ᱜᱩᱣᱟ.
| ᱜᱩᱣᱟ. | |
|---|---|
| |
| Fruiting specimen | |
| ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
| ᱡᱮᱜᱮᱛ: | Plantae |
| ᱵᱟᱝᱛᱷᱚᱠ ᱟᱠᱟᱱ: | Angiosperms |
| ᱵᱟᱝᱛᱷᱚᱠ ᱟᱠᱟᱱ: | Monocots |
| ᱵᱟᱝᱛᱷᱚᱠ ᱟᱠᱟᱱ: | Commelinids |
| ᱫᱷᱟᱹᱲ: | Arecales |
| ᱜᱷᱟᱨᱚᱡᱽ: | Arecaceae |
| ᱯᱨᱚᱡᱟᱹᱛᱤ: | Areca |
| ᱡᱟᱹᱛ: | A. catechu |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Areca catechu | |
ᱜᱩᱣᱟᱹ (ᱤᱝᱨᱟᱹᱡᱤ: Areca catechu) ᱯᱟᱹᱨᱤᱥ - Arecaceae। ᱜᱩᱣᱟᱹ ᱫᱚ ᱢᱤᱫᱴᱮᱱ ᱡᱚ ᱡᱤᱱᱤᱥ ᱠᱟᱱᱟ ᱨᱮᱦᱚᱸ, ᱱᱚᱣᱟ ᱫᱚ ᱡᱚ ᱡᱤᱱᱤᱥ ᱢᱮᱱ ᱛᱮ ᱵᱟᱠᱚ ᱵᱮᱣᱦᱟᱨᱟ| ᱜᱩᱣᱟᱹ ᱫᱚ ᱢᱤᱫ ᱞᱮᱠᱟᱱᱟᱜ Masticatory ᱛᱟᱸᱦᱟᱸ ᱛᱚᱜᱚᱡ ᱡᱚᱡᱚᱢ ᱡᱚ ᱠᱟᱱᱟ| ᱜᱩᱣᱟᱹ ᱫᱚ ᱟᱥᱚᱠᱟᱭ ᱛᱮ ᱮᱴᱟᱜᱜ ᱡᱚ ᱡᱤᱱᱤᱥ ᱞᱮᱠᱟ ᱡᱚᱛᱚ ᱦᱚᱲ ᱠᱚᱣᱟ ᱢᱚᱱᱮ ᱠᱩᱥᱤ ᱡᱚ ᱡᱤᱱᱤᱥ ᱫᱚ ᱱᱟᱝᱝ ᱠᱟᱱ ᱨᱮ ᱦᱚᱸ ᱟᱥᱟᱢ ᱯᱚᱱᱚᱛ ᱨᱮᱱ ᱦᱚᱲ ᱠᱚ ᱫᱚ ᱟᱭᱢᱟ ᱞᱮᱠᱟ ᱫᱷᱚᱨᱚᱢ ᱟᱠᱷᱲᱟ ᱠᱚ ᱨᱮ, ᱯᱚᱨᱚᱵᱽ - ᱯᱚᱨᱵᱟᱥ ᱠᱚ ᱨᱮ, ᱵᱟᱯᱞᱟ - ᱵᱵᱤᱦᱟᱹ ᱮᱢᱟᱱ ᱠᱚ ᱨᱮ ᱢᱤᱫ ᱴᱮᱱ ᱵᱟᱝ ᱵᱟᱜᱤ ᱫᱟᱲᱮᱭᱟᱜ ᱥᱮᱨᱣᱟ ᱠᱟᱱᱟ| ᱟᱭᱢᱟ ᱞᱮᱠᱟᱱ ᱵᱷᱟᱹᱜᱤ ᱠᱟᱹᱢᱤ ᱠᱠᱚ ᱨᱮ ᱜᱩᱣᱟᱹ ᱯᱟᱱ ᱵᱟᱝ ᱠᱷᱟᱱ ᱪᱮᱫ ᱜᱮ ᱵᱟᱝ ᱦᱚᱭᱚᱜ-ᱟ| ᱟᱥᱟᱢᱤᱭᱟ ᱥᱟᱢᱟᱡᱽ ᱨᱮ ᱩᱢᱮᱨᱟᱱ ᱦᱚᱲ ᱠᱚ ᱜᱩᱣᱟᱹ ᱯᱟᱱ ᱥᱟᱢᱟᱝ ᱠᱟᱛᱮ ᱥᱟᱹᱦᱟᱹᱭ ᱦᱟᱢᱮᱴ ᱨᱮᱭᱟᱜ ᱥᱮᱨᱣᱟ ᱦᱮᱡ ᱟᱹᱜᱩ ᱟᱠᱟᱱᱟ| ᱟᱥᱟᱢ ᱯᱚᱱᱚᱛ ᱨᱮᱱ ᱡᱚᱛᱚ ᱦᱚᱲ ᱟᱜ ᱚᱲᱟᱜ ᱫᱩᱣᱟᱹᱨ ᱵᱮᱲᱦᱟᱭ ᱛᱮ ᱜᱩᱣᱟᱹ ᱫᱟᱨᱮ ᱨᱚᱦᱚᱭ ᱠᱟᱛᱮ ᱥᱟᱡᱟᱣ ᱥᱚᱦᱟᱱᱟ ᱠᱚ|
ᱛᱟᱯᱟᱦᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱧᱚᱛ, ᱢᱟᱞᱮᱥᱤᱭᱟ, ᱥᱨᱤᱞᱚᱝᱠᱟ, ᱢᱭᱟᱱᱢᱟᱨ, ᱢᱟᱫᱟᱜᱟᱥᱠᱟᱨ, ᱯᱷ᱾ᱞᱤᱯᱟᱭᱤᱱ ᱮᱢᱟᱱ ᱫᱤᱥᱚᱢ ᱠᱚ ᱨᱮ ᱜᱩᱣᱟᱹ ᱫᱟᱨᱮ ᱠᱚ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱦᱚᱭᱚᱜ-ᱟ ᱥᱮ ᱧᱮᱞ ᱧᱟᱢᱚᱜ-ᱟ| ᱥᱤᱧᱚᱢ ᱫᱤᱥᱚᱢ ᱨᱮ ᱫᱚ ᱟᱥᱟᱢ ᱯᱚᱱᱚᱛ ᱟᱨ ᱯᱟᱪᱷᱮ ᱵᱮᱝᱜᱚᱞ ᱯᱚᱱᱚ ᱨᱮ ᱜᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱭ ᱛᱮ ᱠᱚ ᱪᱟᱥᱟ|
ᱩᱱᱩᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱥᱚᱠᱟᱭ ᱛᱮ ᱱᱟᱥᱮ ᱩᱨᱜᱩᱢ ᱞᱮᱠᱟᱱ ᱦᱚᱭ ᱦᱤᱥᱤᱫ ᱴᱚᱴᱷᱟ ᱠᱚ ᱨᱮ ᱜᱩᱣᱟᱹ ᱫᱟᱨᱮ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱦᱟᱨᱟ ᱵᱩᱨᱩᱜ-ᱟ| ᱵᱟᱪᱷᱟᱣ ᱵᱮᱜᱟᱨ ᱞᱟᱹᱴᱩ ᱫᱟᱨᱮ ᱨᱮ ᱵᱤᱞᱤ ᱡᱚ ᱠᱷᱚᱱ ᱜᱩᱣᱟᱹ ᱯᱚᱦᱟ ᱨᱚᱦᱚᱭ ᱞᱟᱹᱜᱤᱫ ᱡᱚ ᱫᱚ ᱠᱚ ᱵᱵᱟᱪᱷᱟᱣ ᱵᱮᱜᱟᱨᱟ ᱟᱨ ᱚᱱᱟ ᱢᱚᱧᱡᱽ ᱵᱤᱞᱤ ᱡᱚ ᱠᱷᱚᱱ ᱜᱮ ᱢᱚᱧᱡᱽ ᱯᱚᱦᱟ ᱫᱟᱨᱮ ᱫᱚ ᱦᱚᱭᱚᱜ-ᱟ| ᱵᱟᱨ ᱥᱮᱨᱢᱟ ᱦᱟᱨᱟ ᱵᱩᱨᱩ ᱣᱟᱠᱟᱱ ᱜᱩᱣᱟᱹ ᱯᱚᱦᱟ ᱫᱟᱨᱮ ᱫᱚ ᱘ (ᱤᱨᱟᱹᱞ) ᱯᱷᱩᱴ ᱥᱟᱹᱯᱟᱹᱝᱜᱤᱧ ᱨᱮ ᱫᱟᱜ ᱵᱟᱝ ᱡᱟᱨᱣᱟᱜ ᱡᱟᱭᱜᱟ ᱨᱮ ᱠᱚ ᱨᱚᱦᱚᱭᱟ| ᱢᱤᱫ ᱴᱮᱱ ᱜᱩᱣᱟᱹ ᱫᱟᱨᱮ ᱫᱚ ᱕-᱖ ᱥᱮᱨᱢᱟ ᱠᱷᱚᱱ ᱜᱮ ᱜᱮᱞᱮ ᱮᱛᱚᱦᱚᱵᱚᱜ-ᱟ| ᱜᱮᱞᱮ ᱢᱟᱱᱮ ᱜᱩᱣᱟᱹ ᱫᱟᱨᱮ ᱨᱮᱭᱟᱜ ᱵᱟᱦᱟ ᱜᱮ ᱜᱮᱞᱮ ᱠᱚ ᱢᱮᱛᱟᱣᱟᱜ-ᱟ| ᱢᱤᱫ ᱴᱮᱱ ᱡᱚᱣᱟᱣ ᱜᱩᱣᱟᱹ ᱫᱟᱨᱮ ᱫᱚ ᱰᱤᱥᱮᱢᱵᱚᱨ ᱪᱟᱱᱫᱟ ᱜᱟᱱ ᱠᱷᱚᱱ ᱯᱮ ᱦᱟᱯᱛᱟ ᱛᱟᱭᱚᱢ ᱛᱟᱭᱚᱢ ᱥᱟᱠᱟᱢ ᱢᱟᱱᱮ ᱰᱷᱟᱯᱨᱟᱜ ᱧᱭᱨᱭᱜ-ᱟ| ᱱᱚᱝᱠᱟ ᱜᱮ ᱯᱮᱭᱟ ᱯᱚᱱᱭᱟ ᱥᱟᱠᱟᱢ ᱧᱩᱨᱦᱟᱹ ᱞᱮᱱ ᱠᱷᱟᱱ ᱚᱱᱟ ᱨᱮᱭᱟᱜ ᱩᱴᱤ ᱨᱮ ᱵᱟᱦᱟ ᱜᱮᱞᱮ-ᱟ (ᱚᱠᱟ ᱫᱚ ᱛᱟᱭᱱᱚᱢ ᱛᱮ ᱡᱚ ᱠᱚ ᱢᱮᱛᱟᱣᱟᱜ ᱠᱟᱱᱟ)| ᱢᱤᱫ ᱥᱮᱨᱢᱟ ᱨᱮ ᱢᱤᱫ ᱴᱮᱱ ᱫᱟᱨᱮ ᱨᱮ ᱢᱚᱬᱮ ᱠᱷᱚᱱ ᱛᱩᱨᱩᱭ ᱜᱚᱴᱟᱱ ᱛᱷᱚᱯᱟ ᱛᱟᱦᱮᱱᱟ| ᱡᱩᱫᱤ ᱦᱚᱸ ᱜᱚᱲ ᱞᱮᱠᱟ ᱛᱮ ᱢᱮᱱ ᱞᱮᱠᱷᱟᱱ ᱢᱤᱫ ᱴᱮᱱ ᱫᱟᱨᱮ ᱵᱟᱨᱭᱟ ᱥᱮ ᱯᱮᱭᱟ ᱠᱟᱛᱮ ᱜᱮ ᱛᱷᱚᱯᱟ ᱫᱚ ᱛᱟᱦᱮᱱᱟ| ᱜᱩᱣᱟᱹ ᱡᱚ ᱫᱚ ᱦᱟᱨᱟ ᱵᱩᱨᱩ ᱠᱟᱛᱮ ᱵᱤᱞᱤᱜ ᱞᱟᱹᱜᱤᱫ ᱖ ᱠᱷᱚᱱ ᱗ ᱪᱟᱱᱫᱚ ᱦᱟᱹᱵᱤᱡ ᱡᱟᱹᱨᱩᱲᱟ| ᱢᱤᱫᱴᱮᱱ ᱜᱩᱣᱟᱹ ᱫᱟᱨᱮ ᱨᱮ ᱠᱚᱢ ᱛᱮ ᱦᱚᱸ ᱒᱐᱐ ᱠᱷᱚᱱ ᱒᱕᱐ ᱜᱚᱴᱟᱱ ᱜᱩᱣᱟᱹ ᱡᱚ ᱛᱟᱦᱮᱸ ᱫᱟᱲᱮᱭᱟᱜ-ᱟ| ᱢᱤᱫᱴᱮᱱ ᱜᱩᱣᱟᱹ ᱫᱟᱨᱮ ᱫᱚ ᱔᱐ (ᱯᱚᱱ ᱜᱮᱞ) ᱠᱷᱚᱱ ᱖᱐ (ᱛᱩᱨᱩᱭ ᱜᱮᱞ) ᱯᱷᱩᱴ ᱩᱥᱩᱞ ᱦᱚᱭ ᱫᱟᱲᱮᱭᱟᱜ-ᱟ| ᱜᱩᱣᱟᱹ ᱫᱟᱨᱮ ᱨᱮᱭᱟᱥᱜ ᱡᱚᱛᱚ ᱪᱮᱛᱟᱱ ᱢᱟᱱᱮ ᱰᱚᱜᱽ ᱛᱮᱫ ᱫᱚ ᱢᱤᱫᱴᱮᱱ ᱡᱚᱲᱟᱣ ᱢᱩᱠᱛᱟ ᱞᱮᱠᱟ ᱧᱮᱞᱚᱜ-ᱟ ᱥᱮ ᱥᱟᱡᱟᱣ ᱠᱚᱜ-ᱟ| ᱜᱩᱣᱟᱹ ᱫᱟᱨᱮ ᱨᱮᱭᱟᱜ ᱥᱟᱠᱟᱢ ᱟᱨ ᱰᱷᱟᱯᱨᱟᱜ ᱛᱮ ᱔ (ᱯᱚᱱ) ᱠᱷᱚᱱ ᱖ (ᱛᱩᱨᱩᱭ) ᱯᱷᱩᱴ ᱡᱮᱞᱮᱧ ᱛᱟᱦᱮᱸᱱᱟ| ᱚᱱᱟ ᱥᱟᱠᱟᱱ ᱛᱮ ᱜᱮ ᱜᱩᱣᱟᱹ ᱡᱚ ᱫᱚ ᱟᱹᱰᱤ ᱢᱚᱧᱡᱽ ᱴᱚᱯᱟᱨ ᱮᱥᱫ ᱠᱚᱜ-ᱟ|