ᱛᱟᱭᱠᱳᱸᱰᱳ
ᱛᱟᱭᱠᱳᱸᱰᱳ ( Taekwondo, Tae Kwon Do ᱟᱨᱵᱟᱝ Taekwon-Do /ˌtaɪkwɒnˈdoʊ, ˌtaɪˈkwɒndoʊ/;Korean: 태권도/跆拳道) ᱟᱨᱴ ᱫᱚ ᱢᱤᱫ ᱠᱳᱨᱤᱭᱟᱱ ᱢᱟᱨᱥᱟᱞ ᱟᱨᱴ ᱠᱟᱱᱟ ᱾ ᱱᱚᱶᱟ ᱠᱷᱮᱞᱚᱰ ᱨᱮᱫᱚ ᱵᱟᱨᱭᱟ ᱠᱷᱮᱞᱚᱰᱤᱭᱟᱹ ᱟᱯᱟᱱ ᱟᱹᱯᱤᱱ ᱠᱤᱱ ᱛᱷᱟᱹᱯᱟᱹᱭᱟᱹᱜᱼᱟ ᱾ ᱠᱷᱮᱞᱚᱰᱤᱭᱟᱹ ᱟᱡ ᱥᱟᱢᱟᱝᱤᱡ ᱠᱷᱮᱞᱚᱰᱤᱭᱟᱹ ᱛᱷᱟᱹᱭᱟᱹ ᱠᱟᱛᱮ ᱟᱴᱮᱫ(ᱢᱮᱴ) ᱠᱷᱚᱱ ᱚᱰᱚᱠ ᱟᱨᱵᱟᱝ ᱚᱛ ᱨᱮ ᱜᱩᱲᱫᱟᱹ ᱞᱟᱹᱜᱤᱫ ᱠᱩᱨᱩᱢᱩᱭᱟ ᱾ ᱱᱚᱶᱟ ᱨᱮ ᱵᱚᱦᱚᱜ ᱫᱷᱟᱹᱵᱤᱡ ᱛᱷᱟᱹᱭᱟᱹ,ᱫᱚᱱ ᱟᱹᱪᱩᱨᱟᱛᱮ ᱛᱷᱟᱹᱭᱟᱹ ᱟᱨ ᱡᱩᱨ ᱟᱛᱮ ᱛᱷᱟᱹᱭᱟᱹ ᱵᱮᱵᱷᱟᱨᱚᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱟᱨᱴ ᱟᱜ ᱟᱹᱵᱤᱥᱠᱟᱨ ᱫᱚ 1945 ᱨᱮ ᱫᱚᱥᱟᱨ ᱡᱮᱜᱮᱛ ᱛᱩᱯᱩᱫ ᱛᱟᱭᱚᱢ ᱦᱩᱭ ᱞᱮᱱᱟ ᱾ ᱢᱮᱱᱠᱟᱷᱟᱱ ᱵᱟᱭᱹᱵᱟᱹᱭ ᱛᱮ ᱱᱚᱶᱟ ᱡᱮᱜᱮᱛ ᱡᱟᱠᱟᱛ ᱨᱮ ᱯᱟᱥᱱᱟᱣ ᱤᱫᱤ ᱮᱱᱟ ᱾ ᱱᱤᱛᱚᱜ ᱛᱟᱭᱠᱳᱸᱰᱳ 200 ᱠᱷᱚᱱ ᱵᱟᱹᱲᱛᱤ ᱫᱤᱥᱚᱢ ᱨᱮ ᱯᱨᱟᱭ ᱘ ᱠᱳᱨᱚᱰ ᱦᱚᱲ ᱱᱚᱶᱟ ᱠᱷᱮᱞ ᱮᱱᱮᱡ ᱠᱟᱱᱟ ᱾ ᱡᱟᱦᱟᱸ ᱢᱚᱬᱮ ᱢᱟᱦᱟ ᱫᱣᱤᱯᱤᱭᱚ ᱭᱩᱱᱤᱭᱚᱱ (ᱟᱯᱷᱨᱤᱠᱟ, ᱮᱥᱤᱭᱟ, ᱭᱩᱨᱟᱯ, ᱯᱮᱱ ᱟᱢᱮᱨᱤᱠᱟ ᱟᱨ ᱚᱥᱤᱱᱤᱭᱟ) ᱫᱤᱭᱟᱹᱛᱮ ᱛᱩᱞᱟᱹᱣᱜ ᱠᱟᱱᱟ ᱾ ᱱᱚᱶᱟ ᱠᱷᱮᱞᱚᱰ ᱯᱩᱸᱰ ᱰᱳᱵᱳᱠ(ᱢᱤᱫ ᱞᱮᱠᱟᱱ ᱡᱮᱠᱮᱴ) ᱦᱚᱨᱚᱜ ᱠᱟᱛᱮ ᱞᱟᱢᱴᱟ ᱡᱟᱸᱜᱟ ᱛᱮ ᱠᱚ ᱠᱷᱮᱞᱚᱰᱟ ᱾ ᱵᱚᱦᱚᱜ ᱵᱟᱸᱪᱟᱣ ᱞᱟᱹᱜᱤᱫ ᱦᱮᱞᱢᱮᱴ ᱠᱚ ᱦᱚᱨᱚᱜᱟ ᱡᱟᱦᱟᱸ ᱫᱚ ᱦᱳᱢᱭᱩᱱ ᱠᱚ ᱢᱮᱛᱟᱜᱼᱟ ᱟᱨ ᱞᱟᱡ ᱵᱟᱸᱪᱟᱣ ᱞᱟᱹᱜᱤᱫ ᱜᱚᱫᱤ ᱞᱮᱠᱟᱱ ᱡᱮᱠᱮᱴ ᱫᱚ ᱦᱚᱜᱩ ᱠᱚ ᱢᱮᱛᱟᱜᱼᱟ ᱾