ᱜᱚᱡᱚᱜᱼᱨᱮ
ᱥᱟᱱᱛᱟᱞ ᱥᱚᱢᱟᱡᱽ ᱨᱮᱡᱟᱸᱦᱟᱭᱮ ᱜᱚᱡ ᱞᱮᱱᱠᱷᱟᱱ ᱚᱲᱟᱜ ᱦᱚᱲ ᱫᱚ ᱯᱩᱭᱞᱩ ᱜᱚᱰᱮᱛ ᱠᱚ ᱞᱟᱹᱭᱟᱭᱟ| ᱜᱚᱰᱮᱛ ᱫᱚ ᱟᱛᱚ ᱦᱚᱲᱮ ᱞᱟᱹᱭᱟᱠᱚᱣᱟ| ᱟᱨ ᱯᱮᱲᱟ ᱠᱚ ᱫᱚ ᱦᱚᱲᱟᱜ ᱨᱮᱱ ᱦᱚᱲ ᱜᱮ ᱠᱚ ᱞᱟᱹᱭᱟᱠᱚᱣᱟ|
ᱟᱛᱚ ᱟᱨ ᱯᱮᱲᱟ ᱠᱚᱠᱚ ᱦᱮᱡ ᱞᱮᱱᱠᱷᱟᱱ ᱜᱚᱡ ᱟᱠᱟᱱ ᱦᱚᱲ ᱠᱚ ᱰᱟᱹᱵᱽᱨᱟᱹᱭᱤᱭᱟ| ᱰᱟᱵᱽᱨᱟᱹ ᱨᱮᱱᱟᱜ ᱫᱟᱹᱭᱤᱠ ᱫᱚ ᱚᱲᱟᱜ ᱨᱮᱱ ᱦᱚᱲ ᱟᱨ ᱵᱟᱝᱠᱷᱟᱱ ᱟᱛᱚ ᱨᱮᱱ ᱦᱚᱲ ᱠᱚ ᱛᱟᱦᱮᱱᱟ| ᱰᱟᱹᱵᱽᱨᱟᱹ ᱛᱟᱭᱚᱢ ᱱᱟᱣᱟ ᱠᱤᱪᱨᱤᱡ ᱛᱮ ᱠᱚ ᱦᱚᱨᱚᱜ ᱵᱟᱱᱫᱮᱭᱮᱭᱟ| ᱱᱟᱣᱟ ᱠᱤᱪᱨᱤᱡ ᱫᱚ ᱦᱚᱲᱟᱜ ᱨᱮᱱ ᱦᱚᱲ ᱥᱮ ᱯᱮᱲᱟ ᱦᱚᱲ ᱦᱚᱸ ᱠᱚ ᱟᱹᱜᱩ ᱫᱟᱲᱮᱭᱟᱜᱼᱟ| ᱚᱱᱟ ᱛᱟᱭᱚᱢ ᱜᱚᱡ ᱟᱠᱟᱱ ᱥᱩᱱᱩᱢ, ᱥᱟᱥᱟᱝ ᱟᱨ ᱥᱤᱱᱫᱩᱨ ᱛᱮ ᱠᱚ ᱥᱟᱯᱲᱟᱣᱮᱭᱟ| ᱚᱲᱟᱜ ᱨᱮ ᱫᱚ ᱜᱚᱜᱚ ᱦᱚᱲ ᱠᱚ ᱜᱚᱡ ᱟᱠᱟᱱ ᱦᱚᱲ ᱠᱚ ᱥᱟᱯᱲᱟᱣᱮᱭᱟ| ᱜᱚᱡ ᱟᱠᱟᱱ ᱦᱚᱲ ᱵᱟᱵᱟ ᱦᱚᱲ ᱠᱷᱟᱱ ᱟᱡ ᱨᱮᱱ ᱮᱨᱟ ᱮᱦᱚᱵᱼᱫᱚᱭ ᱥᱟᱯᱲᱟᱣᱮᱭᱟ| ᱟᱨ ᱜᱚᱡ ᱟᱠᱟᱱ ᱦᱚᱲ ᱜᱚᱜᱚ ᱦᱚᱲ ᱠᱷᱟᱱ ᱟᱡ ᱨᱮᱱ ᱢᱟᱨᱟᱝᱤᱡ ᱦᱚᱯᱚᱱᱮᱨᱟ ᱯᱩᱭᱞᱩ ᱫᱚ ᱥᱟᱯᱲᱟᱣᱮ ᱮᱦᱚᱵᱟ| ᱟᱨ ᱵᱟᱝᱠᱷᱟᱱ ᱞᱟᱹᱴᱩ ᱵᱟᱹᱦᱩᱭ ᱮᱦᱚᱵᱟ| ᱮᱦᱚᱵ ᱨᱮ ᱫᱚ ᱵᱯᱦᱚᱜ ᱨᱮ ᱥᱩᱱᱩᱱ ᱠᱚ ᱟᱡᱚᱜ ᱟᱭᱟ, ᱟᱱᱟ ᱛᱟᱭᱚᱢ ᱢᱮᱫᱼᱦᱟ, ᱛᱤ, ᱡᱟᱝᱜᱟ ᱨᱮ ᱥᱟᱥᱟᱝ ᱠᱚ ᱚᱡᱚᱜᱼᱟᱭᱟ|