ᱜᱚᱣᱟᱞᱯᱟᱲᱟ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱜᱳᱣᱟᱞᱯᱟᱨᱟ
ᱦᱚᱱᱚᱛ
ᱜᱳᱣᱟᱞᱯᱟᱨᱟ ᱦᱚᱱᱚᱛ
Plantation
ᱜᱳᱣᱟᱞᱯᱟᱨᱟ ᱦᱚᱱᱚᱛ ᱨᱮᱭᱟᱜ ᱪᱟᱦᱟ ᱵᱟᱜᱟᱱ
ᱮᱴᱟᱜ ᱧᱩᱛᱩᱢ: Raghunath
Goalpara district's location in Assam
Goalpara district's location in Assam
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱟᱥᱟᱢ
ᱠᱷᱚᱸᱰᱞᱟᱛᱟᱨ ᱟᱥᱟᱢ
ᱢᱩᱠᱷᱤᱭᱟᱹᱥᱟᱲᱟᱜᱳᱣᱟᱞᱯᱟᱨᱟ
ᱮᱨᱤᱭᱟ
 • ᱞᱮᱠᱷᱟᱜᱩᱴ1824 ᱠᱤᱢᱤ (704 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱞᱮᱠᱷᱟᱜᱩᱴ᱑,᱐᱐᱘,᱙᱕᱙
 • ᱰᱮᱱᱥᱤᱴᱤ550/ᱠᱤᱢᱤ2 (1400/ᱜᱟᱺᱴ ᱢᱟᱹᱭᱤᱞ)
Demonym(s)ᱜᱚᱣᱟᱞᱯᱟᱨᱤᱭᱟ
ᱯᱟᱹᱨᱥᱤ
 • ᱟᱹᱢᱟᱹᱞᱮᱛᱤᱝᱞᱤᱥ, ᱟᱥᱟᱢᱤᱡᱽ, ᱵᱮᱝᱜᱚᱞᱤ
IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ783 101 to** (** area code)
ᱴᱮᱞᱤᱯᱷᱳᱱ ᱠᱳᱰ03663
ᱟᱭ.ᱮᱥ.ᱳ ᱓᱑᱖᱖ ᱠᱳᱰIN-AS, IN-AS-GP
ᱜᱟᱹᱰᱤ ᱨᱤᱡᱤᱥᱴᱨᱤAS 18
ᱣᱮᱵᱽᱥᱟᱭᱤᱴhttp://goalpara.gov.in/

ᱜᱳᱣᱟᱞᱯᱟᱨᱟ ᱫᱚ ᱥᱤᱧᱚᱛᱤᱭᱟᱹ ᱦᱚᱱᱚᱛ ᱟᱥᱟᱢ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱛᱷᱤᱭᱟᱹᱥᱟᱲᱟ ᱫᱚ ᱜᱳᱣᱟᱞᱯᱟᱨᱟ ᱠᱟᱱᱟ ᱾ ᱴᱚᱴᱷᱟᱨᱡᱚ - ᱥᱠᱚᱭᱟᱨ ᱠᱤᱞᱚ ᱢᱤᱴᱚᱨ ᱦᱚᱲ ᱮᱞᱮᱞ (᱒᱐᱐᱑ ᱦᱚᱲ ᱞᱮᱠᱷᱟ) ᱜᱳᱣᱟᱞᱯᱟᱨᱟ ᱫᱚ ᱟᱥᱟᱢ ᱨᱮᱭᱟᱜ ᱟᱹᱰᱤ ᱜᱮ ᱪᱚᱨᱚᱠ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱑᱙᱘᱓ ᱥᱟᱞᱮᱨᱮ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱧᱮᱞ ᱟᱨ ᱛᱚᱨᱟᱣ ᱞᱟᱹᱜᱤᱫ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱢᱮᱱᱟᱜ-ᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱱᱟᱜᱟᱢᱮᱛ ᱵᱤᱨᱟᱥᱚᱛ ᱟᱨ ᱟᱹᱰᱤ ᱪᱚᱨᱚᱠ ᱥᱤᱨᱡᱚᱱᱮᱛ ᱧᱮᱢᱮᱞ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾

ᱱᱚᱣᱟ ᱫᱚ ᱢᱤᱫ ᱢᱟᱴ ᱴᱚᱴᱷᱟ ᱠᱟᱱᱟ ᱤᱠᱷᱟᱹᱱ ᱱᱚᱰᱮ ᱫᱚ ᱟᱹᱰᱤᱜᱟᱱ ᱠᱟᱹᱴᱤᱡ ᱠᱟᱹᱴᱤᱡ ᱵᱩᱨᱩ ᱦᱚᱸ ᱢᱮᱱᱟᱜ-ᱟ ᱾ ᱱᱚᱣᱟ ᱵᱩᱨᱩ ᱠᱚᱨᱮᱱᱟᱜ ᱩᱥᱩᱞ ᱫᱚ ᱑᱐᱐-᱕᱐᱐ ᱢᱤᱴᱚᱨ ᱢᱮᱱᱟᱜ-ᱟ ᱾ ᱱᱚᱣᱟ ᱵᱩᱨᱩ ᱠᱚᱨᱮᱱᱟᱜ ᱧᱩᱛᱩᱢ ᱫᱚ ᱯᱚᱧᱪᱚᱨᱚᱛᱱᱚ, ᱥᱨᱤ ᱥᱩᱨᱚᱡᱽᱭᱟ, ᱛᱩᱨᱠᱮᱥᱣᱚᱨᱤ ᱟᱨ ᱱᱟᱞᱚᱝᱜᱟ ᱢᱮᱱᱛᱮ ᱠᱚ ᱢᱮᱛᱟᱜ-ᱟ ᱾ ᱵᱩᱨᱩ ᱥᱟᱶ ᱥᱟᱶᱛᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱱᱚᱰᱮ ᱫᱚ ᱟᱹᱰᱤᱜᱟᱱ ᱱᱟᱹᱭ ᱦᱚᱸᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾

ᱱᱚᱣᱟ ᱱᱟᱹᱭ ᱠᱚ ᱛᱟᱞᱟ ᱠᱷᱚᱱ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱡᱚᱛᱚ ᱠᱷᱚᱱ ᱢᱟᱨᱟᱝ-ᱟ ᱾ ᱥᱟᱨᱮᱡᱟᱜ ᱮᱴᱟᱜ ᱱᱟᱹᱭ ᱠᱚᱫᱚ ᱱᱚᱣᱟ ᱨᱮᱭᱟᱜ ᱜᱚᱜᱽᱲᱚ ᱟᱨᱵᱟᱝ ᱪᱟᱸᱜᱟ ᱱᱟᱹᱭ ᱠᱟᱱᱟ ᱾ ᱱᱚᱣᱟ ᱪᱟᱸᱜᱟ ᱱᱟᱹᱭ ᱠᱚᱣᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱫᱩᱫᱷᱱᱳᱭᱤ, ᱠᱨᱩᱥᱱᱟᱭᱤ, ᱡᱤᱸᱡᱤᱨᱟᱢ ᱟᱨ ᱡᱤᱱᱟᱨᱤ ᱢᱟᱨᱟᱝ-ᱟ ᱾ ᱱᱚᱣᱟ ᱠᱷᱚᱱ ᱫᱩᱫᱷᱱᱳᱭᱤ ᱟᱨ ᱠᱨᱩᱥᱱᱟᱭᱤ ᱫᱚ ᱢᱮᱜᱷᱟᱞᱚᱭᱚ ᱨᱮᱭᱟᱜ ᱪᱟᱴᱟᱱᱤ ᱠᱷᱚᱱ ᱚᱰᱚᱠ ᱟᱠᱟᱱᱟ ᱟᱨ ᱢᱚᱛᱤᱭᱟ ᱨᱮ ᱧᱟᱯᱟᱢᱚᱜ ᱠᱟᱱᱟ ᱾ ᱧᱟᱯᱟᱢ ᱮᱱ ᱛᱟᱭᱚᱢ ᱫᱚ ᱱᱚᱣᱟ ᱫᱚ ᱢᱤᱫ ᱱᱟᱹᱭ ᱵᱮᱱᱟᱣᱜ-ᱟ ᱟᱨ ᱱᱚᱣᱟ ᱫᱚ ᱢᱳᱨᱱᱳᱭᱤ ᱧᱩᱛᱩᱢ ᱛᱮ ᱩᱯᱨᱩᱢᱚᱜ ᱠᱟᱱᱟ ᱾

ᱢᱟᱬᱟᱝ ᱥᱮᱫ ᱞᱤᱸᱜᱤ ᱪᱟᱞᱟᱣ ᱠᱟᱛᱮ ᱢᱳᱨᱱᱳᱭᱤ ᱱᱟᱹᱭ ᱫᱚ ᱵᱽᱨᱚᱦᱢᱚᱯᱩᱛᱨᱚ ᱨᱮ ᱫᱩᱞ ᱢᱤᱫᱩᱜ ᱠᱟᱱᱟ ᱾ ᱵᱩᱨᱩ ᱟᱨ ᱱᱟᱹᱭ ᱠᱟ ᱥᱟᱶ ᱥᱟᱶᱛᱮ ᱱᱚᱰᱮᱱᱟᱜ ᱡᱷᱟᱨᱱᱟ ᱦᱚᱸ ᱟᱹᱰᱤᱜᱮ ᱪᱚᱨᱚᱠᱟ ᱾ ᱥᱩᱨ ᱥᱩᱯᱩᱨ ᱨᱮ ᱵᱟᱥᱟ ᱵᱚᱥᱠᱚᱫ ᱟᱠᱟᱱ ᱦᱚᱲ ᱠᱚᱫᱚ ᱱᱚᱣᱟ ᱡᱷᱟᱨᱱᱟ ᱫᱚ ᱵᱤᱞ ᱧᱩᱛᱩᱢ ᱢᱮᱱᱛᱮ ᱠᱚ ᱦᱚᱦᱚᱣᱟᱜ-ᱟ ᱾ ᱱᱚᱰᱮᱱᱟᱜ ᱧᱩᱛᱩᱢᱟᱱ ᱡᱷᱟᱨᱱᱟ ᱨᱮᱭᱟᱜ ᱧᱩᱛᱩᱢ ᱠᱚᱫᱚ ᱩᱨᱟᱯᱚᱫᱽ ᱡᱷᱟᱨᱱᱟ, ᱦᱚᱥᱤᱞᱟ ᱡᱷᱟᱨᱱᱟ, ᱠᱩᱢᱨᱤ ᱡᱷᱟᱨᱱᱟ, ᱟᱨ ᱫᱷᱟᱢᱚᱨ ᱨᱤᱥᱟᱱ ᱡᱷᱟᱨᱱᱟ ᱠᱚ ᱾ ᱡᱷᱟᱨᱱᱟ ᱥᱟᱶ ᱥᱟᱶᱛᱮ ᱱᱚᱰᱮ ᱫᱚ ᱟᱹᱰᱤᱜᱟᱱ ᱜᱟᱹᱰᱭᱟᱹ ᱠᱚᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱜᱟᱹᱰᱤᱭᱟᱹ ᱠᱚᱫᱚ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱱᱚᱰᱮᱱᱟᱜ ᱧᱮᱢᱮᱞ ᱴᱚᱴᱷᱟ ᱠᱚᱨᱮᱱᱟᱜ ᱩᱛᱱᱟᱹᱣ ᱵᱟᱹᱲᱛᱤ ᱞᱟᱹᱜᱤᱫ ᱟᱥᱟᱢ ᱥᱚᱨᱠᱟᱨ ᱫᱚ ᱱᱚᱰᱮ ᱵᱤᱨ ᱡᱟᱱᱣᱟ ᱠᱚ ᱞᱟᱹᱜᱤᱫ ᱡᱩ (zoo) ᱦᱚᱸᱭ ᱵᱮᱱᱟᱣ ᱞᱟᱹᱜᱤᱫ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱜᱳᱣᱟᱞᱯᱟᱨᱟ ᱨᱮ ᱢᱮᱱᱟᱜ-ᱟ ᱾ ᱜᱳᱣᱟᱞᱯᱟᱨᱟ ᱦᱚᱱᱚᱛ ᱨᱮᱭᱟᱜ ᱮᱨᱤᱭᱟ ᱫᱚ᱑,᱘᱒᱔ ᱥᱠᱚᱭᱟᱨ ᱠᱤᱞᱚ ᱢᱤᱴᱚᱨ ᱨᱮ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜ-ᱟ ᱾ [᱑] ᱚᱱᱠᱟ ᱧᱮᱞ ᱞᱮᱠᱷᱟᱱ ᱫᱚ ᱥᱟᱣᱩᱛᱷ ᱠᱚᱨᱮᱭᱟ ᱨᱮᱱᱟᱜ ᱡᱮᱡᱩ-ᱰᱩ ᱥᱟᱶ ᱵᱟᱨᱟᱵᱟᱹᱨᱤ ᱜᱮᱭᱟ ᱾ [᱒]

ᱢᱤᱠᱷᱤᱭᱟᱹ ᱱᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱽᱨᱚᱦᱢᱚᱯᱩᱛᱨᱚ, ᱢᱳᱨᱱᱟᱭᱤ, ᱡᱤᱸᱡᱤᱢ ᱾

ᱢᱤᱠᱷᱤᱭᱟᱹ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱞᱩᱠᱩᱱᱰᱟ ᱵᱩᱨᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱜᱳᱣᱟᱞᱯᱟᱨᱟ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱟᱹᱰᱤ ᱪᱚᱨᱚᱠ ᱵᱩᱨᱩ ᱠᱟᱱᱟ ᱾ ᱵᱽᱨᱤᱴᱤᱥ ᱱᱟᱝ ᱨᱮ ᱱᱚᱰᱮ ᱫᱚ ᱚᱱᱩᱢᱚᱱᱰᱚᱞ ᱚᱫᱷᱤᱠᱟᱨᱤ ᱠᱚᱣᱟᱜ ᱟᱹᱢᱟᱹᱞᱤ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱵᱩᱨᱩ ᱠᱷᱚᱱ ᱫᱚ ᱜᱚᱴᱟ ᱜᱳᱣᱟᱞᱯᱟᱨᱟ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱟᱨ ᱢᱩᱦᱤᱛᱟᱱ ᱧᱮᱢᱮᱞ ᱧᱮᱞ ᱜᱟᱱᱚᱜ-ᱟ ᱾ ᱵᱟᱹᱲᱛᱤ ᱞᱮᱠᱟ ᱛᱮᱫᱚ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱟᱨ ᱱᱟᱨᱟᱭᱚᱬ ᱵᱟᱸᱫᱽ ᱨᱮᱭᱟᱜ ᱪᱚᱨᱚᱠ ᱧᱮᱢᱮᱞ ᱧᱮᱞ ᱡᱚᱝ ᱧᱮᱧᱮᱞᱤᱭᱟᱹ ᱠᱚ ᱟᱹᱰᱤ ᱠᱚ ᱠᱩᱥᱤᱜ-ᱟ ᱾

ᱠᱩᱢᱨᱤ ᱡᱟᱨᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱩᱢᱨᱤ ᱡᱷᱟᱨᱱᱟ ᱜᱳᱣᱟᱞᱯᱟᱨᱟ ᱨᱮᱫᱚ ᱩᱛᱚᱨ-ᱯᱩᱪᱷᱤᱢ ᱱᱟᱠᱷᱟᱨᱮ ᱢᱮᱱᱟᱜ ᱟᱹᱰᱤ ᱪᱚᱨᱚᱠ ᱥᱟᱹᱨᱤᱭᱟᱹ ᱡᱷᱟᱨᱱᱟ ᱠᱟᱱᱟ ᱾ ᱱᱚᱣᱟ ᱜᱳᱣᱟᱞᱯᱟᱨᱟ ᱠᱷᱚᱱ ᱫᱚ ᱑᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱡᱷᱟᱨᱱᱟ ᱨᱮᱭᱟᱜ ᱥᱩᱨ ᱨᱮᱜᱮ ᱱᱟᱨᱟᱭᱚᱬ ᱵᱟᱸᱫᱽ ᱫᱚ ᱑ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱟᱨ ᱯᱚᱜᱽᱞᱟᱴᱮᱠ ᱢᱩᱫᱽᱨᱤ ᱫᱚ ᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱯᱚᱜᱽᱞᱟᱴᱮᱠ ᱢᱩᱫᱽᱨᱤ ᱫᱚ ᱱᱟᱜᱟᱢᱮᱛ ᱵᱤᱨᱟᱥᱚᱛ ᱠᱟᱱᱟ ᱾ ᱱᱚᱣᱟ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱧᱮᱧᱮᱞᱤᱭᱟᱹ ᱠᱚ ᱱᱚᱰᱮ ᱫᱚ ᱫᱟᱜ ᱠᱷᱤᱞᱚᱲ ᱨᱮᱭᱟᱜ ᱨᱟᱹᱥᱠᱟᱹ ᱦᱚᱸᱠᱚ ᱟᱢᱮᱴ ᱫᱟᱲᱮᱭᱟᱜ-ᱟ ᱾ ᱠᱩᱢᱨᱤ ᱡᱷᱟᱨᱱᱟ ᱫᱷᱟᱹᱵᱤᱡ ᱧᱮᱧᱮᱞᱤᱭᱟᱹ ᱠᱚ ᱟᱞᱜᱟ ᱛᱮ ᱵᱤᱱᱟᱹ ᱪᱮᱫ ᱦᱚᱸ ᱮᱴᱠᱮᱴᱮᱬᱮ ᱛᱮᱠᱚ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾

ᱫᱮᱠᱷᱫᱷᱳᱵᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱮᱠᱷᱫᱷᱳᱵᱟ ᱫᱚ ᱥᱨᱤ ᱥᱨᱤ ᱥᱩᱨᱚᱡᱽᱭᱟ ᱵᱩᱨᱩ ᱠᱷᱚᱱ ᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱵᱤᱨ ᱠᱩᱞ (ᱯᱟᱦᱟᱰ ᱥᱤᱝ ) ᱧᱩᱛᱩᱢ ᱛᱮᱦᱚᱸ ᱟᱹᱰᱤ ᱵᱷᱟᱹᱜᱤ ᱞᱮᱠᱟ ᱩᱯᱨᱩᱢ ᱢᱮᱱᱟᱜ-ᱟ ᱾ ᱱᱚᱣᱟ ᱥᱩᱨ ᱨᱮᱜᱮ ᱵᱽᱨᱚᱦᱢᱚᱯᱩᱛᱨᱚ ᱱᱟᱹᱭ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱵᱽᱨᱚᱦᱢᱚᱯᱩᱛᱨᱚ ᱧᱮᱞ ᱠᱮᱫ ᱛᱟᱭᱚᱢ ᱧᱮᱧᱮᱞᱤᱭᱟᱹ ᱠᱚᱫᱚ ᱱᱚᱰᱮ ᱠᱷᱚᱱ ᱟᱹᱰᱤ ᱱᱟᱯᱟᱭ ᱧᱮᱢᱮᱞ ᱴᱚᱴᱷᱟ ᱫᱷᱟᱹᱵᱤᱡ ᱟᱹᱰᱤ ᱟᱞᱜᱟ ᱛᱮᱠᱚ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾ ᱫᱮᱠᱷᱫᱷᱳᱵᱟ ᱥᱩᱨ ᱨᱮᱜᱮ ᱨᱟᱭᱠᱷᱟᱥᱤᱱᱤ ᱵᱩᱨᱩ, ᱱᱚᱱᱫᱮᱥᱣᱚᱨ ᱵᱚᱸᱜᱟᱛᱷᱟᱱ ᱟᱨ ᱥᱚᱭᱤᱱᱤᱠ ᱟᱥᱲᱟ ᱦᱚᱸ ᱢᱮᱣᱟᱜ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Srivastava, Dayawanti, ed. (2010). "States and Union Territories: Assam: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. p. 1116. ISBN 978-81-230-1617-7.
  2. "Island Directory Tables: Islands by Land Area". United Nations Environment Program. 18 February 1998. Archived from the original on 20 February 2018. Retrieved 11 October 2011. Jeju-do 1,825km2

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]