ᱜᱚᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
| Gorumara National Park ᱜᱚᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ গোরুমারা জাতীয় উদ্যান | |
|---|---|
IUCN category II (national park) | |
 ᱜᱚᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
  Location in West Bengal, India | |
| Location | Jalpaiguri district, West Bengal, India |
| Nearest city | Malbazar, Mainaguri, Jalpaiguri |
| Coordinates | 26°42′N 88°48′E / 26.7°N 88.8°E |
| Established | 1949 (WLS), 1994 (NP) |
| Governing body | Government of India, Government of West Bengal |
ᱜᱚᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱥᱪᱤᱢ ᱵᱚᱝᱜᱚ ᱯᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱾ ᱦᱮᱢᱟᱞ ᱵᱩᱨᱩ ᱥᱩᱨ ᱨᱮ ᱫᱩᱣᱟᱨᱥ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱛᱟᱥᱟᱫ ᱚᱛ ᱟᱨ ᱵᱤᱨ ᱛᱮ ᱥᱟᱡᱟᱣ ᱟᱠᱟᱱᱟ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱾ ᱱᱚᱶᱟ ᱫᱚ ᱵᱟᱹᱲᱛᱤ ᱠᱟᱛᱮ ᱨᱟᱭᱱᱚ (Rhino) ᱵᱟᱥᱟ ᱛᱷᱟᱱ ᱞᱮᱠᱟᱛᱮ ᱦᱚᱸ ᱠᱚ ᱧᱩᱢ ᱮᱫᱟ ᱾ ᱥᱤᱧᱚᱛ ᱥᱟᱨᱠᱟᱨ ᱟᱜ ᱥᱟᱪᱟᱨᱦᱮ ᱟᱨ ᱵᱤᱨ ᱢᱚᱱᱛᱨᱟᱞᱚᱭ ᱱᱚᱶᱟ ᱫᱚ ᱒᱐᱐᱙ ᱥᱟᱞᱮ ᱨᱮ ᱢᱤᱫ ᱵᱷᱟᱹᱜᱤ ᱨᱟᱠᱷᱟ ᱛᱷᱟᱱ ᱨᱮᱱᱟᱜ ᱢᱟᱹ ᱮ ᱮᱢᱟᱫ ᱛᱟᱦᱮᱸᱫ ᱾[᱑]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱙᱕ ᱥᱟᱹᱦᱤᱛ ᱠᱷᱚᱱ ᱜᱚᱨᱩᱢᱟᱨᱟ ᱫᱚ ᱢᱤᱫ ᱨᱟᱠᱷᱟ ᱵᱤᱨ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱟᱹᱰᱤ ᱥᱮᱫᱟᱭ ᱠᱷᱚᱱ ᱨᱟᱭᱱᱚ ᱠᱚ ᱛᱟᱦᱮᱸ ᱠᱟᱱᱟ ᱠᱷᱟᱹᱛᱤᱨ ᱱᱩᱠᱩ ᱠᱚᱣᱟᱜ ᱵᱟᱹᱰ ᱟᱨ ᱵᱟᱧᱪᱟᱣ ᱫᱚᱦᱚ ᱞᱟᱹᱜᱤᱫ, ᱑᱙᱔᱙ ᱥᱟᱞᱮ ᱨᱮ ᱱᱚᱶᱟ ᱫᱚ ᱢᱤᱫ ᱵᱤᱨ ᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱢᱮᱱᱛᱮ ᱠᱚ ᱢᱟᱱᱚᱛ ᱞᱮᱫᱼᱟ ᱾ ᱑᱙᱙᱔ ᱥᱟᱹᱦᱤᱛ ᱡᱟᱱᱩᱣᱟᱨᱤ ᱓᱑ ᱦᱤᱞᱚᱜ ᱱᱚᱶᱟ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱛᱮ ᱠᱚ ᱞᱮᱠᱷᱟ ᱠᱮᱫᱼᱟ ᱾ ᱯᱩᱞᱩ ᱫᱚ ᱱᱚᱶᱟ ᱨᱟᱠᱷᱟ ᱗ ᱠᱤᱢᱤ᱒ ᱛᱟᱦᱮᱸ ᱠᱟᱱᱟ, ᱱᱤᱛ ᱫᱚ ᱚᱱ ᱵᱟᱹᱲᱛᱤ ᱠᱟᱛᱮ ᱘᱐ ᱠᱤᱢᱤ᱒ ᱮᱨᱤᱭᱟ ᱦᱟᱹᱵᱤᱡ ᱠᱚ ᱵᱟᱹᱲᱛᱤ ᱟᱠᱟᱫᱼᱟ ᱾
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱥᱪᱤᱢ ᱱᱚᱝᱜᱚ ᱯᱚᱱᱚᱛ ᱨᱮᱱᱟᱜᱟ ᱡᱚᱞᱯᱟᱭᱜᱩᱲᱤ ᱦᱚᱱᱚᱛ ᱢᱟᱞᱵᱟᱡᱟᱨ ᱦᱚᱱᱚᱛ ᱨᱮ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱢᱮᱱᱟᱜᱼᱟ ᱾ ᱥᱟᱢᱟᱝ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱛᱮᱨᱟᱭ ᱮᱞᱟᱠᱟ ᱨᱮ ᱜᱚᱨᱩᱢᱚᱨᱟ ᱡᱟᱹᱛᱤᱭᱟᱹᱨᱤ ᱱᱵᱟᱜᱟᱱ ᱫᱚ ᱢᱮᱱᱟᱜᱼᱟ ᱾ ᱩᱥᱩᱞ ᱩᱱᱩᱥᱩᱞ ᱟᱢᱜᱚ ᱨᱟᱠᱟᱵ ᱰᱷᱮᱣ ᱞᱮᱠᱟ ᱢᱮᱱᱟᱜ ᱱᱚᱶᱟ ᱜᱟᱰᱟ ᱟᱲᱮ ᱵᱤᱨ ᱫᱚ ᱯᱚᱥᱪᱤᱢ ᱵᱚᱝᱜᱚ ᱨᱮ ᱱᱚᱶᱟ ᱫᱚ ᱫᱩᱣᱟᱨᱥ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱩᱨᱛᱤ ᱜᱟᱰᱟ ᱥᱩᱨ ᱨᱮ ᱟᱴᱮᱫ ᱟᱠᱟᱱ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱢᱩᱬ ᱜᱟᱰᱟ ᱫᱚ ᱦᱩᱭᱩᱜ ᱠᱟᱱᱟ ᱡᱚᱲᱚᱫᱷᱟᱠᱟ ᱜᱟᱰᱟ ᱡᱟᱦᱟᱸ ᱫᱚ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱨᱮᱱᱟᱜ ᱢᱤᱫ ᱪᱷᱟᱜᱟ ᱜᱟᱰᱟ ᱾ ᱚᱱᱟᱛᱮ ᱜᱟᱝ ᱱᱟᱹᱭ ᱟᱨ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱨᱮᱱᱟᱜ ᱱᱚᱶᱟ ᱫᱚ ᱢᱤᱫ ᱦᱟᱹᱴᱤᱧᱟᱜ ᱠᱟᱱᱟ ᱾ ᱜᱚᱨᱩᱢᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱥᱩᱨ ᱨᱮ ᱡᱚᱞᱫᱟᱯᱚᱰᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱪᱷᱚᱯᱨᱟᱢᱟᱨᱤ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱢᱮᱱᱟᱜᱼᱟ ᱾ ᱜᱚᱨᱩᱢᱚᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱮᱨᱤᱭᱟ ᱫᱚ ᱗᱙ᱹ᱙᱙ ᱜᱟᱺᱴ ᱠᱤᱞᱚᱢᱤᱴᱚᱨ ᱾
ᱦᱚᱭᱫᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱵᱦᱮᱢᱵᱚᱨ ᱠᱷᱚᱱ ᱯᱷᱮᱵᱽᱨᱩᱣᱟᱨᱤ ᱪᱟᱸᱫᱚ ᱦᱟᱹᱵᱤᱡ ᱱᱚᱸᱰᱮᱱᱟᱜ ᱞᱚᱞᱚᱥᱚᱝ ᱑᱐-᱒᱑ ° ᱥᱮᱞᱥᱤᱭᱚᱥ, ᱢᱟᱨᱪ ᱠᱷᱚᱱ ᱮᱯᱨᱤᱞ ᱪᱟᱸᱫᱚ ᱨᱮ ᱒᱔-᱒᱗° ᱥᱮᱞᱥᱤᱭᱚᱥ ᱟᱨ ᱢᱮ ᱠᱷᱚᱱ ᱚᱠᱴᱚᱵᱚᱨ ᱫᱚ ᱒᱗-᱓᱗° ᱥᱮᱞᱥᱤᱭᱚᱥ ᱛᱟᱦᱮᱸᱱᱟ ᱾ ᱢᱮ ᱛᱟᱞᱟᱢᱟᱞᱟ ᱠᱷᱚᱱ ᱚᱠᱴᱚᱵᱚᱨ ᱛᱟᱞᱟᱢᱟᱞᱟ ᱵᱷᱤᱛᱤᱨ ᱨᱮ ᱫᱟᱜ ᱡᱟᱹᱲᱤ ᱦᱤᱡᱩᱜᱼᱟ ᱾ ᱱᱚᱸᱰᱮ ᱥᱮᱨᱢᱟ ᱡᱟᱠ ᱨᱮ ᱓᱘᱒ ᱥᱮᱢᱤ ᱜᱟᱱ ᱫᱟᱜ ᱮ ᱡᱟᱹᱲᱤᱭᱮᱫᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ http://www.telegraphindia.com/1100410/jsp/siliguri/story_12323738.jsp Centre says Gorumara best among the wild