ᱜᱚᱱᱮᱥ ᱜᱚᱜᱚᱭ
| ᱜᱚᱱᱮᱥ ᱜᱚᱜᱚᱭ Ganesh Gogoi গনেশ গগৈ | |
|---|---|
| ᱨᱮᱫ:GaneshGogoiPic.jpg | |
| ᱡᱟᱱᱟᱢ | ᱒᱘ ᱰᱤᱥᱮᱢᱵᱚᱨ ᱑᱙᱐᱗ ᱡᱚᱨᱦᱟᱴ, ᱟᱥᱟᱢ, ᱥᱤᱧᱚᱛ |
| ᱜᱩᱨ | ᱒ ᱑ ᱟᱜᱚᱥᱴ ᱑᱙᱓᱘ |
| ᱠᱟᱹᱢᱤ | ᱚᱱᱚᱞᱤᱟᱹ, ᱚᱱᱚᱲᱦᱤᱭᱟᱹ ᱟᱨ ᱜᱟᱭᱱᱟᱦᱟ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱚᱱᱚᱞ ᱛᱷᱚᱠ | ᱟᱥᱟᱢᱤᱥ ᱥᱟᱶᱦᱮᱫ |
ᱜᱚᱱᱮᱥ ᱜᱚᱜᱚᱭ (ᱟᱥᱟᱢᱤᱥᱺ গণেশ গগৈ; ᱤᱝᱨᱟᱹᱡᱤ: Ganesh Gogoi; ᱑᱙᱐᱗-᱑᱙᱓᱗) ᱫᱚ ᱟᱥᱟᱢᱤᱥ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮᱱ ᱢᱤᱫᱴᱮᱱ ᱨᱚᱢᱟᱱᱴᱤᱠ ᱚᱱᱚᱲᱦᱤᱭᱟᱹ ᱵᱮᱜᱚᱨ ᱦᱚᱸ ᱢᱤᱫᱴᱮᱱ ᱨᱟᱹᱲ ᱡᱚᱲᱟᱣᱤᱡ, ᱜᱟᱭᱟᱱᱤᱭᱟᱹ, ᱚᱵᱷᱤᱱᱟᱛᱟ ᱟᱨ ᱯᱷᱩᱴᱵᱚᱞ ᱠᱷᱤᱞᱚᱱᱰᱤᱭᱟᱹ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ| ᱩᱱᱤᱭᱟᱜ ᱑᱙᱓᱘ ᱥᱮᱨᱢᱟ ᱨᱮ ᱥᱚᱫᱚᱨ ᱞᱮᱱ "ᱯᱟᱯᱚᱨᱤ" ᱧᱩᱛᱩᱢᱟᱱ ᱚᱱᱚᱲᱦᱮ ᱯᱚᱛᱚᱵ ᱜᱮ ᱟᱥᱟᱢᱤᱥ ᱨᱚᱢᱟᱱᱴᱤᱠ ᱚᱱᱚᱲᱦᱮ ᱨᱮᱭᱟᱜ ᱫᱷᱟᱨᱟᱭ ᱮᱦᱚᱵ ᱞᱮᱫᱟ| ᱱᱚᱣᱟ ᱯᱚᱛᱚᱵ ᱧᱩᱛᱩᱢ ᱛᱮᱜᱮ ᱩᱱᱤ ᱫᱚ ᱯᱟᱯᱚᱨᱤ ᱚᱱᱚᱲᱦᱤᱭᱟᱹ ᱠᱚ ᱧᱩᱛᱩᱢ ᱞᱮᱫᱮᱭᱟ|
ᱦᱩᱰᱤᱧ ᱡᱤᱭᱚᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱚᱱᱮᱥ ᱜᱚᱜᱚᱭ ᱫᱚ ᱑᱙᱐᱗ ᱥᱮᱨᱢᱟ ᱨᱮᱭᱟᱜ ᱒᱘ ᱰᱤᱥᱮᱢᱵᱚᱨ ᱢᱟᱹᱦᱤᱛ ᱨᱮ ᱡᱚᱨᱦᱟᱴ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱠᱚᱱᱚᱠ ᱪᱚᱱᱫᱽᱨᱚ ᱜᱚᱜᱚᱭ ᱛᱟᱦᱮᱸᱠᱟᱱᱟ|ᱜᱚᱱᱮᱥ ᱜᱚᱜᱚᱭ ᱫᱚ ᱡᱯᱚᱨᱦᱟᱴ ᱥᱚᱨᱠᱟᱨᱤ ᱢᱚᱫᱽᱭᱚᱢᱤᱠ ᱵᱤᱫᱽᱭᱟᱞᱚᱭ ᱠᱷᱚᱱ ᱢᱮᱴᱨᱩᱞᱮᱥᱚᱱ ᱫᱚᱭ ᱯᱟᱥ ᱞᱮᱫᱟ ᱟᱨ ᱠᱚᱴᱚᱱ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱧᱩᱛᱩᱢᱮᱮ ᱚᱞ ᱪᱟᱲᱦᱟᱟᱣ ᱚᱪᱚᱞᱮᱫ ᱛᱟᱭᱟ| ᱵᱤᱱ ᱠᱮᱪᱟᱜ ᱞᱚᱠᱷᱤᱢᱯᱩᱨ ᱦᱚᱱᱚᱛ ᱨᱮᱱ ᱯᱟᱹᱦᱤᱞ ᱜᱽᱨᱮᱡᱩᱣᱮᱴᱮ ᱛᱟᱦᱮᱸᱠᱟᱱᱟ| ᱑᱙᱒᱗ ᱥᱮᱨᱢᱟ ᱨᱮ ᱠᱚᱞᱤᱠᱚᱛᱟ ᱨᱮᱭᱟᱜ ᱛᱮ ᱥᱮᱱ ᱠᱟᱛᱮ ᱨᱤᱯᱳᱱ ᱠᱚᱞᱮᱡᱽ ᱨᱮ ᱧᱩᱛᱩᱢᱮ ᱞᱟᱜᱟᱣ ᱞᱮᱫ ᱛᱟᱭᱚᱢ ᱜᱟᱛᱮ ᱟᱱᱚᱱᱫᱚ ᱪᱚᱱᱫᱽᱨᱚ ᱵᱚᱨᱩᱣᱟ ᱣᱟᱜ ᱱᱮᱦᱚᱨ ᱛᱮ ᱵᱮᱱᱟᱨᱚᱥ ᱦᱤᱱᱫᱩ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱥᱮᱱ ᱞᱮᱱᱟ| ᱢᱮᱱᱠᱷᱟᱱ ᱯᱟᱲᱦᱟᱣ ᱵᱟᱝ ᱪᱟᱵᱟ ᱠᱟᱛᱮ ᱚᱲᱟᱜ-ᱮ ᱨᱩᱣᱟᱹᱲᱮᱱᱟ ᱟᱨ ᱥᱟᱶᱦᱮᱫ ᱪᱟᱨᱪᱟᱭ ᱮᱦᱚᱵ ᱮᱱᱟ| ᱑᱙᱓᱘ ᱥᱮᱨᱢ ᱨᱮᱭᱟᱜ ᱒᱑ ᱟᱜᱚᱥᱴ ᱥᱟᱹᱢᱩᱝ ᱓᱐ ᱥᱮᱨᱢᱟ ᱩᱢᱮᱨ ᱨᱮ ᱜᱩᱨᱮᱱᱟ|
ᱥᱟᱶᱦᱮᱫ ᱨᱮ ᱮᱢᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨ ᱜᱮᱞ ᱥᱟᱭ ᱥᱮᱨᱢᱟ ᱨᱮᱭᱟᱜ ᱯᱟᱹᱦᱤᱞ ᱚᱦᱤᱸᱥ ᱨᱮ ᱠᱚᱞᱠᱟᱛᱟ ᱨᱮ ᱦᱩᱭᱩᱜ ᱠᱟᱱ ᱛᱟᱦᱮᱱ ᱞᱟᱠᱪᱟᱨ ᱡᱟᱜᱽᱣᱟᱨ ᱧᱩᱛᱩᱢ ᱛᱮ ᱟᱥᱟᱢ ᱨᱮᱦᱚᱸ ᱢᱤᱫᱴᱮᱱ ᱱᱟᱴᱭᱟ ᱟᱱᱫᱚᱲᱮ ᱮᱦᱚᱵ ᱞᱮᱫᱟ|
ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱟᱥᱟᱢ ᱥᱚᱨᱠᱟᱨ ᱯᱟᱥᱴᱟ ᱠᱦᱚᱱ ᱒᱐᱐᱙ ᱥᱮᱨᱢᱟ ᱚᱱᱚᱲᱤᱭᱟᱹ ᱠᱚ ᱢᱟᱱᱚᱛ ᱞᱟᱹᱜᱤᱫ ᱜᱚᱱᱮᱥ ᱵᱚᱴᱟᱭ (ᱥᱤᱨᱯᱟᱹ) ᱮᱢ ᱟᱹᱜᱩ ᱟᱠᱟᱫ ᱠᱚᱣᱟ|
- "ᱜᱚᱱᱮᱥ ᱜᱜᱚᱜᱚᱭᱚᱨ ᱡᱤᱣᱚᱱᱚᱨ ᱥᱩᱨᱚᱵᱷᱤ" ᱧᱩᱛᱩᱢᱟᱱ ᱢᱤᱫᱴᱮᱱ ᱰᱳᱠᱚᱢᱮᱱᱴᱨᱤ ᱩᱱᱤᱭᱟᱜ ᱡᱤᱭᱚᱱ ᱟᱨ ᱠᱟᱹᱢᱤᱤ ᱥᱟᱟᱛᱷᱟᱢ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱᱟ, ᱱᱚᱣᱟ ᱰᱳᱠᱚᱢᱮᱴᱨᱤ ᱫᱚ ᱒᱐᱐᱗ ᱥᱮᱨᱢᱟ ᱨᱮ ᱰᱷᱟᱠᱟ ᱨᱮ ᱮᱛᱚᱢ ᱮᱥᱤᱭᱟ ᱯᱷᱤᱞᱢ ᱢᱟᱨᱟᱝ ᱯᱚᱨᱚᱵᱽ ᱨᱮᱠᱚ ᱵᱟᱪᱷᱟ ᱞᱮᱫᱟ|[᱑]।
- ᱜᱚᱱᱮᱥ ᱜᱚᱜᱚᱭ ᱚᱱᱚᱲᱦᱮ ᱠᱟᱱᱚᱱ ᱧᱩᱛᱩᱢᱟᱱ ᱢᱤᱫᱴᱮᱱ ᱵᱟᱜᱽᱣᱟᱱ (ᱯᱟᱨᱠ) ᱟᱥᱟᱢ ᱨᱮᱭᱟᱜ ᱡᱚᱨᱦᱟᱴ ᱱᱟᱝᱜᱽᱨᱟᱦᱟ ᱨᱮ ᱵᱮᱱᱟᱣ ᱟᱠᱟᱱᱟ|
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- সৌন্দৰ্য আৰু কবি, গণেশ গগৈৰ এটা কবিতা, ᱛᱩᱢᱟᱹᱞᱺ ᱦᱩᱯᱷᱩᱨᱨᱟ ᱰᱚᱴ ᱱᱮᱴ।
- ᱯᱚᱛᱚᱵ
- History of Assamese literature, by Birinchi Kumar Barua
- Assamese literature: Volume 9, Part 2 - Page 84, Satyendranath Sarma
- Encyclopaedia of Indian Literature: devraj to jyoti, Amaresh Datta
- ᱚᱰᱤᱭᱳ’
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Ganesh Gogoi Award to Hiren Bhattacharya Archived ᱒᱐᱑᱒-᱐᱗-᱑᱘ at Archive.is দ্য আসাম ট্ৰিবিউনত প্ৰকাশিত বাতৰি, তাৰিখ: ছেপ্টেম্বৰ ১১, ২০০৯]