ᱜᱚᱱᱤᱱᱫᱽᱨᱚ ᱱᱟᱛᱷ ᱫᱚᱛᱛᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱰᱨᱹ ᱜᱚᱱᱤᱱᱫᱨᱚ ᱱᱟᱛᱷ ᱫᱚᱛᱛᱚ ᱟᱜ ᱡᱟᱱᱟᱢ ᱫᱚ ᱦᱚᱭ ᱞᱮᱱᱟ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱞᱚᱠᱷᱤᱢᱯᱩᱨ ᱦᱚᱱᱚᱛ ᱨᱮᱭᱟᱜ ᱰᱷᱟᱠᱩᱣᱟ ᱠᱷᱟᱱᱟ ᱢᱚᱦᱩᱠᱢᱟ ᱛᱟᱵᱮ ᱨᱮ ᱢᱮᱱᱟᱜ ᱵᱷᱚᱜᱽ ᱢᱩᱠᱷ ᱟᱛᱩ ᱨᱮ| ᱩᱱᱤᱭᱟᱜ ᱡᱟᱱᱟᱢ ᱢᱟᱹᱦᱤᱛ ᱫᱚ ᱦᱚᱭᱚᱜ ᱠᱟᱱᱟ- ᱒᱖ ᱡᱩᱞᱟᱭ ᱑᱙᱔᱘ ᱦᱤᱞᱤᱜ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱠᱮᱥᱚᱵᱽ ᱪᱚᱱᱫᱽᱨᱚ ᱫᱚᱛᱛᱚ ᱟᱨ ᱮᱝᱟᱜᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱯᱚᱫᱽᱢᱟᱵᱚᱛᱤ ᱫᱚᱛᱛᱚ| ᱰᱨᱹ ᱜᱚᱱᱤᱱᱫᱽᱨᱚ ᱱᱟᱛᱷ ᱫᱚᱛᱛᱚ ᱫᱚ ᱯᱟᱹᱦᱤᱞ ᱯᱨᱚᱛᱷᱳᱢ ᱫᱷᱟᱣ ᱟᱥᱟᱢ ᱪᱟᱹᱥᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱥᱚᱱᱟ ᱨᱮᱭᱟᱜ ᱢᱮᱰᱮᱞᱮ ᱦᱟᱢᱮᱴ ᱞᱮᱫᱟ ᱟᱨ ᱵᱮᱞᱡᱤᱭᱟᱢ ᱥᱚᱠᱟᱨᱟᱜ ᱮᱥᱠᱩᱞᱟᱨᱥᱤᱯ ᱦᱟᱢᱮᱴ ᱯᱟᱹᱦᱤᱞ ᱟᱥᱟᱢᱤᱥᱮ ᱡᱟᱱᱣᱟᱨ ᱨᱟᱨᱟᱱᱤᱡ ᱠᱷᱚᱱᱫᱨᱚᱝᱤᱭᱟᱹᱭ ᱛᱟᱦᱮᱸ ᱠᱟᱱᱟ|

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱕᱗ ᱥᱮᱨᱢᱟ ᱨᱮ ᱰᱨᱹ ᱜᱚᱱᱤᱱᱫᱽᱨᱚ ᱱᱟᱛᱷ ᱫᱚᱛᱛᱚ ᱫᱚ ᱵᱤᱱ ᱠᱮᱪᱮᱫ ᱞᱚᱠᱷᱤᱢ ᱯᱩᱨ ᱦᱚᱱᱚᱛ ᱵᱷᱤᱛᱨᱤ ᱨᱮ ᱮᱥᱠᱩᱞᱟᱨᱥᱤᱯ ᱵᱤᱱᱤᱰ ᱨᱮ ᱫᱳᱥᱟᱨ ᱡᱟᱭᱜᱟᱭ ᱦᱟᱢᱮᱴ ᱠᱟᱛᱮ ᱯᱟᱥ ᱞᱮᱫᱟ| ᱤᱱᱟᱹ ᱛᱟᱭᱢᱚᱱ ᱑᱙᱗᱒ ᱥᱮᱨᱢᱟ ᱨᱮ ᱟᱥᱟᱢ ᱪᱟᱹᱥᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱥᱚᱱᱟ ᱦᱩᱫᱟᱹᱭ ᱧᱟᱢ ᱞᱮᱫᱟ ᱵᱤᱹ ᱵᱷᱤᱹ ᱮᱥᱹ ᱮᱱᱰ ᱮᱹ ᱮᱭᱪᱷ ᱵᱤᱱᱤᱰ ᱨᱮ ᱯᱟᱹᱦᱤᱞ ᱴᱷᱟᱶᱮ ᱦᱟᱢᱮᱴ ᱞᱮᱫᱟ| ᱑᱙᱗᱕ ᱥᱮᱨᱢᱟ ᱨᱮ ᱡᱚᱵᱽᱵᱚᱞᱯᱩᱨ ᱨᱮᱭᱟᱜ ᱡᱚᱣᱟᱦᱚᱨᱞᱟᱞᱟ ᱱᱮᱦᱨᱩ ᱪᱟᱹᱥᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱮᱢᱹ ᱵᱷᱤᱹ ᱮᱥᱹ ᱮᱱᱰ ᱮᱹ ᱮᱭᱪᱷᱹ ᱰᱤᱜᱽᱨᱤ ᱦᱟᱢᱮᱴᱤᱡ ᱯᱟᱹᱦᱤᱞ ᱟᱥᱟᱢᱤᱥᱮ ᱛᱟᱦᱮᱸ ᱠᱟᱱᱟ| ᱑᱙᱘᱓ ᱥᱮᱨᱢᱟ ᱨᱮ ᱵᱮᱞᱡᱤᱭᱟᱢ ᱫᱤᱥᱚᱢ ᱨᱮᱭᱟᱜ ᱥᱚᱨᱚᱥ ᱜᱮᱱᱴ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱵᱮᱠᱴᱮᱨᱤᱭᱟ ᱮᱱᱴᱤᱵᱚᱭᱚᱴᱤᱠ ᱫᱟᱜ-ᱟᱨᱟᱢ ᱪᱮᱛᱟᱱ ᱨᱮ ᱠᱷᱚᱱᱫᱽᱨᱚᱝ ᱧᱩᱛᱩᱢ ᱛᱮ ᱟᱹᱰᱤ ᱢᱟᱹᱱ ᱥᱟᱞᱟᱜ ᱡᱟᱱᱣᱟᱨ ᱥᱟᱢᱬᱮᱥ ᱟᱨ ᱨᱟᱨᱟᱱᱤᱡ ᱨᱮᱭᱟᱜ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ ᱟᱨ ᱢᱤᱫᱴᱮᱱ ᱱᱟᱣᱟ ᱵᱮᱠᱴᱮᱨᱤᱭᱟ ᱨᱮᱱ ᱰᱩᱱᱰᱷᱟᱹᱣ ᱠᱮᱫ ᱛᱮ ᱜᱽᱨᱮᱴ ᱰᱤᱥᱥᱴᱤᱝᱥᱚᱱ ᱦᱟᱢᱮᱴᱤᱡ ᱯᱟᱹᱦᱤᱞ ᱱᱤᱱᱟᱹ ᱵᱮᱞᱡᱤᱭᱟᱱ ᱢᱮᱱ ᱛᱮᱭᱮ ᱵᱤᱠᱟᱹᱣ ᱮᱱᱟ|

ᱠᱟᱹᱢᱤ ᱠᱟᱹᱥᱱᱤ ᱟᱨ ᱢᱟᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨᱹ ᱜᱚᱱᱤᱱᱫᱽᱨᱚ ᱱᱟᱛᱷ ᱫᱚᱛᱛᱚ ᱣᱟᱜ ᱟᱢᱫᱟᱡᱽ ᱗᱖ ᱜᱚᱴᱟᱝ ᱠᱷᱳᱱᱫᱨᱚᱝ ᱥᱟᱠᱟᱱ ᱟᱨ ᱥᱟᱶᱛᱮ ᱑᱕᱐ ᱦᱟᱢᱟᱞ ᱚᱱᱚᱞ ᱠᱚ ᱵᱮᱣᱨᱟ ᱥᱟᱠᱟᱢ ᱟᱨ ᱮᱴᱟᱜ ᱮᱴᱟᱜ ᱯᱟᱛᱷᱟᱢ ᱠᱚ ᱨᱮ ᱩᱪᱷᱟᱹᱱ ᱥᱚᱫᱚᱨ ᱟᱠᱟᱱ ᱛᱟᱭᱟ| ᱩᱱᱤᱭᱟ ᱠᱷᱳᱸᱫᱽᱨᱚᱝ ᱥᱟᱠᱟᱢ ᱠᱚ ᱫᱚ ᱟᱢᱮᱨᱤᱠᱟ, ᱠᱟᱱᱟᱰᱟ, ᱡᱟᱯᱟᱢ, ᱯᱷᱨᱟᱱᱥ, ᱤᱝᱜᱽᱞᱮᱱᱰ, ᱱᱮᱫᱟᱨ ᱞᱮᱱᱰ, ᱵᱮᱞᱡᱤᱭᱟᱢ ᱮᱢᱟᱱ ᱛᱮᱭᱟᱜ ᱫᱤᱥᱚᱢ ᱠᱚ ᱨᱮᱱᱟᱜ ᱪᱮᱛᱟᱱ ᱫᱟᱨᱡᱟ ᱨᱮᱭᱟᱜ ᱥᱟᱬᱮᱥᱤᱭᱟᱹ ᱯᱟᱛᱷᱟᱢ ᱠᱚ ᱨᱮ ᱩᱪᱷᱟᱟᱹᱱ ᱥᱚᱫᱚᱨ ᱟᱠᱟᱱᱟ" ᱚᱱᱟ ᱥᱟᱟᱶ ᱥᱟᱶᱛᱮ ᱟᱵᱚ ᱫᱤᱥᱚᱢ ᱨᱮᱭᱟᱜ Indian Journal of Animal Sciences, Indian Journal of Medical Research ᱮᱢᱟᱱ ᱯᱟᱛᱷᱟᱢ ᱠᱚ ᱨᱮ ᱦᱚᱸ ᱪᱷᱟᱯᱟ ᱥᱚᱫᱚᱨ ᱠᱟᱱ ᱛᱟᱭᱟ| ᱱᱚᱝᱠᱟ ᱜᱮ ᱟᱭᱢᱟ ᱜᱩᱱᱟᱱ ᱠᱷᱳᱱᱫᱽᱨᱚᱝᱤᱭᱟᱹ ᱥᱟᱠᱟᱢ ᱠᱚ ᱧᱩᱛᱩᱢ ᱛᱮ ᱩᱱᱤ ᱫᱚ ᱡᱮᱜᱮᱫ ᱡᱟᱠᱟᱛ ᱫᱟᱨᱡᱟ ᱨᱮᱭᱟᱜ ᱥᱟᱬᱮᱥᱤᱭᱟᱹ ᱯᱟᱛᱷᱟᱢ ᱠᱚ ᱜᱮ ᱩᱱᱤ ᱫᱚ ᱢᱤᱫᱴᱮᱱ ᱪᱮᱛᱟᱱ ᱫᱟᱨᱡᱟ ᱨᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱢᱮᱱ ᱛᱮᱠᱚ ᱵᱤᱠᱟᱹᱣ ᱞᱮᱫᱟᱭᱟ| ᱰᱨᱹ ᱜᱚᱱᱤᱱᱫᱽᱨᱚ ᱱᱟᱛᱷ ᱫᱚᱛᱛᱚ ᱫᱚ ᱚᱱᱠᱟᱱ ᱢᱤᱫ ᱮᱥᱠᱟᱨ ᱥᱤᱧᱚᱛᱤᱭᱟᱹ ᱡᱟᱱᱣᱟᱨ ᱨᱟᱨᱟᱱᱤᱡ ᱥᱟᱬᱮᱥᱤᱭᱟᱟᱹ ᱠᱟᱱᱟᱭ ᱚᱠᱚᱭ ᱫᱚ ᱡᱚᱱ ᱞᱮᱵᱮᱞ ᱨᱮ ᱦᱚᱲᱢᱚ ᱥᱟᱶᱟᱨ ᱛᱩᱞᱩᱡ ᱥᱮᱞᱮᱫ ᱟᱭᱢᱟ ᱠᱷᱳᱱᱫᱽᱨᱚᱝ ᱨᱮ ᱢᱟᱹᱱᱮ ᱦᱟᱢᱮᱴ ᱟᱠᱟᱫ ᱞᱚᱱᱰᱚᱱ ᱨᱮᱭᱟᱜ Royal Society of Health এ Fellowship ᱠᱦᱚᱱᱮ ᱢᱟᱱᱚᱛ ᱚᱪᱚ ᱟᱠᱟᱱᱟ| ᱩᱱᱤ ᱫᱚ ᱞᱚᱱᱰᱚᱱ ᱨᱮᱭᱟᱜ Institute of Biology ᱠᱷᱚᱱ ᱦᱚᱸ Chartered Biologist ᱞᱮᱠᱟ ᱛᱮ ᱦᱚᱸ ᱠᱚ ᱢᱟᱱᱚᱛ ᱟᱠᱟᱫᱮᱭᱟ| ᱞᱚᱱᱰᱚᱱ ᱨᱮᱭᱟᱜ ᱡᱤᱣ ᱥᱟᱬᱮᱥ ᱧᱩᱛᱩᱢᱟᱱ ᱟᱠᱷᱲᱟ ᱨᱮ ᱩᱱᱤ ᱫᱚ ᱠᱚᱨᱯᱟᱨᱮᱴ ᱢᱮᱢᱵᱟᱨ ᱨᱟᱹᱥᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ| ᱟᱢᱮᱮᱤᱠᱟ ᱥᱮᱞᱮᱫ ᱨᱟᱡᱚᱥᱴᱷᱤ ᱨᱮᱭᱟᱜ ᱵᱳᱨᱰ ᱚᱯᱷ ᱨᱤᱥᱟᱨᱪ ᱮᱰᱵᱷᱟᱭᱡᱟᱨᱤ ᱜᱟᱶᱛᱟ ᱨᱮᱱ ᱵᱤᱱ ᱠᱩᱲᱟᱹᱭᱤᱡ ᱴᱟᱹᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ| ᱚᱱᱟ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱛᱟᱞᱟᱢ ᱞᱚᱠ ᱥᱮᱣᱟ ᱟᱨ ᱟᱥᱟᱢ ᱞᱚᱠ ᱥᱮᱣᱟ ᱟᱭᱚᱜᱽ ᱨᱮᱱ ᱨᱟᱹᱥᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ| ᱟᱥᱟᱢ ᱪᱟᱹᱥᱤ ᱡᱮᱜᱮᱟᱫ ᱵᱤᱨᱫᱟᱹ ᱜᱟᱲ ᱨᱮᱱ ᱪᱟᱹᱥᱤ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱵᱟᱦᱟᱞᱤ ᱜᱟᱶᱛᱟ ᱨᱮᱱ ᱜᱟᱹᱠᱷᱩᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ| ᱰᱨᱹ ᱜᱚᱱᱤᱱᱝᱫᱽᱨᱚ ᱱᱟᱛᱷ ᱫᱚᱛᱛᱚ ᱫᱤᱥᱟᱹ ᱩᱭᱦᱟᱹᱨᱤ ᱞᱟᱹᱜᱤᱫ ᱛᱮ ᱥᱤᱧᱚᱛ ᱡᱟᱱᱣᱟᱨ ᱨᱟᱜ-ᱨᱟᱱ ᱥᱟᱢᱮᱥ ᱜᱟᱶᱛᱟ ᱫᱚ ᱜᱟᱴᱟ ᱞᱮᱵᱮᱞ ᱨᱮ ᱒᱐᱐᱓ ᱥᱮᱨᱢᱟ ᱠᱷᱚᱱ ᱡᱟᱣ ᱥᱮᱨᱢᱟ ᱜᱮ Dr Gunindra Nath Dutta Memorial Gold Medal for Lifetime Achievement in Veterniary Medicine Research ᱠᱚ ᱪᱟᱞᱟᱠᱚᱣᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]