ᱛᱷᱳᱨᱤ (ᱟ.ᱫᱤᱵᱟ.ᱥᱤ)
ᱛᱷᱳᱨᱤ ᱫᱚ ᱥᱤᱧᱚᱛ ᱨᱮᱱᱟᱜ ᱜᱩᱡᱽᱨᱟᱴ, ᱨᱟᱡᱚᱥᱛᱷᱟᱱ ᱟᱨ ᱦᱚᱨᱤᱭᱟᱱᱟ ᱯᱚᱱᱚᱛ ᱨᱮᱠᱚ ᱛᱟᱦᱮᱸᱱ ᱠᱟᱱ ᱢᱤᱫᱴᱟᱝ ᱦᱟᱹᱴᱤᱧ ᱟᱠᱟᱱ ᱡᱟᱹᱛᱤ ᱠᱟᱱᱟ ᱠᱚ ᱾ ᱱᱩᱠᱩ ᱫᱚ ᱱᱟᱭᱚᱠ ᱠᱚ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ ᱾[᱑][᱒]
ᱱᱟᱜᱟᱢ ᱟᱨ ᱮᱛᱚᱦᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱷᱳᱨᱤ ᱠᱚᱣᱟᱜ ᱡᱟᱱᱟᱢ ᱫᱚ ᱥᱩᱨᱭᱟᱵᱷᱟᱱᱥᱤ ᱨᱟᱡᱽᱯᱩᱛ ᱠᱷᱚᱱ ᱦᱩᱭ ᱞᱮᱱᱟ ᱾ ᱱᱩᱠᱩ ᱠᱚᱣᱟᱜ ᱢᱮᱱ ᱫᱚ ᱦᱩᱭᱩᱜ ᱠᱟᱱᱟ ᱡᱮ ᱩᱱᱠᱩ ᱫᱚ ᱨᱟᱡᱽᱯᱩᱛ ᱨᱟᱡᱟ ᱠᱚᱣᱟᱜ ᱯᱷᱩᱨᱜᱟᱹᱞ ᱨᱮ ᱠᱚᱢᱟᱱᱰᱟᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱨᱟᱡᱟ ᱠᱚᱫᱚ ᱩᱱᱠᱩᱣᱟᱜ ᱫᱟᱲᱮ ᱡᱚᱦᱟᱨ ᱠᱟᱛᱮ ᱩᱱᱠᱩᱣᱟᱜ ᱧᱩᱛᱩᱢ ᱠᱚ ᱵᱚᱫᱚᱞ ᱞᱮᱫ ᱠᱚᱣᱟ ᱾ ᱱᱚᱶᱟ ᱛᱮ ᱨᱟᱡᱽᱯᱩᱛ ᱥᱟᱶᱛᱟ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱮᱱᱟ ᱟᱨ ᱛᱳᱨᱤ ᱠᱚᱣᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱧᱩᱛᱩᱢ ᱮ ᱦᱟᱛᱟᱣ ᱠᱮᱫ-ᱟ ᱾[᱓]
ᱱᱮᱛᱟᱨᱟᱜ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱩᱠᱩ ᱫᱚ ᱜᱟᱝᱜᱟᱱᱚᱜᱚᱨ ᱟᱨ ᱪᱩᱨᱩ ᱦᱚᱱᱚᱛ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱩᱠᱩᱣᱟᱜ ᱨᱚᱲ ᱯᱟᱹᱨᱥᱤ ᱫᱚ ᱢᱟᱨᱣᱟᱲᱤ ᱠᱟᱱᱟ ᱾ ᱛᱷᱳᱨᱤ ᱫᱚ ᱑᱖ ᱜᱚᱴᱟᱝ ᱜᱷᱟᱨᱚᱸᱡᱽ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱯᱟᱱᱣᱟᱨ, ᱥᱳᱞᱟᱱᱠᱤ, ᱪᱚᱣᱦᱟᱱ, ᱴᱳᱢᱟᱨ, ᱨᱚᱝᱦᱟᱨ, ᱵᱟᱜᱞᱟ, ᱰᱚᱜᱞᱟ, ᱪᱟᱱᱰᱮᱞᱟ, ᱫᱷᱳᱞ, ᱥᱳᱫᱟᱛᱷ, ᱠᱷᱤᱱᱪᱤ, ᱨᱟᱱ, ᱜᱳᱨ ᱟᱨ ᱜᱷᱟᱞᱳᱴ ᱾ ᱱᱩᱠᱩ ᱫᱚ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱨᱮᱱ ᱠᱟᱱᱟ ᱠᱚ, ᱟᱨ ᱠᱞᱟᱱ ᱮᱠᱥᱳᱜᱟᱢᱤ (clan exogamy) ᱠᱚ ᱫᱚᱦᱚᱭᱟ᱾
ᱛᱷᱳᱨᱤ ᱫᱚ ᱢᱤᱫᱴᱟᱹᱝ ᱦᱚᱸ ᱚᱛ ᱵᱟᱹᱱᱩᱜ ᱟᱱ ᱨᱮᱱ ᱦᱚᱲ ᱠᱟᱱᱟ ᱠᱚ, ᱟᱨ ᱨᱮᱸᱜᱮᱡ ᱞᱮᱠᱟᱛᱮ ᱠᱚ ᱵᱚᱫᱚᱞ ᱟᱠᱟᱱᱟ ᱾ ᱱᱩᱠᱩ ᱫᱚ ᱫᱤᱱᱟᱹᱢ ᱦᱤᱞᱚᱜ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱤᱱᱰᱟᱥᱴᱨᱤᱭᱟᱞ ᱟᱨ ᱟᱜᱽᱨᱤᱞᱮᱡᱽ ᱥᱮᱠᱴᱚᱨ ᱨᱮ ᱠᱚ ᱠᱟᱹᱢᱤ ᱠᱟᱱᱟ ᱾ ᱱᱩᱠᱩᱣᱟᱜ ᱢᱤᱫ ᱠᱮᱴᱮᱡ ᱠᱟᱣᱩᱱᱥᱤᱞ ᱢᱮᱱᱟᱜ-ᱟ, ᱡᱟᱦᱟᱸ ᱫᱚ ᱱᱟᱭᱚᱠ ᱥᱟᱢᱟᱡᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜ-ᱟ, ᱡᱟᱦᱟᱸ ᱫᱚ ᱠᱣᱟᱥᱤ-ᱡᱩᱰᱤᱥᱤᱭᱟᱞ ᱜᱟᱶᱛᱟ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ ᱟᱨ ᱤᱱᱴᱨᱟ-ᱠᱚᱢᱩᱱᱤᱴᱤ ᱟᱹᱭᱫᱟᱹᱨᱤ ᱠᱚ ᱪᱟᱞᱟᱜ ᱠᱟᱱᱟ ᱾ ᱛᱳᱨᱤ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ, ᱟᱨ ᱯᱟᱵᱩᱡᱤ ᱫᱚ ᱩᱱᱠᱩᱣᱟᱜ ᱢᱩᱬᱩᱛ ᱫᱷᱚᱨᱚᱢ ᱠᱟᱱᱟ ᱾
ᱜᱩᱡᱽᱨᱟᱴ ᱨᱮᱱ ᱛᱷᱳᱨᱤ ᱠᱚᱫᱚ ᱩᱛᱞᱳᱭᱣᱟᱞᱟ, ᱵᱟᱴᱣᱟᱞᱟ ᱟᱨ ᱡᱷᱳᱨᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ ᱾ ᱱᱩᱠᱩᱣᱟᱜ ᱫᱚ ᱵᱟᱨᱭᱟ ᱮᱱᱰᱳᱜᱟᱢᱤ ᱜᱩᱴ ᱢᱮᱱᱟᱜ-ᱟ, ᱢᱚᱠᱣᱟᱱᱟ ᱟᱨ ᱵᱟᱨᱟᱥᱤᱭᱟ ᱾ ᱛᱳᱨᱤ ᱫᱚ ᱢᱤᱫ ᱱᱟᱢᱰᱟᱠ ᱡᱟᱹᱛᱤ ᱠᱟᱱᱟ ᱠᱚ, ᱑᱐ ᱟᱨ ᱑᱕ ᱜᱚᱴᱟᱝ ᱜᱚᱴᱟᱝ ᱜᱩᱴ ᱨᱮ ᱠᱚ ᱥᱮᱱᱚᱜ-ᱟ ᱟᱨ ᱠᱚᱢ ᱦᱩᱰᱤᱧ ᱦᱩᱰᱤᱧ ᱨᱮ ᱠᱚ ᱛᱟᱦᱮᱸᱱᱟ ᱾ ᱮᱴᱟᱜ ᱜᱩᱡᱽᱨᱟᱴᱤ ᱥᱟᱶᱛᱟ ᱞᱮᱠᱟ ᱜᱮ ᱱᱩᱠᱩᱣᱟᱜ ᱦᱚᱸ ᱟᱹᱰᱤ ᱜᱟᱱ ᱜᱷᱟᱨᱚᱸᱡᱽ ᱢᱮᱱᱟᱜ-ᱟ, ᱚᱠᱚᱭ ᱫᱚ ᱟᱴᱟᱠ ᱠᱚ ᱢᱮᱛᱟᱜ-ᱟ ᱾ ᱱᱩᱠᱩᱣᱟᱜ ᱢᱩᱬᱩᱛ ᱟᱛᱚᱠ ᱫᱚ ᱦᱩᱭᱩᱜ ᱠᱟᱱᱟ ᱯᱟᱨᱢᱟᱨ, ᱢᱚᱠᱳᱣᱟᱨᱟ, ᱜᱟᱛᱟᱨ, ᱠᱷᱟᱨᱠᱟᱨᱤᱭᱟ, ᱵᱷᱳᱯᱤᱝ, ᱱᱟᱨᱳᱫᱤᱭᱟ ᱟᱨ ᱢᱚᱝᱜᱟᱨᱪᱤ ᱾ ᱱᱤᱛ ᱦᱚᱸ ᱱᱚᱶᱟ ᱴᱚᱴᱷᱟ ᱨᱮᱱ ᱦᱚᱲ ᱠᱚᱫᱚ ᱵᱟᱹᱲᱛᱤ ᱠᱟᱭᱛᱮ ᱠᱟᱹᱣᱰᱤ ᱵᱮᱱᱟᱣ ᱨᱮᱠᱚ ᱠᱟᱹᱢᱤ ᱠᱟᱱᱟ ᱾ ᱱᱩᱠᱩᱣᱟᱜ ᱡᱟᱭᱜᱟ ᱫᱚ ᱮᱛᱚᱢ ᱟᱨ ᱛᱟᱞᱢᱟ ᱜᱩᱡᱽᱨᱟᱴ ᱨᱮ ᱢᱮᱱᱟᱜᱼᱟ, ᱟᱦᱢᱚᱫᱟᱵᱟᱫᱽ, ᱥᱩᱨᱮᱱᱫᱽᱨᱚᱱᱚᱜᱚᱨ, ᱥᱟᱵᱚᱨᱠᱟᱱᱛᱷᱟ, ᱯᱚᱧᱪᱢᱚᱦᱚᱞ ᱟᱨ ᱵᱟᱨᱳᱫᱟ ᱦᱚᱱᱚᱛ ᱨᱮ ᱾ ᱨᱟᱡᱚᱥᱛᱷᱟᱱ ᱛᱳᱨᱤ ᱞᱮᱠᱟ, ᱩᱱᱠᱩ ᱫᱚ ᱢᱮᱣᱟᱨᱤ ᱯᱟᱹᱨᱥᱤ ᱠᱚ ᱨᱚᱲᱟ ᱾
ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ People of India Rajasthan Volume XXXVIII Part Two edited by B.K Lavania, D. K Samanta, S K Mandal & N.N Vyas pages 964 to 967 Popular Prakashan
- ↑ People of India Gujarat Volume XXI Part Three edited by R.B Lal, P.B.S.V Padmanabham, G Krishnan & M Azeez Mohideen pages 1373-1378
- ↑ People of India Rajasthan Volume XXXVIII Part Two edited by B.K Lavania, D. K Samanta, S K Mandal & N.N Vyas pages 964 to 967 Popular Prakashan