ᱜᱩᱦᱤᱨᱟᱢ ᱦᱮᱢᱵᱽᱨᱚᱢ
 | ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
| ᱜᱩᱦᱤᱨᱟᱢ ᱦᱮᱢᱵᱽᱨᱚᱢ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱞᱟᱭ ᱒᱒, ᱑᱙᱔᱐ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱧᱩᱢᱱᱟᱢ | ᱚᱱᱚᱞᱤᱭᱟᱹ, ᱥᱮᱨᱮᱧ ᱨᱩᱥᱤᱠᱟ |
| ᱧᱩᱢᱦᱟᱞᱟᱝ ᱠᱟᱹᱢᱤ | "ᱥᱚᱲᱚᱢ ᱥᱟᱲᱟᱝ", "ᱥᱮᱛᱟᱜ ᱥᱟᱸᱫᱮᱥ" |
ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱟᱨ ᱥᱮᱨᱮᱧ ᱨᱩᱥᱤᱠᱟᱹ ᱜᱩᱦᱤᱨᱟᱢ ᱦᱮᱢᱵᱽᱨᱚᱢ ᱫᱚ ᱑᱙᱔᱐ ᱥᱮᱨᱢᱟ ᱨᱮᱱᱟᱜ ᱒᱒ ᱡᱩᱞᱟᱭ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱠᱷᱟᱛᱲᱟ ᱰᱟᱠ ᱚᱲᱟᱜ ᱨᱮᱭᱟᱜ ᱢᱳᱥᱞᱮᱦᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱪᱩᱱᱟᱹᱨᱟᱢ ᱦᱮᱢᱵᱽᱨᱚᱢ ᱟᱨ ᱟᱭᱳ ᱫᱚ ᱢᱩᱝᱞᱤ ᱦᱮᱢᱵᱽᱨᱚᱢ᱾
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱩᱦᱤᱨᱟᱢ ᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱛᱤᱞᱵᱚᱱᱤ ᱫᱟᱛᱟᱨᱟᱢ ᱯᱨᱭᱢᱟᱨᱤ ᱥᱠᱩᱞ ᱨᱮ ᱮᱦᱚᱵ ᱞᱮᱱᱟ᱾ ᱑᱙᱕᱒ ᱥᱮᱨᱢᱟ ᱨᱮ ᱱᱚᱣᱟ ᱥᱠᱩᱞ ᱠᱷᱚᱱ ᱯᱟᱥ ᱠᱟᱛᱮ ᱦᱤᱨᱟᱵᱟᱸᱫᱷ ᱦᱟᱭ ᱥᱠᱩᱞ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱱᱚᱸᱰᱮ ᱠᱷᱚᱱ ᱑᱙᱖᱓ ᱥᱮᱨᱢᱟ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱟᱫᱚ ᱞᱟᱦᱟ ᱥᱮᱫ ᱵᱟᱭ ᱯᱟᱲᱦᱟᱣ ᱫᱟᱲᱮ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ ᱟᱨ ᱥᱮᱨᱮᱧ ᱨᱩᱥᱤᱠᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱮᱴᱟᱜ ᱥᱟᱱᱛᱟᱲ ᱜᱤᱫᱽᱨᱟᱹ ᱠᱚ ᱞᱮᱠᱟ ᱜᱮ ᱜᱩᱦᱤᱨᱟᱢ ᱦᱮᱢᱵᱽᱨᱚᱢ ᱦᱚᱸ ᱦᱩᱰᱤᱧ ᱩᱢᱮᱨ ᱠᱷᱚᱱ ᱜᱮ ᱮᱱᱮᱡ ᱥᱮᱨᱮᱧ ᱛᱟᱞᱟ ᱛᱮᱭ ᱦᱟᱨᱟ ᱨᱟᱠᱟᱵ ᱟᱠᱟᱱᱟ᱾ ᱥᱟᱱᱛᱟᱲ ᱞᱟᱭ ᱞᱟᱠᱪᱟᱨ ᱪᱮᱛᱟᱱ ᱨᱮ ᱟᱹᱰᱤ ᱰᱷᱮᱨ ᱫᱩᱞᱟᱹᱲ ᱛᱟᱭ ᱛᱟᱦᱮ ᱠᱟᱱ ᱛᱟᱭᱟ᱾ ᱥᱮᱨᱮᱧ ᱪᱟᱨᱪᱟ ᱛᱟᱞᱟ ᱛᱮ ᱥᱮᱨᱮᱧ ᱚᱞ ᱨᱮᱭᱟᱜ ᱡᱷᱩᱠ ᱦᱮᱡ ᱟᱫᱮ ᱛᱟᱦᱮᱸᱫ᱾ ᱞᱮᱛᱟᱲ ᱥᱮᱨᱮᱧ ᱟᱹᱜᱩ ᱟᱠᱟᱫ ᱨᱟᱹᱲ ᱟᱨ ᱪᱷᱟᱸᱫᱟ ᱠᱷᱚᱱ ᱥᱟᱦᱟ ᱠᱟᱛᱮ ᱜᱩᱦᱤᱨᱟᱢ ᱦᱮᱢᱵᱽᱨᱚᱢ ᱫᱚ ᱵᱷᱮᱜᱟᱨ ᱫᱷᱟᱨᱟ ᱛᱮ, ᱱᱟᱣᱟ ᱪᱷᱟᱸᱫᱟ ᱟᱨ ᱱᱟᱣᱟ ᱨᱟᱹᱲ ᱛᱮ ᱥᱮᱨᱮᱧ ᱚᱞ ᱟᱨ ᱥᱮᱨᱮᱧ ᱥᱮᱨᱮᱧ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱟᱠᱟᱫᱟ᱾ ᱥᱟᱱᱛᱟᱲ ᱥᱟᱶᱛᱟ ᱦᱚᱸ ᱟᱡᱟᱜ ᱱᱚᱣᱟ ᱱᱟᱣᱟ ᱫᱷᱟᱨᱟ ᱨᱮᱭᱟᱜ ᱥᱮᱨᱮᱧ ᱮ ᱟᱛᱟᱝ ᱫᱟᱨᱟᱢ ᱟᱠᱟᱫᱼᱟ᱾ ᱥᱮᱨᱮᱧ ᱚᱞᱼᱚᱞ ᱛᱮᱜᱮ ᱜᱩᱦᱤᱨᱟᱢ ᱦᱮᱢᱵᱽᱨᱚᱢ ᱫᱚ ᱚᱱᱚᱬᱦᱮᱸ ᱪᱟᱨᱪᱟᱭ ᱮᱦᱚᱵ ᱞᱮᱫᱟ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱩᱱᱤ ᱫᱚ "ᱠᱷᱮᱨᱣᱟᱞ ᱟᱲᱟᱝ" ᱯᱟᱛᱷᱟᱢ ᱛᱟᱞᱟ ᱛᱮᱭ ᱟᱬᱜᱚ ᱞᱮᱱᱟ᱾ ᱱᱚᱣᱟ ᱯᱟᱛᱷᱟᱢ ᱨᱮ ᱟᱡᱟᱜ ᱚᱞᱟᱜ ᱥᱮᱨᱮᱧ ᱠᱚ ᱩᱪᱷᱟᱹᱱ ᱟᱠᱟᱱᱟ᱾ ᱛᱟᱭᱚᱢ ᱛᱮ ᱥᱮᱨᱮᱧ ᱥᱟᱶᱛᱮ ᱚᱱᱚᱬᱦᱮᱸ, ᱚᱱᱚᱞ ᱮᱢᱟᱱ ᱠᱚ ᱯᱚᱪᱷᱤᱢ ᱵᱟᱝᱞᱟ, ᱦᱚᱲ ᱥᱚᱢᱵᱟᱫᱽ, ᱛᱮᱛᱨᱮ, ᱥᱤᱞᱤ ᱮᱢᱟᱱ ᱯᱟᱛᱷᱟᱢ ᱠᱚᱨᱮ ᱪᱷᱟᱯᱟ ᱟᱠᱟᱱ ᱛᱟᱭᱟ᱾
ᱚᱞ ᱯᱚᱛᱚᱵ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- "ᱥᱚᱲᱚᱢ ᱥᱟᱲᱟᱝ" - ᱑᱙᱕᱕ (ᱥᱮᱨᱮᱧ ᱛᱩᱢᱟᱹᱞ ᱯᱩᱛᱷᱤ, ᱜᱩᱦᱤᱨᱟᱢ ᱥᱟᱶᱛᱮ ᱥᱤᱥᱩᱨᱟᱢ ᱢᱟᱱᱰᱤ ᱟᱨ ᱜᱩᱨᱩᱫᱟᱥ ᱢᱩᱨᱢᱩ ᱟᱜ ᱚᱞ ᱥᱮᱨᱮᱧ ᱛᱩᱢᱟᱹᱞ ᱟᱠᱟᱱᱟ)
- "ᱥᱮᱛᱟᱜ ᱥᱟᱸᱫᱮᱥ" - ᱑᱙᱖᱓ (ᱥᱮᱨᱮᱧ ᱟᱨ ᱚᱱᱚᱬᱦᱮᱸ ᱛᱩᱢᱟᱹᱞ)
- "ᱫᱷᱩᱲᱤ ᱫᱷᱟᱹᱨᱛᱤ" - ᱑᱙᱗᱒ (ᱚᱱᱚᱬᱦᱮᱸ)
ᱥᱟᱶᱛᱟ ᱥᱩᱥᱟᱹᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱖᱗ ᱥᱮᱨᱢᱟ ᱨᱮ 'ᱟᱥᱮᱠᱟ' ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱪᱟᱸᱜᱟ ᱵᱮᱨᱮᱫ ᱮᱱ ᱠᱷᱟᱱ ᱜᱩᱦᱤᱨᱟᱢ ᱦᱮᱢᱵᱽᱨᱚᱢ ᱮᱛᱚᱦᱚᱵ ᱠᱷᱚᱱ ᱜᱮ ᱱᱚᱣᱟ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱛᱮ ᱚᱞ ᱪᱤᱠᱤ ᱯᱟᱥᱱᱟᱣ ᱨᱮ ᱪᱷᱩᱴᱟᱹᱣ ᱮ ᱛᱟᱦᱮᱸ ᱠᱟᱱᱟ᱾ ᱥᱟᱱᱛᱟᱲ ᱥᱟᱶᱛᱟ ᱨᱮ ᱢᱮᱱᱟᱜ ᱟᱸᱫᱷᱟ ᱯᱟᱹᱛᱭᱟᱹᱣ ᱵᱟᱵᱚᱛ ᱛᱮ ᱟᱭᱢᱟ ᱜᱟᱭᱟᱱ ᱦᱚᱸᱭ ᱚᱞ ᱟᱠᱟᱫᱟ᱾
ᱢᱟᱹᱱ ᱟᱨ ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱶᱦᱮᱫ ᱪᱟᱨᱪᱟ ᱟᱨ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱞᱟᱹᱜᱤᱫ ᱩᱱᱤ ᱫᱚ ᱟᱭᱢᱟ ᱢᱟᱹᱱ ᱟᱨ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ᱾
- ᱵᱟᱸᱠᱩᱲᱟ ᱦᱚᱱᱚᱛ ᱥᱮᱱᱮᱞᱮᱫ ᱠᱩᱢᱩᱴ ᱯᱟᱦᱴᱟ ᱠᱷᱚᱱ ᱑᱙᱙᱒ ᱥᱮᱨᱢᱟ ᱨᱮ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱩᱱᱩᱭᱦᱟᱹᱨ ᱥᱤᱨᱯᱷᱟᱹ ᱾
- ᱑᱙᱙᱓ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱠᱷᱚᱱ ᱜᱩᱱᱤᱡᱚᱱ ᱢᱟᱹᱱ᱾
- ᱑᱙᱙᱙ ᱥᱮᱨᱢᱟ ᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱦᱴᱟ ᱠᱷᱚᱱ "Award of Honour"᱾
- ᱒᱐᱐᱔ ᱥᱮᱨᱢᱟ ᱨᱮ Central Institute of Indian Culture - ᱡᱳᱲᱫᱟ ᱪᱟᱸᱜᱟ ᱠᱷᱚᱱ "ᱯᱚᱸᱰᱮᱛ" ᱢᱟᱹᱱ᱾