ᱜᱚᱢᱦᱟ ᱯᱟᱨᱟᱵᱽ
(ᱜᱚᱢᱦᱟ ᱯᱟᱨᱟᱵ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
ᱜᱚᱢᱦᱟ ᱫᱚ ᱥᱮᱨᱢᱟ ᱯᱩᱨᱟᱹᱣ ᱨᱮᱱᱟᱜ ᱢᱤᱫ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱥᱟᱱ ᱵᱚᱝᱜᱟ ᱠᱩᱱᱟᱹᱢᱤ ᱨᱮᱠᱚ ᱢᱟᱱᱟᱣᱟ ᱾ ᱛᱤᱥ ᱠᱷᱚᱱ ᱪᱚᱝ ᱱᱚᱶᱟ ᱯᱟᱨᱟᱵᱽ ᱫᱚ ᱠᱚ ᱢᱟᱱᱟᱣ ᱟᱠᱟᱫ ? ᱚᱠᱟ ᱡᱟᱹᱛᱤ ᱨᱤᱱ ᱦᱚᱲ ᱪᱚᱠᱚ ᱢᱟᱱᱟᱣ ᱢᱟᱬᱟᱝ ᱞᱮᱫ ᱱᱚᱶᱟ ᱨᱮᱱᱟᱜ ᱱᱟᱜᱟᱢ ᱫᱚ ᱵᱟᱝ ᱵᱟᱰᱟᱭᱚᱜ ᱠᱟᱱᱟ ᱾ ᱮᱱᱦᱚᱸ ᱯᱟᱞᱮ ᱡᱚᱛᱚ ᱛᱷᱚᱠ ᱨᱤᱱ ᱦᱚᱲ ᱜᱮᱠᱚ ᱢᱟᱱᱟᱣ ᱮᱫᱼᱟ ᱾ ᱱᱚᱶᱟ ᱯᱟᱨᱟᱵᱽ ᱨᱮᱫᱚ ᱞᱮᱴᱚ, ᱯᱤᱴᱷᱟ, ᱰᱩᱸᱵᱩᱜ, ᱡᱤᱞ ᱩᱛᱩ, ᱯᱟᱛᱲᱟ ᱫᱟᱠᱟ ᱥᱟᱶ ᱡᱷᱟᱨ ᱦᱟᱺᱰᱤ ᱠᱚᱛᱮ ᱠᱚ ᱢᱟᱱᱟᱶᱟ ᱾ ᱚᱠᱚᱭ ᱠᱚᱪᱚ ᱠᱟᱨᱟᱢ ᱠᱚ ᱵᱤᱫᱟ ᱟᱨ ᱨᱤᱸᱡᱟᱹ ᱠᱚ ᱮᱱᱮᱡᱼᱟ ᱾ ᱚᱠᱟ ᱟᱹᱛᱩ ᱠᱚᱨᱮᱪᱚᱝ ᱞᱟᱜᱽᱬᱮ ᱠᱚ ᱮᱱᱮᱡᱼᱟ ᱾
ᱜᱚᱢᱦᱟ ᱧᱩᱛᱩᱢ ᱨᱮᱱᱟᱜ ᱡᱚᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱚᱢᱦᱟ ᱧᱩᱛᱩᱢ ᱨᱮᱱᱟᱜ ᱡᱚᱥ ᱫᱚ ᱯᱟᱞᱮ,ᱜᱳ+ᱢᱟᱦᱟ ᱠᱟᱱᱟ ᱾ "ᱜᱳ" ᱢᱮᱱ ᱞᱮᱠᱷᱟᱱ ᱜᱳ ᱵᱟᱵᱟ, ᱜᱳ ᱟᱭᱳ, ᱢᱮᱱᱫᱚ-ᱜᱚᱲᱚᱢ ᱵᱟᱵᱟ, ᱜᱚᱲᱚᱢ ᱟᱭᱳ ᱾ ᱜᱚᱲᱚᱢ ᱵᱟᱵᱟ, ᱜᱚᱲᱚᱢ ᱟᱭᱳ ᱫᱚ ᱯᱤᱞᱪᱩ ᱦᱟᱲᱟᱢ, ᱯᱤᱞᱪᱩ ᱵᱩᱰᱷᱤ ᱟᱨ ᱜᱟᱹᱭ ᱟᱭᱳ ᱦᱚᱸᱭ ᱵᱩᱡᱷᱟᱣᱜ ᱜᱮᱭᱟ ᱾ ᱱᱚᱶᱟ ᱫᱚ ᱯᱟᱞᱮ ᱜᱟᱹᱭ ᱟᱭᱳ ᱞᱟᱹᱜᱤᱫ ᱦᱚᱸ ᱱᱟᱯᱟᱭ ᱢᱟᱦᱟ ᱠᱟᱱᱟ ᱾
- ᱜᱚᱢᱦᱟ ᱦᱤᱞᱚᱜ ᱥᱮᱛᱟᱜ ᱨᱮ ᱜᱩᱯᱤ ᱠᱚᱲᱟ ᱜᱟᱹᱭ ᱠᱚ ᱛᱚᱞ ᱨᱮᱜᱮ ᱡᱟᱦᱟᱱᱟᱜ ᱡᱚᱢᱟᱜ ᱥᱟᱞᱟᱜ, ᱜᱟᱹᱭ ᱠᱚ ᱰᱟᱝᱜᱽᱨᱟ ᱠᱚ ᱥᱟᱢᱟᱜ ᱜᱮᱡᱮᱨ ᱠᱟᱛᱮ ᱥᱚᱥᱚ ᱠᱚ ᱡᱚᱢ ᱦᱚᱪᱚ ᱠᱚᱣᱟ ᱾ ᱥᱚᱥᱚ ᱠᱚ ᱡᱚᱢ ᱞᱮᱠᱷᱟᱱ ᱟᱹᱛᱤᱧ ᱡᱚᱠᱷᱟᱜ ᱡᱟᱦᱟᱱ ᱵᱤᱥ ᱠᱚ ᱠᱚ ᱟᱹᱛᱤᱧ ᱧᱟᱢ ᱨᱮᱦᱚ ᱦᱚᱲᱢᱚ ᱛᱟᱠᱚ ᱵᱟᱝ ᱵᱟᱹᱲᱤᱡᱚᱜ ᱛᱟᱠᱚᱣᱟ ᱾ ᱜᱚᱢᱦᱟ ᱦᱤᱞᱚᱜ ᱫᱚ ᱵᱟᱹᱫᱽ ᱵᱟᱹᱭᱦᱟᱹᱲ ᱠᱟᱹᱢᱤ ᱵᱟᱠᱚ ᱪᱟᱞᱟᱜᱼᱟ ᱾ ᱪᱮᱫᱟᱜ ᱥᱮ ᱤᱱᱟᱹ ᱦᱤᱞᱚᱜ ᱫᱚ ᱵᱤᱥᱟᱱ ᱵᱤᱧ ᱠᱚ ᱫᱟᱬᱟᱱᱟ ᱾ ᱩᱱᱠᱩ ᱟᱹᱣᱲᱤᱜᱮ ᱵᱤᱥ ᱠᱚ ᱩᱞᱟᱹᱭᱟ ᱾ ᱠᱟᱛᱷᱟ ᱨᱮ ᱢᱮᱱᱟᱜᱼᱟ, ᱜᱚᱢᱦᱟ ᱦᱤᱞᱚᱜ ᱠᱟᱲᱚ, ᱠᱩᱭᱞᱤ ᱛᱟᱹᱠᱤᱱ ᱟᱡ ᱢᱟᱢᱤ ᱵᱟᱹᱫᱽᱛᱮ ᱦᱮᱲᱦᱮᱫ ᱠᱟᱹᱢᱤ ᱵᱷᱮᱡᱟ ᱞᱮᱫ ᱠᱤᱱᱛᱮ, ᱠᱟᱲᱚ, ᱠᱩᱭᱞᱤ ᱠᱤᱱ ᱵᱤᱧ ᱞᱮᱱᱟ ᱾ ᱚᱱᱟ ᱫᱚ ᱯᱟᱪᱮ ᱵᱤᱥᱟᱱ ᱠᱚᱣᱟᱜ ᱵᱤᱥ ᱚᱨᱥᱚᱝ ᱛᱮᱜᱮᱠᱤᱱ ᱵᱤᱧ ᱞᱮᱱᱟ ᱾ ᱟᱡ ᱢᱟᱢᱚ ᱧᱮᱞ ᱠᱮᱫ ᱠᱤᱱ ᱛᱮᱫᱚ ᱟᱛᱨᱟ ᱠᱤᱱ ᱵᱤᱧ ᱟᱠᱟᱱᱟ ᱾ ᱟᱠᱤᱱᱟᱜ ᱫᱩᱠ ᱠᱟᱛᱷᱟ ᱞᱟᱹᱭ ᱯᱩᱨᱟᱹᱣ ᱯᱩᱨᱟᱹᱣ ᱛᱮᱜᱮ ᱠᱤᱱ ᱵᱤᱧ ᱯᱩᱨᱟᱣ ᱮᱱᱟ ᱾ ᱟᱡ ᱢᱟᱢᱚᱭ ᱠᱚᱭᱚᱜ ᱜᱚᱫ ᱠᱟᱫ ᱠᱤᱱᱟ ᱾ ᱵᱟᱹᱭ ᱵᱟᱹᱭ ᱛᱮᱠᱤᱱ ᱞᱮᱧ ᱥᱟᱦᱟ ᱮᱱᱟ ᱚᱜᱚᱢ ᱫᱚᱨᱭᱟ ᱥᱮᱫ ᱾ ᱚᱠᱟ ᱥᱮᱫ ᱛᱮᱠᱤᱱ ᱞᱮᱧ ᱞᱮᱱᱟ, ᱚᱱᱠᱟ ᱛᱮᱫᱚ ᱜᱟᱰᱟ ᱵᱮᱱᱟᱣ ᱮᱱᱟ ᱾ ᱚᱱᱟ ᱠᱤᱱ ᱜᱟᱰᱟᱜᱮ ᱟᱠᱤᱱᱟᱜ ᱧᱩᱛᱩᱢ ᱛᱮᱜᱮ ᱠᱟᱲᱚ, ᱠᱩᱭᱞᱤ ᱜᱟᱰᱟ ᱧᱩᱛᱩᱢ ᱮᱱᱟ ᱾ ᱱᱮᱛᱟᱨ ᱦᱚᱸ ᱚᱱᱟ ᱧᱩᱛᱩᱢ ᱫᱚ ᱢᱮᱱᱟᱜ ᱜᱮᱭᱟ ᱾ ᱜᱟᱹᱭ ᱜᱩᱯᱤ ᱠᱤᱱ ᱜᱤᱫᱽᱨᱟᱹ ᱠᱟᱹᱨᱢᱩ, ᱫᱷᱟᱹᱨᱢᱩ ᱜᱮ ᱠᱟᱨᱟᱢ ᱵᱚᱝᱜᱟ ᱠᱤᱱ ᱥᱮᱵᱟ ᱢᱟᱬᱟᱝ ᱞᱮᱫᱮ ᱛᱮ ᱱᱮᱛᱟᱨ ᱦᱚᱸ ᱜᱚᱢᱦᱟ ᱨᱮ ᱠᱟᱨᱟᱢ ᱠᱚ ᱨᱤᱸᱡᱟᱹ ᱠᱚ ᱠᱚ ᱮᱱᱮᱡ ᱠᱟᱱ ᱜᱮᱭᱟ ᱾