ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ
| ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ | |
|---|---|
| ᱢᱩᱬ ᱧᱩᱛᱩᱢ | गंगा नारायण सिंह |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱕ ᱮᱯᱨᱤᱞ ᱑᱗᱙᱐ ᱵᱟᱱᱫᱽᱰᱤᱦ, ᱱᱤᱢᱰᱤᱦ, ᱡᱚᱝᱜᱚᱞ ᱢᱚᱦᱚᱞ, British India |
| ᱜᱩᱨ | ᱗ ᱯᱷᱮᱵᱽᱨᱩᱣᱟᱨᱤ ᱑᱘᱓᱓ (᱔᱒ ᱵᱚᱭᱚᱥ) ᱠᱷᱟᱨᱥᱟᱸᱶᱟ, ᱵᱨᱤᱴᱤᱥ ᱥᱤᱧᱚᱛ |
| ᱧᱩᱢᱱᱟᱢ | ᱵᱷᱩᱢᱤᱡᱽ ᱞᱟᱹᱲᱦᱟᱹᱭ ᱩᱫᱩᱜᱤᱭᱟᱹ(1832-33) |
| ᱟᱯᱟᱛ ᱮᱸᱜᱟᱛ |
|
ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ (᱒᱕ ᱮᱯᱨᱤᱞ ᱑᱗᱙᱐ - ᱗ ᱯᱷᱮᱵᱽᱨᱩᱣᱟᱨᱤ ᱑᱘᱓᱓) ᱫᱚ ᱡᱚᱝᱜᱚᱞ ᱢᱚᱦᱚᱞ ᱨᱮᱱ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱵᱷᱩᱢᱤᱡᱽ ᱨᱟᱡᱽᱟᱹᱨᱤ ᱨᱮᱱ ᱢᱩᱲᱩᱛ ᱦᱚᱲ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟᱭ᱾[᱑][᱒] ᱩᱱᱤ ᱫᱚ ᱑᱘᱓᱒-᱑᱘᱓᱓ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱨᱤᱱᱤᱡ ᱨᱟᱡᱽᱜᱟᱲᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱾ ᱵᱨᱤᱴᱤᱥ ᱱᱚᱶᱟ ᱫᱚ "ᱜᱚᱝᱜᱟ ᱱᱟᱨᱟᱭᱤᱱ ᱨᱮᱭᱟᱜ ᱦᱟᱝᱜᱟᱢᱟ" ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱟᱜᱟᱢᱤᱭᱟᱹ ᱠᱚ ᱱᱚᱶᱟ ᱫᱚ ᱪᱩᱣᱟ.ᱲ ᱞᱟ.ᱲᱦᱟ.ᱭ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾[᱓][᱔]
ᱡᱤᱭᱚᱱ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱚᱝᱜᱟ ᱱᱟᱨᱟᱭᱚᱱ ᱫᱚ ᱒᱕ ᱮᱯᱨᱤᱞ ᱑᱗᱙᱐ ᱥᱟᱞᱮᱨᱮ ᱵᱨᱤᱴᱤᱥ ᱥᱤᱧᱚᱛ ᱨᱮᱱᱟᱜ ᱡᱩᱝᱜᱚᱞ ᱢᱚᱦᱚᱞ ᱨᱮᱱᱟᱜ ᱵᱟᱱᱫᱷᱫᱤᱦ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱞᱚᱠᱷᱢᱚᱱ ᱱᱟᱨᱟᱭᱚᱬ ᱥᱤᱝ ᱟᱨ ᱮᱸᱜᱟᱛ ᱫᱚ ᱢᱚᱢᱛᱟ ᱫᱮᱵᱤ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱨᱟᱵᱷᱩᱢ ᱨᱟᱡᱟ ᱵᱤᱵᱮᱠ ᱱᱟᱨᱟᱭᱚᱬ ᱥᱤᱝ ᱟᱜ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱮ ᱵᱟᱨᱭᱟ ᱵᱚᱭᱦᱟ ᱥᱭᱟᱢᱠᱤᱥᱳᱨ ᱥᱤᱝ ᱟᱨ ᱥᱭᱟᱢ ᱞᱟᱞ ᱥᱤᱝ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱭᱳ ᱢᱚᱢᱛᱟ ᱫᱮᱵᱤ ᱫᱚ ᱦᱩᱱᱟᱹᱨ ᱟᱨ ᱫᱷᱚᱨᱚᱢ ᱨᱮᱱ ᱦᱚᱲ ᱠᱟᱱᱟᱭ, ᱢᱮᱱᱠᱷᱟᱱ ᱵᱨᱤᱴᱤᱥ ᱥᱟᱥᱚᱱ ᱨᱮᱱ ᱟᱹᱰᱤ ᱢᱟᱨᱟᱝ ᱦᱚᱲ ᱠᱟᱱᱟᱭ ᱾ ᱩᱱᱤ ᱫᱚ ᱟᱡ ᱵᱟᱨᱭᱟ ᱜᱤᱫᱽᱨᱟ. ᱜᱚᱝᱜᱟ ᱱᱟᱨᱟᱭᱚᱬ ᱟᱨ ᱥᱭᱟᱢ ᱞᱟᱞ ᱵᱨᱤᱴᱤᱥ ᱠᱚ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱛᱮ ᱩᱱᱠᱩ ᱠᱚᱭ ᱩᱫᱽᱜᱟᱹᱣ ᱞᱮᱫᱮᱭᱟ ᱾
ᱵᱟᱨᱟᱵᱷᱩᱢ ᱨᱟᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱟᱵᱷᱩᱢ ᱨᱤᱱᱤᱡ ᱨᱟᱡᱟ ᱵᱤᱵᱮᱠ ᱱᱟᱨᱟᱭᱚᱬ ᱥᱤᱝ ᱫᱚ ᱵᱟᱨᱭᱟ ᱨᱟᱡᱟ ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱟᱨᱭᱟ ᱨᱟᱡᱟ ᱠᱩᱲᱤ ᱜᱤᱫᱽᱨᱟ. ᱑᱘ ᱥᱟᱭ ᱥᱮᱨᱢᱟ ᱨᱮ ᱨᱟᱡᱟ ᱵᱤᱵᱮᱠ ᱱᱟᱨᱟᱭᱚᱬ ᱥᱤᱝ ᱟᱜ ᱜᱩᱨ ᱛᱟᱭᱚᱢ, ᱵᱟᱨᱭᱟ ᱜᱤᱫᱽᱨᱟ. ᱞᱚᱠᱷᱢᱚᱱ ᱱᱟᱨᱟᱭᱚᱬ ᱥᱤᱝ ᱟᱨ ᱨᱚᱜᱷᱩᱱᱟᱛᱷ ᱱᱟᱨᱟᱭᱚᱬ ᱥᱤᱝ ᱛᱟᱞᱟ ᱨᱮ ᱛᱷᱟᱯᱚᱱ ᱞᱟᱹᱜᱤᱫ ᱟᱹᱭᱫᱟᱹᱨᱤ ᱦᱩᱭ ᱞᱮᱱᱟ ।
ᱨᱮᱵᱮᱞᱤᱭᱟᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱗᱖᱕ ᱥᱮᱨᱢᱟ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱵᱚᱝᱜᱚᱞ, ᱵᱤᱦᱟᱨ, ᱳᱰᱤᱥᱟ ᱨᱮᱭᱟᱜ ᱫᱤᱵᱟᱱᱤ ᱫᱚ ᱫᱤᱞᱞᱤ ᱨᱤᱱ ᱢᱩᱜᱚᱞ ᱥᱚᱢᱨᱟᱴ ᱵᱟᱫᱽᱥᱟᱦ ᱥᱟᱦ ᱟᱞᱟᱢ ᱴᱷᱮᱱ ᱠᱷᱚᱱ ᱦᱟᱛᱟᱣ ᱛᱟᱭᱚᱢ ᱡᱩᱝᱜᱚᱞ ᱢᱚᱦᱚᱞ ᱨᱮ ᱠᱚᱢ ᱜᱟᱱ ᱠᱟᱹᱣᱰᱤᱟᱹᱨᱤ ᱠᱚᱣᱟᱜ ᱟᱹᱠᱤᱞ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱨᱤᱵᱷᱮᱴ ᱠᱚ ᱦᱟᱛᱟᱣ ᱞᱟᱹᱜᱤᱫ ᱱᱟᱣᱟ ᱦᱚᱨᱟ ᱠᱚ ᱮᱛᱚᱦᱚᱵ ᱠᱮᱫᱟ_ ᱱᱚᱶᱟ ᱞᱟᱹᱜᱤᱫ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱥᱚᱞᱴ ᱴᱮᱠᱥ, ᱫᱟᱨᱳᱜᱟ ᱥᱤᱥᱴᱮᱢ, ᱞᱟᱠᱪᱟᱨᱤᱭᱟᱹ ᱠᱚᱣᱟᱜ ᱦᱮᱡ ᱥᱮᱱ, ᱵᱩᱨᱩ ᱥᱤᱥᱴᱮᱢ, ᱞᱟᱠᱪᱟᱨ ᱟᱨ ᱫᱷᱚᱢᱤ ᱥᱤᱥᱴᱮᱢ ᱥᱟᱶ ᱡᱩᱲᱟᱹᱣ ᱟᱠᱟᱱ ᱟᱹᱨᱤ ᱠᱚ, ᱟᱨ ᱢᱟᱱᱵᱷᱩᱢ, ᱵᱟᱨᱟᱵᱷᱩᱢ, ᱥᱤᱝᱵᱷᱩᱢ, ᱫᱷᱟᱞᱵᱷᱩᱢ, ᱯᱟᱴᱠᱩᱢ, ᱢᱮᱫᱤᱱᱤᱯᱩᱨ, ᱵᱟᱱᱠᱩᱲᱟ ᱟᱨ ᱵᱚᱨᱫᱷᱚᱢᱟᱱ ᱮᱢᱟᱱ ᱨᱮ ᱵᱷᱩᱢᱤᱡ ᱠᱚᱣᱟᱜ ᱚᱛ ᱠᱷᱚᱱ ᱟᱹᱰᱤ ᱵᱟᱹᱲᱛᱤ ᱦᱟᱥᱟ ᱠᱚ ᱦᱟᱛᱟᱣ ᱞᱟᱹᱜᱤᱫ ᱨᱤᱵᱽᱨᱤᱡᱽ ᱥᱠᱮᱥᱚᱱ ᱟᱹᱨᱤ ᱠᱚ ᱮᱢ ᱞᱮᱫᱟ ᱾ ᱱᱚᱝᱠᱟ ᱛᱮ ᱵᱨᱤᱴᱤᱥ ᱠᱚ ᱟᱹᱫᱤᱵᱟᱹᱥᱤ ᱟᱨ ᱵᱷᱩᱴᱟᱱ ᱠᱟᱹᱣᱰᱤᱟᱹᱨᱤ ᱠᱚᱣᱟᱜ ᱵᱮᱵᱷᱟᱨ ᱫᱚ ᱵᱟᱹᱲᱛᱤ ᱮᱛᱚᱦᱚᱵ ᱮᱱᱟ ᱾
ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ ᱫᱚ ᱵᱨᱤᱴᱤᱥ ᱠᱚ ᱴᱷᱮᱱ ᱡᱩᱜᱽᱞᱤ ᱢᱚᱦᱚᱞ ᱨᱮ ᱜᱚᱡ ᱟᱠᱟᱱ ᱜᱟᱹᱠᱷᱩᱲ ᱠᱚᱣᱟᱜ ᱵᱮᱵᱷᱟᱨ ᱟᱨ ᱥᱟᱥᱚᱱ ᱥᱟᱶ ᱡᱚᱲᱟᱣ ᱟᱠᱟᱱ ᱫᱟᱹᱭᱠᱟᱹ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱛᱮ ᱟᱹᱭᱠᱟᱹᱣ ᱮᱱᱟᱭ ᱾ ᱜᱚᱝᱜᱟ ᱱᱟᱨᱟᱭᱚᱬ ᱟᱜ ᱜᱚᱲᱦᱚᱱ ᱨᱮ ᱡᱩᱝᱜᱽᱞᱤ ᱢᱚᱦᱚᱞ ᱨᱤᱱ ᱦᱚᱲ ᱠᱚᱣᱟᱜ ᱩᱭᱦᱟ.ᱱ ᱦᱮᱡ ᱮᱱᱟ ᱟᱨ ᱵᱨᱤᱴᱤᱥ ᱠᱚ ᱴᱷᱮᱱ ᱩᱭᱦᱟ.ᱱ ᱮᱛᱚᱦᱚᱵ ᱠᱮᱫᱟ । ᱩᱱᱤ ᱫᱚ ᱡᱚᱝᱜᱽᱞᱮ ᱢᱚᱦᱚᱞ ᱨᱮᱭᱟᱜ ᱡᱚᱛᱚ ᱠᱟᱥᱴ ᱠᱚ ᱵᱨᱤᱴᱤᱥ ᱠᱚᱣᱟᱜ ᱵᱮᱵᱚᱥᱛᱟ ᱟᱹᱨᱤᱪᱟᱹᱞᱤ ᱠᱚᱭ ᱵᱩᱡᱷᱟᱹᱣ ᱞᱮᱫᱼᱟ ᱟᱨ ᱩᱱᱠᱩ ᱠᱚᱭ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱛᱮ ᱩᱱᱠᱩ ᱠᱚᱭ ᱵᱷᱮᱡᱟ ᱞᱮᱫᱼᱟ ᱾ ᱑᱘᱓᱒ ᱥᱮᱨᱢᱟ ᱨᱮ ᱜᱚᱝᱜᱟ ᱱᱟᱨᱟᱭᱚᱬ ᱥᱤᱝ ᱟᱜ ᱜᱚᱲᱦᱚᱱ ᱛᱮ ᱟᱹᱰᱤ ᱢᱟᱨᱟᱝ ᱞᱟᱹᱲᱦᱟᱹᱭ ᱦᱩᱭ ᱞᱮᱱᱟ । ᱱᱚᱣᱟ ᱞᱟᱹᱲᱦᱟᱹᱭ ᱫᱚ ᱵᱨᱤᱴᱤᱥ ᱠᱚ ᱜᱚᱝᱜᱟ ᱱᱟᱨᱟᱭᱤᱱ ᱦᱩᱝᱜᱟᱢᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱟᱨ ᱱᱟᱜᱟᱢᱤᱭᱟᱹ ᱠᱚ ᱫᱚ ᱪᱩᱣᱟᱨ ᱞᱟᱹᱲᱦᱟᱹᱭ ᱧᱩᱛᱩᱢ ᱛᱮ ᱠᱚ ᱚᱞ ᱟᱠᱟᱫᱟ ᱾[᱕][᱖]
ᱱᱚᱶᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Orans, Martin (May 1969). "The Bhumij Revolt (1832–33): (Ganga Narain's Hangama or Turmoil). By Jagdish Chandra Jha. Delhi: Munshiram Manoharlal, 1967. xii, 208 pp. Map, Glossary, Bibliography, Index, Errata". The Journal of Asian Studies (in ᱟᱝᱜᱽᱨᱮᱡᱤ). 28 (3): 630–631. doi:10.2307/2943210. ISSN 1752-0401. JSTOR 2943210. S2CID 161861350.
- ↑ Das, Shiva Tosh (1993). Svatantratā senānī vīra ādivāsī (in ᱦᱤᱱᱫᱤ). Kitāba Ghara. ISBN 978-81-7016-179-0.
- ↑ Bhidu, Team Bol (2021-12-24). "वीर गंगा नारायण सिंह यांनी केलेल्या चुआडच्या बंडामुळे इंग्रज नाकीनऊ आले होते..." BolBhidu.com (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2022-07-24.
- ↑ "वीर शहीद गंगा नारायण सिंह की मनाई जयंती". Hindustan (in hindi). Retrieved 2022-07-24.
{{cite web}}: CS1 maint: unrecognized language (link) - ↑ "Chuaar Vidroh याद किए गए चुआड़ विद्रोह के महानायक वीर शहीद गंगा नारायण सिंह". Dainik Jagran (in ᱦᱤᱱᱫᱤ). Retrieved 2022-10-16.
- ↑ Orans, Martin (May 1969). "The Bhumij Revolt (1832–33): (Ganga Narain's Hangama or Turmoil). By Jagdish Chandra Jha. Delhi: Munshiram Manoharlal, 1967. xii, 208 pp. Map, Glossary, Bibliography, Index, Errata". The Journal of Asian Studies (in ᱟᱝᱜᱽᱨᱮᱡᱤ). 28 (3): 630–631. doi:10.2307/2943210. ISSN 1752-0401. JSTOR 2943210. S2CID 161861350.