ᱛᱩᱲᱚᱥᱤ ᱢᱩᱱᱰᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱛᱩᱲᱚᱥᱤ ᱢᱩᱸᱰᱟ
Tulasi Munda-4.tiff
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱑᱕ ᱡᱩᱞᱟᱭ ᱑᱙᱔᱗ (1947-07-15) (᱗᱒ ᱥᱮᱨᱢᱟ)
ᱠᱭᱤᱸᱥᱤ, ᱠᱤᱧᱡᱷᱤᱨ
ᱠᱟᱹᱢᱤ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ

ᱛᱩᱲᱚᱥᱤ ᱢᱩᱸᱰᱟ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱡᱟᱱᱟᱢᱤᱡ ᱢᱤᱫ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱ ᱫᱚ ᱵᱤᱱᱚᱵᱟ ᱵᱷᱟᱵᱮ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱ ᱚᱛ-ᱦᱟᱥᱟ ᱫᱟᱱ ᱠᱟᱹᱢᱤ ᱨᱮ ᱑᱔ ᱥᱟᱞ ᱵᱚᱪᱷᱚᱨ ᱠᱷᱚᱱ ᱜᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱟᱹᱫᱤᱵᱟᱹᱥᱤ ᱜᱤᱫᱽᱨᱟ ᱠᱚᱣᱟᱜ ᱥᱮᱪᱮᱫ ᱟᱭᱫᱟᱹᱨ ᱞᱟᱹᱜᱤᱫ ᱒᱐ ᱜᱚᱴᱟᱝ ᱠᱷᱚᱱ ᱵᱟᱹᱲᱛᱤ ᱵᱟᱥᱟ ᱟᱥᱲᱟᱭ ᱪᱟᱞᱟᱣ ᱮᱫᱟ [᱑] ᱾ ᱱᱚᱶᱟ ᱟᱥᱲᱟ ᱨᱮ ᱒᱐᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱪᱮᱛ ᱟᱪᱮᱛᱹᱱᱤ ᱠᱚ ᱯᱟᱲᱦᱟᱣᱜ ᱠᱟᱱᱟ [᱒]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱩᱲᱚᱥᱤ ᱢᱩᱸᱰᱟ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱠᱤᱧᱡᱷᱤᱨ ᱡᱤᱞᱟᱹ ᱨᱮᱱᱟᱜ ᱵᱚᱰᱵᱤᱞ ᱥᱩᱨ ᱥᱮᱨᱮᱱᱰᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱫᱚ ᱪᱚᱨᱚᱬ ᱢᱩᱸᱰᱟᱹ ᱟᱨ ᱮᱸᱜᱟᱛ ᱫᱚ ᱜᱷᱟᱥᱚ ᱢᱩᱸᱰᱟ ᱧᱩᱛᱩᱢ ᱟᱭᱟ ᱾ ᱟᱯᱟᱛ ᱫᱚ ᱟᱹᱛᱩ ᱨᱤᱱᱤᱡ ᱢᱟᱺᱡᱷᱤ ᱛᱟᱦᱮᱸ ᱠᱟᱱᱟ ᱾ ᱜᱤᱫᱽᱨᱟᱹ ᱵᱮᱲᱟ ᱨᱮᱜᱮ ᱟᱯᱟᱛ ᱫᱚᱭ ᱵᱚᱝᱜᱟ ᱛᱟᱞᱟ ᱞᱮᱱ ᱛᱟᱦᱮᱸᱫ ᱾ ᱟᱠᱚ ᱮᱭᱟᱭ ᱵᱚᱭᱦᱟ ᱢᱤᱥᱤ ᱠᱷᱚᱱ ᱟᱡ ᱫᱚ ᱦᱩᱰᱤᱧ ᱩᱛᱟᱹᱨᱤᱡ ᱛᱟᱦᱮᱸ ᱠᱟᱱᱟᱭ ᱾ ᱢᱟᱨᱟᱝ ᱵᱚᱭᱦᱟ ᱟᱨ ᱵᱩᱦᱤᱱ ᱠᱚ ᱫᱚ ᱠᱷᱟᱫᱟᱱ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱠᱚ ᱾ ᱟᱡ ᱦᱚᱸ ᱞᱟᱡ ᱟᱹᱥᱩᱞ ᱟᱹᱜᱤᱫ ᱠᱷᱟᱫᱟᱱ ᱨᱮᱜᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱟᱡ ᱵᱚᱭᱚᱥ ᱨᱤᱱ ᱜᱤᱫᱽᱨᱟᱹ ᱠᱚ ᱢᱮᱨᱚᱢ ᱠᱚ ᱜᱩᱯᱤᱠᱟᱱ ᱵᱮᱲᱟ ᱨᱮ ᱟᱡ ᱫᱚ ᱯᱟᱲᱦᱟᱣᱜ ᱥᱟᱱᱟ ᱞᱮᱫᱮ ᱛᱟᱦᱮᱸᱫ ᱾ ᱱᱚᱶᱟ ᱞᱟᱹᱜᱤᱫ ᱟᱭᱢᱟ ᱮᱴᱠᱮᱴᱚᱬᱮ ᱥᱟᱢᱟᱝ ᱦᱩᱭ ᱟᱫᱮ ᱛᱟᱦᱮᱸᱫ ᱾ ᱡᱚᱛᱚ ᱠᱚ ᱟᱥᱟᱭᱮᱫ ᱛᱟᱦᱮᱸᱫ ᱪᱤ ᱟᱡ ᱫᱚᱭ ᱜᱷᱟᱨᱚᱡᱽ ᱥᱚᱝᱥᱟᱨ ᱢᱟᱭ ᱢᱮᱱᱛᱮ ᱾ ᱢᱮᱱᱠᱷᱟᱱ ᱟᱹᱛᱩ ᱨᱮ ᱢᱤᱫᱴᱟᱝ ᱜᱟᱱ ᱟᱥᱲᱟ ᱦᱚᱸ ᱵᱟᱭ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱢᱚᱱᱮ ᱢᱚᱥᱨᱟ ᱞᱮᱱ ᱛᱟᱭᱟ ᱾ ᱯᱟᱲᱦᱟᱣᱜ ᱪᱮᱛᱟᱱ ᱟᱡᱟᱜ ᱜᱚᱨᱚᱡ ᱧᱮᱞ ᱟᱠᱟᱛᱮ ᱠᱷᱟᱫᱟᱱ ᱨᱤᱱᱤᱡ ᱪᱟᱪᱞᱟᱣᱤᱭᱟᱹ ᱤᱝᱞᱤᱥ ᱮ ᱪᱮᱫ ᱞᱮᱫᱮ ᱛᱟᱦᱮᱸᱫ ᱾

ᱥᱟᱶᱛᱟ ᱥᱩᱥᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱖᱓ ᱥᱟᱞᱮ ᱨᱮ ᱥᱚᱱᱛᱷ ᱵᱤᱱᱚᱵᱟ ᱵᱷᱟᱵᱮ ᱳᱰᱤᱥᱟ ᱛᱮᱭ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱨᱮᱸᱜᱮᱡ ᱚᱲᱮᱡ ᱦᱚᱲ ᱠᱚ ᱞᱟᱹᱜᱤᱫ ᱚᱛ ᱦᱟᱥᱟᱭ ᱫᱟᱱ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱧᱮᱞᱛᱮ ᱚᱨᱥᱚᱝ ᱞᱮᱱ ᱛᱟᱦᱮᱸᱫ ᱾ ᱚᱛ ᱦᱟᱥᱟ ᱫᱟᱱ ᱦᱩᱞᱜᱟᱹᱨ ᱞᱟᱹᱜᱤᱫ ᱥᱟᱯᱲᱟᱣᱜ ᱠᱟᱱ ᱯᱷᱟᱹᱫᱽ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱛᱩᱲᱚᱥᱤ ᱫᱚ ᱢᱚᱫᱽᱫᱷᱭᱚ ᱯᱨᱚᱫᱮᱥ ᱛᱮ ᱪᱟᱞᱟᱣ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱜᱮ ᱟᱡᱟᱜ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱫᱚ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱳᱰᱤᱥᱟ ᱨᱤᱱ ᱚᱱᱱᱯᱩᱨᱱᱟ ᱫᱟᱥ ᱟᱨ ᱱᱤᱨᱢᱚᱲᱟ ᱫᱮᱥᱯᱚᱱᱰᱟ ᱥᱟᱶ ᱮ ᱠᱟᱹᱢᱤ ᱞᱮᱫ ᱛᱦᱟᱮᱸᱫ ᱾ ᱴᱨᱮᱱᱤᱝ ᱠᱷᱚᱱ ᱨᱩᱣᱹᱟᱲ ᱠᱟᱛᱮ ᱟᱠᱚ ᱴᱚᱴᱷᱟ ᱨᱮᱱᱟᱜ ᱠᱷᱟᱫᱟᱱ ᱨᱮ ᱠᱟᱹᱢᱤ ᱠᱟᱱ ᱦᱚᱲ ᱠᱚᱨᱤᱱ ᱜᱤᱫᱽᱨᱟᱹ ᱠᱚ ᱟᱥᱲᱟ ᱵᱟᱹᱱᱩᱜ ᱠᱷᱟᱹᱛᱤᱨ ᱥᱮᱪᱮᱫ ᱠᱷᱚᱱᱟᱜ ᱥᱟᱺᱜᱤᱧ ᱨᱮ ᱢᱮᱱᱟᱜ ᱠᱚ ᱨᱮᱱᱟᱜ ᱱᱟᱪᱟᱨ ᱮ ᱧᱮᱞ ᱞᱮᱫ ᱛᱟᱦᱮᱸᱫ ᱾ ᱳᱰᱤᱥᱟ ᱦᱮᱡ ᱠᱟᱛᱮ ᱢᱟᱬᱚᱛᱤ ᱪᱚᱣᱫᱷᱩᱨᱤ, ᱨᱚᱢᱟᱫᱮᱵᱤ, ᱱᱤᱨᱢᱚᱲᱟ ᱮᱢᱟᱱ ᱠᱚᱣᱟᱜ ᱛᱚᱨᱥᱚᱝ ᱛᱮ ᱦᱮᱡ ᱠᱟᱛᱮ ᱟᱡᱟᱜ ᱡᱤᱭᱚᱱ ᱨᱮᱱᱟᱜ ᱥᱮᱦᱮᱫ ᱵᱚᱫᱚᱞ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱡᱚᱰᱟ, ᱵᱚᱰᱵᱤᱞ ᱮᱞᱟᱠᱟ ᱨᱮ ᱢᱮᱱᱟᱜ ᱠᱚ ᱠᱷᱟᱫᱟᱱ ᱠᱟᱹᱢᱤ ᱦᱚᱲ ᱠᱚᱨᱤᱱ ᱜᱤᱫᱽᱨᱟᱹ ᱠᱚ ᱵᱤᱱ ᱠᱟᱹᱣᱰᱤ ᱛᱮ ᱥᱮᱪᱮᱫ ᱠᱚ ᱨᱮᱱᱟᱜ ᱜᱮ ᱠᱩᱨᱩᱢᱩᱴᱩ ᱞᱮᱫ ᱛᱟᱦᱮᱸᱫ ᱾ ᱑᱙᱖᱔ ᱥᱟᱞᱮ ᱨᱮ ᱟᱥᱲᱟᱭ ᱵᱮᱨᱮᱫ ᱮᱦᱚᱵ ᱞᱮᱫ ᱛᱟᱦᱮᱸᱫ [᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Rai, Arbinda (2016). Turning point. cuttack: Friend's publishers. p. 247. ISBN 8174018638.  More than one of |pages= and |page= specified (help)
  2. S, Lekshmi Priya. "12 Interesting Facts About Tulasi Apa, the Odisha Woman Who Has Taught 20,000+ Children in 50 Years". thebetterindia.com. Retrieved 19 ᱢᱮ 2017. 
  3. http://jewelsofindia.blogspot.in/2012/08/tulasi-munda-orissa.html.  Missing or empty |title= (help)