᱷᱟ ᱾[᱑]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮ ᱒᱐᱑᱑ ᱥᱟᱞᱮ ᱨᱮ ᱦᱩᱭ ᱞᱮᱱ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱛᱚᱣᱟᱝ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱑᱑,᱒᱐᱒ ᱠᱚ ᱛᱟᱦᱮᱸ ᱠᱟᱱᱟ ᱾[᱒]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Ugyenling Monastery: Birth Place of the 6th Dalai Lama". Be On The Road | Live your Travel Dream! (in English). 10 ᱡᱩᱱ 2012. Archived from the original on 28 ᱰᱤᱥᱮᱢᱵᱚᱨ 2016. Retrieved 22 ᱮᱯᱨᱤᱞ 2017.  Unknown parameter |url-status= ignored (help)
  2. http://www.censusindia.gov.in/2011census/dchb/1201_PART_B_DCHB_TAWANG.pdf

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]